Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Iesu erij tevi nesevin Sameria</div><div class="p"> 1-2Ko mian ko Parasi nir arunge nga Iesu jinibb sen nir milep m&#771;iasie Jon vajin, ko nga Iesu mipaptaese jinibb milep m&#771;iasie Jon. (Ko ewretun, Iesu sete epaptaese jinibb nir, ejki, ko jinibb sen kobbong nir arok-paptaese jinibb nir.) 3Ko daron nga Iesu murongwose nga Parasi nir arunge pa nga ni jinibb sen milep miasie Jon, ko niko muloli ni mivel lingi Jutia, ko mulwi kele van re Galili e.</div><div class="p"> 4Ko renge nivelen sen, evel otvi sise m&#771;eri Sameria nir. 5Ngok, evini renge Sameria ngaim nga welwelili nen san nga nisen Saeka, morie orsel nga Jekop m&#771;ilai tuwi tevi natun Josep. 6Renge ie evi lat nga Jekop m&#771;ili nuwi sen ren. Ko Iesu ornge lengleng esij renge nivelen sen, ko evini esakel mori jeli nuwi nen. Erpe evi levial mawos, mete nial esngav&#246;l drromon eru.</div><div class="p"> 7Mian ko nesen Sameria san evini nga pitvangi nuwi ie. Ko Iesu owrai tevi vinnen, &#8220;Kupla nuwi ngok sopon tevik bemni.&#8221; 8(Renge daron nen jinibb sen nir arivel pa aran ngaim e parwuli nanen ser sopon.)</div><div class="p"> 9Nesen Sameria nen etaol ko owrai lweni tevi, &#8220;Erpese nga nik kumivi m&#771;eri Isrel, ko kumngoni nuwi nga kupmini tevi inu, nga mevi nesen Sameria?&#8221; (M&#771;eri Isrel sete arok-korti tevi m&#771;eri Sameria nir.)</div><div class="p"> 10Iesu owra lweni tevi vinnen, &#8220;Poro nga nik kuprongwose nelaien se Atua nga m&#771;ilai, ko isi le nga muwrai tevim nga kupla nuwi tevi pimni, ngok nik kurongwos kupngoni ni p&#771;ilai nuwi nga nik vajin kupmini. Ko kupmaur tuwi ngok vini rengen.&#8221;</div><div class="p"> 11Vinnen owra lweni tevi Iesu, &#8220;O, ko nanu san ejki iel nga nik kuptevangi nuwi e, ko nuwi ngel evan ngatan lengleng. Ko renge nuwi ne mauren nga tuwi ngok vini nga nik kumwera kuplai ngok, kuplai ngabe ko? 12B&#771;irtera se kerr Jekop, ni le eli nuwi ngel; ni ko natun nir ko buluk sen nir armini nuwi ngel. Ko ni ko elai tevi kem. Ko erpese, nik kulep asi wore ni?&#8221;</div><div class="p"> 13Iesu owra lweni tevi, &#8220;Isi nga pimni nuwi ngel, pian ko purnge kele kobbong nolon pimesmes. 14Ko isi nga ma pimni nuwi nga inu bea-lai tevi, ni sete nolon mia-mesmes kele mun. Nuwi nen nga b&#771;elai tevi nen pia-irpe mete nuwi nga muwowosi renge ni, ko pia-lai mauren nga muto tuwi ngok vini.&#8221;</div><div class="p"> 15Vinnen owrai tevi ni, &#8220;Numal, kuplai nuwi nen tevik bemni, ko puloli nolok sete pimesmes kele, ko sete bevini kele mun betvangi nuwi iel.&#8221;</div><div class="p"> 16Iesu owra lweni tevi vinnen, &#8220;Kupan kupveruse diwen som pivini, ko nik kele kupluwi vini.&#8221; 17Vinnen owra lweni tevi Iesu, &#8220;Ejki ma, diwen suk ejkie.