Koorete - BSE (NT) Drama

<div class="version vid3178 iso6393kqy" data-vid="3178" data-iso6393="kqy">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">Xhamaqicha Yohanise haybo</div><div class="r"> Mrq 6:14-29; Luq 9:7-9</div><div class="p"> 1Galila wude ahesa maaqicha kaati Herodisey yenniyaka Yesuusay hanto odo e siido. 2Be hantaxituse &lt;&lt;Ha axi Xhamaqicha Yohaniseko. Esako haybowafa denda. Ha e gishako ha micushe hanta hantese osa e keenge&gt;&gt; yeydi e hido.</div><div class="p"> 3-4Ye esume buro Herodiseyndo na'i Filphoose macho maaqicha Herodiyada gisha Yohanisey &lt;&lt;Wogay oossechosha Herodiyada neese macho mati ne ettosi modhe maaquwasso&gt;&gt; hidi e hicha. Hinne Herodisey Yohanise aykussi tufussi tufe zawa e gelsusso. 5Yohanise wodhese wordi Ayhudaxiti &lt;&lt;Kaayaxuko&gt;&gt; hidi uycho gisha uso e jhassho.</div><div class="p"> 6Herodisey yelutto kuxa wonte Herodiyada bushoy xheyguttecha borsiti buro yoodi ose sekke hanke dholli kaadhi Herodise iitana i maggusso gisha 7&lt;&lt;Ne worge abako taa oycuwa! Aadewo ingako ta inge&gt;&gt; hidi hissine Herodisey caadho. 8Ye busshini beyndoy otonike &lt;&lt;Xhamaqicha Yohanise qino abako gara gaddi hattewo taase inguwa&gt;&gt; yeydi iido.</div><div class="p"> 9Ye i otosuse kaati e higillo. Maaqe baaka be caaqo gishaara tato gara beera uttecha borsiti &lt;&lt;Am taa ohe?&gt;&gt; hissiniyara Yohanise qinoy isuse inguttorosa e oto. 10Axe ansi tufe zawaa Yohanise qino e bursusso. 11Sanqiya gaddi oodi ye be burso qino busshishe u indo, isini beyndose aandi i indo. 12E erusichoshiti yoodi e aha etti mooddi handi ye esani Yesuusako u oto.</div><div class="s">Ichichi kuma axita muusse</div><div class="r"> Mrq 6:30-44; Luq 9:10-17; Yoh 6:1-14</div><div class="p"> 13Yesuusay Yohanise haybo be siidoniya be goshe yesese axi baa godo zabhaa gelli e hando. Laga axiti e handosa be siido wogga beyecho katamittaafa kessi e geede sahaanna be tokena u hando. 14Yesuusay zabhaafa kessi laga axita beedi ususe higilli hargichaashita usaafa e loolusso.</div><div class="p"> 15Sahay qandine e erusichoshiti hanke esuko uddhi &lt;&lt;Ha godoy essaa abakoy baa mela godoko, sahani iitana qandiko e yese. Handi be ukke yese katamittaafa kaxa beese u woomoronike ha axita dakkuwa!&gt;&gt; yeydi u hido. 16Yesuusani &lt;&lt;Hame uso worgusuwasso. U muunesa hinuni inguwayte&gt;&gt; yeydi e hido. 17Usini &lt;&lt;Nuni haya oddhe ichichi bache booraara lam'i gulxhiyara baaka abani keenguwanxhiko&gt;&gt; yeydi u mato. 18Esini &lt;&lt;Ye esita hana taako oowayte&gt;&gt; yeydi e hido.</div><div class="p"> 19Leddo gara axiti uttoronike e oto. Ichichi booraara lam'i gulxhiyara etti afaa beedi Wonto e galatto. Boora meyssi gussi be erusichoshituko e indo. Usini ye axituse uqusso. 20Be uddina muudi u missho. Atta baxe tamma lam'i kofa kume e erusichoshiti bhikkilli denso. 21Ye boora muudasiti indowaxhitaara nayshitaaray taabutto baanne ichichi kuma elle asanxitako u maaqicha.</div><div class="s">Yesuusay waaxi garana tokena hanti handosa</div><div class="r"> Mrq 6:45-52; Yoh 6:15-21</div><div class="p"> 22Yesuusay axita dakkisine be erusichoshita &lt;&lt;Zabhaa gelli taame burona semfa fottuwayte&gt;&gt; hidi e aallusso. 23Axitani be datto geede bidzi bakka gara shi'ese be goshe e kesso. E qandineni yaha be goshewo e yecha.</div><div class="p"> 24Yenniyaka bagade nuunafa zabhay orjena e zardo. Agexi u burona hanke oxhiya e yecho gisha sekke hanke jhirahoy zabha maddhunxiyaka e yecha. 25Yesuusay be erusichoshituko waaxi garana tokena hanti qamaafa odduppi saate geede e yoodo. 26E erusichoshitini waaxi garana tokena e hantusune be beedo wogga orjena leemo kessi &lt;&lt;Gomaxuko!&gt;&gt; hidi hissine be jhasshoshi geede u uydo.</div><div class="p"> 27Yesuusay ukkenawo usuko zeerisine &lt;&lt;Aadeko hidofita, tambako, jhasshofita!&gt;&gt; yeydi e hido. 28Phexhroseni yenniya &lt;&lt;Ta Laaxo, fetto niya e maaqo'ayko tamba &lt;Waaxi garana tokena hanti taako yoowwa&gt; hidi hiwwa&gt;&gt; yeydi e hido. 29Yesuusani &lt;&lt;Taako yoowwa!&gt;&gt; yeydi e hido.</div><div class="p">Phexhroseni zabhaafa kessi Yesuusako hamese waaxi garana hame e ayto. 30Hanguwaye baaka agexi iitana oxhicho gisha e jhasshinne waaxi esa oodhese hinne &lt;&lt;Laaxo, taa kessuwa!&gt;&gt; hidi hissine e uydo. 31Yenniyawo Yesuusay ansi ayti &lt;&lt;Doo, taa ne gobbesi waakidi oddhe e maaddho! Ame taa ne eeze?&gt;&gt; yeydi e hido. 32Zabhaa handi u gelloniya agexi mikki hido. 33Be uddinawo ye zabhaa yechashiti &lt;&lt;Aadewo neni Wonto yeleko!&gt;&gt; hidi hissine Yesuusa buro u akkirdo.</div><div class="s">Yesuusa maa'o dolli loollaasita</div><div class="r"> Mrq 6:53-56</div><div class="p"> 34Bagade semfa fotti Yesuusaara e erusichoshitaaray Genserexheydi hisso godo u yoodo. 35Ye wude axiti Yesuusa e maaqesa erdi uddi be googe yecha wudittaa e yoodosa axi siyorosa woosso u anso. Hargaxita uddi esuko oodi 36e maa'o bira u dolorosawo Yesuusa u shidho. Dollaasitini be hargiyafa uddiwo u loollo.</div>
 </div>
 </div>
</div>

