Pele-Ata

<div class="version vid969 iso6393ata" data-vid="969" data-iso6393="ata">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Iesu Mu'avalou Sakiasi</div><div class="p"> 1Ioxe, Iesu mu'unalai no tuala ne Ieriko, la mulai a vile sou lexe ulai ne Ielusalemu. 2La itema vile a muxolu no tuala ne, ualasou lexe Sakiasi. Anu tila noxi'a ta mitema sou itaxusou lamoli, xe anu itema sou lavuluti tavu'alo. 3Ia mumasaxa lexe umaisou Iesu ne lexe Anu itema ma'ia. Ia umomomo sou umaisou uasi. Xo anu aii ataxu xe ta mitema tapiena musuku mitaluxu. 4La sou anu muiave muuli no anu vote'i ane Iesu unene'e no anu, la mutelai no ovu lovo vile sou lexe umaisou Iesu no mine anu une'e.</div><div class="p"> 5Ioxe, Iesu mune'e xe muxali no lia no ovu tava'u, la Anu iou mutelo xe mumaisou Sakiasi no anu ovu ne, la sou muvikalanu lexe, &#8220;Sakiasi, napalea nalu'e no lia. Xo vaimomo 'o, eni alai avile sou axolu no tani noxinesi.&#8221; 6La sou anu mupalea mulu'e no lia sou mu'osasou Iesu sou mulailixu no taasou.</div><div class="p"> 7 # Luk 15:2 Ta mitema mukalusi ne, mimaisou aloxo ne, la miavuti sou mimunumunuxu aloxo 'o, &#8220;Ngamaisou, Anu a mulai muxolu sou u'ani no tani noxou itema sou 'ili'ilixo masumasua.&#8221;</div><div class="p"> 8 # Mul 22:1; Iti 5:6-7 Ia Sakiasi muavuti, la mutulu sou muvikalanu Tila aloxo 'o, &#8220;Tila nalomu noxilo. Eni akalipalanu mimii noxilo ukalusi mo avelu xalee vilesi'a ta mitema ane i'a lavuluti uasi. Mo lexe eni e'oxo loloxu itema vile sou epakalinu miu vile, la eni akolinu miu ne alaxu tami'a.&#8221;</div><div class="p"> 9 # Luk 13:16; Apo 16:31 La Iesu muvikalanu aloxo 'o, &#8220;Vaimomo 'o, Lataua mupamauline'i ta tema tani ane 'o. Xo itema ane 'o ne kalumo anu Avalaamu 'ilusunu vile. 10#Luk 15:4; Ioa 3:17; 1Ti 1:15Xo Itema 'Olu ne mulu'e no lialia 'o sou ukamuline'i ta mitema, xe upamauline'i ane'i ane mixovulau.&#8221;</div><div class="s">Vaikala Tovola'isou Mina#19:11 Mina ne, lamoli noxi'a ta Iutaia sosovosou loxo Denalia itemaxu ta'uve. Mavulovexa</div><div class="r">(Mat 25:14-30)</div><div class="p"> 11Ane'i ixolu sou ilolomu noxou, la Anu muvikalane'i no anu vaikala tovola'i vile. Xo anu muxali 'alai ne Ielusalemu loxo ne, la ta mitema mixavutala lexe imaisou saxisaxila'u noxou Lataua no ie'i paleasi. 12La sou Anu muvikala aloxo 'o, &#8220;Itema tila vile mulutu sou mulai no tuala vile no paxa, sou lexe isosovosou sou uxali tatananu tuala, ka io sou ulivu une'e. 13La sou anu mu'avali'a ta mitema sou xaixai noxou mavulovexa mine'e noxou sou muvelunu lamoli e ilemolu lexe Mina ne vilevilesi momoxa'a. Io muvikalane'i aloxo 'o, &#8216;Ngaxaxaisou lamoli ano 'o utalo no anu voxo ane eni alivu ane'e.&#8217;</div><div class="p"> 14Ia ta tema tualasou imasaxau uasisi manina, la sou misosovosi'a ta mitema se'i sou mipalusi'a mimulinu sou mivikalane'i ta mitema no tuala ane anu mulai no anu ne aloxo 'o, &#8216;Nexi tamasaxau itema ane ne sou uxali tatananu tualasixe uasi.