Krio - 1992 Good News for All Men (Drama NT)

<div class="version vid2948 iso6393kri" data-vid="2948" data-iso6393="kri">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s1">Di Mared na Kena</div><div class="p"> 1Afta tu de, d&#603;n bin g&#603;t mared na wan t&#596;&#331; we d&#603;n k&#596;l Kena we de na Galili. Jiz&#596;s in mama bin go di mared. 2D&#603;n bin k&#596;l Jiz&#596;s &#603;n in lanin b&#596;y d&#603;n f&#596; go di mared, so d&#603;ns&#603;f bin lib de. 3W&#603;n di wayn d&#596;n, Jiz&#596;s in mama t&#603;l Jiz&#596;s se di wayn d&#596;n d&#596;n.</div><div class="p"> 4Jiz&#596;s t&#603;l in mama se, &#8220;N&#596; t&#603;l mi d&#603;n tin ya naw. Di t&#603;m we a f&#596; du d&#603;n tin ya n&#596; rich yet.&#8221;</div><div class="p"> 5Jiz&#596;s in mama t&#603;l di savant d&#603;n se mek d&#603;n du &#603;nitin we i t&#603;l d&#603;n f&#596; du.</div><div class="p"> 6Di Ju d&#603;n g&#603;t l&#596; d&#603;n we se, d&#603;n f&#596; was d&#603;n b&#596;di &#603;n &#596;ltin we d&#603;n de yus gud gud, if d&#603;n want mek G&#596;d y&#603;ri di pre we d&#603;n de pre; &#603;n f&#596;seka dat, siks big k&#596;ntri p&#596;t bin de klos d&#603;n na di ples de; di k&#596;ntri p&#596;t d&#603;n bin so big, dat wan kin ol tw&#603;nti to tati gal&#596;n wata. 7Jiz&#596;s t&#603;l di savant d&#603;n se, &#8220;Una ful d&#603;n k&#596;ntri p&#596;t ya wit wata.&#8221; Di savant d&#603;n ful di p&#596;t d&#603;n pim. 8-9Nain Jiz&#596;s t&#603;l d&#603;n se, &#8220;Una tek s&#596;m pan di wata, k&#603;r am go to di p&#596;sin we de f&#596; si se &#596;ltin de go fayn na di mared.&#8221; Di savant d&#603;n k&#603;r di wata we Jiz&#596;s d&#596;n t&#596;n to wayn go to di p&#596;sin we i s&#603;n d&#603;n to; di man tes am. I n&#596; bin no usay di wayn k&#596;m&#596;t, b&#596;t di savant d&#603;n we bin go g&#603;t di wata we bin de na di k&#596;ntri p&#596;t bin no; so di man k&#596;l di &#596;k&#596;, 10&#603;n t&#603;l am se, &#8220;&#390;lman kin sheb di gud wayn f&#596;s, &#603;n afta di pipul d&#603;n d&#596;n drink am te d&#603;n satisfay, na da t&#603;m de d&#603;n kin sheb di chip wayn. B&#596;t yu bin kip di gud wayn, na naw yu de pul am!&#8221;</div><div class="p"> 11Na Kena we de na Galili, Jiz&#596;s du dis f&#596;s w&#596;ndaful wok, &#603;n dat sho aw i w&#596;ndaful, &#603;n mek in lanin b&#596;y d&#603;n biliv pan am.</div><div class="p"> 12W&#603;n dat pas, Jiz&#596;s &#603;n in mama, in br&#596;da d&#603;n, &#603;n in lanin b&#596;y d&#603;n go Kepany&#596;m, b&#596;t d&#603;n n&#596; te de, d&#603;n j&#603;s lib de tu, tri de.