Tawbuid, Eastern by OMF International, Philippines Non-Drama (NT)

Tawbuid, Eastern by OMF International, Philippines Drama (NT)

<div class="version vid3617 iso6393bnj" data-vid="3617" data-iso6393="bnj">
 <div class="book bkLUK">
 <div class="chapter ch13" data-usfm="LUK.13">
 <div class="label">13</div><div class="s">Ubuni ay Asalanan</div><div class="p"> 1Kadugenya, tibak taw sanya nalong sas Isus te, Pilatu nafate ebi ngay taw Galiliya kaduge ganyun sas Diyus. 2Ay Isus nalong sanya fag ngay taw te, &#8220;Go gamatangan am te, ka fag ngay taw Galiliya at asalanan glabi yay tibak taw Galiliya at asalanan, madyay inke faurianan dawdaw sa anya? 3Igfoyung aw ayu te, yaya! Ay fagayu am, nu dway am naubun ay asalanan, anggan am, umfaurianan yangay ban am. 4Ay kata ka fag 18k taw at kinkate gina natalfian sik bale fagbantayan at ngabat sis fulan Siluam. Go gamatangan am te, kanya fag ngay taw at asalanan glabi yay tibak taw Erusalem at asalanan? 5Igfoyung aw ayu te, yaya! Ay fagayu am, nu dway am naubun ay asalanan, anggan am, umfaurianan yangay ban am.&#8221;</div><div class="s">Isus At Fafaskudanan sa sik Kayu at Yud e Buwadan</div><div class="p"> 6Isus nafafaskudanan te, &#8220;Ebi, e sik taw at natanum kayu igus sat tanuman. Ay bandi kanya nananlag wa at tanum te, go e buwadan tuwa. Ay roro we nalag at buwadan. 7Ay kanya nalong sat tagtanud tanuman te, &#8216;Tulu wak banwa nu gfanya aw ku tanum igus nu gbuwadan, ay faggugat wa gbuwadan. Fuwani wan teway igfapnu way ku daga!&#8217; 8Ay at tagtanud nalong te, &#8216;Ku fun, toi yap, igfanya yay ta katsi fag banwa, nangali akyay ay nanfatsanya sik fanfarabung. 9Labon manga muwadan yay fadogan fag banwa. Ay nu dway long ban gbuwadan, muwan wa ban ta.&#8217; &#8221;</div><div class="s">Isus Nafafiya sik Ina Mabarugkung</div><div class="p"> 10Sik Fakamatoun fag Menit Isus nafoyung sa sangay taw Udyu bale fakafulan. 11Ay sanya e sik mangena e daylan anway e mafurat fag falad, at kadugayan 18k banwa. Ay kanya mabarugkung way, ay wa maaturun. 12Ay Isus nu nalag ka fag mangena, nafaakbang sa anya ay nalong te, &#8220;Sena, infiya wan am daylan.&#8221; 13Ay Isus nated anya. Ay rodi tv, kanya malindug tuwa ay igseg Diyus. 14Ay sanya at tagmagurang bale fakafulan kalimata dawdaw Isus sa at nafafiyan sis Fakamatoun fag Menit. Ay ka fag tagmagurang nalong sa sangay taw sanya te, &#8220;Unumk menit at masine nu gfagbulun tam. Ay sanya wa fag unumk menit nu guba am at ke daylan laman nanfafiya, ay lagi sis Fakamatoun fag Menit.&#8221; 15Ay tam Fun Isus nabalus te, &#8220;Am, tagfalukanan way am fag ngay taw! Madyay anggan am gfalin way am ay baka ay ay asnu ay gfainum tuwam dewa sis Fakamatoun fag Menit. Go kin? 16Ay ka fag mangena Abrayam at kadagdagan wa at sadi, Satanas nafatakan anya 18k banwa. Nu katanya, masinei tuwa nu gfafiya anya dewa sis Fakamatoun fag Menit.&#8221; 17Ay Isus nu nafoyung wa katanya, takalimata anya napla wa dawdaw. Ay ngay taw sanya guseganan dawdaw, anway nalag Isus at ngay madaragang fag fagbulun.</div><div class="s">Isus At Fafaskudanan sa sik Butul Mustasa</div><div class="r">(Mat. 13:31-32; Mar. 4:30-32)</div><div class="p"> 18Isus nalong yay te, &#8220;Tain ro nu gfafaskudanan aw Diyus nu gmagurang taw? 19Diyus nu gmagurang taw kata sik butul mustasa, sik taw natanum sat gamasun. Ay nu natugbung indaul kata tibak kayu. Ay ngay manuk tungud gfugad si at ngay sanga.