Sahu - 2015 Edition (NT) Non Drama

<div class="version vid2891 iso6393saj" data-vid="2891" data-iso6393="saj">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Bobita ma mulaingi: Yesus 'o makanau ra Nikodemus</div><div class="p"> 1'Age rema ngowa'a matengo 'ai lomanga Nikodemus. Unanga gena-ge ngowa'a Farisi re 'o osama nyo-nyoimi toma Mahkamah 'Agama. 2Toma utu moi 'o sapolo ra Yesus re 'o kanau, &#8220;Rabi,#3:2 &#8220;Rabi&#8221; toma demo Yunani &#8220;Guru&#8221; di'a ngowa'a ga'a 'o sayanga ma jingi'i ngoi to waro Jou guru ga'a Ma Jou'ongu Madutu 'U 'utusu. Sababu matengo i'a mai ua nga'unu 'o 'a'a ga'a hera-heranga ma tero sa'olo Jou, na'o Ma Jou'ongu Madutu 'o mamete'e ra unanga ua.&#8221;</div><div class="p"> 3Yesus 'a sangoro, &#8220;No ngaku mode-mode'e 'Ari demo-demo nena-ne: Na'o ngowa'a matengo i'a dadunu sibuoro ua, unanga 'o osama nyo-nyoimi yo&#7695;u'u ra Ma Jou'ongu Madutu 'ai Pareta.&#8221;</div><div class="p"> 4Nikodemus 'o kanau, &#8220;Ma duhu sa'olo ngowa'a ga'a ro bi-biri'i 'ai ngina dadunu mu sibuoro moju?! Sanga ua, unanga 'o osama tai ngina mi po'olo, kara dadunu mu sibuoro moju!&#8221;</div><div class="p"> 5Yesus 'a sangoro: &#8220;No ngaku mode-mode'e 'Ari demo-demo nena-ne: Na'o matengo i'a mau 'o osama nyo-nyoimi ra Ma Jou'ongu Madutu 'ai Pareta, unanga gena-ge balasu dadunu sibuoro moju. Enanga gena-ge 'i dadi sababu Ma Ngagara 'Ofi-'Ofi ma kuasa re 'i sijumu wakutu ananga 'a&#7695;i sanga baptis. 6Manusia mo-moini manga ngina ya'u sibuoro. Mada'a 'ahu su-sungi tananga nyawa, Ma Ngagara 'Ofi-'Ofi ya sibuoro. 7No heranga awa na'o Ngoi to kanau so'o ne: &#8216;Ngini mo-moini balasu dadunu sibuoro moju.&#8217; 8Si'ade-'ade: Karawiana 'i hoa le'a &#7687;ato, mete'e enanga ma mau. Ngene wa 'isene ma rurusu, mada'a 'i sapolo le'a ino wa waro ua, re 'i tagi le'a i'a ngene wa waro ua &#7695;i'i. So'o gena &#7695;i'i, matengo i'a ga'a Ma Ngagara 'Ofi-'Ofi ma kuasa 'u sibuoro.&#8221;</div><div class="p"> 9&#7694;ua Nikodemus 'o sano, &#8220;Ma duhu sa'olo enanga gena-ge 'i dadi?&#8221;</div><div class="p"> 10Yesus 'a sangoro, &#8220;Ngana nena-ne no dadi guru toma bangsa Israel, i'a sa'olo ngana na waro ua?! 11No ngaku mode-mode'e 'Ari demo-demo nena-ne: Ngomi kanau pa'i mangale 'oru ga'a Ngomi ma waro, re mi pula'a sakisi pa'i mangale 'oru ga'a ngomi rema o&#7695;i'i. Mada'a ngini ni dawongo ua ngomi minga sakisi. 12Ngini ni ngaku ua na'o Ngoi to sijarita ra ngini, mangale 'oru ga'a ri dadi toma dungia nena-ne. Dadi, na'o Ngoi to sijarita ra ngini mangale 'ori i'a ga'a 'i dadi toma soroga, tantu &#7695;ua ngini ni ngaku ua &#7695;i'i! 13Matengo i'a mai nyangu ro pere da'u toma soroga. Pa'i Ngoi, Manusia ma Ngowa'a Nau'u, ga'a reto 'uci &#7695;ua toma dungia, To waro 'oru 'i dadi toma soroga.