Iivesi zeBhayibhile ezithandwayo ezisuka UISAYA 12

Share

Ngenene uThixo ngumsindisi wam; ndokholosa ngaye ndingenadyudyu. NgoNdikhoyo ndomelele ndide ndimemelele, kuba kaloku nguye ondihlangulayo.

Njengalowo ukha amanzi emthonjeni lukwanjalo ke novuyo wakuba uluxhamla usindiso lwakhe.”

Masintyiloze sidumise uNdikhoyo, kuba wenze imisebenzi emikhulukazi; olu daba malufikelele ehlabathini jikelele.

Ewe, ngaloo mini niya kusuka nithi: “Masidomboze sibulele uNdikhoyo; ewe, masiqambe sinqule igama lakhe. Imisebenzi yakhe masiyibhengeze ezizweni; masishumayele sibuxele ubukhulu bakhe.

Ngaloo mini ke niya kudanduluka nisithi: “Ewe, ndiyakubulela, *Ndikhoyo, kuba nakuba ubundiqumbele suka wetha umsindo wakho, wajika wena wandithuthuzela.

Nditsho kuni, bemi baseZiyon, ndithi memezani nimemelele ngemihlali, kuba yena umi phakathi kwenu; ewe, yingangalala uYedwa kaSirayeli.”