Iivesi zeBhayibhile ezithandwayo ezisuka Yohane 15

Share

Ine ndine mphereska yo, imwe mwe mphanda zo; wakujaririya mwaku ine, ndi ine mwaku iyo, mweniyo ndiyo wapasa vinandi: chifukwa kwambura ine kuti muziŵa kuchita kanthu cha.

Jani mwaku ine, ndi ine mwaku imwe. Mo mphanda yirive nthazi kujipasiya yija, kwambura kuti yijaririya mu mphereska yo, viyo so chingana ndimwe, kwambura kuti mujaririya mwaku ine.

Asani mujaririya mwaku ine, ndi mazu ghangu ghajaririya mwaku imwe, chose cho mungakhumba pemphani, ndipo chikuŵiyeninge

Kuti ndimwe mungusankha ine cha, kweni ndine ndingusankha imwe, ndipo ndingukumikani, kuti mukapase vipasi, ndi kuti vipasi vinu vijaririye; alinga kuti chose cho mungapempha Dada mu zina langu, wakupaskeninge.

Chanju chikuru kwakuruska cho munthu wangaziŵa kuŵa nacho pa ŵabwezi ŵake, nkhupereka umoyo wake ku chifwa chaku wo.

Mphanda yose mwaku ine yambura kupasa, atiyipantha: ndipo yose yakupasa atiyitenguliya, mwakuti yipase vinandi.

“Lenili ndi languli langu, lakuti, mwanjane, nge ndimo ine ndakwanjiyani.

Mwaku chenichi akankhuskika Ada, pakuti mupasa vinandi; ndipo viyo muŵenge ŵasambizi ŵangu.

“Ine ndine mphereska yeneko, Ada mbalimi.

Asani munthu wareka kujaririya mwaku ine, wapong'eka kubwaro nge ndi mphanda, wamira; ndipo ŵaunjika mphanda zo, watizipong'a mu moto, ndipo zitocheka.

Vyenivi ndakukambiyani, alinga kuti chimwemwe changu chiŵe mwinu, ndi kuti chimwemwe chinu chifiskike.

Asani musunga marangu ghangu, mujariryenge mu chanju changu; ngendimo ine ndasungiya marangu gha Ada, ndipo ndijaririya mu chanju chawo.

Ichi ndicho nditukulanguliyani, kuti mwanjane.

Asani mwenga ŵa charu ichi, mphanyi charu chamwanjani nge mbanthu ŵapa mtima wake: kweni chifukwa kuti mwe ŵa charu cha, ine ndakusankhani mu charu, chifukwa chenichi chikutinkhani charu cho.