</div><div class="p"> 14'Ua re 'au wali toma daeraha baulaco, 'a Musa 'o sibere cuku'u tam&#7687;aga toma ate jule moi, la ngowa-ngowa'a ga'a cuku'u-cuku'u ya'u tubu'u nyengara 'a&#7695;i dadi la, sababu 'a&#7695;i o&#7695;i'i cuku'u tam&#7687;aga gena-ge. So'o gena &#7695;i'i, Manusia ma Ngowa'a Nau'u balasu 'o sibere toma salib,#Nyo. 21:9 15la ngowa'a mo-moini ga'a 'a&#7695;i ngaku Unanga, 'a&#7695;i sanga 'ahu kasingado-ngadolo i'a.&#8221;</div><div class="s">Yesus 'o sapolo di'a sisalamata manusia</div><div class="p"> 16Ma Jou'ongu Madutu 'o dadalara manusia toma dungia ma tero so'o ne: Unanga ro 'utusu 'Ai Ngowa'a Nau'u pa'i matengo, la 'a guna &#7687;ato 'o ngaku 'Ai Ngowa'a Nau'u gena-ge, 'o iranga ua kasingado-ngadolo i'a, mada'a 'o sanga 'ahu kasingado-ngadolo i'a. 17Sababu Ma Jou'ongu Madutu 'o 'utusu 'Ai Ngowa'a Nau'u di'a sihukumu ua manusia toma dungia nena-ne, mada'a di'a sisalamata ananga gena-ge. 18'A guna &#7687;ato 'o ngaku Ma Jou'ongu Madutu 'ai Ngowa'a Nau'u, Ma Jou'ongu Madutu &#7695;uanga i'a 'u sihukumu ua. Mada'a 'a guna &#7687;ato 'o ngaku ua Ma Jou'ongu Madutu 'ai Ngowa'a Nau'u, unanga pa'i totoma &#7687;ato di'a Ma Jou'ongu Madutu 'u sihukumu, sababu unanga gena-ge 'o ngaku ua Ma Jou'ongu Madutu 'ai Ngowa'a Nau'u, pa'i matengo. 19Yesus ro sapolo 'o gasa tarangi toma dungia nena-ne, mada'a manusia lebe sanangi hafu-hafu reo tarangi, sababu ananga manga ga'a ma jira. Sababu gena-ge, Ma Jou'ongu Madutu 'o sijuruhakimi manusia 20Ngowa'a mo-moini ga'a 'a&#7695;i 'a'a kajahatana ananga 'a&#7695;i emono tarangi. Re ananga gena-ge 'a&#7695;i o&#7695;u'u sapolo toma tarangi, la manga ga'a ma jira gena-ge, ngowa'a ya o&#7695;i'i awa. 21Mada'a 'a guna &#7687;ato ga'a 'o 'ahu mete'e Ma Jou'ongu Madutu 'ai ba-banari, unanga 'o sapolo toma tarangi, la ngowa'a nyengara 'a&#7695;i o&#7695;i'i unanga gena-ge 'o mete'e mode-mode'e Ma Jou'ongu Madutu 'ai 'akala ma mau.</div><div class="s">Yohanes 'ai sakisi mangale Yesus</div><div class="p"> 22Palisi i'a Yesus re 'Ai me-mete'e, ananga 'a&#7695;i tagi toma daeraha Yudea. Yesus 'o tegoro ma di'ara wange mu&#7695;uo i'a re Unanga 'o baptis ngowa'a toma ngi'i gena-ge. 23-24Wakutu 'a Yohanes 'o osama bui nyangu, Unanga 'o baptis ngowa'a toma limau Ainon, ki&#7695;anga ua toma limau Salim, sababu ngi'i gena-ge ma &#7687;anyo lai repe. Ngowa-ngowa'a matai sapolo ra unanga re unanga ya'u baptis ananga.#Mat. 14:3; Mrk. 6:17; Luk. 3:19-20</div><div class="p"> 25'A Yohanes 'ai me-mete'e nga mu&#7695;uo i'a 'a&#7695;i ma'u tolabe reo ngowa'a Yahudi mangale sigofi mete'e 'agama ma 'atoranga, la 'a&#7695;i najis ua. 26'A Yohanes 'ai me-mete'e gena-ge, ananga 'a&#7695;i sapolo ra Yohanes re 'a&#7695;i kanau, &#8220;Rabi,#3:26 &#8220;Rabi&#8221; toma demo Yunani &#8220;Guru&#8221; di'a ngowa'a ga'a 'o sayanga ma jingi'i ngana no 'elingi bolo ua?! 'Age rema ngowa'a matengo ga'a mamete'e ra ngana da'a &#7686;anyo Yordan kaci moi ga'a ngana no sijumu ra ngomi 'au nga'ene?! Unanga nange-ne 'O baptis ngowa'a &#7695;i'i re ngowa'a manga repe 'a&#7695;i sapolo ra Unanga!