&#8221;</div><div class="p">Ko Iesu owra lweni tevi, &#8220;Kuwretun renge kumwerai mirpok, diwen som ejkie. 18Suri nik diwen som nga renge sel elim kis, ko m&#771;er nga nik kumlik jin lelingenok sete evi diwen som. Kuwretun ko wor renge kumwerai mirpok.&#8221;</div><div class="p"> 19Vinnen owra lweni tevi, &#8220;Numal, nurnge nibek nen nga nik kuvi propet san. 20B&#771;irtera se kem nga tuwi nir arok-lotoe Atua renge botwen nga ngel, ko kami m&#771;eri Isrel nir kamok-wera renge Jerusalem ko wor evi lat nga jinibb parlotoe Atua rengen.&#8221;</div><div class="p"> 21Iesu owrai tevi vinnen, &#8220;Vinel, kuposuri inu, mete nial nen evini nga kami setemun kaplotoe Tata renge botwen nga ngel, rreknga renge Jerusalem. 22Kami m&#771;eri Sameria nir sete kamrongwose Atua nga kamlotoe, ko kem m&#771;eri Isrel namlotoe Atua nga namrongwose. Suri sel nga jinibb p&#771;ila mauren eplari ji m&#771;eri Isrel nir kobbong. 23Mete nial nen evini ko eplari lelingen ngel, nga jinibb nga marweretun marlot, parlotoe Tata tevi nem&#771;in ko weretunen. Tata epej loten nga mirpok ko, nga parlotoe ni rengen. 24Atua evi Nem&#771;in, ko jinibb nga marlotoe ni parlotoe ni ko wor tevi Nem&#771;in ko weretunen.&#8221;</div><div class="p"> 25Nesevin owra tevi ni, &#8220;Nurongwose nga Mesaea, nga pia-la mauren tevi jinibb nir, pia-vini ko wor ko pia-wera visviseni nanu jijle tevi kerr.&#8221;</div><div class="p"> 26Iesu owra lweni tevi vinnen, &#8220;Inu nen le pa ngel nga m&#771;erij tevim ngel, inu nuvi m&#771;ernen.&#8221;</div><div class="p"> 27Renge daron nen mawos Iesu jinibb sen arlulwi vini. Ko artaole nga marlesi Iesu mok-rij tevi nesevin san. Ko sete nir san osusi tevi vinnen, &#8220;Kupej sev le?&#8221;, rreknga puwrai tevi Iesu, &#8220;Erpese kumrij tevi nesevin ngok?&#8221;</div><div class="p"> 28Ko nesevin nga elngi tweni botel sen esiri jer, ko owlu suri sel olwi van ngaim nga milep ser e, ko owrai tevi delung ne ie nir, 29&#8220;Lartul, kapini kaplesi ta jinibb san ni le, m&#771;ernen owra jijle nanu nga nomok-lolir nir. Rreknga m&#771;ernen evi Kristo le?&#8221; 30Ngok jinibb nga renge ngaim nen nir arivel tweni aran jin arlesi.</div><div class="s">Iesu ela nale rrongrrongvi ne num&#246;s</div><div class="p"> 31Renge daron nen jinibb sen nir arveruse ni, arwera &#8220;Numal, kupini mun kup&#771;aan sopon.&#8221;</div><div class="p"> 32Ko ni owrai tevir, &#8220;Nanen suk nga borroi oto wore nga kami sete kamrongwose.&#8221; 33Suri muwrai mirpok ngok, ko jinibb sen nir arwerwera lululweni nir e, &#8220;Rrekma jinibb san ela nanen tevi ni nga purroi?&#8221;</div><div class="p"> 34Ko Iesu owra lweni tevir, &#8220;Kami sete kamrongwose nanen suk. Nanen suk evi nga b&#771;emajing jile marongen se Atua nga mukoni inu vini, bololi jijler.