&#8221;</div><div class="s">Isus At Fafaskudanan sa sik Famadaul Tinafay</div><div class="r">(Mat. 13:33)</div><div class="p"> 20Ay Isus gdog yay nalong te, &#8220;Tain ro nu gfafaskudanan aw Diyus nu gmagurang taw? 21Diyus nu gmagurang taw kata sa sik famadaul tinafay. Sik mangena nabul at famadaul tinafay ay nafasagbatan sas wa arina ay naawat tinafay, ay rodi fagayu at naawat, indaul wan.&#8221;</div><div class="s">Isus At Foyungan sa baliwa at Sirut fag Sakbawan</div><div class="r">(Mat. 7:13-14,21-23)</div><div class="p"> 22Ay Isus gtunglus yay nu glo sas Erusalem ay nadalan sa sangay fulan daul ay sa sangay fulan sirut, ay gfoyung sanya. 23Ay sanya sik taw ginto Isus te, &#8220;Em Fun, go gsadsadian way at kumlangfe?&#8221; Ay Isus nalong sa sangay taw te, 24&#8220;Ugatani tuwa nu gsakbo am sat alay fag sakbawan. Amatangani: ngayuk taw takaumsig gsakbo sanya, ay roro wa masakbo sanya. 25Sik tagbilug bale nu nlindug ay nu nadingding wan at sakbawan bale, am at malindug sis day bale katuk way am ay guro te, &#8216;Em Fun, fasakboi emi!&#8217; Ay kanya gbalus ayu te, &#8216;Kwa gsaful ayu te, go daginan am!&#8217; 26Ay glong ban am te, &#8216;Igfasfuwan wami emu ginum ay gfangon ebi. Ay o wan at nafoyung emi ebi sis fulan faglanuwan.&#8217; 27Ay ka fag fun gbalus ban te, &#8216;Kwa gsaful te, go daginan am. Loi wan siginan ku akbang, am fagayu tagfagbulun mauri!&#8217; 28Ay nu nabantay ban am Abrayam, Isaak, ay Akub, ay anggan fagayu Diyus at ngay taglong sis Diyus at fagmagurangan taw, muyway ban am dawdaw ay anggan gfaringgit way ban am ay bagang, teway naayan wa ayu sanya ginan. 29Ay e ngay taw ban siginans fakamenitan ay fakayabian, ay siginans wala ay siyun fag tigyangan nanmalunggung ban gfangon sas Diyus at fagmagurangan taw. 30At matuyan, e ngay taw tiba daga way katsi, ay roro kanya tuwa ban at tiba tungud. Ay e ngay taw tiba tungud katsi, ay roro kanya wa ban at tiba daga.&#8221;</div><div class="s">Isus At Longan sa sangay Taw Erusalem Baliwa</div><div class="r">(Mat. 23:37-39)</div><div class="p"> 31Ginanya, tibak taw Parisiyu ndasug ay glong sas Isus te, &#8220;Loi wan ste ginan, anway fun Erudes e fasadanan gananfateun emu.&#8221; 32Ay Isus nabalus te, &#8220;Longi sas Erudes sik tagfanluk te, gfafiya akyay at ke daylan ay gayan at ngay mafurat fag falad, katsi, ay balabag, ay anggan balabag sit dayu, ay gfatabu kwan ku fagbulun. 33Ay dewa katanya, gfatunglus kyay glo sa ku dalan katsi ay balabag ay anggan sit dayu fag menit, anway wa masine sik taglong nu mkate nu dway sas Erusalem.</div><div class="p"> 34&#8220;Am fag ngay taw Erusalem, am wan ebi at nafate Diyus at ngay taglong, ay anggan nafalang am batu ebi at nasugu sa ayu. Ay katsi ngayu ginan kyama gananfafulun ayu, kata sik fanginan nu gfaful at ngay riyangan sat daga fakfak. Ay roro wam kaumsig nangaful sa angku. 35Ay katanya wayay, am wa mandi tagamatangan. Katsi ya ban am lumag angku yap ngay ban am lumong te, &#8216;Segi tam Diyus! Tam Diyus gtarabang tuwa sa takadasug fag fun.&#8217; &#8221;</div>
 </div>
 </div>
</div>

