Iivesi zeBhayibhile ezithandwayo ezisuka Матфей 8

Share

– Не андый коркынчак болдыгар, ас бӱдеечи улус? – дейле, Ол, ӧрӧ туруп, јотконды ла талайды токтозын деп јакарып ийерде, тып-тымык боло берди.

Јӱс јуучылдыҥ јааны дезе каруу јандырды: – Кайракан! Сени айлыма кийдирерге турбас кижи эдим. Бир ле сӧс айт, јалчым јазылар.

Мыны угала, Иисус кайкады, кийнинде келип јаткан улуска айтты: – Чынын айдадым слерге: мынайда бӱдӱп турганды Израильдеҥ де таппадым.

Оноҥ Иисус јӱс јуучылдыҥ јаанына айтты: – Бар, бӱдӱмјиҥле, сеге болгой. Ол ло тарый јалчы јазыла берди.

Улус дезе кайкажып, айдыжып турдылар: – Салкын да, талай да Оныҥ сӧзин угуп турарда, бу кем болотон?