Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Nabiyag a Huway ti Jesus</div><div class="r">(Mateo 28:1-10; Markos 16:1-8; Juan 20:1-10)</div><div class="p"> 1Nadid, magamulaldew palla nu simba ay immangay d&#225;n u b&#225;bbey hide tu p&#225;glabb&#225;ngngan, tawed de u pabango hide a inhanda de. 2K&#225;ddem&#225;t de ay nedem&#225;ttan de a negulung dan u bito a tum&#225;tt&#225;kl&#225;b tu pintuwan nu p&#225;gl&#225;bb&#225;ngngan. 3Pero k&#225;ss&#225;dd&#225;p de ay awan de netan u bangkay ni Jesus. 4Magulu-guluwan palla hide tu nangyare ay bigla d&#225;lla a pimmeta u duwwa a l&#225;llake a makasile ti damit. 5Dipo tu &#225;nteng de ay limmuhud hide a sayad u hupa de tu luta. Tinanung hide nu l&#225;llake a duwwa, &#8220;Bakin ehyuk&#225;n moy u biyag tu lugar nu patay hide? 6Nabiyag d&#225;n a huway ti Jesus, awan d&#225;n he siya! Isipan moy u kinagi na d&#225;n nikam nikuna he palla siya ti Galilea. 7Awan beman kinagi na a, &#8216;U Anak nu Tolay ay kailangan a metokyon tu makasalanan hide sakay mepako tu kudus, sakay tu kat&#225;llo a aldew ay mabiyag siya a huway.&#8217;&#8221;</div><div class="p"> 8Kanya naalaala de u kin&#225;kkagi ni Jesus tu itod, 9kanya nagsole hide sakay inbaheta de itod a atanan tu sapulo ay ti essa a apostol sakay tu agum de hide. 10U b&#225;bbey hide ay di Maria Magdalena, Juana, sakay ti Maria a ina ni Santiago; iye hide sakay tu agum pa a b&#225;bbey a kaguman de u nagbaheta tu Apostol hide. 11Pero awan naniwala u Apostol hide dipo tu akala de ay gimi-gimet la nu b&#225;bbey hide. 12Pero timmakn&#225;g ti Pedro sakay gumm&#225;ggenan a immangay tu p&#225;gl&#225;bb&#225;ngngan. Simm&#225;dd&#225;p siya, sakay nikuna iling&#225;n na ay awan siya ti iba a netan nan u damit a lino a nangbalut de ni Jesus. Kaya nagsole siya a grabi u taka na.</div><div class="s">U Nangyare tu Duwwa a Patamo ti Emaus</div><div class="r">(Markos 16:12-13)</div><div class="p"> 13Ti aldew biyan itod ay paangay tu baryo a Emaus u duwwa a disepulus ni Jesus. U kadeyo nu Emaus ti Jerusalem ay sapulo ay ti essa a kilometro. 14P&#225;gguhunan de a duwwa u nangyare hide. 15Mentaras a m&#225;gguhon hide sakay magtanungan ay immadene nide ti Jesus sakay n&#225;ksabay. 16Netan de siya pero awan de natengge a kum&#225;n a natak&#225;ppan u mata de. 17Tinanung hide ni Jesus, &#8220;&#193;nya ben i p&#225;gguhunan moye?&#8221;</div><div class="p">Kaya ummimang hide ti sa badit tu p&#225;glakad de a malungkut a tahod. 18Timmabbeg u essa nide a u ngahan na ay ti Cleopas. Kinagi na, &#8220;Hiko w&#225;d la i dayuway ti Jerusalem a awan nakabaheta tu nangyare hide ti nakadaman na tode a aldew.&#8221;</div><div class="p"> 19Tinanung na hide, &#8220;&#193;nya beman itod hide a pangyayare?&#8221;</div><div class="p">Timm&#225;bbeg hide, &#8220;Tungkul tu nangyare ni Jesus a taga-Nazaret, essa a prupeta a makapangyariyan tu gimet sakay tu pagtoldu na, magin tu atubang nu Diyos sakay tu tolay hide. 20Dinak&#225;p siya nu puno me hide a saserdote sakay nu puno hide tu banuwan para mahatulan ti kamatayan, sakay nepako tu kudus. 