<div class="version vid282 iso6393xho" data-vid="282" data-iso6393="xho">
    <div class="book bkREV">
        <div class="chapter ch22" data-usfm="REV.22">
            <div class="label">22</div><div class="p"><span class="content">  </span><span class="verse v1" data-usfm="REV.22.1"><span class="label">1</span><span class="content">Isithunywa eso sandibonisa umlambo onamanzi obomi ebengezela okweglasi. Ayempompoza evela kwibhotwe likaThixo kunye neXhwane. </span></span><span class="verse v2" data-usfm="REV.22.2"><span class="label">2</span><span class="content">La manzi ayesihla phakathi kwisitalato sesixeko eso. Lo mlambo wawuphahlwe ngumthi wobomi. Lo mthi uvelisa iziqhamo ngazo zonke iinyanga zonyaka. Amagqabi alo mthi ayimpilo yezizwe. </span></span><span class="verse v3" data-usfm="REV.22.3"><span class="label">3</span><span class="content">Nayiphi na into eqalekisiweyo ayisayi kubakho apho. </span></span></div><div class="p"><span class="verse v3" data-usfm="REV.22.3"><span class="content">Into ekhoyo apho libhotwe likaThixo kunye neXhwane. Izicaka zakhe ziya kuphithizela zimkhonza. </span></span><span class="verse v4" data-usfm="REV.22.4"><span class="label">4</span><span class="content">Ziya kujongana naye ebusweni, zinegama lakhe ebunzi. </span></span><span class="verse v5" data-usfm="REV.22.5"><span class="label">5</span><span class="content">Akusayi kubakho busuku khona; kungasayi kubakho mfuneko yasibane nalanga. Kaloku iNkosi uThixo uya kuzikhanyisela. Ziya kuxhamla ulawulo ngonaphakade kanaphakade. </span></span></div><div class="s1"><span class="heading">Ukubuya kukaYesu</span></div><div class="p"><span class="verse v5" data-usfm="REV.22.5"><span class="content">  </span></span><span class="verse v6" data-usfm="REV.22.6"><span class="label">6</span><span class="content">Kananjalo sathi kum: &#8220;La mazwi ayinyaniso, athembekile. INkosi uThixo obaxhobisayo ngefuthe loMoya abavakalisi belizwi, wathumela isithunywa sakhe ukuze sibonise izicaka zakhe izinto eziza kwenzeka kamsinya.&#8221;</span></span></div><div class="p"><span class="verse v6" data-usfm="REV.22.6"><span class="content">  </span></span><span class="verse v7" data-usfm="REV.22.7"><span class="label">7</span><span class="content">&#8220;Uyabona ke, ndiyeza ngokukhawuleza! Unoyolo umntu owathobelayo amazwi odaba lwale ncwadi!&#8221;</span></span></div><div class="p"><span class="verse v7" data-usfm="REV.22.7"><span class="content">  </span></span><span class="verse v8" data-usfm="REV.22.8"><span class="label">8</span><span class="content">Ndim mna Yohane ozivileyo wazibona ezi zinto. Ndakuba ndizivile ndazibona ezi zinto, ndawa ezinyaweni zesithunywa eso sandibonisayo, ndikhahlela. </span></span><span class="verse v9" data-usfm="REV.22.9"><span class="label">9</span><span class="content">Kodwa sakhalima sathi: &#8220;Hayi bo! Sukwenjenjalo; kaloku nam ndisisicaka njengawe, ugxa wakho namawenu abavakalisi belizwi, nabo bonke abawathobelayo amazwi akule ncwadi. NguThixo ofanele ukumnqula wena.&#8221; </span></span><span class="verse v10" data-usfm="REV.22.10"><span class="label">10</span><span class="content">Saqhuba sathi: &#8220;Uze ungawafihli amazwi ale ncwadi; kaloku ithuba lokuzalisekiswa kwawo lisemnyango. </span></span><span class="verse v11" data-usfm="REV.22.11"><span class="label">11</span><span class="content">Ke yena umenzi wobubi makaqhubele phambili, ngokunjalo nongcolileyo makaqhubele phambili; nalowo ulungisayo makathathe unyawo, kanti ke nonyulu makahlale enjalo. </span></span></div><div class="p"><span class="verse v11" data-usfm="REV.22.11"><span class="content">  </span></span><span class="verse v12" data-usfm="REV.22.12"><span class="label">12</span><span class="content">&#8220;Ewe, ndiyeza kamsinya! Ulowo nalowo ndiya kumphathela ibhaso ngokwemisebenzi yakhe! </span></span><span class="verse v13" data-usfm="REV.22.13"><span class="label">13</span><span class="content">Kaloku ndingu-A, ndikwangu-Z; ndingowokuqala, ndikwangowokugqibela, ndikwasisiqalo nesiphelo.