&#8217;</div><div class="p"> 15Ia ane'i misosovosou sou muxali tatana tuala mukalu, la mulivu mune'e no tualasou. Muxali no tualasou, la mukala anaxui'a ta mitema sou xaixai noxou ane anu muvelunu lamoliu noxi'a, mo sou ulavu lexe ane'i mixaxaisou mo mixalisou xolanu ta'ei mukalu.</div><div class="p"> 16Vile noxi'a mune'e noxou tei la muvikalanu aloxo 'o, &#8216;Tila, Mina noxine vile ane nini nelosilo ne, muxalixu xolanu Mina mavulovexa la.&#8217;</div><div class="p"> 17 # Luk 16:10 La tila noxou muvikalanu aloxo 'o, &#8216;Itema laixe sou xaixai noxilo, nini nexaxai laixe musuku. Xo nini nexaxai laixe no anu mii se ane kitu'a 'o, la eni amuxaxene sou nasaxila'u tuala mavulovexa.&#8217;</div><div class="p"> 18Xe ili'i, la ane tameisi'a mune'e sou muvikalanu aloxo 'o, &#8216;Tila, Mina noxine vile ane nini nelosilo ne, muxalixu xolanu Mina ta'uve la.&#8217;</div><div class="p"> 19La tila noxou muvikalanu aloxo 'o, &#8216;Eni amulaxene sou nini nasaxila'u tuala ta'uve.&#8217;</div><div class="p"> 20Xe ili'i, la ane tatalusi'a mune'e la muvikalanu aloxo 'o, &#8216;Tila, Mina noxine vile ane nini nelosilo ne, anu 'a. Eni ekuponu mo etalumeu muaisi. 21Xo nini namitema sou xaixai pekia'u. Mo nini nalavusou na'umenu mimii ane nini namulaxu uasi xe nalavusou naluvunu xai temanu ane nini natounu uasi. La sou eni e'umolu laxuneni.&#8217;</div><div class="p"> 22La tila noxou muvikalanu aloxo 'o, &#8216;Nini namitema sou xaixai masua manina noxilo, la sou eni alosine navunavu aloxo nini nelemolu ne. Xo nini nelavu lexe eni amitema sou xaixai pekia'u mo eni alavusou a'umenu mimii ane eni amulaxu uasi xe alavusou aluvunu xai temanu ane eni atounu uasi. 23Ia tava'u loxovaa, la sou nini namulaxu lamolixeni no anu taasou lamoli, mo sou eni alivu ane'e la ano'u ilou xolanu ua?&#8217;</div><div class="p"> 24Mukalu, la sou anu muvikalane'i ane'i ane itulutulu no pa'umolu aloxo 'o, &#8216;Nga'umenu Mina vilesisi ane noxou ne, mo ngalosou itema ane muxalixu Mina mavulovexa.&#8217;</div><div class="p"> 25La ane'i mivikalanu aloxo 'o, &#8216;Tila, anu ne muno'u Mina mavulovexa mukalu!&#8217;</div><div class="p"> 26 # Mat 13:12; Luk 8:18 La sou anu muvikalane'i aloxo 'o, &#8216;Eni avikalangengi aloxo 'o. Ta mitema ane mino'u mimii se'i ne, la Lataua ulosi'a mose'i la, xe ane'i ane ino'u mii sevile kitu'asi, la Lataua uxexeenu avile. 27Ia ane'i ta uluaxeni ane imasaxa lexe eni axali tatananu tuala noxi'a uasi ne, ngano'a ine'e noxilo mo ngave'a isolisoli no talaxo 'o.&#8217;&#8221;</div><div class="s">Iesu Mu'unalai ne Ielusalemu</div><div class="r">(Mat 21:1-11; Mak 11:1-11; Ioa 12:12-19)</div><div class="p"> 28Iesu muvikala aloxo ne mukalu, la Anu muavuti sou mulutu muvaxa ne Ielusalemu. 29Xe muxali 'alai no tuala ne Vetepaxe ilee Vetania e 'alai no laxa'ilu vile ilemo lexe Olivu, la mupalusi'a ta molomolo tamei noxou mo muvikalane'i aloxo 'o, 30&#8220;Ngongou ngalai no tuala e no laxungengi ne, xe nga'unalai, la ngamaisou donki 'ilie mulu vile ane mitalisou ka misakiinu mo a ututulu ne. Donki ne, evile utelo mo uxolu no anu uao. Ia ngongou ngalulusou mo ngano'u une'e noxilo. 