The Lozi Audio Bible

<div class="version vid825 iso6393loz" data-vid="825" data-iso6393="loz">
 <div class="book bkACT">
 <div class="chapter ch24" data-usfm="ACT.24">
 <div class="label">24</div><div class="s1">Paulusi u zekiswa ki Majuda</div><div class="p"> 1Mwamulaho a mazazi a ketalizoho, Muprisita yo Muhulu Ananiasi a fita mwa Sesarea hamoho ni bahulu ba ba&#241;wi ba sicaba ni muyemeli wa bona ya bizwa Tertulo. Ba itahisa fapil'a mubusisi Felikisi ku y'o mu taluseza za Paulusi. 2Tertulo a bizwa mi a kala ku zekisa Paulusi ka ze, a li,</div><div class="p">&#8220;Mutompehi yo muhulu Felikisi! Ka zamaiso ya hao ya butali lu ngile nako ye telele lu nze lu pila ka kozo, mi ka pabalelo ya hao, lipetuho ze ezizwe kaufela li ezelizwe ku kondisa naha ya luna. 3Ka ze lu amuhela kai ni kai ni ka linako kaufela, lu tahisa buitumelo bo butuna bwa luna ku wena. 4Kono, ha ni lati ku ku sinyeza nako ye telele, kiha ni kupa kuli, ka bunde bwa hao, u lu teeleze nakonyana feela. 5Lu fumani kuli mutu yo ki mukatazi ya na ni kozi. U tisa mifili-fili mwahal'a Majuda mwa lifasi kaufela, mi hape ki mueteleli wa kopano ya Banazareni. 6Mane u likile ku silafaza Tempele. Kiha lu mu swala. Lu batile ku mu atula ka ku latelela Mulao wa sihabo luna. 7Kono muzamaisi yo muhulu wa masole, yena Lisiasi, u til'o kena mwa litaba, mi a lu amuha yena ka ku eza ka tata. 8Cwale Lisiasi kih'a laela ba ba mu zekisa kuli ba tahe fapil'a hao. Haiba u ipuzeza yena, wena kasibili, u ta lemuha kuli ze lu mu zekisa ka zona kaufela ki za niti.&#8221; 9Majuda ni bona ba kopana ku tiisa bupaki bo, mi ba li ze bulezwi kaufela ki niti.</div><div class="s1">Paulusi u ikalabela fapil'a Felikisi</div><div class="p"> 10Mubusisi kih'a kobeta Paulusi kuli a bulele, mi Paulusi a li, &#8220;Ni ziba kuli u bile muatuli wa sicaba se ka lilimo ze &#241;ata. Kabakaleo kwa ni tabisa ku ikalabela fapil'a hao. 11Sina ha u ta iponela ili wena, ha ku si ka fela mazazi a lishumi ka a mabeli fo ni fitezi mwa Jerusalema ku t'o sebeleza Mulimu. 12Majuda ha ba si ka ni fumana ni pihisana ni mutu mwa sibaka sa Tempele, kapa ni susueza batu mwa masinagoge, kapa ku sili mwa hae. 13Mi batu bao, ha ba koni ku tahisa bupaki bo bu bonahala ka ze ba ni zekisa ka zona. 14Nihakulicwalo, se ni si lumela fapil'a hao ki se. Ni lapela Mulimu wa bo kukw'a luna ka ku latelela Nzila ye ba li ki ya buhata. Kono ni lumela litaba kaufela ze &#241;ozwi mwa Mulao wa Mushe ni mwa libuka za bapolofita. 15Ni na ni sepo ku Mulimu, mi ni bona ba na ni sepo yeo, ya kuli batu kaufela, ba bande ni ba ba maswe, ba ta zuha kwa bafu. 16Kabakaleo ni eza mo ni konela kaufela kuli lizwalo la ka li be le linde fapil'a Mulimu ni kwa batu.</div><div class="p"> 17 # 
 Lik 21.17-28
 &#8220;Mwamulaho a lilimo ze &#241;ata ze ni ngile kwahule ni Jerusalema, ni kutezi kwate&#241;i ku tiseza banabahesu tuso ya mali, ni ku t'o ezeza Mulimu linubu za buitamo. 18I n'e li hona fo, ha ne ni sa eza zeo, ha ba t'o ni fumana mwa malapa a Tempele. Ne ni ikenisize ku si na batu ba ba&#241;ata be ne ni inzi ni bona. Hape, ne ku si na mufili-fili. 19Kono Majuda ba ba&#241;wi ba naha ya Asia ne ba li te&#241;i, mi ki bona ba ba ne ba lukela ku taha fapil'a hao ku t'o bilaela, haiba ba na ni pilaelo ka na. 20Kapa, bona batu bao ba bulele foso ye ni ezize ha ne ni li mwa Kuta ya bona. 21#Lik 23.6 Mwendi ki taba i li&#241;wi feela ye ni bulezi ha ne ni yemi fapil'a bona kuli, &#8216;Mwa ni atula kacenu kabakala kuli ni lumela kuli ba ba shwile ba ta zuswa kwa bafu!&#8221;</div><div class="p"> 22Kono Felikisi, ya n'a ziba hande za tuto yeo, a kwala taba, a li, &#8220;Ni ka talima taba ya mina, muzamaisi yo muhulu wa masole, Lisiasi, ha s'a fitile.&#8221; 23Cwale a laela yo muhulu wa masole kuli a libelele Paulusi, kono ili ka ku mu fa tukuluhonyana ni ku lumelela mizwale ya hae ku mu fa z'a bata.</div><div class="s1">Paulusi fapil'a Felikisi ni Drusila</div><div class="p"> 24Mwamulaho a mazazinyana, Felikisi a taha ni musali'a hae wa Mujuda ya n'a bizwa Drusila. A lumela Paulusi, mi a teeleza s'a n'a bulela ka za tumelo ku Jesu Kreste. 25Kono Paulusi h'a kala ku bulela ka za ku luka, ka buiswalo ni ka lizazi le li taha la katulo, Felikisi a saba, mi a li, &#8220;U ka na wa ikela cwale. Ni ta ku biza hape ha ni ka fumana sibaka.&#8221; 26N'a na ni sepo ya kuli mwendi Paulusi n'a ka mu fa mali, mi kabakaleo n'a mu bizanga ha&#241;ata ku t'o ambola ni yena.</div><div class="p"> 27Lilimo ze peli ha li se li felile, Porsiusi Festusi a nga sibaka sa Felikisi, sa bubusisi. Cwale Felikisi ka ku lata ku tabisa Majuda, a siya Paulusi mwa tolongo.</div>
 </div>
 </div>
</div>

