Iivesi zeBhayibhile ezithandwayo ezisuka Yohanes 14

Share

Halok he, hit hinetaiken hapukhogon dogoagaluk an netaiken hapukhogon welagarek meke wokhisalok ligin o. Iti akhuni agat oba meke nen wogeisegarek iti hak wokhisagein dek iti nen, hinelabut hisik dogolik hinayuk agup o.

at Yesus nen, men yogokhikhe, “Holak inom, ebe wene inom, inilugurinakherek inom, iti an nebeat o. At tha nen an noba wageidek halok, nopase werekma ukusak motok erlok dek o,” iluk yogokhikhesik

At Yesus nen wene itithogon yogeisasikhesik nen, yabokane men yogeisasikhe, “Nagarumi. Hit hinakla nen, Eiye, iluk hinelabut hisik dogogup o. Hinetaiken Allah oba hakotdigik, an noba hakotdigik, hagakhe dogono o.

Wene iti an nebe hit ninom dogolik, yokhisekhe lagei. Meke re, an nopase nen at Agoreke hit yomakhisekhe dogoagaluk, an netaga baga usakhisasumo, at nen yi wene ti wene tha'bokhogonat yakulhisigik, an nen yokhisekhe lagei meke iti tha'bokhogonat hinakla ebethisigik, hagakhe dogogin o.

At tha nen, an nen, yigithogon hagakhe dogono, tigithogon hagakhe dogono, iluk yokhisigi meke iti, nane hologo hagakherek halok he, an nebe etaiken hunik meke at itiat o. Nen, nopase nen at iti etaiken hunigat o. Nen, an nen at iti netaiken hunik dogolik, nebe hutdanuagaluk yakulisigin o,” iluk yogeisasikhemo

Itithogon hagakhunem, hit yomakhisekhe dogolik, hinom motok dogobageik nen iluk, an nen nopase kino yogosumo, at nen at ageikhe usakhisasigin o. At iti ebe Allah Agoreke ebe wene yokhisekhe dogogin meke. Itithogon hinoba usakhisasumo, it akhuni agat oba meke nen, at iti ebe inokodegat. Nen, ebe inileken hugun degat, iti nen ebe waganusak erlok degat o. Itithogon mekeat he, hit anek he, at ebe hinom dogolik, hinakla motok dogogin iti nen, at ebe hinilu dogogun o.

Nen, at tha nen, yi meke ti meke an netaga palogo Allah kino yogokhe halok, an a'but nen hagakhunem, it akhuni nen nopase hogorasuagaluk, an nenat hagasigin o. Itithogon hagasigin iti nen, hit nen yi meke ti meke an netaga palogo kino yoknekhe dogono. Itithogon kino yoknekhep halok he, an nen hagasigin o,” iluk wene warisasikhe.

At Yesus nen wene itithogon warisasikhesik nen, wene ageikhe men yogeisasikhe, “Hit an hinetaiken hunik halok he, an nen hit yigithogon hagakhe dogono, tigithogon hagakhe dogono, iluk yokhisekhe lagei meke iti hagakhe dogogun o.

An nopase aila etoma, o hit dogoumo oboluk doalegat thelek werek o. Itithogon dek dogolepma, an o hit dogoumo kareli ligin, iluk yokhisele dek o.

An o etoma arat lalok hit hinaila arat karelogo 'biluk nen, an dogoginmo etoma ninom dogouok nen iluk, napuke wokhinabi isigin o.

at Tomas nen, men yogokhikhe, “Noe. O hat liginmo iti ninokodekma, holak iti nikithogon nen ninilu asusak o,” iluk yogokhikhemo