Alis I Ron 2018 NBTT NT Drama

Alis I Ron 2018 NBTT NT NonDrama

<div class="version vid3636 iso6393cla" data-vid="3636" data-iso6393="cla">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Mbai i Som Ro Marwyat</div><div class="p"> 1Yeso lak fe i ro ames findel mai ni, &#8220;Ai maramwayat nin kin mbai i som ro ta wur ames &#595;a u &#599;ingus &#599;am ta. Takfai ti andi, si kolus muro nyai mbai i som roi mayus kikish ti sufat ya. 2Unai dee mawuri lai mbai i som roi, lulus ni, &#8216;Ami ima hali nasi ha hai ya? Ya ha lakun ngga' ima ha wa ti roi ta, &#595;urti ha wa muhum ro hu yin kwa hwak.&#8217; 3Unai mbai i som roi lak &#599;yus ni, &#8216;Dee mawur amen ma wa nggasun nasi roi. I wa masi atini mwashi ya? I ti njeng i han ti ahan kwa, i shusho i fwal fwal. 4Awinoo! I shang a&#599;eng ima i wa masi, na si nggan nasi ro amen hai, &#599;ufal si matun ta wurai ames.&#8217;</div><div class="p"> 5&#8220;Unai lai shak &#599;ufal ima si ti wufyar i dee mawur ames. Lul tai bya'i ni, &#8216;A wufer i mawen i dee mawur amen mata kyel ama ya?&#8217;</div><div class="p"> 6&#8220;Nyus, &#8216;A garwa i mbar ndik hure myarfu'.&#8217; Unai mbaiyi fas kaada nyus, &#8216;Woronga hure &#595;aras na kang.&#8217; 7Unai lul ta nin hwak nyus, &#8216;Ha hee? A wufer i mawen hati ya?&#8217;</div><div class="p">&#8220;Nyus, &#8216;A kukwal i alkama nggal andek.&#8217;</div><div class="p">&#8220;Unai mbaiyi nyus, &#8216;Kaada mai, woronga hure myarfu'.&#8217;</div><div class="p"> 8&#8220;Unai dee mawuri lak ma&#599;esi tasi hai i mbai i som roi, &#595;urti rwyat ames. Som i naya moti si &#595;in shang ti ngga' ima &#595;a si kol haisus ta, si &#595;in ima si mii som i kweneng fwang ti &#599;iyai.&#8221;</div><div class="p"> 9Yeso lak ni, &#8220;I ma laksu, mas hun ro ti ramwayat amu hu wis ti myatat hu &#599;ufal &#595;urti haisu, a ti andi na ramwayat ti mbita, si wa matsu ta wurai i fit i myan hu myan.</div><div class="p"> 10&#8220;Ma&#599;ufal ima si kyanus &#595;wi hai ti kofti mwawei si al i &#599;ama ndyong hai, si kyanus &#595;wi hai hwak ti kofti mwawei si &#599;amam hyang. Ma&#599;ufal ima lak mwawei si mandyongi hai kwa, lak fyarat si mahyangi hai. 11Na hun yu ii som i lak ti fyarat si ramwayat i naya hai, awe ma wa fasu ramwayat i mwawei ya? 12Na hu fwang &#599;am i &#599;eng ti mwawei kwa, awe ma wa fasu a&#599;eng ima mii amu ya?</div><div class="p"> 13&#8220;Ma&#599;ufal ndok u fa kaya apil ngye kwa. A kpang u nggwes ti andek, u &#595;wet mandeki, ahun u fa hai wa kyel i andek, u mas gbya' ti mandeki. Ha wa fati cef ngye, ha fa Dee&#385;we ngye myan andek kwa.&#8221;</div><div class="s">Dee&#385;we Shang Mulwat i &#394;ufal</div><div class="r">(Mat 11:12-13; 5:31-32)</div><div class="p"> 14Farisiyawa si yus &#595;weti cef, ti hal ti findel ima Yeso lak, unai si nju&#595;wil. 15Unai Yeso nyus, &#8220;A hun hu &#595;al &#595;weti kofti &#599;ufal nyai hun a munderei, shak ta andi Dee&#385;we shang ambe' i mulwat amu. &#394;amam ima &#599;ufal si &#595;in fati mbaitat i hai, a sin Dee&#385;we &#595;wet &#595;a u &#599;ingus kwa fweng.</div><div class="p"> 16&#8220;Anggut i Mosis hu findel i som i shit si lak yes myan i Jwon Mabatisma. Tasi myan ani, si lak muro ma&#599;esi i kaitat i Dee&#385;we, shak &#599;ufal sima kinti hai twakan ti kikyal &#595;a si wis mulang ta wii. 17&#385;in mbwesh &#595;a ri' hu fisha si fot ndarak, hu ima si ni worong andek na saa ti anggut ti fur fisha.</div><div class="s">Kofti Tasi For ti Kunggo</div><div class="r">(Mat 19:1; Mak 10:1-12)</div><div class="p"> 18&#8220;Shak ma&#599;ufal ima wak mborsus ii ra &#599;ak kunggo nin ta, mas a arak i zuruk. Shak ma&#599;ufal ima kunggo mbor tima ti hon re amet, mayus a arak i zuruk hu yit.</div><div class="s">Maramwayat hu La'azarus</div><div class="p"> 19&#8220;Ai si mas maramwayat nin. Shwai arom mu ham majuwi liim i cef hyang ta lo', yis cwai ti cwa i ramwayat ngang. 20Ta fo i kwap ames si kin majyel nin yis fwal ta, asum ames a La'azarus, ima lo' i shak mayus ii mburyash. Si kwalansus si gantus ta ngang. 21Yis kyan &#595;wi ashang na&#599;in kyek u wis pu&#595;us i cwa ima ndak ta kwang i cwa i maramwayati &#595;a u cu. Kyara hwak sin yes sin lok ti mburyash amesi.</div><div class="p"> 22&#8220;Myan ti ndok ima majyeli motus som lu' i Dee&#385;we si ha'us si kol ta fi&#599;ya' i Ibirai. Maramwayati mot hwak, unai si laiyus ta fiyai. 23Wa ta wur i man yis woti shum ta, unai ha' hai fit &#599;ing Ibirai ta maleng, sin akul hu La'azarus. 24Unai lai lai ni, &#8216;A dee Ibirai, &#599;inga shum asuni, ha ro La'azarus &#595;a u jop foti ra asus ta ham wi u ndyafuni nasi alis hai &#595;a i wis ti&#599;yat, &#595;urti ima woti shum ti ambas na man mai wi.&#8217;</div><div class="p"> 25&#8220;Unai Ibirai nyus, &#8216;A al amen, mbe'a ti myan ima hata naya, ha cu &#599;amam mu&#599;esani ama ya, La'azarus yis woti shum. Mwashi ma hal ti &#599;at si &#595;wi, ha hama woti shum. 26Andi kek je kwa, na saa kanti mbai magong mandyongi kar ti kan. Si kin, kandok shini na kyel aminin, si pis wa &#595;wai amu, ta kyel amu, si wa pis yes na kyel aminin.&#8217;</div><div class="p"> 27&#8220;Unai matussi ni, &#8216;A dee, i fwal sa, rwa La'azarus ta wur i deen, 28&#595;urti i ti shunun hara muryai. &#385;a u wa u zulus mwal, kandok sin hwak si yes na kyel i shum mai.&#8217;</div><div class="p"> 29&#8220;Ibirai ni, &#8216;Shuna si mati Anggut i Mosis hu Som i Shit, ndok &#595;a shuna si halus.&#8217;</div><div class="p"> 30&#8220;Maramwayati matussi ni, &#8216;Woroo, a dee Ibirai! Na &#599;eng luk fit na fiyai u wa kyel ames, si wa hatat ta mafwashi ames.&#8217;</div><div class="p"> 31&#8220;Unai nyus, &#8216;Na si hal a&#599;eng ima Mosis hu Som i Shit si lak kwa, na &#599;eng lang na fiyai ma wa kinsus si shen mulut ames kwa!&#8217; &#8221;</div>
 </div>
 </div>
</div>