21&#193;asaan mi pa be a siya u m&#225;ngligtas tu lahe hide ni Israel. Sakay bak&#225;n la a ina, kat&#225;llo na d&#225;n nadid a aldew sapul a mangyare itod. 22Nah&#225;kned kame tu imbaheta nu agum a b&#225;bbey a kakagumanan me. Magamulaldew kan palla ay immangay d&#225;n hide tu p&#225;gl&#225;bb&#225;ngngan, 23pero awan de kanon netan u bangkay na hod. Nagsole hide sakay kinagi de a te netan kan hide a duwwa a anghel a nagkagi nide a biyag ti Jesus. 24Immangay be u agum me hide tu p&#225;gl&#225;bb&#225;ngngan sakay konna bi hod u netan de. Pero awan de netan ti Jesus.&#8221;</div><div class="p"> 25Kinagi nide ni Jesus, &#8220;Awan kam beman makaintendi? Bakin awan moy paniwalaan u atanan a kinagi nu prupeta hide? 26Awan beman kailangan madanas nu Cristo u atanan a paghihirap a iye bagu na a matanggap u marangal na a p&#225;pp&#225;gyanan ti langet?&#8221; 27Sakay impaliwanag nide ni Jesus u atanan a nesulat tu Kasulatan tungkul tu sadile na, sapul tu insulat ni Moises hanggan tu insulat nu prupeta hide.</div><div class="p"> 28Nikuna adene d&#225;n hide ti Emaus a tamuwan de ay nagkunware a magtulos-tulos siya a tamo tu adeyo a lugar,#24:28 Basa&#225;n tu Markos 6:48. 29pero pinug&#225;d de siya, &#8220;M&#225;ktulos ka palla nikame, dipo sumah&#225;m d&#225;n i aldiwe sakay m&#225;gdadidikl&#225;m d&#225;n.&#8221; Kaya n&#225;kkuyog ngane siya nide. 30Nikuna kaatubang di d&#225;n siya a kuman ay nangalap siya tu tinapay sakay nagpasalamat tu Diyos. K&#225;ttapos ay hinate-hate na sakay inyat&#225;d na nide. 31Ti itod la a nabukasan u mata de sakay natengge de ti Jesus, pero bigla siya a nawan. 32Nakagi de, &#8220;Kaya b&#225;l a konna d&#225;lla hod u sahat tam mentaras a m&#225;kp&#225;gguhon sakay mak&#225;npaliwanag&#225;n nikita tu Kasulat&#225;n.&#8221;</div><div class="p"> 33Ti itod be ay nagsole hide ti Jerusalem. Dinem&#225;ttan de hod a mam&#225;g-ipun-ipun u sapulo ay ti essa sakay tu agum de hide. 34Kinagi de tu duwwa, &#8220;Tatahoden b&#225;l a nabiyag a huway u Panginoon! Pimmeta siya ni Simon!&#8221; 35Sakay inyistorya be nu duwwa u nangyare nide tu dilan, sakay ni kodya di siya a natengge nikuna a paghate-hatiyan na u tinapay.</div><div class="s">Pimmeta ti Jesus tu Disepulus na hide</div><div class="r">(Mateo 28:16-20; Markos 16:14-18; Juan 20:19-23; Gimet 1:6-8)</div><div class="p"> 36Mentaras a mam&#225;gguhon hide tungkul tu nangyare ay timm&#225;knag ti Jesus tu b&#225;llog de, sakay kinagi na, &#8220;Magkahod kam nakwa ti kapayapaan!&#8221; 37Pero nah&#225;kned hide sakay nanteng dipo u akala de tu katoy tu atubang de ay multo. 38Kanya kinagi nide ni Jesus, &#8220;Bakin magalanganin kam? Sakay bakin manteng kam? 39Iling&#225;n moy i kam&#225;t sakay i tik&#225;d kuw&#225;y, hik&#225;n iye. Kahap&#225;nn&#225;k moy sakay malas&#225;n. U multo ay awan ti pilas sakay awan ti tulang, pero hik&#225;n ay tehhod a konna tu keitan moy.&#8221;</div><div class="p"> 40P&#225;kkakagi na hod ay impeta na u kam&#225;t na sakay u tik&#225;d na. 41Nikuna awan padi hide makapaniwala dipo tu saya sakay tu h&#225;kned de ay tinanung hide ni Jesus, &#8220;Te makan kam beman hina?&#8221; 42Inat&#225;dden di siya ti sag&#225;lg&#225;l a ikan a neapoy. 43Inalap na itod sakay kinan na tu atubang de.</div><div class="p"> 44K&#225;ttapos ay kinagi na nide, &#8220;Iye u gusto ko a tumbuk&#225;n nikuna kagiy&#225;n ko nikam tu itod pa nikuna a kakaguman&#225;k moy padla; a kailangan a matupad u atanan a nesulat tungkul nik&#225;n tu Kautusan ni Moises, sakay tu insulat nu prupeta hide, sakay tu libro nu Kansiyon hide.