Iivesi zeBhayibhile ezithandwayo ezisuka यहुन्ना 12

Share

अगर कुण मेरी सेवा कौरा आ, ता तिणीऐ मैरौ च़ेलौ जा सा बौणनौ। और ज़िऐ हाऊं ऊ, तिऐ मैरौ च़ेलौ भी हुआ। अगर कुण मेरी सेवा कौरा, ता बाब तेसरी इज़्ज़त कौरा आ।

ज़ुण आपणै प्राण प्यारै सौमझ़ा आ, सेऊ तेस पोरु औरावा आ। और ज़ुण इऐं धौतरी दी आपणै प्राण प्यारै नाईं सौमझ़दौ, सेऊ सौदा री ज़िन्दगी झ़ांऊ तेस बौच़ावा आ।

हाऊं तुमुकै सौच़्च़ौ-सौच़्च़ौ बोलाऊ कि ज़ेबी झ़ांऊ गीऊं रौ दाणौ ज़मीना दी पौड़ीयौ मौरदौ नाईं, तेबी झ़ांऊ सेऊ एखुली रौआ आ। पर ज़ेबी मौरा आ, ता भौरी फल़ आणा आ।

हाऊं धौतरी माथै प्याशौ हुइयौ ऊ आशौ औन्दौ ताकी ज़ुण मुं माथै विश्वास कौरा सेऊ न्यारै दी ना रौआ।

अगर कुण मेरी बुशै शुणियौ नाईं माना लौ, ता हाऊं तिऊं आरोपी नाईं चाणदौ। कैलैकि हाऊं धौतरी रै लोगु माथै आरोप लाइंदै नाईं, पर धौतरी रै लोगु रौ छ़ुटकारै कौरदै ऊ आशौ औन्दौ।

तैबै मरियमै जटामांसी रौ आधौ सेर भौरी किमत्ती खुश्बुदार तेल आणियौ यीशु री लाता माथै पाऔ, और आपणै बाल़ा कौरी तेसरै लात गुशै। और तेला री खुशबु कौरी घौर खुशबुदार हुई गौ।

तैबै तिंउऐ खज़ूरा री डाल़ी नींई और तेसकु मिलदै डेवै, और हाकै देइयौ बोलदै लागै, “होसाना! आशीष वाल़ौ आ इस्राइला रौ राज़ौ, ज़ो प्रभु रै नावां कौरी आशा आ।”

एथ माथै यीशुऐ तिउंलै बोलौ, “सेज़ौ बौगत आशी गौ आ कि आदमी रै छ़ोहरु री बौड़ाई औआ।”