Iivesi zeBhayibhile ezithandwayo ezisuka EVASELIO A LUKA 17

Share

Pea nee ui leva e Sesu kia ia: Tuu ki oluga, alu; nee fakamauli koe e tau tui.

Pea kapau e agahala ia kia koe o tua fitu i he aho e tahi, pea e toe liliu tua fitu atu ia kia koe, o ui: E au fakahemala! E ke fakamolemole anai kia ia.

Ko he tahi o natou, i tana sio ake kua mauli i tona kilia, nee toe liliu leva ia, o fakakololia ki te Atua mo he leo lahi. Nee punou leva ia ki te kele ia vae o Sesu, o fakafetai kia ia. Ko he tagata Samalitana ia.

Koutou tokaga kia koutou totonu. Kapau nee agahala tou tehina kia koe, fakatonutonu ia; pea kapau e fakahemala ia, fakamolemole kia ia.

Nee palalau leva ia Sesu, o ui: Pe nee mole mauli fuli te toko hogofulu? Pe kofea te toko hiva ake ae?

Pea nee ui leva e te Aliki: Kapau e kotou mau he tui o hage ko te tegai sinapi, e kotou ui anai ki te sikomole* aeni: Mataaki ia koe, pea ke to ia koe i te tai; pea e fakalogo atu anai ia kia koutou.

Ko ae e faiga ke ina haofaki tona mauli e ina pulihi anai ia, pea ko ae e ina pulihi anai ia e ina toe mau anai ia.

Nee ui leva e Sesu ki ana tisipulo: E mole feala ke aua naa hoko ni fakahala; kae malaia ki ae e ina fakatupu te u fakahala! E lelei age kia ia ke nonoo he maka lomifulumeto ki tona kia, pea ke li ia ki te moana, i tana fakahalai he tahi i te u toe liliki aeni.

Ko te mea ae nee hoko i te temi o Noe, e toe hoko anai ia ia aho o te Foha o te tagata. Nee kai mo inu te u tagata, mo ohoana pea mo fakaohoana anatou fanau, o kaku ki te aho ae nee ulu ai ia Noe ki te aleka; pea nee to leva te lomaki, o ina fakamamate fuli natou.