Iivesi zeBhayibhile ezithandwayo ezisuka Johanị 14

Yabelana

Ngubalekela ulutēngāno, ngubapa ulutēngāno lwangu; ndịkubapa bo mụmo ikị̄su kịkubapēla. Mụngalalamụkaga mụndụmbụla syinụ, kangi mụnganyololokaga.

Umwene Jesụ alinkummwamụla alinkuti: Jo une ne njila, ne bwanalōlị kangi ne būmị. Najumo akabagila ukubūka kwa Tāta, pēne papo linga ịkwendela mmyangu.

Po papo Jesụ alinkubabūla alinkuti: Mụngalalamụkạga mụndụmbụla syinụ; amụmmwịtikege ịtolo Kyala, nanịne mụnyị̄tikege.

Lolị umwene Untūlị, Mbepo Mwịkemo, uju Tāta ịsakuntumaga mụngamụ jangu, jo ịsakubamanyịsyaga syosa, nukubakūmbusya syosa isị mmbabūlịle.

Uju linga alinasyo īndagilo syangu, kangi ịkusịkōnga, jo uju ānganịle une; lelo uju ānganịle une, jo ịsakuganịgwaga na Tāta, nanịne nịsakunnganaga, kangi nịsakwịbonesyaga kumyake.

Une nisakunsūmaga Tāta, jo ịsakubapaga Unjīlị ujūngi uju ịsakujaga nanụmwe bwịla. Nịkummbala ju Mbepo gwa nalolị, uju ikị̄su kikabagila ukummwambilila, papo kitịkummbona, kangi kitịkummanya. Lolị umwe mụmmēnye, namanga ịkwịtūgasya nanụmwe, kangi ịsakujaga nkati mmyinụ.

Fyosa ifị linga mụkusūmila mụngamụ jangu, fyo ānikubōmbaga, ukuti Tāta akabilege ubukulūmba mụ Mmwana. Fyosa ifị linga mụkusūmila mụngamụ jangu, fyo nisakubabōmbelaga.

Linga mụnganị̄le, po mwịsakusịkolaga īndagilo syangu.

Nnyụ̄mba ja Tāta bwịngị ubujo; linga bukālị̄mo angali mbabūlịle. Lilino nsụmwịke kukubatendekekesya ubujo umwe.

Lelo napa nikubūka kukubatendekekesya ubujo, ngwakwịsa kangi kukubēga umwe, nisakubūkaga nanụmwe kumyangu, ukuti kuno ndịko une ko nanụmwe mụkajege.

Po papo Tomasị alinkunndālūsya alinkuti: Malafyale, tukakumanya nakuno kubūka, lelo po twāti tujimanyege bulebule injila?