Iivesi zeBhayibhile ezithandwayo ezisuka Matei 18

Yabelana

Ke kothe kai dui vai trin si kjidine ande muřo anav, me sim maškar lende.

Me mai phenav tumenge, te si ke dui anda tumende thon pe ande jekh than pe e phuv te mangen jekh diela vareso, voi avela tumenge dini katar muřo Dad kai si ande o čeri.

O Jesus, akhardias jekhe tsinoře šiavořes, thodias les maškar lende, ai phenel: Me phenav tumenge čačimasa, te na tume pařuven tume ai tume te na aresen sar le tsinoře šiavoře, tume či dena andre ande e amperetsia le čereski.

Sa anda kudia, varekon kai mukela pe prosto sar kado tsinořo šiavořo avela o mai baro ande e amperetsia le čereski.

Ai kon-godi lela ande muřo anav jekhe tsinoře šiavořes, sar kado, lel man.

Me phenav tumenge čačimasa, sogodi tume phandena pe e phuv avela phanglo ande o čeri, ai sogodi tume putrena pe e phuv avela puterdo ande o čeri.

Sa kadia muřo Dad anda o čeri kerela kadia anda tumende, te na sako anda tumende či jertila peske phraleske anda sa pesko ilo.

Numa, varekon te peravela jekhes anda kadala tsinoře kai patian pe ande mande, mai mišto avilinosas leske ke te phanden ka leski koř jekh bař ašavesko, ai te šiuden les ande o fundo la mariako.

So gindin tume? Te si jekh manuš ke si les jekh šel bakroře, ai ke jekh anda lende xasavol, či mukela vo le inia-var-deš ai inia pe o plai, te žial te rodel kudales kai xasailo?