Kadugenya, tibak taw sanya nalong sas Isus te, Pilatu nafate ebi ngay taw Galiliya kaduge ganyun sas Diyus. Ay Isus nalong sanya fag ngay taw te, “Go gamatangan am te, ka fag ngay taw Galiliya at asalanan glabi yay tibak taw Galiliya at asalanan, madyay inke faurianan dawdaw sa anya? Igfoyung aw ayu te, yaya! Ay fagayu am, nu dway am naubun ay asalanan, anggan am, umfaurianan yangay ban am. Ay kata ka fag 18k taw at kinkate gina natalfian sik bale fagbantayan at ngabat sis fulan Siluam. Go gamatangan am te, kanya fag ngay taw at asalanan glabi yay tibak taw Erusalem at asalanan? Igfoyung aw ayu te, yaya! Ay fagayu am, nu dway am naubun ay asalanan, anggan am, umfaurianan yangay ban am.”

Isus nafafaskudanan te, “Ebi, e sik taw at natanum kayu igus sat tanuman. Ay bandi kanya nananlag wa at tanum te, go e buwadan tuwa. Ay roro we nalag at buwadan. Ay kanya nalong sat tagtanud tanuman te, ‘Tulu wak banwa nu gfanya aw ku tanum igus nu gbuwadan, ay faggugat wa gbuwadan. Fuwani wan teway igfapnu way ku daga!’ Ay at tagtanud nalong te, ‘Ku fun, toi yap, igfanya yay ta katsi fag banwa, nangali akyay ay nanfatsanya sik fanfarabung. Labon manga muwadan yay fadogan fag banwa. Ay nu dway long ban gbuwadan, muwan wa ban ta.’ ”

Sik Fakamatoun fag Menit Isus nafoyung sa sangay taw Udyu bale fakafulan. Ay sanya e sik mangena e daylan anway e mafurat fag falad, at kadugayan 18k banwa. Ay kanya mabarugkung way, ay wa maaturun. Ay Isus nu nalag ka fag mangena, nafaakbang sa anya ay nalong te, “Sena, infiya wan am daylan.” Ay Isus nated anya. Ay rodi tv, kanya malindug tuwa ay igseg Diyus. Ay sanya at tagmagurang bale fakafulan kalimata dawdaw Isus sa at nafafiyan sis Fakamatoun fag Menit. Ay ka fag tagmagurang nalong sa sangay taw sanya te, “Unumk menit at masine nu gfagbulun tam. Ay sanya wa fag unumk menit nu guba am at ke daylan laman nanfafiya, ay lagi sis Fakamatoun fag Menit.” Ay tam Fun Isus nabalus te, “Am, tagfalukanan way am fag ngay taw! Madyay anggan am gfalin way am ay baka ay ay asnu ay gfainum tuwam dewa sis Fakamatoun fag Menit. Go kin? Ay ka fag mangena Abrayam at kadagdagan wa at sadi, Satanas nafatakan anya 18k banwa. Nu katanya, masinei tuwa nu gfafiya anya dewa sis Fakamatoun fag Menit.” Ay Isus nu nafoyung wa katanya, takalimata anya napla wa dawdaw. Ay ngay taw sanya guseganan dawdaw, anway nalag Isus at ngay madaragang fag fagbulun.


