Kinyaturu - 2010 BST (NT) Drama

<div class="version vid3369 iso6393rim" data-vid="3369" data-iso6393="rim">
 <div class="book bkMAT">
 <div class="chapter ch20" data-usfm="MAT.20">
 <div class="label">20</div><div class="s">Atendamw&#235;mo mu muunda wa m&#235;sabibu</div><div class="p"> 1&#8220;Gusoko utemi wa girunde wikweti na munya khaya un&#235; agafuma diu n&#235; nkuu ufenja anyamw&#235;&#235;mo va ur&#235;fa vende utenda mw&#235;&#235;mo u mughunda wakwe wa m&#235;sabibu. 2V&#235;g&#235;yanj&#235;ya inaawe uvar&#235;fa g&#235;nyamw&#235;mo ga itiku (gwa dinari imwedu). Faafo agavatoa mu muunda wakwe wa m&#235;sabibu. 3Agafuma saa agatatu, agavoona vang&#235;ja vim&#235;ki&#235; usokoni, v&#235;tina mw&#235;mo. 4Agav&#235;&#235;ra: Endi nyeenoo mwende utenda mw&#235;mo mu muunda wa m&#235;sabibu, neenoo ngumufa g&#235;nyamw&#235;mo ganyu! 5Uvii, v&#235;geenda. Munya muunda wasuu agadua kang&#235; saa a mutandatu na saa a kenda, agatenda uvii uvii. 6Nan&#235; itungo ra saa ikumi na &#235;mwe, agadua kang&#235;, agavahanga antu vang&#235;ja vim&#235;kie faafo usokoni. Uvii, agavaw&#235;&#235;ya: &#8216;Asik&#235; n&#235;mwim&#235;kie afaa mumw&#235; woong'e mutina mw&#235;moo?&#8217; 7V&#235;gamusucha: &#8216;Gusoko gutie muntu n&#235;wagufaa mw&#235;mo wa ur&#235;fwa.&#8217; Mweeso agav&#235;&#235;ra, &#8216;Endi nyeenoo noo mwende utenda mw&#235;mo mu muunda wa m&#235;sabibu.&#8217;&#8221;</div><div class="p"> 8N&#235;naa yuva rahar&#235;a, munya muunda wasuu agamw&#235;&#235;ra munya ughondan&#235;ya mpamba wakwe: &#8220;Vataane atendamw&#235;mo uvar&#235;fe g&#235;nyamw&#235;mo gawe, and&#235;ya na awoo va ump&#235;o uf&#235;wa mw&#235;mo, na umar&#235;ye na awoo va mwandyo. 9Uvii, v&#235;gaja awoo n&#235;naavafewaa mw&#235;mo itungo ra saa a ikumi na &#235;mwe, v&#235;gahanga mu muntu g&#235;nyamw&#235;mo ga itiku (dinari &#235;mwedu). 10Awoo va mwandyo n&#235;naavafika, naav&#235;iye v&#235;ufewa hela nying&#235; nanguu, &#235;gweeso nan&#235; veesoonoo v&#235;gafewa mu muntu g&#235;nyamw&#235;mo ga itiku. 11V&#235;gaihora hela yawe, v&#235;gaandya umunang'ana m&#252;k&#252;&#252; wasuu. 12V&#235;gahanya: &#8216;Antu avaa n&#235;ajavafewaa mw&#235;mo itungo ra ump&#235;o vatendaa mw&#235;mo gwa itungo ra saa &#235;mwedu gutufu asik&#235; ugugutendea sese gwa ugwining'an&#235;ya na veeso chu sese gwaghim&#235;&#235;ya mw&#235;mo n&#235;ukaku gwa itiku na yuva ikhar&#235;?&#8217; 13Faafo m&#252;k&#252;&#252; wasuu agamusucha umwe wawe: &#8216;Mbuyan&#235;, ntinagufenea intu! Wur&#235;, aja gw&#235;nagiyanjiya ginako g&#235;nyamw&#235;mo ga itikuna? 14Hora tut&#235; ako, enda kun&#235; winj&#235;. N&#235;anj&#235;te umufa uyuu n&#235;waump&#235;o mwino veve. 15Wur&#235;, ntinoney&#235;na utenda na mari an&#235; mwino n&#235;anj&#235;te?&#8217; 16Yesu agadaha ur&#235;gh&#235;tya gwa uhanya, &#8216;Uvii, va ump&#235;o v&#235;utenda va mwandyo na va mwandyo v&#235;utenda va ump&#235;o.