Lozi Interconfessional Bible, Catholic Edition © Bible Society of Zambia, 2009.

Mwamulaho a mazazi a ketalizoho, Muprisita yo Muhulu Ananiasi a fita mwa Sesarea hamoho ni bahulu ba bañwi ba sicaba ni muyemeli wa bona ya bizwa Tertulo. Ba itahisa fapil'a mubusisi Felikisi ku y'o mu taluseza za Paulusi. Tertulo a bizwa mi a kala ku zekisa Paulusi ka ze, a li,
“Mutompehi yo muhulu Felikisi! Ka zamaiso ya hao ya butali lu ngile nako ye telele lu nze lu pila ka kozo, mi ka pabalelo ya hao, lipetuho ze ezizwe kaufela li ezelizwe ku kondisa naha ya luna. Ka ze lu amuhela kai ni kai ni ka linako kaufela, lu tahisa buitumelo bo butuna bwa luna ku wena. Kono, ha ni lati ku ku sinyeza nako ye telele, kiha ni kupa kuli, ka bunde bwa hao, u lu teeleze nakonyana feela. Lu fumani kuli mutu yo ki mukatazi ya na ni kozi. U tisa mifili-fili mwahal'a Majuda mwa lifasi kaufela, mi hape ki mueteleli wa kopano ya Banazareni. Mane u likile ku silafaza Tempele. Kiha lu mu swala. Lu batile ku mu atula ka ku latelela Mulao wa sihabo luna. Kono muzamaisi yo muhulu wa masole, yena Lisiasi, u til'o kena mwa litaba, mi a lu amuha yena ka ku eza ka tata. Cwale Lisiasi kih'a laela ba ba mu zekisa kuli ba tahe fapil'a hao. Haiba u ipuzeza yena, wena kasibili, u ta lemuha kuli ze lu mu zekisa ka zona kaufela ki za niti.” Majuda ni bona ba kopana ku tiisa bupaki bo, mi ba li ze bulezwi kaufela ki niti.

