Iivesi zeBhayibhile ezithandwayo ezisuka Marku 13

Share

Asui kuaita miraita panye puxi kuri aintaumaa penye serera resewara. Maa kua uaguentariwaa ate umanu Deus umukaturu kuri ae.

Pemaa pesui, pesaru puranga, nyãse tipekuawa mairame kuri sangawa usika.

Asui aintaurasu irumu kuri penye aintaumbeu arama peresewara tepemanduari mayetaa pepurungita ainta supe senundere pepurungita, nyãse pembeu kuri kua Deus uxariwaa penye arama nyãse timaa kuri penye pepurungita maa kua Espiritu Santu upurungita.

Upawa kuri iwaka ara yuiri maa senyenga tikuri upawa.

Tikuri awa ukuawa mairame sangawa, nẽ anjuita iwaka kiti, nẽ Deus raira yuiri, anyunte yanepaya ukuawa.

Maa pesendu rame kuri aintaumbeu kera rese aintaumunya kuri kera, tekuri pesikie nyãse yawe kuri aintaumunya maa umbaare upawasawa.

Sesewara pesaru puranga nyãse tipekuawa mairame uyuiri kua uka iyara u karuka rame u pituna piterupi u galu unyengari rame u kuemaite. Yawaite uri tipukusawa maa rese penye, yawaite uwasemu penye pekiri pukusawa. Ape kua hambeuwaa penye arama hambeu ainta supe arama panye, pesaru arama puranga ae.

Asui aintausu aintaumunya kera amu miraita irumu, yawete yuiri guvernuita aintarapixara amuita guvernu irumu. Asui uriri iwi siya tetama, yumãsi kuri yuiri, yawe kuri aintauyupiru aintaupurara.

Maa aintaurikute aintaumbue primeru kua inyenga purangawaa ainta supe panye kuaita miraita mundu kiti.

Siya kuri uri serera rese aintaumbeu kuri: —Ixete Kristu, aintauganani kuri siya miraita.

—Maa pemaa katu pesui, nyãse aintaurasu kuri penye serakuenawaita ipiri aintaumbeu arama perese, ape kuri aintaunupa penye sinaguga upe, asui kuri aintaurasu penye guvernuita ipiri tuixawaita ipiri yuiri seresewara pembeu arama petestemunyu supiwa perese.

Ape kuri kuaita umbeuwaita Kristu ainta, amuita umbeu utitikawaita ainta aintaumunya kuri tiwaitare yamunya, aintaumunya kuri yuiri purangawaita yawe aintaumukame miraita umaa aintauganani arama ainta, sã maa aintaupuderi rame aintauganani Deus uparawakawaita.

Asui kuri nyã ara aintaupurara rire pitunawasu kuri kua kurasi asui yasi tikuri umuturi. Asui kua estrelaita aintauwari kuri iwaka sui asui kuaita kirimbawawaita uikuwaita iwaka rese aintauriri kuri.