Iivesi zeBhayibhile ezithandwayo ezisuka LUKA 12

Yabelana

Nenyo wokoni kaienyi nicha, angu Mwana wa Mdamu uchacha kwa saa mseimanyagha anduangi.”

Ela lolenyi kande Wuzuri ghwa Mlungu, na vilambo ivo vose uchamneka.

Nao ukawizera, “Manyenyi mkulindie na iriso, angu irangi ja mundu ndejiko andenyi ya ugho wungi ghwa mali uko naro anduangi.”

Angu andu koni mali rako riko, niko koni na ngolo yako ichaakaia wori.

Nani konyu kwa kusumbukia irangi jake, udimagha kujichuria wulacha mkonu ghumweri?

Nao Jesu ukawizera wanughi wake, “Kwa huwu namzera inyo, msakejisumbukia irangi jenyu, wei mchajaki, angu mimbi yenyu wei mcharwaki.

Hata maridia gha vongonyi konyu ghamerie kutalwa putu. Msakeobua, inyo moko na zoghori mbaa kuchumba mbeumbeu nyingi.

“Msakeobua inyo chagha kitini, angu yam'boie Ndeyo onyu kumneka ugho wuzuri.

Ririkanyenyi ngorusa nderilimagha, hata nderikuwidagha, hata kukwanya nganyenyi anduangi, na Mlungu wadarilisha. Na inyo ndemko wa zoghori kuchumba iro nyonyi anguwada?

Kwa huwu, msakelola mchajaki, angu mchanywaki, hata msakeja wasi.

Idana ikakaia Mlungu warirusha huwu nyasi ra mlambenyi riko idime na kesho raoma, na kukorwa modo, uchachumbaki kumrusha inyo wandu wa irumirio itini.

Angu ndekuwadie kindo chingi chifinikiro, chisechaawoneka worinyi, hata ilagho jingi jivisiro jisechaamanyika anduangi.