Malay, Papuan

<div class="version vid2690 iso6393pmy" data-vid="2690" data-iso6393="pmy">
 <div class="book bkGEN">
 <div class="chapter ch22" data-usfm="GEN.22">
 <div class="label">22</div><div class="s">Allah tes Abraham pu percaya</div><div class="sr"> 22:1-19</div><div class="p"> 1Su brapa waktu lewat begini, Allah tes Abraham pu percaya. Allah bilang begini ke dia, &#8220;Abraham!&#8221;</div><div class="p">Abraham jawab, &#8220;Ya Tuhan!&#8221;</div><div class="p"> 2Allah bilang,</div><div class="pi2">&#8220;Bawa ko pu anak yang satu saja tu, anak yang paling ko sayang, yang de nama Isak, kam dua pigi ke daera Moria. Trus, ko kasi de jadi persembahan untuk Sa. Ko potong baru bakar kas korban#22:2 bakar kas korban &#8210; Biasa tu binatang yang dong potong trus bakar untuk kasi ke Allah. Liat di Kejadian 8:20 deng Keluaran 10:25. de ke Sa, di atas gunung satu yang nanti Sa kastau ko.&#8221;</div><div class="p"> 3Jadi, besok begini pagi-pagi skali Abraham de su bangun. De bla kayu untuk bakar kas korban ke Allah, trus de ikat di de pu kledai. Baru de panggil de pu orang kerja dua deng de pu anak Isak. Trus, dong smua jalan ke tempat yang Allah su bilang sama dia. 4Pas su tiga hari dong jalan, dari jau ni Abraham buang mata trus de dapa liat tempat yang Allah bilang de tu. 5Abraham bilang ke de pu orang kerja dua tu, &#8220;Kam dua tinggal disini deng kledai ni. Sa deng Isak mo pigi kesana, tong dua mo pigi sembayang dulu. Habis sembayang baru nanti tong dua balik ke kam sini.&#8221;</div><div class="p"> 6Abraham de ambil kayu yang pake bakar kas korban ke Allah tu, baru de taru di de pu anak Isak pu bahu. Trus Abraham de bawa bara api deng pisou di tangan. Baru dong dua jalan sama-sama. 7Pas dong ada jalan, begini Isak bilang ke de pu bapa Abraham begini, &#8220;Bapa?&#8221;</div><div class="p">Abraham jawab, &#8220;Bagemana anak?&#8221;</div><div class="p">Isak tanya, &#8220;Sa liat, kitong su ada api deng kayu bakar tapi, mana anak domba yang nanti tong potong baru bakar kas korban ke Allah?&#8221;</div><div class="p"> 8Abraham bilang dia, &#8220;Anak, Allah sendiri yang nanti kasi anak domba yang nanti tong bakar kas korban untuk Allah Dia.&#8221; Trus dong dua lanjut jalan lagi sama-sama.</div><div class="p"> 9Waktu dong dua sampe di tempat yang Allah bilang ke Abraham tu, Abraham de susun batu untuk bikin tempat bakar korban disitu. De susun kayu di atas tempat itu, trus de ikat de pu anak Isak. Baru, de taru de pu anak Isak di atas kayu yang di tempat bakar korban itu. 10Habis itu, Abraham ambil de pu pisou. Tapi pas de mo potong de pu anak begini, 11TUHAN pu Malaikat#22:11 TUHAN pu Malaikat ni TUHAN sendiri yang bicara, tapi TUHAN kas tunjuk De pu diri lewat malaikat. bicara dari surga deng suara besar ke dia, &#8220;Abraham! Abraham!&#8221;</div><div class="p">Abraham jawab, &#8220;Ya Tuhan!&#8221;</div><div class="p"> 12Trus TUHAN bilang begini lewat De pu Malaikat, &#8220;Jang ko bunu anak itu. Jang bikin apapa ke dia, karna skarang Sa su tau kalo ko memang hormat skali sama Sa sampe ko dengar yang Sa suru ko. Ko tra main-main untuk kasi ko pu anak yang cuma satu saja tu untuk Saya.