Iivesi zeBhayibhile ezithandwayo ezisuka Ore i mexü̃ ga Cuáü̃ ümatüxü̃ 9

Share

Rü ñoma rü ta nangune rü name nixĩ nax naxüxü̃ i norü puracü ya yimá núma choxü̃ mucü. Erü paxa tá nachüta rü ngẽxguma rü taxucürüwama texé tapuracü.

Rü ñu̱xma nax ñoma i naanewa changexmaxü̃ rü ñoma i naanearü nangóonexẽẽruxü̃ chixĩ —ñanagürü.

Rü norü ngúexü̃gü rü nüxna nacagü, rü ñanagürügü: —Pa Ngúexẽẽruxü̃x, ¿Tü̱xcüü̃ ngexetüãcüma nabu ya daa yatü? ¿Ẽ̱xna nanatü rü naéarü pecadugagu rü ẽ̱xna noxrütama pecadugagu? —ñanagürügü. Rü Ngechuchu nüxü̃ nangãxü̃, rü ñanagürü nüxü̃: —Tama norü pecadugagu rü tama i nanatü rü naéarü pecadugagu nixĩ i ngẽmaãcü nabuxü̃. Natürü ngẽmaãcü nabu nax nawa nüxü̃ pedauxü̃ca̱x nax Tupana nüxü̃́ nangẽxmaxü̃ i pora nax namexẽẽãxü̃.

Rü yexguma ga Ngechuchu rü ñanagürü: —Ñoma i naanewa chaxũ nax chayadexechixü̃ca̱x i chorü duü̃xü̃gü nüxna i ngẽma tama choxrü ixĩgüxü̃. Rü nua chaxũ nax ngẽma ngexetügüxü̃ nayadauuchigüxü̃ rü ngẽma idauuchixetügüxü̃ rü ngexetügüxü̃rüxü̃ nax yixĩgüxü̃ —ñanagürü.