</div><div class="s1">Jiz&#596;s Go na G&#596;d In Os</div><div class="r">(Matyu 21:12-13; Mak 11:15-17; Lyuk 19:45-46)</div><div class="p"> 13Di t&#603;m bin d&#596;n de klos f&#596; di Ju &#596;lide we d&#603;n k&#596;l Pasova, so Jiz&#596;s go na Jerus&#603;l&#603;m. 14W&#603;n Jiz&#596;s go na G&#596;d in Os, i mit pipul de s&#603;l got &#603;n kaw, ship &#603;n pijin, &#603;n d&#603;n pipul we de chenj k&#596;p&#596;, bin de du d&#603;n wok. 15So Jiz&#596;s tek rop mek wip &#603;n dr&#603;b &#596;l di got, kaw &#603;n ship d&#603;n k&#596;m&#596;t na G&#596;d in Os; d&#596;n i kapsay di tebul d&#603;n we pipul bin de chenj k&#596;p&#596; pan, di k&#596;p&#596; skata. 16I ala pan di pipul d&#603;n we bin de s&#603;l pijin. I se, &#8220;Una pul una pijin d&#603;n k&#596;m&#596;t na ya! Una l&#603;f f&#596; t&#596;n mi Papa in Os to makit!&#8221; 17Di lanin b&#596;y d&#603;n m&#603;mba wetin G&#596;d in Buk se, &#8220;O G&#596;d, a de day wit di l&#603;k we a l&#603;k yu os, i d&#596;n so grip mi dat i n&#596; go l&#603;f mi igen.&#8221;</div><div class="p"> 18Di Ju bigman d&#603;n aks Jiz&#596;s se, &#8220;Wetin na di w&#596;ndaful tin we yu kin du, we go sho se yu g&#603;t rayt f&#596; du wetin yu d&#596;n du so?&#8221;</div><div class="p"> 19Jiz&#596;s ansa d&#603;n se, &#8220;If una ib G&#596;d in Os we de na ya d&#596;&#331;, a go tek tri de f&#596; bil am bak.&#8221;</div><div class="p"> 20D&#603;n se, &#8220;Na f&#596;ti-siks ia i tek f&#596; bil dis os, yu min se yu go tek tri de f&#596; bil am bak?&#8221;</div><div class="p"> 21B&#596;t we Jiz&#596;s t&#596;k b&#596;t G&#596;d in Os, nain b&#596;di i bin de t&#596;k b&#596;t. 22So w&#603;n G&#596;d mek Jiz&#596;s rayz fr&#596;m di grev, in lanin b&#596;y d&#603;n m&#603;mba wetin Jiz&#596;s bin d&#596;n t&#596;k, &#603;n di rayz we Jiz&#596;s rayz fr&#596;m di grev mek d&#603;n biliv wetin rayt na G&#596;d in Buk, &#603;n wetin Jiz&#596;s bin d&#596;n t&#596;k.</div><div class="s1">Jiz&#596;s Sabi Wetin De na M&#596;talman At</div><div class="p"> 23Di t&#603;m f&#596; di Pasova &#596;lide Jiz&#596;s bin stil de na Jerus&#603;l&#603;m, pl&#603;nti pipul biliv pan am w&#603;n d&#603;n si di w&#596;ndaful wok d&#603;n we i bin de du. 24B&#596;t Jiz&#596;s n&#596; l&#603;f ins&#603;f na d&#603;n an bik&#596;s i bin no m&#596;talman gud gud wan. 25Nid n&#596; bin de f&#596; mek pipul t&#603;l Jiz&#596;s wetin de na d&#603;n at, bik&#596;s Jiz&#596;s ins&#603;f s&#603;f bin no wetin de na d&#603;n at.</div>
 </div>
 </div>
</div>