</div><div class="p"> 35Kami kamok-wera, &#8216;Nav&#246;l ivij ojpon malum mian ko daron ne num&#246;s pia-vini.&#8217; Ko kaplesi, inu nuwrai tevi kami, kapkulu ta imare kapmeteni naut ne orsel nir. Arkur arow jile, arviter partawer. 36M&#771;er nga mok-tawe wenen ne num&#246;s ok-la nowlin. Ko ok-ser kortoni wenen nir, ngok erpe jinibb nir nga paran renge mauren ne tuwi ngok vini. Puloli nuru korti, m&#771;er nga mok-jijreni ko m&#771;er nga mok-tawe, porir kokorti. 37Naul On owra, &#8216;San purwi naut ne orsel, ko jinibb m&#771;inij pia-tawe wenen ren vajin.&#8217; 38Inu nukoni kami kaman renge naut ne orsel nga kami sete kamruwir, ko kamok-tawe wenen rer vajin. Jinibb m&#771;inij nir arp&#771;elak nga maruwi naut nen nir, ko kami vajin kama-van kamtawe nawone wenen rer.&#8221;</div><div class="s">M&#771;eri Sameria elep arosuri Iesu</div><div class="p"> 39Jinibb ne ngaim nen elep arosuri Iesu vajin, suri renge nale se nesevin nga muwrai tevir ngel, &#8216;Owra nanu jijle nga nomok-lolir&#8217;. 40Daron nen nga m&#771;eri Sameria marini jin nen, arngoni tertere ni nga ni p&#771;ilik mun tevir. Ko ni elik mun tevir ie nabong eru kele. 41Ko renge m&#771;ilik tevir ie, nir elep kele wor arosuri ni renge marunge nale sen nir. 42Ko lartul nen nir arwerai tevi nesevin nen, arwera &#8220;Lelingen ngel kem namosuri, sete suri nga nik kumwerai tevi kem, ko suri kem wor namrunge nale sen nir nga muwrair. Ko namrongwose ni evi m&#771;er weretunen nga pia-lai mauren tevi jinibb ne iel ngatan nir.&#8221;</div><div class="s">Iesu ololi natu numal san erres luwi</div><div class="p"> 43Iesu elik ie Sameria ejpari nabong eru asi osuw, ko evel kele van sisen e Galili. 44Ko ni owra tweni wowomue pa renge nale sen, &#8220;M&#771;er nga mivi propet, ko jinibb ne sisen nir sete arok-osuri ni.&#8221; 45Ko daron nga mivini mijpari lweni Galili e, jinibb ne ie nir artur terai, suri marlesi nanu nga mulolir renge Jerusalem renge daron ne nanen ne asien; suri nir kele arini renge nanen nen.</div><div class="p"> 46Mian ko Iesu olwi kele vini Kena e, nga mivi ngaim nga welili ne Galili san, lat nga bonevis m&#771;irieni nuwi rres mivi norro e. Ko jinibb nga milep san elik iok. M&#771;ernen natun emsi, ko ematur jer wor Kapaneam. 47M&#771;ernen daron nga murnge Iesu mivel lingi pa Jutia mivini renge Galili e, ko ean jin ko ongoni ni, owra piptevi poran ngatan Kapaneam, puloli natun p&#771;irres luwi. Suri otomori pa pimij. 48Iesu owrai tevi m&#771;ernen, &#8220;Aro! Poro nga sete kaplesi nelesien nir, sete kama-osuri rragrrage te.&#8221;</div><div class="p"> 49Jinibb nga milep nen owra &#8220;Numal, wurru, kupini wor pingavil puwomu, vitunen ko poro natuk pia-mij vajin!&#8221;</div><div class="p"> 50Ko Iesu owra lweni tevi, owra &#8220;Kupiel. Natum emaur pa.&#8221; Ko m&#771;ernen osuri nale nga Iesu muwrai, ko evel osri lweni sel olwi.