Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s">Nagtoldu ti Juan a Magbawtismo Tungkul tu P&#225;gsisi sakay tu P&#225;ghari nu Diyos</div><div class="r">(Markos 1:1-8; Lukas 3:1-9, 15-17; Juan 1:19-28)</div><div class="p"> 1Nadid k&#225;llipas nu makpal a taon#3:1 Manga 28 a taon u agwat nu kapitulo 1 sakay 2. sakay n&#225;gyan padla ti Jesus ti Nazaret ay dummem&#225;t tu kaparangan ti Judea u essa a tolay a u ngahan na ay ti Juan a m&#225;gbawtismo. Sakay n&#225;gyan siya hod sakay nagsapul a nagtoldu. 2Kinagi na &#8220;Ad&#225;ggen moy u kasalanan moy dipo adeni d&#225;n a maghare u Diyos nikitam.&#8221; 3Ti Juan u kinagi ni propeta Isaias tu itod pa a &#8220;Te magtoldu a mabegs&#225;k tu kaparangan. Itoldu na a dapat ihanda mo u sadili mo a tumagbu tu Panginoon#3:3 Basa&#225;n tu Isaias 40:3.&#8221;</div><div class="p"> 4U badu ni Juan ay gimet tu nalade a buuk nu hayup a kamelyo#3:4 U badu ni Juan ay halos kapareho tu badu ni propeta a Elias tu Dati a Tipan. Basa&#225;n tu 2 Hari 1:8; Zacarias 13:4.. U sinturon na ay gimet be tu koblet nu hayup. Sakay u k&#225;kkan&#225;n na ay haksa sakay bisa ni pitukan. 5Ummangay nikuna a m&#225;gsaneg u taga Jerusalem, taga Judea sakay u m&#225;gyan hide tu banuwan hide a namagdibilew tu dinom a Jordan. 6Intapat de u kasalanan de sakay tulos hide a binawtismuwan ni Juan tu dinom a Jordan.</div><div class="p"> 7Pero p&#225;kketa ni Juan a makpal a miyembro nu Pariseo sakay Saduseo u umadeni nikuna para magpabawtismo ay pinagkagiyan na hide &#8220;Hikam a m&#225;gkaduk&#225;s a tolay, deya u nagkagi nikam a ni magpabawtismu kam ay maiwasan moy u parusa nu Diyos? 8Ipeta moy u p&#225;gsisi moy tu pamamagitan nu p&#225;gsunud moy tu Diyos. 9Sakay dyan moy be isip&#225;n a makaligtas kam tu parusa nu Diyos dipo lahe kam ni Abraham. Dipo ikagi ko nikam a kaya nu Diyos a gimit&#225;n i bituw&#225;y hide a magin lahe ni Abraham. 10Maski nadid ay inhanda d&#225;n nu Diyos u wasay a p&#225;gk&#225;ttol tu gimugimut nu kayokayo. Dipo u kayo a awan ti maganda a bunga ay k&#225;ttul&#225;n sakay ibut tu apoy. 11Bawtismuwan ko ti dinom u tolay hide bilang tanda nu p&#225;gsisi de pero u Tagapagligtas a dumem&#225;t ay mas makapangyariyan nan nik&#225;n. Awan&#225;k pa ngane karapatdapat a magin utusan na a tagatawed nu sapatus na. Siya u magbawtismo nikam tu Banal a Ispiritu sakay tu apoy. 12Siya u maghatul tu atanan a tolay. Ihiwalay na u mabait a tolay hide sakay tu maduk&#225;s a tolay hide. Konna tu essa a tolay a ihiwalay na u bunga hide tu yaut. Puhun&#225;n na u bunga hide tu bilay na sakay tutud&#225;n na u yaut hide. Kanya magsisi kam t&#225;nni awan na kam parusaan tu apoy a awan maadaad&#225;p a konna tu yaut a tinutod nu tolay.&#8221;</div><div class="s">Binawtismuwan ni Juan ti Jesus a Anak nu Diyos</div><div class="r">(Markos 1:9-11; 3:21-22)</div><div class="p"> 13Nadid dummem&#225;t ti Jesus ti Jordan a g&#225;bwat ti Galilea para magpabawtismo ni Juan tu dinom. 14Pero gusto ni Juan a hadlangan u plano ni Jesus kanya kinagi na nikuna &#8220;Hik&#225;n nakwa u kailangan a bawtismuwan mo pero nadid hiko pa u inumangay nik&#225;n.&#8221; 15Pero tin&#225;bbeg siya ni Jesus, &#8220;Pabayan mo padla a mangyari iye nadid. Dipo tu gimit&#225;n ta nadid ay matupad ta u atanan a utus nu Diyos a gimit&#225;n ta.