Iivesi zeBhayibhile ezithandwayo ezisuka Luglaa 6

Share

U biini faa chɔg werge maa, dikuu uŋ ma baa, ba du a hɛri hiŋ wia. A ra wii u ni.

Kɔraawiizi binni di na, di nɛra wichɔgaa kannɔ ba ni werge, nfɛrchɔgaa ni biinikpola bɛnnɛ ba faa dɔɔ.

Ama, Noowa waa wia faa par Kɔraawiizii.

Noowa de dui saŋa wiarɛ keŋ. Noowa bɛnnɛ faa ɛɛ nɛr la wia n deŋlee Kɔraawiizi be, u de dui saŋa. U faa ra hiŋ Kɔraawiizii.

Denii u ŋɔ, “N daŋ chɔgi a nɛra naa maa miŋ tawɛɛ naa, sela, zumbizi ani kuna la maa miŋ tawɛɛ, dikuubɛɛwiai, n biini bittɔɔ chɔgi dikuu miŋ ta a maa wia.”

Newea n faa wa wazɛɛ su durnya, di ra lul biihaana, Kɔraawiizi biibaala na a biihaana, di ba wesso, ba lizi banla banna nyiŋŋi di ɛɛ ba haana. Denii Kɔraawiizi ŋɔ, “Màá gil n Duma du newee ni di hanna la. U ɛɛ kunsiuliirɛ. Di haŋ lii zinaa di ra la, nɛr maa wàá ka di binni bɛri binni kalfa ni tokko.” A saŋa ani saŋa bɛl n wa helle, Nɛfilim faa du durnyaa. A saŋaa Kɔraawiizi biibaala ni newea biihaana faa lul biizi, ba hel kpabaa. Baabuu faa ɛɛ kpeglega di dɔɔ fɔŋŋa nɛr maa zum ba wia, di lii a saŋa di wa hel zinaa.

Noowa faa ɛɛ gunla maa Kɔraawiizi n bagluu la.

Denii Kɔraawiizi ŋɔ Noowa be, “N daŋ tuŋ newea ni ba dee maa. N daŋ chɔgi ba maa nyaamm, dikuu ba naari ni ba wichɔgaa werge maa wia.

Awia, nyiŋŋi daananaa di kuari muugberzenzeŋ bɛl, í wer di ra zuu u biini lugɔ dia. Nyiŋŋi kotaal ham u biini ni u harbɔɔ maa nɛnnɛ.

Kɔraawiizi faa binni a durnya, di waa wer, dikuubɛɛwiai, nɛra la maa n faa du de a saŋa hiŋ, dɔɔ machɔgaa ni biinikpolaa werge maa.

Lauri kunnyinee maa ni a dizi anɛɛgaa, u bal ni u niina, á du i be di gilɛɛ waa siuzi.