Yeso lak fe i ro ames findel mai ni, “Ai maramwayat nin kin mbai i som ro ta wur ames ɓa u ɗingus ɗam ta. Takfai ti andi, si kolus muro nyai mbai i som roi mayus kikish ti sufat ya. Unai dee mawuri lai mbai i som roi, lulus ni, ‘Ami ima hali nasi ha hai ya? Ya ha lakun ngga' ima ha wa ti roi ta, ɓurti ha wa muhum ro hu yin kwa hwak.’ Unai mbai i som roi lak ɗyus ni, ‘Dee mawur amen ma wa nggasun nasi roi. I wa masi atini mwashi ya? I ti njeng i han ti ahan kwa, i shusho i fwal fwal. Awinoo! I shang aɗeng ima i wa masi, na si nggan nasi ro amen hai, ɗufal si matun ta wurai ames.’
“Unai lai shak ɗufal ima si ti wufyar i dee mawur ames. Lul tai bya'i ni, ‘A wufer i mawen i dee mawur amen mata kyel ama ya?’
“Nyus, ‘A garwa i mbar ndik hure myarfu'.’ Unai mbaiyi fas kaada nyus, ‘Woronga hure ɓaras na kang.’ Unai lul ta nin hwak nyus, ‘Ha hee? A wufer i mawen hati ya?’
“Nyus, ‘A kukwal i alkama nggal andek.’
“Unai mbaiyi nyus, ‘Kaada mai, woronga hure myarfu'.’
“Unai dee mawuri lak maɗesi tasi hai i mbai i som roi, ɓurti rwyat ames. Som i naya moti si ɓin shang ti ngga' ima ɓa si kol haisus ta, si ɓin ima si mii som i kweneng fwang ti ɗiyai.”
Yeso lak ni, “I ma laksu, mas hun ro ti ramwayat amu hu wis ti myatat hu ɗufal ɓurti haisu, a ti andi na ramwayat ti mbita, si wa matsu ta wurai i fit i myan hu myan.
“Maɗufal ima si kyanus ɓwi hai ti kofti mwawei si al i ɗama ndyong hai, si kyanus ɓwi hai hwak ti kofti mwawei si ɗamam hyang. Maɗufal ima lak mwawei si mandyongi hai kwa, lak fyarat si mahyangi hai. Na hun yu ii som i lak ti fyarat si ramwayat i naya hai, awe ma wa fasu ramwayat i mwawei ya? Na hu fwang ɗam i ɗeng ti mwawei kwa, awe ma wa fasu aɗeng ima mii amu ya?
“Maɗufal ndok u fa kaya apil ngye kwa. A kpang u nggwes ti andek, u ɓwet mandeki, ahun u fa hai wa kyel i andek, u mas gbya' ti mandeki. Ha wa fati cef ngye, ha fa DeeƁwe ngye myan andek kwa.”