</div><div class="p"> 51Ko daron nga musri lweni sel mulwi van ngatan e Kapaneam, ko jinibb ne majingen sen sopor arivel tersele ko arsewute renge sel, ko arwerai tevi, &#8220;Ai, natum erres luwi pa!&#8221;</div><div class="p"> 52Ko ni osusi tevir, owra &#8220;Momsawos mete nial sev nga ni m&#771;itipatun m&#771;irres luwi ren?&#8221; Ko nir arwera lweni tevi, &#8220;Momsawos mete nial sansan renge miniv levial, mesien dowalul elinglingi ni.&#8221; 53Tata sen orongwose evi mete nial mawos nga Iesu muwrai ko tevi ni rengen, &#8216;Natum emaur pa.&#8217; Ko ni osuri, ko nir jijle nga marlik renge naim sen nir kele arosuri. 54Ngel evi nelesien erwen nga Iesu muloli daron nga mivel lingi Jutia ko mivini Galili e.</div>
 </div>
 </div>
</div>

Ko mian ko Parasi nir arunge nga Iesu jinibb sen nir milep m̃iasie Jon vajin, ko nga Iesu mipaptaese jinibb milep m̃iasie Jon. (Ko ewretun, Iesu sete epaptaese jinibb nir, ejki, ko jinibb sen kobbong nir arok-paptaese jinibb nir.) Ko daron nga Iesu murongwose nga Parasi nir arunge pa nga ni jinibb sen milep miasie Jon, ko niko muloli ni mivel lingi Jutia, ko mulwi kele van re Galili e.
Ko renge nivelen sen, evel otvi sise m̃eri Sameria nir. Ngok, evini renge Sameria ngaim nga welwelili nen san nga nisen Saeka, morie orsel nga Jekop m̃ilai tuwi tevi natun Josep. Renge ie evi lat nga Jekop m̃ili nuwi sen ren. Ko Iesu ornge lengleng esij renge nivelen sen, ko evini esakel mori jeli nuwi nen. Erpe evi levial mawos, mete nial esngavöl drromon eru.
Mian ko nesen Sameria san evini nga pitvangi nuwi ie. Ko Iesu owrai tevi vinnen, “Kupla nuwi ngok sopon tevik bemni.” (Renge daron nen jinibb sen nir arivel pa aran ngaim e parwuli nanen ser sopon.)
Nesen Sameria nen etaol ko owrai lweni tevi, “Erpese nga nik kumivi m̃eri Isrel, ko kumngoni nuwi nga kupmini tevi inu, nga mevi nesen Sameria?” (M̃eri Isrel sete arok-korti tevi m̃eri Sameria nir.)
Iesu owra lweni tevi vinnen, “Poro nga nik kuprongwose nelaien se Atua nga m̃ilai, ko isi le nga muwrai tevim nga kupla nuwi tevi pimni, ngok nik kurongwos kupngoni ni p̃ilai nuwi nga nik vajin kupmini. Ko kupmaur tuwi ngok vini rengen.”
Vinnen owra lweni tevi Iesu, “O, ko nanu san ejki iel nga nik kuptevangi nuwi e, ko nuwi ngel evan ngatan lengleng. Ko renge nuwi ne mauren nga tuwi ngok vini nga nik kumwera kuplai ngok, kuplai ngabe ko? B̃irtera se kerr Jekop, ni le eli nuwi ngel; ni ko natun nir ko buluk sen nir armini nuwi ngel. Ko ni ko elai tevi kem. Ko erpese, nik kulep asi wore ni?”
Iesu owra lweni tevi, “Isi nga pimni nuwi ngel, pian ko purnge kele kobbong nolon pimesmes. Ko isi nga ma pimni nuwi nga inu bea-lai tevi, ni sete nolon mia-mesmes kele mun. Nuwi nen nga b̃elai tevi nen pia-irpe mete nuwi nga muwowosi renge ni, ko pia-lai mauren nga muto tuwi ngok vini.”
