Iivesi zeBhayibhile ezithandwayo ezisuka Yɔni 14

Yabelana

“Mathɛbɛ mɛna peye yaŋ bena; mathɛbɛ niŋ maŋ siiya mɛna dunkune yaŋ bena. Yaŋ sa dunkuŋ mathɛbɛ nɔŋ na kafay woŋ dunkune siiya na ye. Baŋ ni thathukuma ndeŋ thaŋ yaagba; baŋ payɔ.

Yisɔs ni niŋ yaabi ba dɔma, na “Yama gboŋa baŋ, nɔndi baŋ, mɛnɛ sii baŋ. Wɔ sa key ka Fandaŋ ka yɔkɔŋ afuŋe kiyaŋ.

Yisɔs tepe bakarandeni nama beŋ, na “Baŋ ni ba thathukuma ndeŋ thaŋ niya yaagba. Niyaŋ Masaala na lanɛya, awa e beŋ hɛlɛŋ yama niya lanɛya.

Bamase wo dɔma Yina wo ka Masaala woŋ, wo Fandaŋ woŋ ŋindi ka keŋ kukiyaŋ koŋ woŋ, ndɛ kɔŋ bena si thanani bɛyiniŋ fooma awa e ndɛ niya ba beŋ siyuwa bɛyiniŋ fooma ba thanki yaŋ bena tepe baŋ.

“Wɔ yo wɔ wo yɛrɔkɔy yamariŋ niŋ baŋ, awa e ndɛ bɛŋ putuyɔ, wɔ bɛina na thimo yama woŋ. Fandaŋ woŋ kɔŋ thimo wɔ yo wɔ wo yama thimo, awa yaŋ hɛlɛŋ nɛnɛ yaŋ kɔŋ niŋ thimo e yaŋ niŋ tɔŋinɔkɔ.”

Yaŋ kɔŋ thɔnthɔŋɔŋ Fandaŋ na, awa ndɛ kɔŋ bena dunkune Bamase wohɛna wo si niyɔ iŋ beŋ kɔy yo kɔy. Bamase wobɛina na Yina wo si tɔŋɔŋ nɔndi baŋ ba Masaala. Biya bi kafaydo beŋ sa kiŋ punku yɛrɔkɔ ka thathukuma namɛŋ thaŋ, baa bindɛ sa niŋ punku kuta maa ba niŋ kɔthɔ. Kɛrɛ beŋ kɔthɛŋ niŋ, baa ndɛ niyɔy iŋ beŋ, awa ndɛ kiŋ kaake kendeŋ.

Awa yaŋ kɔŋ bena niyiyɛ bɛy yo bɛy ba beŋ thɔnthɔŋɔŋ kaŋ hina yama keŋ, wuna yiki ba ka Fandaŋ woŋ baŋ tɔŋinɔkɔ maŋaye kiyaŋ, Hati nama woŋ. Mɛnɛ beŋ hiŋ keŋ niŋ koŋ ka thɔnthiŋina yama ba bɛy yo bɛy, yaŋ kɔŋ bena bɛŋ niyiyɛ.

“Mɛnɛ beŋ athimo yama, beŋ kɔŋ mɛy yamariŋ niŋ baŋ.

Makonkoiŋ mabɔyɛ ma kiŋ ka banka ka Fandaŋ ka. Awa yaŋ kɔŋ key ba ka kɔsinɔkɔ ka tha ba beŋ. Yaŋ sa nde nɛŋ bena tepe mɛnɛ nɛŋ kutɛ huŋ.

Naa yaŋ thanki ka kɔsinɔkɔ ka tha ba beŋ, yaŋ kɔŋ hɛlɛŋ bena seeyɛ ba niyɔ iŋ yaŋ. Wuna beŋ niyɔ ka yaŋ niyɔ.

Thɔmɔsi thɔnthɔŋɔŋ niŋ, na “Mariki, miŋ siseketa kɔthɔ ka yi key gbeeŋ; bɛna nama miŋ kothiye gboŋa baŋ ba kɛndɛ kaa?”