Isus nalong yay te, “Tain ro nu gfafaskudanan aw Diyus nu gmagurang taw? Diyus nu gmagurang taw kata sik butul mustasa, sik taw natanum sat gamasun. Ay nu natugbung indaul kata tibak kayu. Ay ngay manuk tungud gfugad si at ngay sanga.”


Ay Isus gdog yay nalong te, “Tain ro nu gfafaskudanan aw Diyus nu gmagurang taw? Diyus nu gmagurang taw kata sa sik famadaul tinafay. Sik mangena nabul at famadaul tinafay ay nafasagbatan sas wa arina ay naawat tinafay, ay rodi fagayu at naawat, indaul wan.”


Ay Isus gtunglus yay nu glo sas Erusalem ay nadalan sa sangay fulan daul ay sa sangay fulan sirut, ay gfoyung sanya. Ay sanya sik taw ginto Isus te, “Em Fun, go gsadsadian way at kumlangfe?” Ay Isus nalong sa sangay taw te, “Ugatani tuwa nu gsakbo am sat alay fag sakbawan. Amatangani: ngayuk taw takaumsig gsakbo sanya, ay roro wa masakbo sanya. Sik tagbilug bale nu nlindug ay nu nadingding wan at sakbawan bale, am at malindug sis day bale katuk way am ay guro te, ‘Em Fun, fasakboi emi!’ Ay kanya gbalus ayu te, ‘Kwa gsaful ayu te, go daginan am!’ Ay glong ban am te, ‘Igfasfuwan wami emu ginum ay gfangon ebi. Ay o wan at nafoyung emi ebi sis fulan faglanuwan.’ Ay ka fag fun gbalus ban te, ‘Kwa gsaful te, go daginan am. Loi wan siginan ku akbang, am fagayu tagfagbulun mauri!’ Ay nu nabantay ban am Abrayam, Isaak, ay Akub, ay anggan fagayu Diyus at ngay taglong sis Diyus at fagmagurangan taw, muyway ban am dawdaw ay anggan gfaringgit way ban am ay bagang, teway naayan wa ayu sanya ginan. Ay e ngay taw ban siginans fakamenitan ay fakayabian, ay siginans wala ay siyun fag tigyangan nanmalunggung ban gfangon sas Diyus at fagmagurangan taw. At matuyan, e ngay taw tiba daga way katsi, ay roro kanya tuwa ban at tiba tungud. Ay e ngay taw tiba tungud katsi, ay roro kanya wa ban at tiba daga.”


Ginanya, tibak taw Parisiyu ndasug ay glong sas Isus te, “Loi wan ste ginan, anway fun Erudes e fasadanan gananfateun emu.” Ay Isus nabalus te, “Longi sas Erudes sik tagfanluk te, gfafiya akyay at ke daylan ay gayan at ngay mafurat fag falad, katsi, ay balabag, ay anggan balabag sit dayu, ay gfatabu kwan ku fagbulun. Ay dewa katanya, gfatunglus kyay glo sa ku dalan katsi ay balabag ay anggan sit dayu fag menit, anway wa masine sik taglong nu mkate nu dway sas Erusalem.
“Am fag ngay taw Erusalem, am wan ebi at nafate Diyus at ngay taglong, ay anggan nafalang am batu ebi at nasugu sa ayu. Ay katsi ngayu ginan kyama gananfafulun ayu, kata sik fanginan nu gfaful at ngay riyangan sat daga fakfak. Ay roro wam kaumsig nangaful sa angku. Ay katanya wayay, am wa mandi tagamatangan. Katsi ya ban am lumag angku yap ngay ban am lumong te, ‘Segi tam Diyus! Tam Diyus gtarabang tuwa sa takadasug fag fun.’ ”

Phulaphula i Lukas 13