Iivesi zeBhayibhile ezithandwayo ezisuka Lükɛ̀n 12

Share

Nyɛ́n krɔn kpéhɛn nyɛ́n nyɔn nyɛ́n mán, ɔmuhi ɔwrɔnẅì Ẅi kɛ lɛ vá wacɛ̀n wú léyi nyɛ́n sɩ̀ troɛ nɔn.”

Anhobɩ́ wúvà ankà kè dú ny'ankà shishi, kɩ Ɔwɔ kɛ lɛ tán nyɛ̀n hɩ le wɔrɔ nɔn.”

Kɩ nɛ dɔ́ yɔ lɔ fɛn le: “Nyɛ́n wá esùva, nyɛ́n ẅɛn ny'edomɛ̀n nyɛ́n sɔhɔ́ ɛnnɛ̀ncüì-di-ankà wú, ɔmuhi, ɔwrɔnẅì wúvà annànwɔrɛ lɔ, ke sɩ̀ dù n'ɛci hɔ̀n léyi nɛ́n ẅɛ̀n nɔn hɩ wú, ke dú kɛ nɛ̀n di ɛnnɛ̀ncüì anvrɛnvrɛn mán.”

Ɔmuhi, ɛyri léyi v'ɛnnɛ̀ncüì-dì-ci hɔ̀n lɔ ndù nɔn, nanvrɛn de v'ɛnbɔrɛ mán ndù nɔn.”

Ny'ɛmɛ̀n lɔ, antɔn de n'ɛnkrɛ̀ta kù kɛ lɛ ku nɛ̀n ɛnvra ɛmɛ̀n nɛ́n?

Zɛtɛn Zhezü kɛ dɔ́ n'ɛsɛnkɛn-bɔ̀ le: “Nyàn eci le kruhú léyi mɛ dɔ́ nyɛ̀n le: ɛnkrɛ̀ta ke bɩ́ ku nyɛ̀n ɛci-zî ankà kruhú mán edù-ku-ci léyi nyɛ lɛ ẅɛn edomɛ̀n nɔn yi wú.

Kɩ ny'ɛnkruẅíe dùku mán yɛ krɛ̀. Ɛnjansù ke bɩ́ ẅɛn nyɛ̀n: nyɛ́n ẅɛ̀n anhàn vrán annrɛ́n ẅì hɔ̀n bobrebe.”

“Ɛnjansù ke bɩ́ ẅɛn nyɛ̀n kɔ̀kɔ̀sɛ̀-kà cɛ! Ɔmuhi nyɛ́n Zi cüɛ̀n nɔn, de tán nyɛ̀n Anhobɩ́ Nɛ̀ncüì-dúyri nɔn.

Nyɛ́n crɛ̀ nyan annrɛ́n hɔ̀n: ye sɩ́ tɛ́ ɛci, ye sɩ́ kuɛ ɛci, ye sɩ̀ ẅɛ̀n ɛci-hɛ́n-yri, kɩ Ɔwɔ kɛ tán yɔ ɛci-zî! Nyɛ́n ẅɛn vɔnshɛ́ vrán annrɛ́n hɔ̀n!

Nyɛ́n bɩ́ di ny'edomɛ̀n ejüe, nyɛ́n ji ɔmu le nyɛ lɛ hán, ô nyɛ́n cɔ́ ɛci-zî mán ɛnshi-mì nɔn.

Ɔwɔ kɛ djrɔ́ ɛfi léyi dú ankɛ̀tɛ́ mɛ̀n nɔn ɛnshi, ɛfi zri lɔ dú ɛnyɔncì lɔ, ɛnɛ́n lɔ, ye le frɛ́ nɛ̀n ku ɛnhyà mɛ̀n; anhɔntan kɛ lɛ hán ke cì kɛ̂ nyɛ tɛn Ɔwɔ mumù ke sɩ̀ ku nyɛ̀n ɛci edù nɛ́n? Nyàn ɔmuhi ny'ankàẅì-bùtan cɛcɛ nɔn!

Ɛci-ban-ci hɔ̀n lɔ fɛn kɛ lɛ srɔ ɛntrɛ, kɩ yɛ lɛ cɔ́ ankà-bán-ankà lɔ fɛn ye nyrì.