Iivesi zeBhayibhile ezithandwayo ezisuka MATIYE 10

Share

«Aŋ golə la, ten vaŋ ha'aŋ damdi kaamaŋ adəwaldə kaaya kə pəəri ana. Aŋ jəə kusrəŋ la də hel damdi hənjiŋ ana, daana kel kə bayməlaŋ a ji ku tarməyaŋa ba, damdi abaakuŋ ana.

Hulum bə minti bele minti tó jəə la caw saksakiŋ, wə bese dədərgə du wəra haa bese ɗaw. Səma hulum bə minti bəsaŋ dədərgə du ne wəra gud kel dənaŋ, wə fəlaŋ dədərgə du wəra faɗi.»

Aŋ a ji walka kasi kaa gə minti awaŋ kusrəŋ wəra təwa, anaaŋa yə paapa gə nakə-neke bə awaŋ tiirəŋ baŋ ba. Aŋ jəə walka la ɗaw haa kasi Pep bə minti wəra bə nakə-neke bə awaŋ kusrəŋ wəra də tiirəŋ keɗe daana bə vay dər cəwaŋaŋ.

Hulum bə minti haŋ kəbaŋ gə larga nuutuŋ baŋ, wə haanan bəlam dən bə gəm, wə neke bə ji hulum bə guudən ba.

Hulum bə minti waatənan səman ne wəra kəkər minti tó katən, ten də kusrən ha'aŋ, ten waate yaŋ wəra kəkər tiinə Barən bə apəyaŋa minti wə haa hulum katən gəm. Səma mindi mindi mo maltaŋ ku ne wəra kəkər tiinə kaŋa minti tó asnan baŋ, ten də kusrən ha'aŋ, ten malte kun yaŋ tiinə Barən bə apəyaŋa minti ten əsnu bə gəm.»

Aŋ seertə kaa kə ɗemeŋ la wəra, aŋ kuntə kaa kə mee-meŋ la wəra, aŋ koltə kaa kə fə̃yaŋ la wəra pəsaŋ, aŋ sarmə kəwal gə cəərə kaŋ la wəra. Aŋ a fəlaŋ kar teŋ haa boobo, aŋ əytəy la a kaŋ haa boobo gəm.

Bədoona ana, aŋ a ji walka ba, kel dəŋ dəŋaŋ ahir kampa ablaw!

«Aŋ a ɗiki minti ten bəŋ haa də kəkaɓiŋ cəərə seŋkaŋa ba. Ten bəŋ paapa də kəkaɓiŋ ba, ten bəŋ də kel gə minti koloŋ yaŋ bə ɗalte kumsəŋa.