31Lexe ngongou ngalulusou, io lexe itema vile utali'isinge ngongou lexe, &#8216;Loxovaa ane ngingi ngongou ngalulusou donki ne?&#8217; la ngongou ngakolinu lexe, &#8216;Tila noxixe mumasaxau sou u'oxonu xaixai no anu.&#8217;&#8221;</div><div class="p"> 32Ane'i tamei ane Iesu mupalusi'a miuli ne, milai mixali. La mixalisou mimii ane Iesu mulemo noxi'a ne mu'isalilisi. 33Xe no mine ane'i ilou ilulusou donki 'ilie mulu ne, la ta moosou mitali'isi'a aloxo 'o, &#8220;Loxovaa ane ngingi ngongou ngalulusou donki 'ilie ne?&#8221;</div><div class="p"> 34La ane'i ilou mikoline'i aloxo 'o, &#8220;Tila noxixe mumasaxau sou u'oxonu xaixai no anu.&#8221;</div><div class="p"> 35Ilou mino'u xe milai mixalixu noxou Iesu, la sou ane'i ilou mino'u 'ala'alasou vasime'a veveveeni ne sou mixavulalanu vaxa no latanu donki ne, ka sou Iesu mutelo mutalupexa no anu. 36Xe mulutu mulai, la ta mitema mixavulalanu 'ala'alasou vasime'a veveveeni ne no vote'i.</div><div class="p"> 37Anu mune'e xe muxali 'alai no vote'i molu no laxa'ilu ne Olivu mulue, la ta molomolo noxou tavu'alo mipita sou misoko mi'osa mo mi'ava'ava sou mi'itinu Lataua ualasou, xo tane'i mumulinu xavi no 'a sosovo tavu'alo ane anu mu'oxonu no ie'i.</div><div class="p"> 38 # Lex 118:26; Luk 2:14 La ane'i mi'ava'ava aloxo 'o,</div><div class="q1">&#8220;Lataua ualusou tatananu tuala ane IAUE mupalusou mo a unene'e 'o.</div><div class="q2">Mo ta'itinu Lataua ualasou teiteixi manina,</div><div class="q2">xo Anu mulosinge opo se'isisi molu no opo loxotolo mune'e noxinge no lia 'o.&#8221;</div><div class="p"> 39Ia ta Palisaio mose'i no taiine'i ta mitema tavu'alo ne, mivikalanu Iesu aloxo 'o, &#8220;Itema sou ulosixe lavulavu, nakaitolone'i ta molomolo noxine.&#8221;</div><div class="p"> 40La Iesu muvikalane'i aloxo 'o, &#8220;Eni avikalangengi lexe ane'i ixolu tasia'usi, la lavolavo'o 'o molu uavuti sou u'ava'ava.&#8221;</div><div class="p"> 41Iesu mune'e muxali 'alai ne Ielusalemu xe mumaisou tuala tila ane ne, la mutamasi'a ta mitema ane mixolu no anu ne. 42La muvikala aloxo 'o, &#8220;Ngingi, laixe lexe vaimomo 'o ngingi ngalavusou mii ma'ia ane ulosinge opo se'isisi, ia mii ane ne anu mutalume mo ngingi ngamomomo sou ngamaisou uasi. 43Ia ili'i no anu voxo vile, la ta uluamengi ine'e ivimelungenge mo ixalilingenge sou ialivulangengi avile. 44#Luk 21:6Ane'i ialivulangengi, la ipalepeipeingengi ngongi'a ta 'ilinge ane ngexolu no nano ne. Mo umomomo sou ane'i imalanixu lavo'o vile uai no latanu vile uasi, xo ngingi ngatongonu voxo ane Lataua mune'e noxinge o uasi.&#8221;</div><div class="s">Iesu Mukusai'a ta Mitema no Nano no Taasou Lalotu Tatila Noxou Lataua</div><div class="r">(Mat 21:12-17; Mak 11:15-19; Ioa 2:13-22)</div><div class="p"> 45Ili'i, la Anu mu'unalai no nano no taasou lalotu tatila noxou Lataua, la musoko sou mukusai'a ta mitema e mitata'olu mimii sou ta mitema ilotonu. 