Iivesi zeBhayibhile ezithandwayo ezisuka Lukas 12

Share

Sababu gena-ge, ngini nena-ne ḏi'i balasu ni maḏu-ḏuanga ḏua, sababu Ngoi, Manusia Ma Ngowa'a Nau'u, 'Ari ta-sapolo moju ma 'orasa ni masiwaro ua.”

Mada'a siḏibo ḏi'i, ngini ni makutale ni 'ahu mete'e Ma Jou'ongu Madutu sa'olo ninga 'Olana. Ḏua Unanga 'o pula'a 'ori i'a mo-moini ḏi'i ga'a ngini ni paralu.

Gena ḏua, Yesus 'o kanau i'a toma ngowa'a repe, “Ni ma'istiari! Awa singadolo ni da-danata. Sababu, kalaha ni masidowunu 'ori i'a rana toma dungia, manusia manga 'ahu ma cimi 'i tegoro ua toma 'ori i'a rana gena-ge!”

Sababu ninga harata na gare gena ngi'a, 'akala re sinyingara mai gena ngi'a ḏi'i!

Re ḏi'i kalaha pa'i jam rimoi ḇato tai 'umuru ma giḏanga 'a guna ra ngini ninga sigolona nga'unu 'a dogo sababu 'o madodato?!

Ḏua Yesus 'o kanau i'a Tai me-mete'e, “Sababu gena-ge, Ngoi to siajele ra ngini nena-ne: Awa ni dodato mangale ninga 'ahu: 'oru ga'a ni oromo. Re ḏi'i awa ni madodato mangale ninga lese: 'oru ga'a ngini na pake!

Ninga utu taninga sae'e mai, Ma Jou'ongu Madutu 'a waro ma repe. Dadi awa ni dodato sababu ngini lebe la-lamo'o reo namo cuḇili ma repe!”

Ngini mojongo awa kalaha ni repe ua re ni te'e ua! Sababu Ma Jou'ongu Madutu 'o sanangi sidadi ngini Unanga 'ai ngowa-ngowa'a.

Ni tailako la-la namo ḇokaka. Enanga 'i so'ana mai ua, 'i 'utu'u mai ua re ma titila mai cua! Mada'a Ma Jou'ongu Madutu 'a pula'a enanga ma ngo-ngoromo! Ngini lebe la-lamo'o i'a reo namo-namo gena-ge.

Awa ni madodato re ninga 'akala le-leanga mangale 'oru ga'a ni oromo bolo 'oru ga'a ni ka'e.

Saya-saya toma goroa 'i konyo wangere nange-ne, re da-daini ngowa'a ya tau'u. Kalaha so'o gena-ge, Ma Jou'ongu Madutu 'a diai saya-saya gena-ge lai rousu masala. Dadi ma la-lamo'o i'a ḏi'i Unanga 'o diai ngini! Dadi i'a sa'olo ninga ngo-ngaku pa'i ceka'a ua ra Ma Jou'ongu Madutu ḇato!

'Oru ḇato ga'a 'i go-gogono nange-ne, ḏuanga i'a 'i supu, 'oru ḇato ga'a rahasia nange-ne, ḏuanga i'a 'i waiti.