&#8221;</div><div class="p"> 13Abraham de langsung buang mata, de liat ke blakang begini ada domba jantan satu yang de pu tanduk tasangkut di pohon-pohon kecil yang de pu batang talingkar. Jadi Abraham de ambil domba tu, trus de potong baru de bakar kas korban untuk Allah, ganti de pu anak Isak.#Ibrani 11:17-19 14Jadi Abraham kas nama tempat itu pake nama yang de pu arti &#8216;TUHAN yang kas siap apa yang tong perlu.&#8217;#22:14 TUHAN yang kas siap apa yang tong perlu &#8210; Bahasa Ibrani: Yahweh Yireh. Dari situ yang orang biasa bilang begini, &#8220;Di atas TUHAN pu gunung, TUHAN su kas siap smua yang tong perlu.&#8221;</div><div class="p"> 15Trus TUHAN pu Malaikat bicara dari surga deng suara besar lagi ke Abraham, 16De bilang begini,</div><div class="pi2">&#8220;TUHAN bilang, &#8216;Karna ko su bikin begitu, trus ko tra main-main kasi ko pu anak yang cuma satu tu saja untuk Sa, jadi Sa sumpa deng Sa pu nama sendiri! 17Sa sumpa, Sa nanti kas berkat ko banyak skali. Sa nanti bikin ko pu anana cucu pu banyak macam bintang di langit deng pasir di pinggir pante, baru ko pu anana cucu nanti dong yang pegang dong pu lawan-lawan pu kota.#Ibrani 6:13-14; 11:12 18Dari ko pu anana cucu, bangsa di bumi ni smua nanti dapa berkat juga. Nanti smua ni Sa bikin, karna ko su dengar-dengar Saya.&#8217;&#8202;&#8221;#Kisah Para Rasul 3:25; Galatia 3:16</div><div class="p"> 19Habis itu, Abraham deng Isak dong kembali ke de pu orang kerja dua tu, trus dong smua pulang sama-sama ke Bersyeba. Abraham de tinggal trus di Bersyeba situ.</div><div class="s">Nahor pu anana cucu</div><div class="sr"> 22:20-24</div><div class="p"> 20Habis dari gunung Moria, Abraham de dapa kabar kalo de pu sodara Nahor pu istri Milka su lahir anana laki-laki untuk Nahor. Anana dong pu nama-nama tu: 21Us, de yang tua, trus de pu ade Bus, baru Kemuel, de ini yang nanti jadi moyang dari orang Aram. 22Habis dong tiga, ada Kesed, Hazo, Pildas, Yidlaf, baru Betuel. 23Betuel de pu anak prempuan nama Ribka.#22:23 Ribka de yang nanti jadi Isak pu istri. Dlapan orang ini suda yang lahir dari Milka, Nahor pu istri. Nahor yang Abraham pu sodara. 24Nahor de juga pu budak prempuan yang nama Reuma, yang de ambil jadi de pu istri. Nahor pu anana yang lahir dari Reuma, dong pu nama tu, Tebah, Gaham, Tahas, deng Maaka.</div>
 </div>
 </div>
</div>

Su brapa waktu lewat begini, Allah tes Abraham pu percaya. Allah bilang begini ke dia, “Abraham!”
Abraham jawab, “Ya Tuhan!”
Allah bilang,
“Bawa ko pu anak yang satu saja tu, anak yang paling ko sayang, yang de nama Isak, kam dua pigi ke daera Moria. Trus, ko kasi de jadi persembahan untuk Sa. Ko potong baru bakar kas korban de ke Sa, di atas gunung satu yang nanti Sa kastau ko.”
Jadi, besok begini pagi-pagi skali Abraham de su bangun. De bla kayu untuk bakar kas korban ke Allah, trus de ikat di de pu kledai. Baru de panggil de pu orang kerja dua deng de pu anak Isak. Trus, dong smua jalan ke tempat yang Allah su bilang sama dia. Pas su tiga hari dong jalan, dari jau ni Abraham buang mata trus de dapa liat tempat yang Allah bilang de tu. Abraham bilang ke de pu orang kerja dua tu, “Kam dua tinggal disini deng kledai ni. Sa deng Isak mo pigi kesana, tong dua mo pigi sembayang dulu. Habis sembayang baru nanti tong dua balik ke kam sini.”