Galila wude ahesa maaqicha kaati Herodisey yenniyaka Yesuusay hanto odo e siido. Be hantaxituse <<Ha axi Xhamaqicha Yohaniseko. Esako haybowafa denda. Ha e gishako ha micushe hanta hantese osa e keenge>> yeydi e hido.
Ye esume buro Herodiseyndo na'i Filphoose macho maaqicha Herodiyada gisha Yohanisey <<Wogay oossechosha Herodiyada neese macho mati ne ettosi modhe maaquwasso>> hidi e hicha. Hinne Herodisey Yohanise aykussi tufussi tufe zawa e gelsusso. Yohanise wodhese wordi Ayhudaxiti <<Kaayaxuko>> hidi uycho gisha uso e jhassho.
Herodisey yelutto kuxa wonte Herodiyada bushoy xheyguttecha borsiti buro yoodi ose sekke hanke dholli kaadhi Herodise iitana i maggusso gisha <<Ne worge abako taa oycuwa! Aadewo ingako ta inge>> hidi hissine Herodisey caadho. Ye busshini beyndoy otonike <<Xhamaqicha Yohanise qino abako gara gaddi hattewo taase inguwa>> yeydi iido.
Ye i otosuse kaati e higillo. Maaqe baaka be caaqo gishaara tato gara beera uttecha borsiti <<Am taa ohe?>> hissiniyara Yohanise qinoy isuse inguttorosa e oto. Axe ansi tufe zawaa Yohanise qino e bursusso. Sanqiya gaddi oodi ye be burso qino busshishe u indo, isini beyndose aandi i indo. E erusichoshiti yoodi e aha etti mooddi handi ye esani Yesuusako u oto.


