Iivesi zeBhayibhile ezithandwayo ezisuka लुका 22

Share

“ओ बाब, अगर तू च़ाहा ई ता, मुकाऐ कु एस दुखा रौ खोरु पोरु निऊं। तैबै भी मेरी नाईं तुमारी मौरज़ी पुरी च़ांई हुई।”

पर मुंइऐ तैरै बारै दी परमेश्‍वरा कु औरज़ कौरी एरी आ ताकी तैरौ मुं माथै विश्वास खातम ना हुआ। और ज़ेबी तू पौरखणै बासिऐ, वापिस आशा लौ तेबी आपणै भाईऊ भी विश्वासा दी मज़बूत कौरा।”

तैबै यीशुऐ रोटी च़ुंगी और परमेश्‍वरा रौ धन्यबाद कौरीयौ चोड़ी और इणै बोलीयौ आपणै च़ेलेऊ कै देई कि, “इयौ मैरौ ज़िसम आ ज़ो तुमुलै दैऔ औन्दौ,। मुं याद कौरना लै इणौ कौरेऊ।”

इणै कौरीऐ रोटी खाइयौ यीशुऐ अंगुरा रै रसा रौ खोरु भी इणै बोलीयौ दैऔ, “एस अंगुरा रौ रस तुमै मैरौ लोऊ सौमझ़ौ ज़ो भौरी लोगु तिंउरै पापा कु बौच़ाउणा लै बौइणै वाल़ौ आ। मैरै मौरणै कु परमेश्‍वर लोगु आइलै एक नौऐं रिश्तै रौ वायदौ पाकौ कौरा आ।

यीशु भौरी दुखी हुइयौ प्राथना कौरदै लागौ, यीशु रै ज़िवा रौ दुःख एती बौड़ी गौ कि तेसरौ पसिनौ मानौ लोऊ रै टिपु बौणीयौ ज़मीना माथै पौड़दै लागौ।

पर तुमै इणौ ना बोलेऊ, ज़ुण तुमु मांझ़िऐ बौड़ौ आ तिणीऐ छ़ोटौ बौणनी, और ज़ुण आ परधान तिणीऐ बौणनी सेवा कौरणै वाल़ौ।

यीशुऐ शमौन पतरसा लै बोलौ, ‘हाऊं ताऊं लै बोलाऊ कि आज़ राची कुखड़ै रै बाशणे कु पैहलै आपणै मुंआ कु चिआ बारै बोलाई कि तू मुं नाईं ज़ाणदौ।’ ”