&#8221;</span></span></div><div class="p"><span class="verse v13" data-usfm="REV.22.13"><span class="content">  </span></span><span class="verse v14" data-usfm="REV.22.14"><span class="label">14</span><span class="content">Banoyolo abo bazabalazela ukuba bahlale benyulu! Baya kuba nelungelo kuwo umthi wobomi; baya kungena ngamasango esixekweni. </span></span><span class="verse v15" data-usfm="REV.22.15"><span class="label">15</span><span class="content">Kambe ke ngaphandle zizinja, namagqwirha, abarheletyi, izigwinta, abanqula *izithixo, nabo bonke abathe phithi kukuxoka.</span></span></div><div class="p"><span class="verse v15" data-usfm="REV.22.15"><span class="content">  </span></span><span class="verse v16" data-usfm="REV.22.16"><span class="label">16</span><span class="content">&#8220;Ndim mna Yesu osithumileyo isithunywa sam ukuba siye kushumayela ezi ndaba emabandleni. Ndingumnombo nomzukulwana kaDavide, ikhwezi lokusa.&#8221;</span></span></div><div class="p"><span class="verse v16" data-usfm="REV.22.16"><span class="content">  </span></span><span class="verse v17" data-usfm="REV.22.17"><span class="label">17</span><span class="content">UMoya kunye nomtshakazi bathi: &#8220;Yiza&#8221;</span></span></div><div class="p"><span class="verse v17" data-usfm="REV.22.17"><span class="content">Wonke umntu ovayo makathi: &#8220;Yiza!&#8221;</span></span></div><div class="p"><span class="verse v17" data-usfm="REV.22.17"><span class="content">Wonke umntu onxaniweyo makeze. Makawasele amanzi obomi; asisisa kwabo bawafunayo. </span></span></div><div class="s1"><span class="heading">Isiphetho</span></div><div class="p"><span class="verse v17" data-usfm="REV.22.17"><span class="content">  </span></span><span class="verse v18" data-usfm="REV.22.18"><span class="label">18</span><span class="content">Ndiyamlumkisa wonke umntu owevayo amazwi ale ncwadi: Ukuba ukhe wawongeza, uThixo uya kumhlisela zonke izibetho ezichaziweyo kule ncwadi. </span></span><span class="verse v19" data-usfm="REV.22.19"><span class="label">19</span><span class="content">Kanti ke ukuba ukhe wawaphungula, uThixo uya kumvimba inxaxheba kuwo umthi wobomi, angabi nalungelo nakuso isiXeko esiNgcwele &#8211; zinto ezo zichaziweyo kule ncwadi.</span></span></div><div class="p"><span class="verse v19" data-usfm="REV.22.19"><span class="content">  </span></span><span class="verse v20" data-usfm="REV.22.20"><span class="label">20</span><span class="content">Lo unika obu bungqina uthi: &#8220;Nanjani na ndiza kufika ngokukhawuleza!&#8221;</span></span></div><div class="p"><span class="verse v20" data-usfm="REV.22.20"><span class="content">Makube njalo! Yiza, Nkosi Yesu!</span></span></div><div class="p"><span class="verse v20" data-usfm="REV.22.20"><span class="content">  </span></span><span class="verse v21" data-usfm="REV.22.21"><span class="label">21</span><span class="content">Ubabalo lweNkosi uYesu maluhlale kuni nonke.</span></span></div>
        </div>
    </div>
</div>

Isithunywa eso sandibonisa umlambo onamanzi obomi ebengezela okweglasi. Ayempompoza evela kwibhotwe likaThixo kunye neXhwane. La manzi ayesihla phakathi kwisitalato sesixeko eso. Lo mlambo wawuphahlwe ngumthi wobomi. Lo mthi uvelisa iziqhamo ngazo zonke iinyanga zonyaka. Amagqabi alo mthi ayimpilo yezizwe. Nayiphi na into eqalekisiweyo ayisayi kubakho apho.