46#Ais 56:7; Iel 7:11La muvikalane'i aloxo 'o, &#8220;Ane'i mikaukavu no nano no Lavuku Tavuna teinu aloxo 'o. &#8216;Taasilo ne, ilemo lexe anu taasou lakilaka ulai noxou Lataua,&#8217; ia ngingi nge'oxo muxali loxo taasi'a ta mitema sou pakali sou italume no anu.&#8221;</div><div class="p"> 47 # Luk 21:37 No voxovoxo utotomu, la Iesu ulosieixa'a ta mitema lavulavu no anu vaikala noxou Lataua no nano no taasou lalotu tatila noxou Lataua. Ia ta tatila noxi'a ta aili'i mo ta mitema sou lapuloto ilo'a ta tatila noxi'a ta Iutaia e mixolu no nano no taiine'i ta mitema, itovo lexe ivau. 48Ia ane'i ixalisou vote'i vile sou ivau no anu uasi. Xo ta mitema tavu'alo mukalusi ne, ane'i mimasaxa manina sou ilomusou vaikala noxou Iesu.</div>
 </div>
 </div>
</div>

Ioxe, Iesu mu'unalai no tuala ne Ieriko, la mulai a vile sou lexe ulai ne Ielusalemu. La itema vile a muxolu no tuala ne, ualasou lexe Sakiasi. Anu tila noxi'a ta mitema sou itaxusou lamoli, xe anu itema sou lavuluti tavu'alo. Ia mumasaxa lexe umaisou Iesu ne lexe Anu itema ma'ia. Ia umomomo sou umaisou uasi. Xo anu aii ataxu xe ta mitema tapiena musuku mitaluxu. La sou anu muiave muuli no anu vote'i ane Iesu unene'e no anu, la mutelai no ovu lovo vile sou lexe umaisou Iesu no mine anu une'e.
Ioxe, Iesu mune'e xe muxali no lia no ovu tava'u, la Anu iou mutelo xe mumaisou Sakiasi no anu ovu ne, la sou muvikalanu lexe, “Sakiasi, napalea nalu'e no lia. Xo vaimomo 'o, eni alai avile sou axolu no tani noxinesi.” La sou anu mupalea mulu'e no lia sou mu'osasou Iesu sou mulailixu no taasou.
Ta mitema mukalusi ne, mimaisou aloxo ne, la miavuti sou mimunumunuxu aloxo 'o, “Ngamaisou, Anu a mulai muxolu sou u'ani no tani noxou itema sou 'ili'ilixo masumasua.”
Ia Sakiasi muavuti, la mutulu sou muvikalanu Tila aloxo 'o, “Tila nalomu noxilo. Eni akalipalanu mimii noxilo ukalusi mo avelu xalee vilesi'a ta mitema ane i'a lavuluti uasi. Mo lexe eni e'oxo loloxu itema vile sou epakalinu miu vile, la eni akolinu miu ne alaxu tami'a.”
La Iesu muvikalanu aloxo 'o, “Vaimomo 'o, Lataua mupamauline'i ta tema tani ane 'o. Xo itema ane 'o ne kalumo anu Avalaamu 'ilusunu vile. Xo Itema 'Olu ne mulu'e no lialia 'o sou ukamuline'i ta mitema, xe upamauline'i ane'i ane mixovulau.”


Ane'i ixolu sou ilolomu noxou, la Anu muvikalane'i no anu vaikala tovola'i vile. Xo anu muxali 'alai ne Ielusalemu loxo ne, la ta mitema mixavutala lexe imaisou saxisaxila'u noxou Lataua no ie'i paleasi. La sou Anu muvikala aloxo 'o, “Itema tila vile mulutu sou mulai no tuala vile no paxa, sou lexe isosovosou sou uxali tatananu tuala, ka io sou ulivu une'e. La sou anu mu'avali'a ta mitema sou xaixai noxou mavulovexa mine'e noxou sou muvelunu lamoli e ilemolu lexe Mina ne vilevilesi momoxa'a. Io muvikalane'i aloxo 'o, ‘Ngaxaxaisou lamoli ano 'o utalo no anu voxo ane eni alivu ane'e.’