Vinnen owrai tevi ni, “Numal, kuplai nuwi nen tevik bemni, ko puloli nolok sete pimesmes kele, ko sete bevini kele mun betvangi nuwi iel.”
Iesu owra lweni tevi vinnen, “Kupan kupveruse diwen som pivini, ko nik kele kupluwi vini.” Vinnen owra lweni tevi Iesu, “Ejki ma, diwen suk ejkie.”
Ko Iesu owra lweni tevi, “Kuwretun renge kumwerai mirpok, diwen som ejkie. Suri nik diwen som nga renge sel elim kis, ko m̃er nga nik kumlik jin lelingenok sete evi diwen som. Kuwretun ko wor renge kumwerai mirpok.”
Vinnen owra lweni tevi, “Numal, nurnge nibek nen nga nik kuvi propet san. B̃irtera se kem nga tuwi nir arok-lotoe Atua renge botwen nga ngel, ko kami m̃eri Isrel nir kamok-wera renge Jerusalem ko wor evi lat nga jinibb parlotoe Atua rengen.”
Iesu owrai tevi vinnen, “Vinel, kuposuri inu, mete nial nen evini nga kami setemun kaplotoe Tata renge botwen nga ngel, rreknga renge Jerusalem. Kami m̃eri Sameria nir sete kamrongwose Atua nga kamlotoe, ko kem m̃eri Isrel namlotoe Atua nga namrongwose. Suri sel nga jinibb p̃ila mauren eplari ji m̃eri Isrel nir kobbong. Mete nial nen evini ko eplari lelingen ngel, nga jinibb nga marweretun marlot, parlotoe Tata tevi nem̃in ko weretunen. Tata epej loten nga mirpok ko, nga parlotoe ni rengen. Atua evi Nem̃in, ko jinibb nga marlotoe ni parlotoe ni ko wor tevi Nem̃in ko weretunen.”
Nesevin owra tevi ni, “Nurongwose nga Mesaea, nga pia-la mauren tevi jinibb nir, pia-vini ko wor ko pia-wera visviseni nanu jijle tevi kerr.”
Iesu owra lweni tevi vinnen, “Inu nen le pa ngel nga m̃erij tevim ngel, inu nuvi m̃ernen.”
Renge daron nen mawos Iesu jinibb sen arlulwi vini. Ko artaole nga marlesi Iesu mok-rij tevi nesevin san. Ko sete nir san osusi tevi vinnen, “Kupej sev le?”, rreknga puwrai tevi Iesu, “Erpese kumrij tevi nesevin ngok?”
Ko nesevin nga elngi tweni botel sen esiri jer, ko owlu suri sel olwi van ngaim nga milep ser e, ko owrai tevi delung ne ie nir, “Lartul, kapini kaplesi ta jinibb san ni le, m̃ernen owra jijle nanu nga nomok-lolir nir. Rreknga m̃ernen evi Kristo le?” Ngok jinibb nga renge ngaim nen nir arivel tweni aran jin arlesi.

Renge daron nen jinibb sen nir arveruse ni, arwera “Numal, kupini mun kup̃aan sopon.”
Ko ni owrai tevir, “Nanen suk nga borroi oto wore nga kami sete kamrongwose.” Suri muwrai mirpok ngok, ko jinibb sen nir arwerwera lululweni nir e, “Rrekma jinibb san ela nanen tevi ni nga purroi?”
Ko Iesu owra lweni tevir, “Kami sete kamrongwose nanen suk. Nanen suk evi nga b̃emajing jile marongen se Atua nga mukoni inu vini, bololi jijler.