&#8217;&#8221;</div><div class="s">Yesu ugurigh&#235;tya muh&#235;njo wa gatatu ikuya rakwe</div><div class="r">(Mrk 10:32-34; Luk 18:31-34)</div><div class="p"> 17Yesu n&#235;naa winj&#235; uYerusalemu, agavahora as&#235;ywi vakwe vasaa ikumi na vav&#235;&#235; ump&#235;o, na munj&#235;a agav&#235;&#235;ra, 18&#8220;Tegheeyi! Gwinj&#235; uYerusalemu na kuuko Mwaamuntu ugutendewa um&#235;khono a akumb&#235;ki ak&#252;&#252; nan&#235; as&#235;yi va Seria, veesoo noo v&#235;umuramu&#235;ya auraghwe. 19V&#235;umutoa gwa antu n&#235; va ndughu ing&#235;ja iis&#235;ywe, akhuwe makhotya na ukhomwa, &#235;gweeso itiku ra gatatu ugufety&#235;wa.&#8221;</div><div class="s">Irombi ramwa nyinya amwa Yakobo nan&#235; Yohana</div><div class="r">(Mrk 10:35-45)</div><div class="p"> 20Faafo nyinya wa vana vamwa Sebedayo agamuhanga Yesu itamb&#235;&#235;mwe na vanaakwe, agatungama usonge akwe kunu ugumuromba intu. 21Yesu agamuw&#235;&#235;ya, &#8220;Ugufenja ntunihe?&#8221; Mukhema wasuu agamw&#235;&#235;ra, &#8220;V&#235;ka iraghano mwino vanaan&#235; avaa vav&#235;&#235; v&#235;gikhaa umwe uvaru wako wa g&#235;l&#235;lo na ung&#235;ja uvaru wako wa g&#235;moho mu utemi wako.&#8221; 22Yesu agasucha, &#8220;Mutighune muuromba ntuni. Wur&#235;, muudaha unywea gakuu ga makhas&#235;ko n&#235;ngug&#235;nywa nenena?&#8221; V&#235;gamusucha &#8220;Guudaha.&#8221; 23Yesu agav&#235;&#235;ra, &#8220;Tut&#235; muunyweera gakuu gan&#235;, &#235;gweeso gikhaa ug&#235;l&#235;lo namba ug&#235;moho gan&#235;, ti mw&#235;mo wan&#235; uning'an&#235;&#235;ya intu r&#235;s&#235;&#235; v&#235;ufewa vasaa n&#235;vav&#235;k&#235;ywe na Tata wan&#235;.&#8221;</div><div class="p"> 24As&#235;ywi vang&#235;ja avoo ikumi n&#235;naa vategheeya asaa, v&#235;gavakheefea vauna vav&#235;&#235; vasaa. 25Uvii Yesu agavataana, agav&#235;&#235;ra, &#8220;Mumanyie mwino atemi va antu n&#235; ti Ayahudi v&#235;uvibalaa antu vawe gwa nguu na ak&#252;&#252; vasaa v&#235;uvikheeraa na uvatenda mari awe. 26&#203;gweeso kun&#235; nyee itatendekee uvii, &#235;gweeso g&#235;kaku muntu n&#235;ugufenja utenda m&#252;k&#252;&#252; mukhat&#235; anyu inoneye atendeke mutumami wa voong'e, 27na n&#235;ugufenja utenda wa mwandyo mukhat&#235; anyu inoneye atendeke mutumami wanyu. 28Uvii uvii, Mwaamuntu inajaa utumam&#235;wa &#235;gweeso utumama na ufunya uduvi wakwe utendeke ikumb&#235;ko ra antu ving&#235;.&#8221;</div><div class="s">Yesu uguvaforya afoku vav&#235;&#235;</div><div class="r">(Mrk 10:46-52; Luk 18:35-43)</div><div class="p"> 29Yesu n&#235;naa ufumie uYeriko, mwirundo &#252;k&#252;&#252; wa antu ugamuhonga. 30Uvii, naa gwina afoku vav&#235;&#235; vikhee ump&#235;o a nj&#235;a, na n&#235;naa vategheeya mwino Yesu naa uk&#235;&#235;re faafo, v&#235;gaanga: &#8220;M&#252;k&#252;&#252;, Mwana wamwa Daudi, uguon&#235;ee uvavi!&#8221; 31Mwirundo usuu wa antu ugavakenea na uv&#235;&#235;ra v&#235;kire. &#203;gweeso veeso v&#235;gafwagh&#235;&#235;ra gwaanga: &#8220;M&#252;k&#252;&#252;, Mwana wamwa Daudi, uguonee uvavi!&#8221; 32Yesu agim&#235;ka, agavataana na uvaw&#235;&#235;ya, &#8220;Muufenja n&#235;mutendee ntunihe?&#8221; 33V&#235;gamusucha, &#8220;M&#252;k&#252;&#252;, guugunena ugurangw&#235;&#235;ye miho itu.&#8221; 34Uvii, Yesu agavaonea uvavi, agavatenia miho awe na faafo faafo v&#235;goona kang&#235;, v&#235;gamuhonga.</div>
 </div>
 </div>
</div>

