Iivesi zeBhayibhile ezithandwayo ezisuka MATIUS 8

Share

”Ta nga mu hakku meda'u?” ane Yesus, ”Do kura ko ne lua parahajha mu pa Ya.” Ta titu ke Yesus jhe jhege ne ngallu nga kolo nawa ne. Moko ta ketanna tu-tu dhangnge ke ne ei-lobo do naanne.

Ta bhale ke ri kattu horodhadhu do naanne, ”Tenge dho Ama ta kako la ammu ya. Jhamma dho Ama ta hamme pa ammu ya. Ta pereda he we Ama. Do ta ie dhangnge ma ne ddau jhagga ya ne.

Ta rangnge ri Yesus ne nga ne do pale ri kattu horodhadhu do naanne, dhai tarra Yesus ne madalae. Ta lii ke Yesus pa ddau-ddau do pedute No he pa dhara awe do naanne, ”Dhai tarra ne ddau do nadhe. Pa telora do Israel pengaddi de dho Ya ta peabu do mii mone-ae lua manno ddau do nadhe!”

Moko ta lii ke Yesus pa kattu horodhadhu ne, ”Bhale we au, rowi ne nga ne do parahajha ri au ne, naanne do ta jadhi.” Pa dhara awe naanne dhangnge ta ie ke ne ddau jhagga kattu horodhadhu ne.

Ta madalae ke ne ana hekola No he hari-hari. Ta lii ke ro, ”Nadu ke No dhe, hakku ta i'a pedute he we ne lipereda No ri ngallu nga nawa!”