Iivesi zeBhayibhile ezithandwayo ezisuka Milʉ́mlʉ́ 1

Share

Bɨ̌n bé óbi nkûl ɨ́ jɔ̌ʼ Sísǐm mé Nzyɛ̌m ngá sulo bɨ́n ɨ́ menyʉ̂l yɨ́. Nó ó bɨ́n ngá boʼlo mílɔ̌b myâm, táare ɨ́ Yerʉ́zalɛm, le ɨ́ mekwár mé sí Yʉ́da mɨ́mɛ̂h, ndu e maá mé sí Samarî, tó pyâl ɨ́ medumo mé sí mɨ́mɛ̂h yɨ́.»

Yésʉs ntɔ̂ʼ yala e bé ó: «Bɨ̌n bé ajala le egʉ́a bíjɔʼ le mimbû Sɔ́ŋ wǎm ngá sâ bísyɛ́ɛla byé bí. Ebě, Sɔ́ŋ wǎm mʉr tɨ̂ʼ ó b'á tyêl bijɔʼ byaá e nkul jwɨ́ɨ́ yé nye mʉr tɨ̂.

Ɨ́ gúú móhó bé e boo nɔ́ɔ́, bé á be lɨ́ ede wɨ́, nye e bé ó: «Aduho gá Yerʉ́zalɛm, tô lɨ́ ejaa. Bɨ̌n a bónó sá Sɔ́ŋ wǎm á kɛʼ bɨ̌n yɨ́: yé ó sá mé á lɛ́ɛ bɨ̌n yɨ́. Ebě, Yʉánɛs nyɨɛ á dudu bʉr ó e medíbé. Yɨ́ kǎ lîʼ njɨ bwá mélû abuo, bɨ̌n bé ókǎ duŋɔɔ ó e Sísǐm mé Nzyɛ̌m.»

Jɔʼ nyé á sil esia e mitúú, ntɔ̂ʼ dwe yɨ́, nye nzě pah, duho lɨ́ odwe, nzě lɛ̂ʼle bʉ̂r o mílʉ́mlʉ́ bé nyʉ̂l nyé e nzɨ̌ bijwɨʼ ɨ́ buo buo, ó bé gʉ́ŋaa tyeetye ó, nye á kʉ be ó kublakúbla. Ɨ́ melû mekám ménâ maá, bé e boo nɔ́ɔ́ ó b'á bɨbe. Nye á lɨlɛ́ɛ bé ó, milɔ̌b mi Mpóʼo mé Nzyɛ̌m.

Jɔ̌ʼ Yésʉs á sil elɛ́ɛ milɔ̌b myaá yɨ́, nye nzě bɨ́nɔɔ ɨ́ jʉ́o kʉ́ ɨ́ míh mɔ́ɔ́. Píe tɨ̂, dwiné nzě búblo nyê. Nye ntɔ̂ʼ dîm bé ɨ́ mîh.

Bé dína mîh lɨ́ edwɛ̂ʼ kʉ́, lɨ́ ebeě mpʉ̌ Yésʉs á bɨ́nɔɔ kʉ́ yɨ́ nɛ́ɛ: bé kǎ twɨra ó, bʉr obá, bé ɨ́ mempah me nyʉ̂l e mikán ɨ́ pan pan. Bʉr baá ntɔ̂ʼ lɛ́ɛ e bé ó: «Bʉr ó Galilê, bɨ̌n di náǎ lɨ́ edwɛ̂ʼ jʉ́o kʉ́ ɨ́ di di di ɨ́ yé? Yésʉs, mʉr pɛʼɔɔ ɨ́ sɔ́má yɨ́n nyá, óbáʼǎ nze ó, mbi ngwár e ngwár bɨ̂n bee nyé lɨ́ ebɨ́nɔɔ ɨ́ jʉ́o kʉ́ nɨ̌.»