Yesuusay Yohanise haybo be siidoniya be goshe yesese axi baa godo zabhaa gelli e hando. Laga axiti e handosa be siido wogga beyecho katamittaafa kessi e geede sahaanna be tokena u hando. Yesuusay zabhaafa kessi laga axita beedi ususe higilli hargichaashita usaafa e loolusso.
Sahay qandine e erusichoshiti hanke esuko uddhi <<Ha godoy essaa abakoy baa mela godoko, sahani iitana qandiko e yese. Handi be ukke yese katamittaafa kaxa beese u woomoronike ha axita dakkuwa!>> yeydi u hido. Yesuusani <<Hame uso worgusuwasso. U muunesa hinuni inguwayte>> yeydi e hido. Usini <<Nuni haya oddhe ichichi bache booraara lam'i gulxhiyara baaka abani keenguwanxhiko>> yeydi u mato. Esini <<Ye esita hana taako oowayte>> yeydi e hido.
Leddo gara axiti uttoronike e oto. Ichichi booraara lam'i gulxhiyara etti afaa beedi Wonto e galatto. Boora meyssi gussi be erusichoshituko e indo. Usini ye axituse uqusso. Be uddina muudi u missho. Atta baxe tamma lam'i kofa kume e erusichoshiti bhikkilli denso. Ye boora muudasiti indowaxhitaara nayshitaaray taabutto baanne ichichi kuma elle asanxitako u maaqicha.


Yesuusay axita dakkisine be erusichoshita <<Zabhaa gelli taame burona semfa fottuwayte>> hidi e aallusso. Axitani be datto geede bidzi bakka gara shi'ese be goshe e kesso. E qandineni yaha be goshewo e yecha.
Yenniyaka bagade nuunafa zabhay orjena e zardo. Agexi u burona hanke oxhiya e yecho gisha sekke hanke jhirahoy zabha maddhunxiyaka e yecha. Yesuusay be erusichoshituko waaxi garana tokena hanti qamaafa odduppi saate geede e yoodo. E erusichoshitini waaxi garana tokena e hantusune be beedo wogga orjena leemo kessi <<Gomaxuko!>> hidi hissine be jhasshoshi geede u uydo.
Yesuusay ukkenawo usuko zeerisine <<Aadeko hidofita, tambako, jhasshofita!>> yeydi e hido. Phexhroseni yenniya <<Ta Laaxo, fetto niya e maaqo'ayko tamba <Waaxi garana tokena hanti taako yoowwa> hidi hiwwa>> yeydi e hido. Yesuusani <<Taako yoowwa!>> yeydi e hido.
Phexhroseni zabhaafa kessi Yesuusako hamese waaxi garana hame e ayto. Hanguwaye baaka agexi iitana oxhicho gisha e jhasshinne waaxi esa oodhese hinne <<Laaxo, taa kessuwa!>> hidi hissine e uydo. Yenniyawo Yesuusay ansi ayti <<Doo, taa ne gobbesi waakidi oddhe e maaddho! Ame taa ne eeze?>> yeydi e hido. Zabhaa handi u gelloniya agexi mikki hido. Be uddinawo ye zabhaa yechashiti <<Aadewo neni Wonto yeleko!>> hidi hissine Yesuusa buro u akkirdo.


Bagade semfa fotti Yesuusaara e erusichoshitaaray Genserexheydi hisso godo u yoodo. Ye wude axiti Yesuusa e maaqesa erdi uddi be googe yecha wudittaa e yoodosa axi siyorosa woosso u anso. Hargaxita uddi esuko oodi e maa'o bira u dolorosawo Yesuusa u shidho. Dollaasitini be hargiyafa uddiwo u loollo.

Phulaphula i Matoose 14