Abibilia Ngakiro Naajokak

<div class="version vid2657 iso6393tuv" data-vid="2657" data-iso6393="tuv">
 <div class="book bkGEN">
 <div class="chapter ch16" data-usfm="GEN.16">
 <div class="label">16</div><div class="s">Agar ka Ichimael</div><div class="p"> 1Emam ngide abu aberu a Aburam Sarai kidou. Ayei akedalan kech anyaritae Agar na abunit anakwap a Misiri. 2Sodi tolimok Sarai Aburam tama, &#8220;Kingolik a, kemik ayong Ekapolon Akuj ngide. Topero ka akedalan kang atopedorea ayong aanyun ngide anikeng.&#8221; Kiira Aburam ngakiro na alimokini Sarai. 3Ani adaunet a ngikaru a ngitomon na alomitor Aburam nakwap a Kanaan, kipoto Sarai akedalan keng na anyaritae Agar na abunit anakwap a Misiri, nak Aburam kitiliwo aberu keng. 4Topero Aburam ka Agar, topoti Agar. Ani na engolikinea Agar atamar apoti ngesi, kimenya Sarai. 5Sodi tolimok Sarai Aburam tama, &#8220;Iyong kapaikinit ayong ngakiro nakemenyaritor ayong Agar. Ayong kolong epotori ngesi kainak iyong. Ani ingolikini ngesi atamar apoti, kemenya ngesi ayong. Kimiekisi Ekapolon Akuj totiaku atamar ngae aniyok esechit, iyong kori ayong.&#8221; 6Nakaneni tolimok Aburam Sarai tama, &#8220;Kingolik a, eraakasi ngakiro a akedalan kon ngaka akiding kon, tosubea iyong ngesi ngakiro na isakit iyong asubea.&#8221; Sodi toboliar Sarai Agar niaronon, todok Agar.</div><div class="p"> 7Torukau emalaikat a Ekapolon Akuj ngesi alolelea a ngakipi alo eyei nariet. Erai elelea ngolo lo ayei lorot lo etenere Chur. 8Kingit emalaikat a Ekapolon Akuj Agar tama, &#8220;Agar na irai akedalan a Sarai, aliwae ibunio iyong, ani aliwae ilosi iyong?&#8221; Tatachu ngesi tama, &#8220;Adokinit ayong ani eyei akapolon kang Sarai.&#8221;</div><div class="p"> 9Tolimok emalaikat a Ekapolon Akuj ngesi tama, &#8220;Tobongo ni eyei akapolon kon, sodi kiwap ngakiro keng.&#8221; 10Tolimok nabo emalaikat a Ekapolon Akuj Agar tama, &#8220;Etalalae ayong ngalesea kon tongop kona imarunio. 11Kingolik a, ipoti iyong, nakaneni idouni ikoku nisapat. Inyarae iyong ekiro keng Ichimael,#16:11 Ichimael; erai ekiro lo a Ngaeburaniae eger keng atamar &#8220;Eira Ekapolon Akuj.&#8221; kainyo eira Ekapolon Akuj akigoro nakiboliare iyong. 12Nakaneni ikokini lokookon asikiria nakaturonon. Eremokin ngesi ngitunga daang, nabo eremokinosi ngitunga daang ngesi. Ipakar ngesi ani eyakasi ngiyenet keng daang.&#8221;</div><div class="p"> 13Sodi tolimok Agar Ekapolon Akuj na eruorosi ka ngesi ekiro be, &#8220;Akuj Na Itee.&#8221; Etami ngesi bon ebala, &#8220;Ekoe, tokona ibore en, aanyunga ayong Akuj edong ayari a?&#8221;#16:13 &#8220;Ekoe, tokona ibore en, aanyunga ayong Akuj edong ayari a?&#8221;; &#8220;Tani kaanyunga ngolo ketee ayong ayari a?&#8221; 14Ngakiro nguna kesi enyaritotor ngitunga akar na eyei kiding Kadech ka Bered a ekiro be Beer-laai-roi.#16:14 Beer-laai-roi; eger keng atamar, akar a ngolo eyari nabo itee ayong.</div><div class="p"> 15Kidou Agar ikoku a Aburam nisapat. Tolimok Aburam ikoku nisapat ngini ekiro be Ichimael. 16Araakasi ngikaru a Aburam ngitomwon-kauni ka ngikan-kapei na edounio Agar Ichimael.</div>
 </div>
 </div>
</div>

Emam ngide abu aberu a Aburam Sarai kidou. Ayei akedalan kech anyaritae Agar na abunit anakwap a Misiri. Sodi tolimok Sarai Aburam tama, “Kingolik a, kemik ayong Ekapolon Akuj ngide. Topero ka akedalan kang atopedorea ayong aanyun ngide anikeng.” Kiira Aburam ngakiro na alimokini Sarai. Ani adaunet a ngikaru a ngitomon na alomitor Aburam nakwap a Kanaan, kipoto Sarai akedalan keng na anyaritae Agar na abunit anakwap a Misiri, nak Aburam kitiliwo aberu keng. Topero Aburam ka Agar, topoti Agar. Ani na engolikinea Agar atamar apoti ngesi, kimenya Sarai. Sodi tolimok Sarai Aburam tama, “Iyong kapaikinit ayong ngakiro nakemenyaritor ayong Agar. Ayong kolong epotori ngesi kainak iyong. Ani ingolikini ngesi atamar apoti, kemenya ngesi ayong. Kimiekisi Ekapolon Akuj totiaku atamar ngae aniyok esechit, iyong kori ayong.” Nakaneni tolimok Aburam Sarai tama, “Kingolik a, eraakasi ngakiro a akedalan kon ngaka akiding kon, tosubea iyong ngesi ngakiro na isakit iyong asubea.” Sodi toboliar Sarai Agar niaronon, todok Agar.
Torukau emalaikat a Ekapolon Akuj ngesi alolelea a ngakipi alo eyei nariet. Erai elelea ngolo lo ayei lorot lo etenere Chur. Kingit emalaikat a Ekapolon Akuj Agar tama, “Agar na irai akedalan a Sarai, aliwae ibunio iyong, ani aliwae ilosi iyong?” Tatachu ngesi tama, “Adokinit ayong ani eyei akapolon kang Sarai.”
Tolimok emalaikat a Ekapolon Akuj ngesi tama, “Tobongo ni eyei akapolon kon, sodi kiwap ngakiro keng.” Tolimok nabo emalaikat a Ekapolon Akuj Agar tama, “Etalalae ayong ngalesea kon tongop kona imarunio. Kingolik a, ipoti iyong, nakaneni idouni ikoku nisapat. Inyarae iyong ekiro keng Ichimael, kainyo eira Ekapolon Akuj akigoro nakiboliare iyong. Nakaneni ikokini lokookon asikiria nakaturonon. Eremokin ngesi ngitunga daang, nabo eremokinosi ngitunga daang ngesi. Ipakar ngesi ani eyakasi ngiyenet keng daang.”
Sodi tolimok Agar Ekapolon Akuj na eruorosi ka ngesi ekiro be, “Akuj Na Itee.” Etami ngesi bon ebala, “Ekoe, tokona ibore en, aanyunga ayong Akuj edong ayari a?” Ngakiro nguna kesi enyaritotor ngitunga akar na eyei kiding Kadech ka Bered a ekiro be Beer-laai-roi.
Kidou Agar ikoku a Aburam nisapat. Tolimok Aburam ikoku nisapat ngini ekiro be Ichimael. Araakasi ngikaru a Aburam ngitomwon-kauni ka ngikan-kapei na edounio Agar Ichimael.

Phulaphula i Akisiakinet 16