 Kirimi New Testament © Bible Society of Tanzania, 2008.

“Gusoko utemi wa girunde wikweti na munya khaya unë agafuma diu në nkuu ufenja anyamwëëmo va urëfa vende utenda mwëëmo u mughunda wakwe wa mësabibu. Vëgëyanjëya inaawe uvarëfa gënyamwëmo ga itiku (gwa dinari imwedu). Faafo agavatoa mu muunda wakwe wa mësabibu. Agafuma saa agatatu, agavoona vangëja vimëkië usokoni, vëtina mwëmo. Agavëëra: Endi nyeenoo mwende utenda mwëmo mu muunda wa mësabibu, neenoo ngumufa gënyamwëmo ganyu! Uvii, vëgeenda. Munya muunda wasuu agadua kangë saa a mutandatu na saa a kenda, agatenda uvii uvii. Nanë itungo ra saa ikumi na ëmwe, agadua kangë, agavahanga antu vangëja vimëkie faafo usokoni. Uvii, agavawëëya: ‘Asikë nëmwimëkie afaa mumwë woong'e mutina mwëmoo?’ Vëgamusucha: ‘Gusoko gutie muntu nëwagufaa mwëmo wa urëfwa.’ Mweeso agavëëra, ‘Endi nyeenoo noo mwende utenda mwëmo mu muunda wa mësabibu.’”
Nënaa yuva raharëa, munya muunda wasuu agamwëëra munya ughondanëya mpamba wakwe: “Vataane atendamwëmo uvarëfe gënyamwëmo gawe, andëya na awoo va umpëo ufëwa mwëmo, na umarëye na awoo va mwandyo. Uvii, vëgaja awoo nënaavafewaa mwëmo itungo ra saa a ikumi na ëmwe, vëgahanga mu muntu gënyamwëmo ga itiku (dinari ëmwedu). Awoo va mwandyo nënaavafika, naavëiye vëufewa hela nyingë nanguu, ëgweeso nanë veesoonoo vëgafewa mu muntu gënyamwëmo ga itiku. Vëgaihora hela yawe, vëgaandya umunang'ana müküü wasuu. Vëgahanya: ‘Antu avaa nëajavafewaa mwëmo itungo ra umpëo vatendaa mwëmo gwa itungo ra saa ëmwedu gutufu asikë ugugutendea sese gwa ugwining'anëya na veeso chu sese gwaghimëëya mwëmo nëukaku gwa itiku na yuva ikharë?’ Faafo müküü wasuu agamusucha umwe wawe: ‘Mbuyanë, ntinagufenea intu! Wurë, aja gwënagiyanjiya ginako gënyamwëmo ga itikuna? Hora tutë ako, enda kunë winjë. Nëanjëte umufa uyuu nëwaumpëo mwino veve. Wurë, ntinoneyëna utenda na mari anë mwino nëanjëte?’ Yesu agadaha urëghëtya gwa uhanya, ‘Uvii, va umpëo vëutenda va mwandyo na va mwandyo vëutenda va umpëo.’”