&#8221;</div><div class="p"> 27Yohanes 'a sangoro: &#8220;Mo-moini ga'a manusia ya sanga, enanga gena-ge ma 'asala ra Ma Jou'ongu Madutu tala. 28Ngini masiretene rena 'isene 'oru ga'a ngoi to kanau, &#8216;Ngoi nena-ne 'O Kristus ua, mada'a Ma Jou'ongu Madutu 'o 'utusu ngoi to si&#7695;a ra Unanga.&#8217;#Yoh. 1:20 29Geri molo'ara we-were'a gena-ge di'a geri molo'ara na-nau'u. Geri molo'ara na-nau'u 'ai &#7695;agilomu pa'i totoma re 'o 'isene di'a unanga 'ai sapolo. Unanga gena-ge 'o maroanga na'o 'o 'isene geri molo'ara na-nau'u 'ai i&#7695;ingi. Ngoi nena-ne ma tero sa'olo geri molo'ara na-nau'u 'ai &#7695;agilomu. Sababu gena-ge, ngoi 'ari roanga 'i ti-tiai sababu 'oru ga'a ngini reni siajele ra ngoi. 30Unanga balasu 'o dadi ngowa'a lebe la-lamo'o, mada'a ngoi balasu to dadi ngowa'a lebe mapake ua.&#8221;</div><div class="s">Unanga gena-ge 'o sapolo da'u soroga tala</div><div class="p"> 31Unanga ngowa'a matengo ga'a 'o sapolo da'u soroga tala, lebe la-lamo'o reo ngowa'a mo-moini. Mada'a matengo ga'a 'ai 'asala toma dungia nena-ne pa'i manusia &#7687;ato, re 'o siajele dungia ma ngale-ngale. Mada'a ngowa'a matengo ga'a 'o sapolo da'u soroga tala lebe la-lamo'o reo ngowa'a mo-moini. 32Unanga 'o kanau mangale 'oru ga'a Unanga ra o&#7695;i'i re Ra 'isene, mada'a matengo i'a mai ua ya ngaku Unanga 'ai sakisi. 33Mada'a 'a guna &#7687;ato ga'a 'a dawongo Unanga 'ai sakisi, ananga 'a&#7695;i 'akoru mangale Ma Jou'ongu Madutu 'ai demo-demo 'i banari. 34Sababu ngowa'a matengo ga'a Ma Jou'ongu Madutu 'o 'utusu Unanga gena-ge 'a singadolo Ma Jou'ongu Madutu 'ai demo-demo. Re Ma Jou'ongu Madutu 'o siromanga Unanga reo Ma Ngagara 'Ofi-'Ofi. 35Ma Jou'ongu Madutu 'o dadalara 'Ai Ngowa'a Nau'u re 'O pula'a mo-moini &#7695;ua 'Ai kuasa.#Mat. 11:27; Luk. 10:22 36'A guna ga'a ngaku Ma Jou'ongu Madutu 'ai Ngowa'a Nau'u, unanga 'o sanga 'ahu kasingado-ngadolo i'a. Mada'a 'a guna ga'a 'o ngaku ua, unanga 'o sanga ua 'ahu kasingado-ngadolo i'a, mada'a &#7695;uanga i'a 'o sanga hukumu kasingado-ngadolo i'a.</div>
 </div>
 </div>
</div>

'Age rema ngowa'a matengo 'ai lomanga Nikodemus. Unanga gena-ge ngowa'a Farisi re 'o osama nyo-nyoimi toma Mahkamah 'Agama. Toma utu moi 'o sapolo ra Yesus re 'o kanau, “Rabi, ngoi to waro Jou guru ga'a Ma Jou'ongu Madutu 'U 'utusu. Sababu matengo i'a mai ua nga'unu 'o 'a'a ga'a hera-heranga ma tero sa'olo Jou, na'o Ma Jou'ongu Madutu 'o mamete'e ra unanga ua.”
Yesus 'a sangoro, “No ngaku mode-mode'e 'Ari demo-demo nena-ne: Na'o ngowa'a matengo i'a dadunu sibuoro ua, unanga 'o osama nyo-nyoimi yoḏu'u ra Ma Jou'ongu Madutu 'ai Pareta.”
Nikodemus 'o kanau, “Ma duhu sa'olo ngowa'a ga'a ro bi-biri'i 'ai ngina dadunu mu sibuoro moju?! Sanga ua, unanga 'o osama tai ngina mi po'olo, kara dadunu mu sibuoro moju!”