&#8221;</div><div class="p"> 45Binukasan na u iisip de para maintendiyan de u Kasulatan hide. 46Sakay kinagi na nide, &#8220;Konna he u nesulat, &#8216;Kailangan a maghirap sakay matay u Cristo sakay mabiyag a huway tu kat&#225;llo a aldew.&#8217; 47Tu pamamag-itan nu ngahan na, u p&#225;gsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem. 48Hikam u mangpatunay ti iye hide a bagay. 49Tandaan moy, paangay&#225;n kuhe u inpananto nu Ama ko, kaya dyan kam lumakad ti Jerusalem mentaras a awan kam pagkaluuben nu kapangyariyan a g&#225;bwat ti langet.&#8221;</div><div class="s">U K&#225;angay ni Jesus ti Langet</div><div class="r">(Markos 16:19-20; Gimet 1:9-11)</div><div class="p"> 50K&#225;ttapos ay inkuyog hide ni Jesus ti Betania. K&#225;ddem&#225;t di hod ay inyontok na u kam&#225;t na sakay pinagpala na hide. 51Mentaras a pagpala&#225;n na hide ay m&#225;ggaoontok siya a patamo ti langet. 52Sinamba de siya; k&#225;ttapos ay nagsole d&#225;n hide ti Jerusalem, a grabi u kasayaan de. 53Palagi hide tu templo sakay he hod hide a magpapuriy&#225;n tu Diyos.</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Nadid, magamulaldew palla nu simba ay immangay dán u bábbey hide tu páglabbángngan, tawed de u pabango hide a inhanda de. Káddemát de ay nedemáttan de a negulung dan u bito a tumáttákláb tu pintuwan nu páglábbángngan. Pero kássáddáp de ay awan de netan u bangkay ni Jesus. Magulu-guluwan palla hide tu nangyare ay bigla dálla a pimmeta u duwwa a lállake a makasile ti damit. Dipo tu ánteng de ay limmuhud hide a sayad u hupa de tu luta. Tinanung hide nu lállake a duwwa, “Bakin ehyukán moy u biyag tu lugar nu patay hide? Nabiyag dán a huway ti Jesus, awan dán he siya! Isipan moy u kinagi na dán nikam nikuna he palla siya ti Galilea. Awan beman kinagi na a, ‘U Anak nu Tolay ay kailangan a metokyon tu makasalanan hide sakay mepako tu kudus, sakay tu katállo a aldew ay mabiyag siya a huway.’”
Kanya naalaala de u kinákkagi ni Jesus tu itod, kanya nagsole hide sakay inbaheta de itod a atanan tu sapulo ay ti essa a apostol sakay tu agum de hide. U bábbey hide ay di Maria Magdalena, Juana, sakay ti Maria a ina ni Santiago; iye hide sakay tu agum pa a bábbey a kaguman de u nagbaheta tu Apostol hide. Pero awan naniwala u Apostol hide dipo tu akala de ay gimi-gimet la nu bábbey hide. Pero timmaknág ti Pedro sakay gummággenan a immangay tu páglábbángngan. Simmáddáp siya, sakay nikuna ilingán na ay awan siya ti iba a netan nan u damit a lino a nangbalut de ni Jesus. Kaya nagsole siya a grabi u taka na.


Ti aldew biyan itod ay paangay tu baryo a Emaus u duwwa a disepulus ni Jesus. U kadeyo nu Emaus ti Jerusalem ay sapulo ay ti essa a kilometro. Págguhunan de a duwwa u nangyare hide. Mentaras a mágguhon hide sakay magtanungan ay immadene nide ti Jesus sakay náksabay. Netan de siya pero awan de natengge a kumán a natakáppan u mata de. Tinanung hide ni Jesus, “Ánya ben i págguhunan moye?”
Kaya ummimang hide ti sa badit tu páglakad de a malungkut a tahod. Timmabbeg u essa nide a u ngahan na ay ti Cleopas. Kinagi na, “Hiko wád la i dayuway ti Jerusalem a awan nakabaheta tu nangyare hide ti nakadaman na tode a aldew.”
Tinanung na hide, “Ánya beman itod hide a pangyayare?”