Ia ta tema tualasou imasaxau uasisi manina, la sou misosovosi'a ta mitema se'i sou mipalusi'a mimulinu sou mivikalane'i ta mitema no tuala ane anu mulai no anu ne aloxo 'o, ‘Nexi tamasaxau itema ane ne sou uxali tatananu tualasixe uasi.’
Ia ane'i misosovosou sou muxali tatana tuala mukalu, la mulivu mune'e no tualasou. Muxali no tualasou, la mukala anaxui'a ta mitema sou xaixai noxou ane anu muvelunu lamoliu noxi'a, mo sou ulavu lexe ane'i mixaxaisou mo mixalisou xolanu ta'ei mukalu.
Vile noxi'a mune'e noxou tei la muvikalanu aloxo 'o, ‘Tila, Mina noxine vile ane nini nelosilo ne, muxalixu xolanu Mina mavulovexa la.’
La tila noxou muvikalanu aloxo 'o, ‘Itema laixe sou xaixai noxilo, nini nexaxai laixe musuku. Xo nini nexaxai laixe no anu mii se ane kitu'a 'o, la eni amuxaxene sou nasaxila'u tuala mavulovexa.’
Xe ili'i, la ane tameisi'a mune'e sou muvikalanu aloxo 'o, ‘Tila, Mina noxine vile ane nini nelosilo ne, muxalixu xolanu Mina ta'uve la.’
La tila noxou muvikalanu aloxo 'o, ‘Eni amulaxene sou nini nasaxila'u tuala ta'uve.’
Xe ili'i, la ane tatalusi'a mune'e la muvikalanu aloxo 'o, ‘Tila, Mina noxine vile ane nini nelosilo ne, anu 'a. Eni ekuponu mo etalumeu muaisi. Xo nini namitema sou xaixai pekia'u. Mo nini nalavusou na'umenu mimii ane nini namulaxu uasi xe nalavusou naluvunu xai temanu ane nini natounu uasi. La sou eni e'umolu laxuneni.’
La tila noxou muvikalanu aloxo 'o, ‘Nini namitema sou xaixai masua manina noxilo, la sou eni alosine navunavu aloxo nini nelemolu ne. Xo nini nelavu lexe eni amitema sou xaixai pekia'u mo eni alavusou a'umenu mimii ane eni amulaxu uasi xe alavusou aluvunu xai temanu ane eni atounu uasi. Ia tava'u loxovaa, la sou nini namulaxu lamolixeni no anu taasou lamoli, mo sou eni alivu ane'e la ano'u ilou xolanu ua?’
Mukalu, la sou anu muvikalane'i ane'i ane itulutulu no pa'umolu aloxo 'o, ‘Nga'umenu Mina vilesisi ane noxou ne, mo ngalosou itema ane muxalixu Mina mavulovexa.’
La ane'i mivikalanu aloxo 'o, ‘Tila, anu ne muno'u Mina mavulovexa mukalu!’
La sou anu muvikalane'i aloxo 'o, ‘Eni avikalangengi aloxo 'o. Ta mitema ane mino'u mimii se'i ne, la Lataua ulosi'a mose'i la, xe ane'i ane ino'u mii sevile kitu'asi, la Lataua uxexeenu avile. Ia ane'i ta uluaxeni ane imasaxa lexe eni axali tatananu tuala noxi'a uasi ne, ngano'a ine'e noxilo mo ngave'a isolisoli no talaxo 'o.’”


Iesu muvikala aloxo ne mukalu, la Anu muavuti sou mulutu muvaxa ne Ielusalemu. Xe muxali 'alai no tuala ne Vetepaxe ilee Vetania e 'alai no laxa'ilu vile ilemo lexe Olivu, la mupalusi'a ta molomolo tamei noxou mo muvikalane'i aloxo 'o, “Ngongou ngalai no tuala e no laxungengi ne, xe nga'unalai, la ngamaisou donki 'ilie mulu vile ane mitalisou ka misakiinu mo a ututulu ne. Donki ne, evile utelo mo uxolu no anu uao. Ia ngongou ngalulusou mo ngano'u une'e noxilo. Lexe ngongou ngalulusou, io lexe itema vile utali'isinge ngongou lexe, ‘Loxovaa ane ngingi ngongou ngalulusou donki ne?’ la ngongou ngakolinu lexe, ‘Tila noxixe mumasaxau sou u'oxonu xaixai no anu.’”