Into ekhoyo apho libhotwe likaThixo kunye neXhwane. Izicaka zakhe ziya kuphithizela zimkhonza. Ziya kujongana naye ebusweni, zinegama lakhe ebunzi. Akusayi kubakho busuku khona; kungasayi kubakho mfuneko yasibane nalanga. Kaloku iNkosi uThixo uya kuzikhanyisela. Ziya kuxhamla ulawulo ngonaphakade kanaphakade.

Kananjalo sathi kum: “La mazwi ayinyaniso, athembekile. INkosi uThixo obaxhobisayo ngefuthe loMoya abavakalisi belizwi, wathumela isithunywa sakhe ukuze sibonise izicaka zakhe izinto eziza kwenzeka kamsinya.”
“Uyabona ke, ndiyeza ngokukhawuleza! Unoyolo umntu owathobelayo amazwi odaba lwale ncwadi!”
Ndim mna Yohane ozivileyo wazibona ezi zinto. Ndakuba ndizivile ndazibona ezi zinto, ndawa ezinyaweni zesithunywa eso sandibonisayo, ndikhahlela. Kodwa sakhalima sathi: “Hayi bo! Sukwenjenjalo; kaloku nam ndisisicaka njengawe, ugxa wakho namawenu abavakalisi belizwi, nabo bonke abawathobelayo amazwi akule ncwadi. NguThixo ofanele ukumnqula wena.” Saqhuba sathi: “Uze ungawafihli amazwi ale ncwadi; kaloku ithuba lokuzalisekiswa kwawo lisemnyango. Ke yena umenzi wobubi makaqhubele phambili, ngokunjalo nongcolileyo makaqhubele phambili; nalowo ulungisayo makathathe unyawo, kanti ke nonyulu makahlale enjalo.
“Ewe, ndiyeza kamsinya! Ulowo nalowo ndiya kumphathela ibhaso ngokwemisebenzi yakhe! Kaloku ndingu-A, ndikwangu-Z; ndingowokuqala, ndikwangowokugqibela, ndikwasisiqalo nesiphelo.”
Banoyolo abo bazabalazela ukuba bahlale benyulu! Baya kuba nelungelo kuwo umthi wobomi; baya kungena ngamasango esixekweni. Kambe ke ngaphandle zizinja, namagqwirha, abarheletyi, izigwinta, abanqula *izithixo, nabo bonke abathe phithi kukuxoka.
“Ndim mna Yesu osithumileyo isithunywa sam ukuba siye kushumayela ezi ndaba emabandleni. Ndingumnombo nomzukulwana kaDavide, ikhwezi lokusa.”
UMoya kunye nomtshakazi bathi: “Yiza”
Wonke umntu ovayo makathi: “Yiza!”
Wonke umntu onxaniweyo makeze. Makawasele amanzi obomi; asisisa kwabo bawafunayo.

Ndiyamlumkisa wonke umntu owevayo amazwi ale ncwadi: Ukuba ukhe wawongeza, uThixo uya kumhlisela zonke izibetho ezichaziweyo kule ncwadi. Kanti ke ukuba ukhe wawaphungula, uThixo uya kumvimba inxaxheba kuwo umthi wobomi, angabi nalungelo nakuso isiXeko esiNgcwele – zinto ezo zichaziweyo kule ncwadi.
Lo unika obu bungqina uthi: “Nanjani na ndiza kufika ngokukhawuleza!”
Makube njalo! Yiza, Nkosi Yesu!
Ubabalo lweNkosi uYesu maluhlale kuni nonke.

Phulaphula i ISITYHILELO 22