Iivesi zeBhayibhile ezithandwayo ezisuka IINDUMISO 91

Share

Yena uya kuthi: “*Ndikhoyo, ungumkhuseli wam; uyinqaba yam, wena Thixo, ndiya kuthembela kuwe.”

Lowo uhleli ekhuselwe nguPhezukonke, uhlala esemthunzini kaSomandla.

Akuzibika kum, ndiya kumva; ndiya kuba naye ezimbandezelweni, ndimhlangule, ndimbek' ezimbekweni

Kaloku woziwisela umthetho ngawe izithunywa zakhe wokuba zikugcine endleleni yakho

akwambathise ngamaphiko akhe, akufihle ekhusini lakhe, kube likhaka nekhuselo lakho ukuthembeka kwakhe.

Ngenxa yokuba uthembele ngoNdikhoyo, wamenza umkhuseli wakho uPhezukonke, akuyi kuhlelwa bubi; akuyi kusondela nasibetho emzini wakho.

Kuba nguye okuhlangula emgibeni wabakugcayiseleyo nakubhubhani wesifo

Nokuba kungawa iwaka ecaleni kwakho, neshumi lamawaka liwe likungqonge, akusayi kuchukunyiswa nto wena.

Akuyi koyika zingozi zasebusuku, nakuhlaselwa ngequbuliso emini, nabhubhani wangobusuku, nasifo sigqugqisayo emini emaqanda.