Iivesi zeBhayibhile ezithandwayo ezisuka Lükɛ̀n 17

Share

Kɩ Zhezü kɛ dɔ́ nɛ̀n le: “Tɔhú hɔ̀n; v'ankàẅì-bùtan lɔ bɩ́ mɛ́n die.”

Ke dú kɛ nɛ fɔndɔ́n mɛ́n andɛ̀n ɔbɔɛ̀n ɛnbì zri lɔ mɛ̀n, kɩ nɛ vá dɔ́ mɛ́n le: ‘Me boto m'ɛgbàn lɔ’, è bɩ ce nɛ̀n.”

Ɛnzri dú ɛmɛ̀n, ɛnvra léyi nɛ̀n kán ɔmu le nɛ́n kɔrɛ̀ nɔn, nɛ̀n vru ɛmɛẅi nɛ́n hɔ̀n nɛ mrɛ́n Ɔwɔ ɔmùan ɛwú sɩ́emɛ̀n. Nɛ̀n bore Zhezü ɛnan ziwú, nɛ̀n sɩ́ ezì ɛnhi, kɩ nɛ̀n tán yi ɔkùɛn. Ɔwrɔn ndɔ lɔ dú Samari-wrɔn.

Nyɛ́n wá esùva anvrɛnvrɛn! Ke dú kɛ ɔmuan-ẅì kɛ hán eci gbangbàn, ɛ̀ kran ankà è yé nɛ̀n. Ke dú kɛ nɛ ẅɛn ɛgbàn-bòtò hô, è bɩ ce nɛ̀n.

Zɛtɛn Zhezü kɛ dɔ̀ le: “Nyɛ́n anwrɔn ɛvà lɔ fɛn nyɛ́n kɔrɛ̀a? Kɛ̂ ɔmrɔ̀ ndɔ hɔ̀n lɔ, tɛyri yɔ dùɛ?

Ɛẅɛnwrɔn mrɛ́n ɔmùan le: “Ke dú kɛ nyɛ́n ẅɛn ankàẅì-bùtan sevri hán anjràkàn-ẅì hɔ̂, nyɛ lɛ dɔ́ ɛẅì-shi-tɛ̀ ndɔ lɔ le: ‘Fù v'edomɛ̀n ɛ̀ hɔ̀n ɛ̀ shɛ́n ecüe mɛ̀n’, kɩ eci lɔ kɛ lɛ hán.”

Ɔwrɔn léyi ke le ji n'ɛwúvà bɩdie-yri nɔn, kɛ lɛ zrɛ́n nɛ̀n; tɛ́n, ɔwrɔn léyi kɛ lɛ zrɛ́n n'ɛwúvà lɔ nɔn, ke le bɩ́ nɛ̀n kè die.

Zhezü kɛ dɔ́ n'ɛsɛnkɛn-bɔ̀ le: “Ɛnvra lɔ fɛn, eci-hán ke le dù ke le di anwrɔn ɛgbàn mɛ̀n. Tɛ́n, muzhie dú tán anwrɔn léyi ke le di ɔwrɔn ɛgbàn mɛ̀n nɔn! Zrɔ tán le nɛ tɛn ye bɩ́ obù ye mú nɛ̀n ɔbɔ̀n, ô yɛ kɔ́n nɛ̀n di ecüe, ndɔ lɔ zrɔ vrán hɩ le ye le teze nɛ̀n, ô nɛ̀n di ɛnẅì cɛ zri kpokpo ɛgbàn mɛ̀n.

Eci zri léyi wɔɛn Noe vra lɔ nɔn, eci zri lɔ de kɛ lɛ wɔɛn ɔwrɔnẅì Ẅì wúvà bì lɔ mɛ̀n nɔn. Anwrɔnẅì ke zî ɛci, ke mi ɛnshi, kɛ koran eyrì-koran, ɛnvra tɔ̀n hô ye yri y'edomɛ̀n hàn kɩ cɔ́ ɛnvra léyi Noe bru Ɔwɔ anhàka vri lɔ mɛ̀n nɔn: zɛtɛn ɛnshi-yɩ́-vra cɔ̀, wri yɔ lɔ fɛn.