Yesu nënaa winjë uYerusalemu, agavahora asëywi vakwe vasaa ikumi na vavëë umpëo, na munjëa agavëëra, “Tegheeyi! Gwinjë uYerusalemu na kuuko Mwaamuntu ugutendewa umëkhono a akumbëki aküü nanë asëyi va Seria, veesoo noo vëumuramuëya auraghwe. Vëumutoa gwa antu në va ndughu ingëja iisëywe, akhuwe makhotya na ukhomwa, ëgweeso itiku ra gatatu ugufetyëwa.”


Faafo nyinya wa vana vamwa Sebedayo agamuhanga Yesu itambëëmwe na vanaakwe, agatungama usonge akwe kunu ugumuromba intu. Yesu agamuwëëya, “Ugufenja ntunihe?” Mukhema wasuu agamwëëra, “Vëka iraghano mwino vanaanë avaa vavëë vëgikhaa umwe uvaru wako wa gëlëlo na ungëja uvaru wako wa gëmoho mu utemi wako.” Yesu agasucha, “Mutighune muuromba ntuni. Wurë, muudaha unywea gakuu ga makhasëko nëngugënywa nenena?” Vëgamusucha “Guudaha.” Yesu agavëëra, “Tutë muunyweera gakuu ganë, ëgweeso gikhaa ugëlëlo namba ugëmoho ganë, ti mwëmo wanë uning'anëëya intu rësëë vëufewa vasaa nëvavëkëywe na Tata wanë.”
Asëywi vangëja avoo ikumi nënaa vategheeya asaa, vëgavakheefea vauna vavëë vasaa. Uvii Yesu agavataana, agavëëra, “Mumanyie mwino atemi va antu në ti Ayahudi vëuvibalaa antu vawe gwa nguu na aküü vasaa vëuvikheeraa na uvatenda mari awe. Ëgweeso kunë nyee itatendekee uvii, ëgweeso gëkaku muntu nëugufenja utenda müküü mukhatë anyu inoneye atendeke mutumami wa voong'e, na nëugufenja utenda wa mwandyo mukhatë anyu inoneye atendeke mutumami wanyu. Uvii uvii, Mwaamuntu inajaa utumamëwa ëgweeso utumama na ufunya uduvi wakwe utendeke ikumbëko ra antu vingë.”


Yesu nënaa ufumie uYeriko, mwirundo üküü wa antu ugamuhonga. Uvii, naa gwina afoku vavëë vikhee umpëo a njëa, na nënaa vategheeya mwino Yesu naa ukëëre faafo, vëgaanga: “Müküü, Mwana wamwa Daudi, uguonëee uvavi!” Mwirundo usuu wa antu ugavakenea na uvëëra vëkire. Ëgweeso veeso vëgafwaghëëra gwaanga: “Müküü, Mwana wamwa Daudi, uguonee uvavi!” Yesu agimëka, agavataana na uvawëëya, “Muufenja nëmutendee ntunihe?” Vëgamusucha, “Müküü, guugunena ugurangwëëye miho itu.” Uvii, Yesu agavaonea uvavi, agavatenia miho awe na faafo faafo vëgoona kangë, vëgamuhonga.

Phulaphula i Matayo 20