Ane'i tamei ane Iesu mupalusi'a miuli ne, milai mixali. La mixalisou mimii ane Iesu mulemo noxi'a ne mu'isalilisi. Xe no mine ane'i ilou ilulusou donki 'ilie mulu ne, la ta moosou mitali'isi'a aloxo 'o, “Loxovaa ane ngingi ngongou ngalulusou donki 'ilie ne?”
La ane'i ilou mikoline'i aloxo 'o, “Tila noxixe mumasaxau sou u'oxonu xaixai no anu.”
Ilou mino'u xe milai mixalixu noxou Iesu, la sou ane'i ilou mino'u 'ala'alasou vasime'a veveveeni ne sou mixavulalanu vaxa no latanu donki ne, ka sou Iesu mutelo mutalupexa no anu. Xe mulutu mulai, la ta mitema mixavulalanu 'ala'alasou vasime'a veveveeni ne no vote'i.
Anu mune'e xe muxali 'alai no vote'i molu no laxa'ilu ne Olivu mulue, la ta molomolo noxou tavu'alo mipita sou misoko mi'osa mo mi'ava'ava sou mi'itinu Lataua ualasou, xo tane'i mumulinu xavi no 'a sosovo tavu'alo ane anu mu'oxonu no ie'i.
La ane'i mi'ava'ava aloxo 'o,
“Lataua ualusou tatananu tuala ane IAUE mupalusou mo a unene'e 'o.
Mo ta'itinu Lataua ualasou teiteixi manina,
xo Anu mulosinge opo se'isisi molu no opo loxotolo mune'e noxinge no lia 'o.”
Ia ta Palisaio mose'i no taiine'i ta mitema tavu'alo ne, mivikalanu Iesu aloxo 'o, “Itema sou ulosixe lavulavu, nakaitolone'i ta molomolo noxine.”
La Iesu muvikalane'i aloxo 'o, “Eni avikalangengi lexe ane'i ixolu tasia'usi, la lavolavo'o 'o molu uavuti sou u'ava'ava.”
Iesu mune'e muxali 'alai ne Ielusalemu xe mumaisou tuala tila ane ne, la mutamasi'a ta mitema ane mixolu no anu ne. La muvikala aloxo 'o, “Ngingi, laixe lexe vaimomo 'o ngingi ngalavusou mii ma'ia ane ulosinge opo se'isisi, ia mii ane ne anu mutalume mo ngingi ngamomomo sou ngamaisou uasi. Ia ili'i no anu voxo vile, la ta uluamengi ine'e ivimelungenge mo ixalilingenge sou ialivulangengi avile. Ane'i ialivulangengi, la ipalepeipeingengi ngongi'a ta 'ilinge ane ngexolu no nano ne. Mo umomomo sou ane'i imalanixu lavo'o vile uai no latanu vile uasi, xo ngingi ngatongonu voxo ane Lataua mune'e noxinge o uasi.”


Ili'i, la Anu mu'unalai no nano no taasou lalotu tatila noxou Lataua, la musoko sou mukusai'a ta mitema e mitata'olu mimii sou ta mitema ilotonu. La muvikalane'i aloxo 'o, “Ane'i mikaukavu no nano no Lavuku Tavuna teinu aloxo 'o. ‘Taasilo ne, ilemo lexe anu taasou lakilaka ulai noxou Lataua,’ ia ngingi nge'oxo muxali loxo taasi'a ta mitema sou pakali sou italume no anu.”
No voxovoxo utotomu, la Iesu ulosieixa'a ta mitema lavulavu no anu vaikala noxou Lataua no nano no taasou lalotu tatila noxou Lataua. Ia ta tatila noxi'a ta aili'i mo ta mitema sou lapuloto ilo'a ta tatila noxi'a ta Iutaia e mixolu no nano no taiine'i ta mitema, itovo lexe ivau. Ia ane'i ixalisou vote'i vile sou ivau no anu uasi. Xo ta mitema tavu'alo mukalusi ne, ane'i mimasaxa manina sou ilomusou vaikala noxou Iesu.

Phulaphula i Luka 19