Iivesi zeBhayibhile ezithandwayo ezisuka KUZOYA 9

Share

Mlungu ukaghamba, “Ihi niyo alama ya ilaghano nijibonyagha aghadi ya ini na inyo, andwamweri na icho chose chiko moyo, na vivalwa vose vichaanugha nyuma. Nawika lusenge lwa vua andenyi ya mawingu nalo luchakaia alama ya ilaghano japo nijibonyagha na wurumwengu.

Iji lusenge lwadunga andenyi ya mawingu, nichaluzighana kukumbuka ijo ilaghano ja kala na kala jerewikiloghe aghadi ya Mlungu na icho chose chiko moyo chiumbilo, na mimbi yose iko ndoenyi.”

Mdamu oreumbiloghe kufwanana na Mlungu, kwa huwo uo ose uchaidia bagha ya mdamu, bagha yake ichadilwa ni mdamu wokoni.

Nao Mlungu ukamrasimia Nuhu na wana wake ukawizera, “Venyi mchurikie, muichure ndoe.

Icho chose chighendagha chiko moyo chichakaia vindo venyu, na sa iji koni neremnekieghe malemba ghikaie vindo venyu, namneka ivo vose wori.

Nyamandu rose, nyonyi rose, icho chose chiavuagha na samaki riko baharinyi richamuobua inyo; nani nariwika rose aisi ya nguma renyu.

Na inyo muve mchurikie, muichure ndoe kwa wungi.”