Iivesi zeBhayibhile ezithandwayo ezisuka IINDUMISO 139

Share

Ndikubonga ndikubulela ngenxa yomntu endinguye, ngenxa yokumangalisa nokukhwankqisa kwento endiyiyo. Ewe, iyakhamnqisa kambe imisebenzi yakho. Leyo ke into ndiyiqonde pheleleyo.

Ndibhenela kuwe, Thixo wam: khawundigoca-goce, undiphicothe, undiqondisise; ndivavanye uziqonde iingcamango zam! Ndiqwalasele, hleze ndithi kanti ndiphambukile; undikhokelele kwindlela eyeyona-yona.

Andithi na kaloku ndadalwa nguwe; nditsho mna kanye lo! Ewe, wandixonxa wandilunga-lungisa kwandisekumama.

Kaloku wena wandibona ndingekenziwa; imihla owandimisela yona yabhalwa encwadini yakho, ndingekayiqali nokuyiqala mna.

Ewe, *Ndikhoyo, undigoca-gocile, uyandazi.

Ndingamzimela ndithini uMoya wakho? Ndingasabela phi apho ungekhoyo khona?

Wena undazi ukusuka nokuhlala; iingcamango zam uziqonda zingekaveli.

Kaloku wena wazi ndingekathethi; ewe, Ndikhoyo, wazi nento endiza kuyithetha.

Mna andinako ukukunqabela nganto – nditsho ndihamba okanye ndilele, wena uyaziqonda iindlela zam zonke.