Farisiyawa si yus ɓweti cef, ti hal ti findel ima Yeso lak, unai si njuɓwil. Unai Yeso nyus, “A hun hu ɓal ɓweti kofti ɗufal nyai hun a munderei, shak ta andi DeeƁwe shang ambe' i mulwat amu. Ɗamam ima ɗufal si ɓin fati mbaitat i hai, a sin DeeƁwe ɓwet ɓa u ɗingus kwa fweng.
“Anggut i Mosis hu findel i som i shit si lak yes myan i Jwon Mabatisma. Tasi myan ani, si lak muro maɗesi i kaitat i DeeƁwe, shak ɗufal sima kinti hai twakan ti kikyal ɓa si wis mulang ta wii. Ɓin mbwesh ɓa ri' hu fisha si fot ndarak, hu ima si ni worong andek na saa ti anggut ti fur fisha.


“Shak maɗufal ima wak mborsus ii ra ɗak kunggo nin ta, mas a arak i zuruk. Shak maɗufal ima kunggo mbor tima ti hon re amet, mayus a arak i zuruk hu yit.

“Ai si mas maramwayat nin. Shwai arom mu ham majuwi liim i cef hyang ta lo', yis cwai ti cwa i ramwayat ngang. Ta fo i kwap ames si kin majyel nin yis fwal ta, asum ames a La'azarus, ima lo' i shak mayus ii mburyash. Si kwalansus si gantus ta ngang. Yis kyan ɓwi ashang naɗin kyek u wis puɓus i cwa ima ndak ta kwang i cwa i maramwayati ɓa u cu. Kyara hwak sin yes sin lok ti mburyash amesi.
“Myan ti ndok ima majyeli motus som lu' i DeeƁwe si ha'us si kol ta fiɗya' i Ibirai. Maramwayati mot hwak, unai si laiyus ta fiyai. Wa ta wur i man yis woti shum ta, unai ha' hai fit ɗing Ibirai ta maleng, sin akul hu La'azarus. Unai lai lai ni, ‘A dee Ibirai, ɗinga shum asuni, ha ro La'azarus ɓa u jop foti ra asus ta ham wi u ndyafuni nasi alis hai ɓa i wis tiɗyat, ɓurti ima woti shum ti ambas na man mai wi.’
“Unai Ibirai nyus, ‘A al amen, mbe'a ti myan ima hata naya, ha cu ɗamam muɗesani ama ya, La'azarus yis woti shum. Mwashi ma hal ti ɗat si ɓwi, ha hama woti shum. Andi kek je kwa, na saa kanti mbai magong mandyongi kar ti kan. Si kin, kandok shini na kyel aminin, si pis wa ɓwai amu, ta kyel amu, si wa pis yes na kyel aminin.’
“Unai matussi ni, ‘A dee, i fwal sa, rwa La'azarus ta wur i deen, ɓurti i ti shunun hara muryai. Ɓa u wa u zulus mwal, kandok sin hwak si yes na kyel i shum mai.’
“Ibirai ni, ‘Shuna si mati Anggut i Mosis hu Som i Shit, ndok ɓa shuna si halus.’
“Maramwayati matussi ni, ‘Woroo, a dee Ibirai! Na ɗeng luk fit na fiyai u wa kyel ames, si wa hatat ta mafwashi ames.’
“Unai nyus, ‘Na si hal aɗeng ima Mosis hu Som i Shit si lak kwa, na ɗeng lang na fiyai ma wa kinsus si shen mulut ames kwa!’ ”

Phulaphula i Luka 16