Iivesi zeBhayibhile ezithandwayo ezisuka Ore i mexü̃ ga Luca ümatüxü̃ 11

Share

Rü pema nax pichixecümachiréxü̃ rü nüxü̃ pecua̱x nax mexü̃ i ãmare pexacügüna pexãxü̃. Natürü Penatü ya Dauxü̃gucü rü ngẽmaarü yexera i memaexü̃ tá inaxã, rü tá tüxna nanamu i Naãxẽ ya Üünexü̃ ya yíxema naxca̱x íca̱xe —ñanagürü ga Ngechuchu.

Rü ngẽmaca̱x pemaxã nüxü̃ chixu rü: ¡Naxca̱x ípeca! Rü Tupana rü tá pexna nanaxã. ¡Rü Tupanaxü̃tawa naxca̱x peda̱u̱x i norü ngü̃xẽxẽ! Rü tá nüxü̃ ipeyangau. ¡Rü ĩã̱xwa nüxna pecagü! Rü tá pexca̱x nayawãxna i ĩã̱x.

Erü guxãma ya yíxema naxca̱x íca̱xe rü tanayaxu, rü guxãma ya naxca̱x dauxe rü nüxü̃ itayangau. Rü guxãma ya ĩã̱xwa nüxna cagüxe, rü tümaca̱x tá nayawãxna i ĩã̱x.

Rü Ngechuchu ñanagürü nüxü̃: —Rü ngẽxguma peyumüxẽgügu rü ñaperügügü tá: “Pa Tonatü ya Dauxü̃gucüx, rü aixcüma Üünecü quixĩ i cumax. ¡Rü núma naxũ nax torü ãẽ̱xgacü quixĩxü̃ca̱x! Rü tanaxwa̱xe i curü ngúchaü̃ nax naxügüxü̃ i duü̃xü̃gü i ñoma i naanewa, ngẽma daxũguxü̃ i naanewa nax curü ngúchaü̃ ínaxügüxü̃rüxü̃.

¡Rü toxü̃́ nüxü̃ irüngüma i torü pecadugü! Erü toma rü ta tüxü̃́ nüxü̃ itarüngüma ya guxãma ya yíxema guxchaxü̃ toxca̱x ínguxẽẽgüxe. ¡Rü taxṹ i chixexü̃pe̱xewa toxü̃ cuwogüxü̃ nax tama nagu tayixü̃ca̱x!” —ñanagürü.

¡Rü toxna naxã i torü õna i wüxichigü i ngunexü̃ca̱x ixĩxü̃!

Cuxetügü rü ñoma wüxi i omürüxü̃ nixĩ i cuxuneca̱x. Rü ngẽxguma cuxetügümaxã mexü̃ca̱x cuda̱u̱xgu rü guxü̃ma i cuxune rü ngóonexü̃wa nangẽxma. Natürü ngẽxguma cuxetügümaxã ñoma i naanearü ngúchaü̃ca̱x cuda̱u̱xgu, rü guxü̃ma i cuxune rü ẽanexü̃wa nangẽxma.

Taxúema wüxi i omüwa tanangixichi nax tayacúxü̃ca̱x rüe̱xna wüxi i caechaũtüü̃gu tayaxǘcuchixü̃ca̱x. Natürü norü ǘchicaruü̃gu tanaxǘnagü nax ngéma tüxü̃ nabáxixü̃ca̱x ya yíxema duü̃xẽgü ya yimá ĩgu chocuxe.