Iivesi zeBhayibhile ezithandwayo ezisuka matai 19

Share

isi teochʉmi to iesu 'o tesi, yainca: <o'ate peelʉi ta cou, at'inghi 'o hamo, tesi aa'pucva peelʉi.>

homoeno maica, o'ana mo i'vaho yoso 'e navconga, mamicu coni ci feango. ko'koeno, na isi yupa paepo'usna to hamo, o'ate eevaza ta cou.>

yut'inga to iesu: <o'amocu ohmulaeno ahta engha 'e seiso eni? <<no ahoisi, 'o nooe'oca ohsi teyai 'e hahocngʉ yaeza teyai 'e mamespingi.>> yainca to hamo: <<i'mi tan'e, 'e cou te mongoi to maameoi, tmuepohʉ 'o vcongʉ, micu cono feango 'emo yoso.>>

at'inghi isi yainca to iesu: <poa uhtan'e si 'o'oko, teav'a potani, maica 'omo yonto hpʉhpʉngʉ ne pepe ci mao'o'oko 'amoeno aʉlʉ mais'a 'emo maica ci cou.>

at'inghi, mo botngonʉ 'o moso muyo, tenala uafeihi, 'o moso uafeihi. tenala muyo.>

'upena na siya, nomio a'o ho teongasi na emoo, nanat'ot'ohaesa, maameoi, 'o'oko, ho ezoezoyʉ, te acʉha evei note tose'conza ci hnoo. a'vinano mayo no 'auesiesi nsou.

yainca to iesu: <hociteko peihcʉ'ho no a'sʉftonʉ, acʉha phieni 'o ezoezoyʉsu, faeni tomo thi'cia ci cou na peisu, tekocueno yaa yupasʉ ci te soangva ne pepe; atavei tekocu to'ofeihni a'o.>

yut'inga to iesu: <mainci osko tuocosi a'o namo natʉ'ca no <<mou'ʉmnʉ>> ci hi'hioa? moc'o cihi 'o mou'ʉmnʉ. hociko mici mayo no 'auesiesi nsou, 'antekoeno noʉt'ʉci 'o h'oesvʉta.>

te'o i'vaha eʉsvʉta muu, 'emo yuyupasʉ ci cou hoci mici tma'oko to hpʉhpʉngʉ to hamo, mo ngoveohe to lakuta hoci yʉh'ʉtʉ to koyu to feezo!>

te'o eʉsvʉta muu, 'e vcongʉ hoci o'te nomio no 'oha aʉtʉkcʉ, 'upena na siya hoci teongasi na vcongʉ ho i'vaho mevcongʉ no mocmo ci mamespingi, micu yaa kuisi no mseezo.>

isicu mi'usni to iesu 'o tesi ho yainca: <te'o a'ʉmta eʉsvʉta muu, hoci meelʉ 'o'oko to hpʉhpʉngʉ ne pepe 'emo yuyupasʉ ci cou. a'ʉmtʉs'a songoveoa!