&#8221; Kanya pinumayag ti Juan a bawtismuwan na ti Jesus. 16K&#225;ttapos a nabawtismuwan ti Jesus ay inumawas siya tu dinom. Pagdaka a binumukas u langet sakay netan na u Ispiritu nu Diyos a inumogsad a kum&#225;n a kalapate sakay inumapon nikuna. 17Tapos te boses a nasaneg a g&#225;bwat ti langet a nagkagi a &#8220;Siya u Anak ko a mahal ko. Masaya&#225;k a tahod nikuna#3:17 Basaan tu Awit 2:7; Isaias 42:1..&#8221;</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Nadid kállipas nu makpal a taon sakay nágyan padla ti Jesus ti Nazaret ay dummemát tu kaparangan ti Judea u essa a tolay a u ngahan na ay ti Juan a mágbawtismo. Sakay nágyan siya hod sakay nagsapul a nagtoldu. Kinagi na “Adággen moy u kasalanan moy dipo adeni dán a maghare u Diyos nikitam.” Ti Juan u kinagi ni propeta Isaias tu itod pa a “Te magtoldu a mabegsák tu kaparangan. Itoldu na a dapat ihanda mo u sadili mo a tumagbu tu Panginoon.”
U badu ni Juan ay gimet tu nalade a buuk nu hayup a kamelyo. U sinturon na ay gimet be tu koblet nu hayup. Sakay u kákkanán na ay haksa sakay bisa ni pitukan. Ummangay nikuna a mágsaneg u taga Jerusalem, taga Judea sakay u mágyan hide tu banuwan hide a namagdibilew tu dinom a Jordan. Intapat de u kasalanan de sakay tulos hide a binawtismuwan ni Juan tu dinom a Jordan.
Pero pákketa ni Juan a makpal a miyembro nu Pariseo sakay Saduseo u umadeni nikuna para magpabawtismo ay pinagkagiyan na hide “Hikam a mágkadukás a tolay, deya u nagkagi nikam a ni magpabawtismu kam ay maiwasan moy u parusa nu Diyos? Ipeta moy u págsisi moy tu pamamagitan nu págsunud moy tu Diyos. Sakay dyan moy be isipán a makaligtas kam tu parusa nu Diyos dipo lahe kam ni Abraham. Dipo ikagi ko nikam a kaya nu Diyos a gimitán i bituwáy hide a magin lahe ni Abraham. Maski nadid ay inhanda dán nu Diyos u wasay a págkáttol tu gimugimut nu kayokayo. Dipo u kayo a awan ti maganda a bunga ay káttulán sakay ibut tu apoy. Bawtismuwan ko ti dinom u tolay hide bilang tanda nu págsisi de pero u Tagapagligtas a dumemát ay mas makapangyariyan nan nikán. Awanák pa ngane karapatdapat a magin utusan na a tagatawed nu sapatus na. Siya u magbawtismo nikam tu Banal a Ispiritu sakay tu apoy. Siya u maghatul tu atanan a tolay. Ihiwalay na u mabait a tolay hide sakay tu madukás a tolay hide. Konna tu essa a tolay a ihiwalay na u bunga hide tu yaut. Puhunán na u bunga hide tu bilay na sakay tutudán na u yaut hide. Kanya magsisi kam tánni awan na kam parusaan tu apoy a awan maadaadáp a konna tu yaut a tinutod nu tolay.”


Nadid dummemát ti Jesus ti Jordan a gábwat ti Galilea para magpabawtismo ni Juan tu dinom. Pero gusto ni Juan a hadlangan u plano ni Jesus kanya kinagi na nikuna “Hikán nakwa u kailangan a bawtismuwan mo pero nadid hiko pa u inumangay nikán.” Pero tinábbeg siya ni Jesus, “Pabayan mo padla a mangyari iye nadid. Dipo tu gimitán ta nadid ay matupad ta u atanan a utus nu Diyos a gimitán ta.” Kanya pinumayag ti Juan a bawtismuwan na ti Jesus. Káttapos a nabawtismuwan ti Jesus ay inumawas siya tu dinom. Pagdaka a binumukas u langet sakay netan na u Ispiritu nu Diyos a inumogsad a kumán a kalapate sakay inumapon nikuna. Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”

Phulaphula i Mateo 3