Timmábbeg hide, “Tungkul tu nangyare ni Jesus a taga-Nazaret, essa a prupeta a makapangyariyan tu gimet sakay tu pagtoldu na, magin tu atubang nu Diyos sakay tu tolay hide. Dinakáp siya nu puno me hide a saserdote sakay nu puno hide tu banuwan para mahatulan ti kamatayan, sakay nepako tu kudus. Áasaan mi pa be a siya u mángligtas tu lahe hide ni Israel. Sakay bakán la a ina, katállo na dán nadid a aldew sapul a mangyare itod. Nahákned kame tu imbaheta nu agum a bábbey a kakagumanan me. Magamulaldew kan palla ay immangay dán hide tu páglábbángngan, pero awan de kanon netan u bangkay na hod. Nagsole hide sakay kinagi de a te netan kan hide a duwwa a anghel a nagkagi nide a biyag ti Jesus. Immangay be u agum me hide tu páglábbángngan sakay konna bi hod u netan de. Pero awan de netan ti Jesus.”
Kinagi nide ni Jesus, “Awan kam beman makaintendi? Bakin awan moy paniwalaan u atanan a kinagi nu prupeta hide? Awan beman kailangan madanas nu Cristo u atanan a paghihirap a iye bagu na a matanggap u marangal na a páppágyanan ti langet?” Sakay impaliwanag nide ni Jesus u atanan a nesulat tu Kasulatan tungkul tu sadile na, sapul tu insulat ni Moises hanggan tu insulat nu prupeta hide.
Nikuna adene dán hide ti Emaus a tamuwan de ay nagkunware a magtulos-tulos siya a tamo tu adeyo a lugar, pero pinugád de siya, “Máktulos ka palla nikame, dipo sumahám dán i aldiwe sakay mágdadidiklám dán.” Kaya nákkuyog ngane siya nide. Nikuna kaatubang di dán siya a kuman ay nangalap siya tu tinapay sakay nagpasalamat tu Diyos. Káttapos ay hinate-hate na sakay inyatád na nide. Ti itod la a nabukasan u mata de sakay natengge de ti Jesus, pero bigla siya a nawan. Nakagi de, “Kaya bál a konna dálla hod u sahat tam mentaras a mákpágguhon sakay makánpaliwanagán nikita tu Kasulatán.”
Ti itod be ay nagsole hide ti Jerusalem. Dinemáttan de hod a mamág-ipun-ipun u sapulo ay ti essa sakay tu agum de hide. Kinagi de tu duwwa, “Tatahoden bál a nabiyag a huway u Panginoon! Pimmeta siya ni Simon!” Sakay inyistorya be nu duwwa u nangyare nide tu dilan, sakay ni kodya di siya a natengge nikuna a paghate-hatiyan na u tinapay.


Mentaras a mamágguhon hide tungkul tu nangyare ay timmáknag ti Jesus tu bállog de, sakay kinagi na, “Magkahod kam nakwa ti kapayapaan!” Pero nahákned hide sakay nanteng dipo u akala de tu katoy tu atubang de ay multo. Kanya kinagi nide ni Jesus, “Bakin magalanganin kam? Sakay bakin manteng kam? Ilingán moy i kamát sakay i tikád kuwáy, hikán iye. Kahapánnák moy sakay malasán. U multo ay awan ti pilas sakay awan ti tulang, pero hikán ay tehhod a konna tu keitan moy.”
Pákkakagi na hod ay impeta na u kamát na sakay u tikád na. Nikuna awan padi hide makapaniwala dipo tu saya sakay tu hákned de ay tinanung hide ni Jesus, “Te makan kam beman hina?” Inatádden di siya ti sagálgál a ikan a neapoy. Inalap na itod sakay kinan na tu atubang de.
Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”
Binukasan na u iisip de para maintendiyan de u Kasulatan hide. Sakay kinagi na nide, “Konna he u nesulat, ‘Kailangan a maghirap sakay matay u Cristo sakay mabiyag a huway tu katállo a aldew.’ Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem. Hikam u mangpatunay ti iye hide a bagay. Tandaan moy, paangayán kuhe u inpananto nu Ama ko, kaya dyan kam lumakad ti Jerusalem mentaras a awan kam pagkaluuben nu kapangyariyan a gábwat ti langet.”


Káttapos ay inkuyog hide ni Jesus ti Betania. Káddemát di hod ay inyontok na u kamát na sakay pinagpala na hide. Mentaras a pagpalaán na hide ay mággaoontok siya a patamo ti langet. Sinamba de siya; káttapos ay nagsole dán hide ti Jerusalem, a grabi u kasayaan de. Palagi hide tu templo sakay he hod hide a magpapuriyán tu Diyos.

Phulaphula i Lukas 24