Yesus 'a sangoro: “No ngaku mode-mode'e 'Ari demo-demo nena-ne: Na'o matengo i'a mau 'o osama nyo-nyoimi ra Ma Jou'ongu Madutu 'ai Pareta, unanga gena-ge balasu dadunu sibuoro moju. Enanga gena-ge 'i dadi sababu Ma Ngagara 'Ofi-'Ofi ma kuasa re 'i sijumu wakutu ananga 'aḏi sanga baptis. Manusia mo-moini manga ngina ya'u sibuoro. Mada'a 'ahu su-sungi tananga nyawa, Ma Ngagara 'Ofi-'Ofi ya sibuoro. No heranga awa na'o Ngoi to kanau so'o ne: ‘Ngini mo-moini balasu dadunu sibuoro moju.’ Si'ade-'ade: Karawiana 'i hoa le'a ḇato, mete'e enanga ma mau. Ngene wa 'isene ma rurusu, mada'a 'i sapolo le'a ino wa waro ua, re 'i tagi le'a i'a ngene wa waro ua ḏi'i. So'o gena ḏi'i, matengo i'a ga'a Ma Ngagara 'Ofi-'Ofi ma kuasa 'u sibuoro.”
Ḏua Nikodemus 'o sano, “Ma duhu sa'olo enanga gena-ge 'i dadi?”
Yesus 'a sangoro, “Ngana nena-ne no dadi guru toma bangsa Israel, i'a sa'olo ngana na waro ua?! No ngaku mode-mode'e 'Ari demo-demo nena-ne: Ngomi kanau pa'i mangale 'oru ga'a Ngomi ma waro, re mi pula'a sakisi pa'i mangale 'oru ga'a ngomi rema oḏi'i. Mada'a ngini ni dawongo ua ngomi minga sakisi. Ngini ni ngaku ua na'o Ngoi to sijarita ra ngini, mangale 'oru ga'a ri dadi toma dungia nena-ne. Dadi, na'o Ngoi to sijarita ra ngini mangale 'ori i'a ga'a 'i dadi toma soroga, tantu ḏua ngini ni ngaku ua ḏi'i! Matengo i'a mai nyangu ro pere da'u toma soroga. Pa'i Ngoi, Manusia ma Ngowa'a Nau'u, ga'a reto 'uci ḏua toma dungia, To waro 'oru 'i dadi toma soroga.
'Ua re 'au wali toma daeraha baulaco, 'a Musa 'o sibere cuku'u tamḇaga toma ate jule moi, la ngowa-ngowa'a ga'a cuku'u-cuku'u ya'u tubu'u nyengara 'aḏi dadi la, sababu 'aḏi oḏi'i cuku'u tamḇaga gena-ge. So'o gena ḏi'i, Manusia ma Ngowa'a Nau'u balasu 'o sibere toma salib, la ngowa'a mo-moini ga'a 'aḏi ngaku Unanga, 'aḏi sanga 'ahu kasingado-ngadolo i'a.”

Ma Jou'ongu Madutu 'o dadalara manusia toma dungia ma tero so'o ne: Unanga ro 'utusu 'Ai Ngowa'a Nau'u pa'i matengo, la 'a guna ḇato 'o ngaku 'Ai Ngowa'a Nau'u gena-ge, 'o iranga ua kasingado-ngadolo i'a, mada'a 'o sanga 'ahu kasingado-ngadolo i'a. Sababu Ma Jou'ongu Madutu 'o 'utusu 'Ai Ngowa'a Nau'u di'a sihukumu ua manusia toma dungia nena-ne, mada'a di'a sisalamata ananga gena-ge. 'A guna ḇato 'o ngaku Ma Jou'ongu Madutu 'ai Ngowa'a Nau'u, Ma Jou'ongu Madutu ḏuanga i'a 'u sihukumu ua. Mada'a 'a guna ḇato 'o ngaku ua Ma Jou'ongu Madutu 'ai Ngowa'a Nau'u, unanga pa'i totoma ḇato di'a Ma Jou'ongu Madutu 'u sihukumu, sababu unanga gena-ge 'o ngaku ua Ma Jou'ongu Madutu 'ai Ngowa'a Nau'u, pa'i matengo. Yesus ro sapolo 'o gasa tarangi toma dungia nena-ne, mada'a manusia lebe sanangi hafu-hafu reo tarangi, sababu ananga manga ga'a ma jira. Sababu gena-ge, Ma Jou'ongu Madutu 'o sijuruhakimi manusia Ngowa'a mo-moini ga'a 'aḏi 'a'a kajahatana ananga 'aḏi emono tarangi. Re ananga gena-ge 'aḏi oḏu'u sapolo toma tarangi, la manga ga'a ma jira gena-ge, ngowa'a ya oḏi'i awa. Mada'a 'a guna ḇato ga'a 'o 'ahu mete'e Ma Jou'ongu Madutu 'ai ba-banari, unanga 'o sapolo toma tarangi, la ngowa'a nyengara 'aḏi oḏi'i unanga gena-ge 'o mete'e mode-mode'e Ma Jou'ongu Madutu 'ai 'akala ma mau.

