Iivesi zeBhayibhile ezithandwayo ezisuka San Lucas 12

Share

Anáguaba lebiꞌi, gualtseꞌe ubeda, cumu neti Benni unbiyuu daa iyyabaaha esíaya atti bittu leda lele.”

Lebiꞌi nna primero gualudo lele gualuni nu run ca benni rinnabia Tata Do Iyyabaaha. Benniha nna gutebe iyába nu reasinle.

Nianna re ca benni seꞌe nía: —Gualyú guele, bittu dhaxxatta lele nu te yies lo yu-ni, cumu läganu de gattaxxatta guele uni itíaruinle.

Cumu atta tua tsee elha tsee gueleha nna gue níaguaba rulaba lele.

Läganu benni te de ichachaba iquini nna unna itienna ladiba attu ura iqui de nu chi anca aca banna yies lo yu-ni.

Nianna rá Jesús ca benni rudheti ca tisa ruleꞌe: —Larcala nna rpea le: Bittu ichacha iquile gue nu gole qui aca banle, niguaba gue nu ucule lhe.

Anáguaba lebiꞌi, axta ca itsiquile-na coa ttuttucana babani Benniha. Larcala nna bittu gasinle, cumu lebiꞌi nna dacarlale atti ixe tsitsia ca binni-na.

’Bittu gasinle, lebiꞌi ca benni anca attiba carneꞌe quia. Masquiba läga ixele seꞌe, ttiaca Tata Do Iyyabaaha chi bedaa lee unie acale benni innabia len lee.

Gualgüia gue ca bequi-na, ca unna nna läga riguꞌucana xua, bittuguaba rolapacana lhe bittuguaba rigúa tsee guecani lhe. Läquiga de nua nna Tata Do Iyyabaaha gua rutebe nu ro ca unná. ¡Adílaba lebiꞌi dacarlale atti ca binni-na!

Larcala nna bittu ichacha iquile gue bixa gole, niguaba gue bixa iꞌiyale lhe. Bittu ulaba lele gue unní.

Gansi análi tsee run Tata Do Iyyabaaha ruleꞌe ca iyya daa ca lo yu-na ca nu nasá ralicana, uxxedilaba nna chi tsiacana lo gui, ¡läba ganna adírlaba tsee uni Ben-na len lebiꞌi, ca benni bittu chi ria tsee leni!

Cumu tsa lägabi te ttu bixa te gatsi, lä tsanni lobana, niguaba lä caa ttu nu raca sigá, lä unaba benni-na.