Iivesi zeBhayibhile ezithandwayo ezisuka Kejadian 27

Yabelana

Sa minta Allah untuk kasi ko embun dari langit, trus kasi ko tana-tana subur di bumi sama gandum deng anggur yang banyak skali. Bangsa-bangsa nanti kerja untuk ko. Suku-suku dari bangsa itu juga, nanti tunduk hormat ko sampe ke tana. Ko nanti jadi kepala dari ko pu sodara dorang. Ko pu mama pu anana cucu juga nanti tunduk hormat ko sampe ke tana. Kalo sapa saja yang kutuk ko, nanti de dapa kutuk. Trus sapa saja kas berkat ko, de nanti dapa berkat.”

Esau bilang lagi, “Memang, de cocok deng nama Yakub suda mo, su dua kali ni de tipu saya! Sa yang anak pertama yang pu hak, tapi de su ambil. Baru skarang! De ambil lagi berkat yang bapa mo kasi untuk saya.” Baru de bilang ke de pu bapa lagi, “Bapa, trada berkat lain lagi ka untuk sa?”

Esau pu bapa Isak ni bilang sama de begini, “Anak, tempat yang ko tinggal nanti tu, jau dari tana-tana yang subur di bumi ini, trus tempat itu juga jau dari embun dari langit yang bikin tana subur. Ko nanti cari hidup deng baku prang, baru ambil ko pu lawan pu barang-barang. Trus ko yang nanti kerja untuk ko pu ade. Tapi, satu hari nanti, kalo ko memang usaha sunggu-sunggu, nanti ko bisa bebas. Ko trakan kerja untuk ko pu ade lagi.”

Esau bilang sama de pu bapa, “Bapa, bapa pu berkat cuma satu itu saja ka? Tolong kasi berkat ke sa juga ka, bapa!” Trus de bongkar mnangis.