Iivesi zeBhayibhile ezithandwayo ezisuka Locya 22

Share

Maniring am, “Mo Ama, no si apyahen mo am pakarwen mo o yamasagpaw a alalaw ko an. Am ji mo mangozai o nakenakem ko, ta kapangozay mo do nakenakem mo.”

Am ko na nipeynozi imo. So ji na ablisi no nakenakem mo jyaken. No mamlis ka so nakenakem am vavagan mo sira o akma moy kakteh do cinai an.”

Meyratateng am ahapen na o pang a kasaray na nya ji Ama ta do to a kakcikcil na sya vonongen jira. Maniring am, “Oya rana am kataotao ko ya a mapatazadang jinyo do teyngato. So to nyo na amwamooni sya a iyapapaw nyo jyaken.”

Mateyka sira koman am akman so sang, ta ahapen na ni Yeso o kopo a yanan no potaw cyo. Maniring am, “Oya rana am rala ko a nimvoyog a omaing jinyo a yongkad no vayo a pangozayan a ciring na ni Ama ta do to.

Ta no kapeynozi na am tey meyngen o onowned na. So icyakman na so rala no anngennget na amiteng. Am arakorako pa o pasyasyan na ni Yeso ji Ama ta do to.

Am ji kamo akman so sang an. Ta o pakarakehen nyo am ji na pahama o nakem na. O panirsirngen am inarahen na o kakma ney lamlamsoy a manidong so tao.

Maniring si Yeso am, “Mo Pite, ko pa ciring jimo am sicyamahep rana do itazokokok no manok am ipitlo ka omalalas jyaken.”