Palisi i'a Yesus re 'Ai me-mete'e, ananga 'aḏi tagi toma daeraha Yudea. Yesus 'o tegoro ma di'ara wange muḏuo i'a re Unanga 'o baptis ngowa'a toma ngi'i gena-ge. Wakutu 'a Yohanes 'o osama bui nyangu, Unanga 'o baptis ngowa'a toma limau Ainon, kiḏanga ua toma limau Salim, sababu ngi'i gena-ge ma ḇanyo lai repe. Ngowa-ngowa'a matai sapolo ra unanga re unanga ya'u baptis ananga.
'A Yohanes 'ai me-mete'e nga muḏuo i'a 'aḏi ma'u tolabe reo ngowa'a Yahudi mangale sigofi mete'e 'agama ma 'atoranga, la 'aḏi najis ua. 'A Yohanes 'ai me-mete'e gena-ge, ananga 'aḏi sapolo ra Yohanes re 'aḏi kanau, “Rabi, ngana no 'elingi bolo ua?! 'Age rema ngowa'a matengo ga'a mamete'e ra ngana da'a Ḇanyo Yordan kaci moi ga'a ngana no sijumu ra ngomi 'au nga'ene?! Unanga nange-ne 'O baptis ngowa'a ḏi'i re ngowa'a manga repe 'aḏi sapolo ra Unanga!”
Yohanes 'a sangoro: “Mo-moini ga'a manusia ya sanga, enanga gena-ge ma 'asala ra Ma Jou'ongu Madutu tala. Ngini masiretene rena 'isene 'oru ga'a ngoi to kanau, ‘Ngoi nena-ne 'O Kristus ua, mada'a Ma Jou'ongu Madutu 'o 'utusu ngoi to siḏa ra Unanga.’ Geri molo'ara we-were'a gena-ge di'a geri molo'ara na-nau'u. Geri molo'ara na-nau'u 'ai ḏagilomu pa'i totoma re 'o 'isene di'a unanga 'ai sapolo. Unanga gena-ge 'o maroanga na'o 'o 'isene geri molo'ara na-nau'u 'ai iḏingi. Ngoi nena-ne ma tero sa'olo geri molo'ara na-nau'u 'ai ḏagilomu. Sababu gena-ge, ngoi 'ari roanga 'i ti-tiai sababu 'oru ga'a ngini reni siajele ra ngoi. Unanga balasu 'o dadi ngowa'a lebe la-lamo'o, mada'a ngoi balasu to dadi ngowa'a lebe mapake ua.”

Unanga ngowa'a matengo ga'a 'o sapolo da'u soroga tala, lebe la-lamo'o reo ngowa'a mo-moini. Mada'a matengo ga'a 'ai 'asala toma dungia nena-ne pa'i manusia ḇato, re 'o siajele dungia ma ngale-ngale. Mada'a ngowa'a matengo ga'a 'o sapolo da'u soroga tala lebe la-lamo'o reo ngowa'a mo-moini. Unanga 'o kanau mangale 'oru ga'a Unanga ra oḏi'i re Ra 'isene, mada'a matengo i'a mai ua ya ngaku Unanga 'ai sakisi. Mada'a 'a guna ḇato ga'a 'a dawongo Unanga 'ai sakisi, ananga 'aḏi 'akoru mangale Ma Jou'ongu Madutu 'ai demo-demo 'i banari. Sababu ngowa'a matengo ga'a Ma Jou'ongu Madutu 'o 'utusu Unanga gena-ge 'a singadolo Ma Jou'ongu Madutu 'ai demo-demo. Re Ma Jou'ongu Madutu 'o siromanga Unanga reo Ma Ngagara 'Ofi-'Ofi. Ma Jou'ongu Madutu 'o dadalara 'Ai Ngowa'a Nau'u re 'O pula'a mo-moini ḏua 'Ai kuasa.'A guna ga'a ngaku Ma Jou'ongu Madutu 'ai Ngowa'a Nau'u, unanga 'o sanga 'ahu kasingado-ngadolo i'a. Mada'a 'a guna ga'a 'o ngaku ua, unanga 'o sanga ua 'ahu kasingado-ngadolo i'a, mada'a ḏuanga i'a 'o sanga hukumu kasingado-ngadolo i'a.

Phulaphula i Yohanes 3