Krio Bible © The Bible Society of Sierra Leone, 2013.

Afta tu de, dɛn bin gɛt mared na wan tɔŋ we dɛn kɔl Kena we de na Galili. Jizɔs in mama bin go di mared. Dɛn bin kɔl Jizɔs ɛn in lanin bɔy dɛn fɔ go di mared, so dɛnsɛf bin lib de. Wɛn di wayn dɔn, Jizɔs in mama tɛl Jizɔs se di wayn dɔn dɔn.
Jizɔs tɛl in mama se, “Nɔ tɛl mi dɛn tin ya naw. Di tɛm we a fɔ du dɛn tin ya nɔ rich yet.”
Jizɔs in mama tɛl di savant dɛn se mek dɛn du ɛnitin we i tɛl dɛn fɔ du.
Di Ju dɛn gɛt lɔ dɛn we se, dɛn fɔ was dɛn bɔdi ɛn ɔltin we dɛn de yus gud gud, if dɛn want mek Gɔd yɛri di pre we dɛn de pre; ɛn fɔseka dat, siks big kɔntri pɔt bin de klos dɛn na di ples de; di kɔntri pɔt dɛn bin so big, dat wan kin ol twɛnti to tati galɔn wata. Jizɔs tɛl di savant dɛn se, “Una ful dɛn kɔntri pɔt ya wit wata.” Di savant dɛn ful di pɔt dɛn pim. Nain Jizɔs tɛl dɛn se, “Una tek sɔm pan di wata, kɛr am go to di pɔsin we de fɔ si se ɔltin de go fayn na di mared.” Di savant dɛn kɛr di wata we Jizɔs dɔn tɔn to wayn go to di pɔsin we i sɛn dɛn to; di man tes am. I nɔ bin no usay di wayn kɔmɔt, bɔt di savant dɛn we bin go gɛt di wata we bin de na di kɔntri pɔt bin no; so di man kɔl di ɔkɔ, ɛn tɛl am se, “Ɔlman kin sheb di gud wayn fɔs, ɛn afta di pipul dɛn dɔn drink am te dɛn satisfay, na da tɛm de dɛn kin sheb di chip wayn. Bɔt yu bin kip di gud wayn, na naw yu de pul am!”
Na Kena we de na Galili, Jizɔs du dis fɔs wɔndaful wok, ɛn dat sho aw i wɔndaful, ɛn mek in lanin bɔy dɛn biliv pan am.
Wɛn dat pas, Jizɔs ɛn in mama, in brɔda dɛn, ɛn in lanin bɔy dɛn go Kepanyɔm, bɔt dɛn nɔ te de, dɛn jɛs lib de tu, tri de.


Di tɛm bin dɔn de klos fɔ di Ju ɔlide we dɛn kɔl Pasova, so Jizɔs go na Jerusɛlɛm. Wɛn Jizɔs go na Gɔd in Os, i mit pipul de sɛl got ɛn kaw, ship ɛn pijin, ɛn dɛn pipul we de chenj kɔpɔ, bin de du dɛn wok. So Jizɔs tek rop mek wip ɛn drɛb ɔl di got, kaw ɛn ship dɛn kɔmɔt na Gɔd in Os; dɔn i kapsay di tebul dɛn we pipul bin de chenj kɔpɔ pan, di kɔpɔ skata. I ala pan di pipul dɛn we bin de sɛl pijin. I se, “Una pul una pijin dɛn kɔmɔt na ya! Una lɛf fɔ tɔn mi Papa in Os to makit!” Di lanin bɔy dɛn mɛmba wetin Gɔd in Buk se, “O Gɔd, a de day wit di lɛk we a lɛk yu os, i dɔn so grip mi dat i nɔ go lɛf mi igen.”
Di Ju bigman dɛn aks Jizɔs se, “Wetin na di wɔndaful tin we yu kin du, we go sho se yu gɛt rayt fɔ du wetin yu dɔn du so?”
Jizɔs ansa dɛn se, “If una ib Gɔd in Os we de na ya dɔŋ, a go tek tri de fɔ bil am bak.”
Dɛn se, “Na fɔti-siks ia i tek fɔ bil dis os, yu min se yu go tek tri de fɔ bil am bak?”
Bɔt we Jizɔs tɔk bɔt Gɔd in Os, nain bɔdi i bin de tɔk bɔt. So wɛn Gɔd mek Jizɔs rayz frɔm di grev, in lanin bɔy dɛn mɛmba wetin Jizɔs bin dɔn tɔk, ɛn di rayz we Jizɔs rayz frɔm di grev mek dɛn biliv wetin rayt na Gɔd in Buk, ɛn wetin Jizɔs bin dɔn tɔk.

Di tɛm fɔ di Pasova ɔlide Jizɔs bin stil de na Jerusɛlɛm, plɛnti pipul biliv pan am wɛn dɛn si di wɔndaful wok dɛn we i bin de du. Bɔt Jizɔs nɔ lɛf insɛf na dɛn an bikɔs i bin no mɔtalman gud gud wan. Nid nɔ bin de fɔ mek pipul tɛl Jizɔs wetin de na dɛn at, bikɔs Jizɔs insɛf sɛf bin no wetin de na dɛn at.

Phulaphula i Jɔn 2