Kami kamok-wera, ‘Navöl ivij ojpon malum mian ko daron ne numös pia-vini.’ Ko kaplesi, inu nuwrai tevi kami, kapkulu ta imare kapmeteni naut ne orsel nir. Arkur arow jile, arviter partawer. M̃er nga mok-tawe wenen ne numös ok-la nowlin. Ko ok-ser kortoni wenen nir, ngok erpe jinibb nir nga paran renge mauren ne tuwi ngok vini. Puloli nuru korti, m̃er nga mok-jijreni ko m̃er nga mok-tawe, porir kokorti. Naul On owra, ‘San purwi naut ne orsel, ko jinibb m̃inij pia-tawe wenen ren vajin.’ Inu nukoni kami kaman renge naut ne orsel nga kami sete kamruwir, ko kamok-tawe wenen rer vajin. Jinibb m̃inij nir arp̃elak nga maruwi naut nen nir, ko kami vajin kama-van kamtawe nawone wenen rer.”

Jinibb ne ngaim nen elep arosuri Iesu vajin, suri renge nale se nesevin nga muwrai tevir ngel, ‘Owra nanu jijle nga nomok-lolir’. Daron nen nga m̃eri Sameria marini jin nen, arngoni tertere ni nga ni p̃ilik mun tevir. Ko ni elik mun tevir ie nabong eru kele. Ko renge m̃ilik tevir ie, nir elep kele wor arosuri ni renge marunge nale sen nir. Ko lartul nen nir arwerai tevi nesevin nen, arwera “Lelingen ngel kem namosuri, sete suri nga nik kumwerai tevi kem, ko suri kem wor namrunge nale sen nir nga muwrair. Ko namrongwose ni evi m̃er weretunen nga pia-lai mauren tevi jinibb ne iel ngatan nir.”

Iesu elik ie Sameria ejpari nabong eru asi osuw, ko evel kele van sisen e Galili. Ko ni owra tweni wowomue pa renge nale sen, “M̃er nga mivi propet, ko jinibb ne sisen nir sete arok-osuri ni.” Ko daron nga mivini mijpari lweni Galili e, jinibb ne ie nir artur terai, suri marlesi nanu nga mulolir renge Jerusalem renge daron ne nanen ne asien; suri nir kele arini renge nanen nen.
Mian ko Iesu olwi kele vini Kena e, nga mivi ngaim nga welili ne Galili san, lat nga bonevis m̃irieni nuwi rres mivi norro e. Ko jinibb nga milep san elik iok. M̃ernen natun emsi, ko ematur jer wor Kapaneam. M̃ernen daron nga murnge Iesu mivel lingi pa Jutia mivini renge Galili e, ko ean jin ko ongoni ni, owra piptevi poran ngatan Kapaneam, puloli natun p̃irres luwi. Suri otomori pa pimij. Iesu owrai tevi m̃ernen, “Aro! Poro nga sete kaplesi nelesien nir, sete kama-osuri rragrrage te.”
Jinibb nga milep nen owra “Numal, wurru, kupini wor pingavil puwomu, vitunen ko poro natuk pia-mij vajin!”
Ko Iesu owra lweni tevi, owra “Kupiel. Natum emaur pa.” Ko m̃ernen osuri nale nga Iesu muwrai, ko evel osri lweni sel olwi.
Ko daron nga musri lweni sel mulwi van ngatan e Kapaneam, ko jinibb ne majingen sen sopor arivel tersele ko arsewute renge sel, ko arwerai tevi, “Ai, natum erres luwi pa!”
Ko ni osusi tevir, owra “Momsawos mete nial sev nga ni m̃itipatun m̃irres luwi ren?” Ko nir arwera lweni tevi, “Momsawos mete nial sansan renge miniv levial, mesien dowalul elinglingi ni.” Tata sen orongwose evi mete nial mawos nga Iesu muwrai ko tevi ni rengen, ‘Natum emaur pa.’ Ko ni osuri, ko nir jijle nga marlik renge naim sen nir kele arosuri. Ngel evi nelesien erwen nga Iesu muloli daron nga mivel lingi Jutia ko mivini Galili e.

Phulaphula i Jon 4