Mubusisi kih'a kobeta Paulusi kuli a bulele, mi Paulusi a li, “Ni ziba kuli u bile muatuli wa sicaba se ka lilimo ze ñata. Kabakaleo kwa ni tabisa ku ikalabela fapil'a hao. Sina ha u ta iponela ili wena, ha ku si ka fela mazazi a lishumi ka a mabeli fo ni fitezi mwa Jerusalema ku t'o sebeleza Mulimu. Majuda ha ba si ka ni fumana ni pihisana ni mutu mwa sibaka sa Tempele, kapa ni susueza batu mwa masinagoge, kapa ku sili mwa hae. Mi batu bao, ha ba koni ku tahisa bupaki bo bu bonahala ka ze ba ni zekisa ka zona. Nihakulicwalo, se ni si lumela fapil'a hao ki se. Ni lapela Mulimu wa bo kukw'a luna ka ku latelela Nzila ye ba li ki ya buhata. Kono ni lumela litaba kaufela ze ñozwi mwa Mulao wa Mushe ni mwa libuka za bapolofita. Ni na ni sepo ku Mulimu, mi ni bona ba na ni sepo yeo, ya kuli batu kaufela, ba bande ni ba ba maswe, ba ta zuha kwa bafu. Kabakaleo ni eza mo ni konela kaufela kuli lizwalo la ka li be le linde fapil'a Mulimu ni kwa batu.
“Mwamulaho a lilimo ze ñata ze ni ngile kwahule ni Jerusalema, ni kutezi kwateñi ku tiseza banabahesu tuso ya mali, ni ku t'o ezeza Mulimu linubu za buitamo. I n'e li hona fo, ha ne ni sa eza zeo, ha ba t'o ni fumana mwa malapa a Tempele. Ne ni ikenisize ku si na batu ba bañata be ne ni inzi ni bona. Hape, ne ku si na mufili-fili. Kono Majuda ba bañwi ba naha ya Asia ne ba li teñi, mi ki bona ba ba ne ba lukela ku taha fapil'a hao ku t'o bilaela, haiba ba na ni pilaelo ka na. Kapa, bona batu bao ba bulele foso ye ni ezize ha ne ni li mwa Kuta ya bona. Mwendi ki taba i liñwi feela ye ni bulezi ha ne ni yemi fapil'a bona kuli, ‘Mwa ni atula kacenu kabakala kuli ni lumela kuli ba ba shwile ba ta zuswa kwa bafu!”
Kono Felikisi, ya n'a ziba hande za tuto yeo, a kwala taba, a li, “Ni ka talima taba ya mina, muzamaisi yo muhulu wa masole, Lisiasi, ha s'a fitile.” Cwale a laela yo muhulu wa masole kuli a libelele Paulusi, kono ili ka ku mu fa tukuluhonyana ni ku lumelela mizwale ya hae ku mu fa z'a bata.

Mwamulaho a mazazinyana, Felikisi a taha ni musali'a hae wa Mujuda ya n'a bizwa Drusila. A lumela Paulusi, mi a teeleza s'a n'a bulela ka za tumelo ku Jesu Kreste. Kono Paulusi h'a kala ku bulela ka za ku luka, ka buiswalo ni ka lizazi le li taha la katulo, Felikisi a saba, mi a li, “U ka na wa ikela cwale. Ni ta ku biza hape ha ni ka fumana sibaka.” N'a na ni sepo ya kuli mwendi Paulusi n'a ka mu fa mali, mi kabakaleo n'a mu bizanga hañata ku t'o ambola ni yena.
Lilimo ze peli ha li se li felile, Porsiusi Festusi a nga sibaka sa Felikisi, sa bubusisi. Cwale Felikisi ka ku lata ku tabisa Majuda, a siya Paulusi mwa tolongo.

Phulaphula i Likezo 24