Abraham de ambil kayu yang pake bakar kas korban ke Allah tu, baru de taru di de pu anak Isak pu bahu. Trus Abraham de bawa bara api deng pisou di tangan. Baru dong dua jalan sama-sama. Pas dong ada jalan, begini Isak bilang ke de pu bapa Abraham begini, “Bapa?”
Abraham jawab, “Bagemana anak?”
Isak tanya, “Sa liat, kitong su ada api deng kayu bakar tapi, mana anak domba yang nanti tong potong baru bakar kas korban ke Allah?”
Abraham bilang dia, “Anak, Allah sendiri yang nanti kasi anak domba yang nanti tong bakar kas korban untuk Allah Dia.” Trus dong dua lanjut jalan lagi sama-sama.
Waktu dong dua sampe di tempat yang Allah bilang ke Abraham tu, Abraham de susun batu untuk bikin tempat bakar korban disitu. De susun kayu di atas tempat itu, trus de ikat de pu anak Isak. Baru, de taru de pu anak Isak di atas kayu yang di tempat bakar korban itu. Habis itu, Abraham ambil de pu pisou. Tapi pas de mo potong de pu anak begini, TUHAN pu Malaikat bicara dari surga deng suara besar ke dia, “Abraham! Abraham!”
Abraham jawab, “Ya Tuhan!”
Trus TUHAN bilang begini lewat De pu Malaikat, “Jang ko bunu anak itu. Jang bikin apapa ke dia, karna skarang Sa su tau kalo ko memang hormat skali sama Sa sampe ko dengar yang Sa suru ko. Ko tra main-main untuk kasi ko pu anak yang cuma satu saja tu untuk Saya.”
Abraham de langsung buang mata, de liat ke blakang begini ada domba jantan satu yang de pu tanduk tasangkut di pohon-pohon kecil yang de pu batang talingkar. Jadi Abraham de ambil domba tu, trus de potong baru de bakar kas korban untuk Allah, ganti de pu anak Isak. Jadi Abraham kas nama tempat itu pake nama yang de pu arti ‘TUHAN yang kas siap apa yang tong perlu.’ Dari situ yang orang biasa bilang begini, “Di atas TUHAN pu gunung, TUHAN su kas siap smua yang tong perlu.”
Trus TUHAN pu Malaikat bicara dari surga deng suara besar lagi ke Abraham, De bilang begini,
“TUHAN bilang, ‘Karna ko su bikin begitu, trus ko tra main-main kasi ko pu anak yang cuma satu tu saja untuk Sa, jadi Sa sumpa deng Sa pu nama sendiri! Sa sumpa, Sa nanti kas berkat ko banyak skali. Sa nanti bikin ko pu anana cucu pu banyak macam bintang di langit deng pasir di pinggir pante, baru ko pu anana cucu nanti dong yang pegang dong pu lawan-lawan pu kota. Dari ko pu anana cucu, bangsa di bumi ni smua nanti dapa berkat juga. Nanti smua ni Sa bikin, karna ko su dengar-dengar Saya.’ ”
Habis itu, Abraham deng Isak dong kembali ke de pu orang kerja dua tu, trus dong smua pulang sama-sama ke Bersyeba. Abraham de tinggal trus di Bersyeba situ.


Habis dari gunung Moria, Abraham de dapa kabar kalo de pu sodara Nahor pu istri Milka su lahir anana laki-laki untuk Nahor. Anana dong pu nama-nama tu: Us, de yang tua, trus de pu ade Bus, baru Kemuel, de ini yang nanti jadi moyang dari orang Aram. Habis dong tiga, ada Kesed, Hazo, Pildas, Yidlaf, baru Betuel. Betuel de pu anak prempuan nama Ribka. Dlapan orang ini suda yang lahir dari Milka, Nahor pu istri. Nahor yang Abraham pu sodara. Nahor de juga pu budak prempuan yang nama Reuma, yang de ambil jadi de pu istri. Nahor pu anana yang lahir dari Reuma, dong pu nama tu, Tebah, Gaham, Tahas, deng Maaka.

Phulaphula i Kejadian 22