Chipaya - 2004 Edition (NT)

<div class="version vid218 iso6393cap" data-vid="218" data-iso6393="cap">
   <div class="book bkMAT">
      <div class="chapter ch22" data-usfm="MAT.22">
         <div class="label">22</div><div class="s1"><span class="heading">Phi&#347;tiki&#347; &#263;hheri lulh&#347; kintu</span></div><div class="r"><span class="heading">(</span><span class="heading">Lc 14.15-24</span><span class="heading">)</span></div><div class="p"><span class="content">  </span><span class="verse v1" data-usfm="MAT.22.1"><span class="label">1</span><span class="content">Jesusaki wilta ti kintuki&#347;tan palxayi qallantichi&#263;ha tu&#378; khikan:</span></span></div><div class="p"><span class="verse v1" data-usfm="MAT.22.1"><span class="content">  </span></span><span class="verse v2" data-usfm="MAT.22.2"><span class="label">2</span><span class="content">&#8220;Ni tsewkta irpi&#347; wathaki, tshi rey n&#239;&#378; machh ka&#347;ar&#347; phi&#347;tiki&#347; &#263;hheri lulh&#347; p&#228;&#241;i irata&#263;ha. </span></span><span class="verse v3" data-usfm="MAT.22.3"><span class="label">3</span><span class="content">Neqh&#347;tan n&#239;&#378; uywitanaka kuchanchi&#263;ha ni ma&#347;inta &#378;o&#241;inaka qhaw&#378;kaxu, xalla ni &#378;o&#241;inakaki ana thon&#347;pekchi&#263;ha. </span></span><span class="verse v4" data-usfm="MAT.22.4"><span class="label">4</span><span class="content">Ni&#378;a&#347;a tsh&#239;&#378;tan yaqha uywitanaka kuchanchi&#263;ha iwxt'i&#378;ku: &#8216;An&#263;hukki ni ma&#347;inta &#378;o&#241;inak&#378;ki&#347; kheki&#263;ha &#263;hheri lulh&#347;xapaki thak&#347;ta&#263;ha. Werhki weth waka ni&#378;a&#347;a khew uywanaka konqatchin&#263;ha ni&#378;a&#347;a thappacha thak&#347;ta&#263;ha; ni&#378;a&#347;a thappacha &#263;hheri lulix thonla.&#8217; </span></span><span class="verse v5" data-usfm="MAT.22.5"><span class="label">5</span><span class="content">Xalla ni ma&#347;inta &#378;o&#241;inakaki ana ka&#347;kichi&#263;ha. Ninak&#378;ki&#347;tan tsh&#239;su&#241;aki n&#239;&#378; yoqa oqhchi&#263;ha, ni&#378;a&#347;a tsh&#239;su&#241;aki n&#239;&#378; tuy&#347;nak&#378;kin oqhchi&#263;ha, </span></span><span class="verse v6" data-usfm="MAT.22.6"><span class="label">6</span><span class="content">ni&#378;a&#347;a yaqhap ma&#347;intanakaki ni rey&#378; uywita &#378;o&#241;inaka &#347;hoxritchi&#263;ha kona&#241;kama. </span></span><span class="verse v7" data-usfm="MAT.22.7"><span class="label">7</span><span class="content">Neqh&#347;tan ni reyki &#347;mali &#378;axwchi&#263;ha, ni&#378;a&#347;a n&#239;&#378; &#347;ultatunaka kuchanchi&#263;ha ni &#378;o&#241;i kon&#241;inaka kon&#378;kaxu ni&#378;a&#347;a ninak&#378; watha uj&#378;tan t&#228;&#347;inaxu. </span></span><span class="verse v8" data-usfm="MAT.22.8"><span class="label">8</span><span class="content">Neqh&#347;tan n&#239;&#378; uywitanak&#378;ki&#347; khichi&#263;ha: &#8216;Ni &#263;hheri lulh&#347;ki thak&#347;ta&#263;ha, xalla ni ma&#347;inta &#378;o&#241;inakaki ana&#378; waki&#347;at&#263;ha thon&#347;. </span></span><span class="verse v9" data-usfm="MAT.22.9"><span class="label">9</span><span class="content">Ni&#378;a&#347;a an&#263;hukki cheqan wath mora&#378; ulna, ni&#378;a&#347;a thapa &#347;altanak&#378;ki&#347; &#263;hheri lulh&#347;xapa ma&#347;in&#378;ka.&#8217; </span></span><span class="verse v10" data-usfm="MAT.22.10"><span class="label">10</span><span class="content">Neqh&#347;tan ni uywitanakaki wath mora ulanchi&#263;ha, ni&#378;a&#347;a thappacha ni &#347;altakama akhsqatchi&#263;ha &#347;uma khi&#241;i ni&#378;a&#347;a &#241;exu khi&#241;i; xalla nu&#378; ni paqh qhuyki&#347; &#378;o&#241;inakaki &#347;hipsi&#263;ha.</span></span></div><div class="p"><span class="verse v10" data-usfm="MAT.22.10"><span class="content">  </span></span><span class="verse v11" data-usfm="MAT.22.11"><span class="label">11</span><span class="content">&#8220;Neqh&#347;tan ni reyki ni ma&#347;intanaka cher&#347;&#241;i lu&#347;h&#347;i&#263;ha, xalla neqh&#347;i tshi &#378;o&#241;i ana ka&#347;ar&#347; &#347;kiti kuthchi cherchi&#263;ha. </span></span><span class="verse v12" data-usfm="MAT.22.12"><span class="label">12</span><span class="content">Neqh&#347;tan n&#239;&#378;ki&#347; khichi&#263;ha: &#8216;Jila, &#191;ana ni ka&#347;ar&#347; &#347;kiti kuthchi, xaqhnu&#378; teqh&#347; lu&#347;hkichamtaxo?&#8217; Xalla ni &#378;o&#241;iki ana tawqchi&#263;ha. </span></span><span class="verse v13" data-usfm="MAT.22.13"><span class="label">13</span><span class="content">Neqh&#347;tan ni reyki ni mi&#347;ki&#347; liwarpay&#241;inak&#378;ki&#347; khichi&#263;ha: &#8216;Ni &#378;o&#241;&#378; qharami qhxochami &#263;helh&#378;ina ni&#378;a&#347;a ni &#347;awkta sumchi laqhkin thxota. Xalla nikhu&#378; n&#239;&#378; q&#228;yi ni&#378;a&#347;a i&#378;qi qhxo&#347; kheki&#263;ha.&#8217; </span></span><span class="verse v14" data-usfm="MAT.22.14"><span class="label">14</span><span class="content">Xalla ni qhaw&#378;ta &#378;o&#241;inakaki tama&#263;ha, ni&#378;a&#347;a ni ill&#347;ta &#378;o&#241;inakaki qolukulla&#263;ha.&#8221;</span></span></div><div class="s1"><span class="heading">Jesusi&#378;ki&#347; ta&#347;a th&#228;&#347;ki&#347;tan pewk&#378;ta</span></div><div class="r"><span class="heading">(</span><span class="heading">Mc 12.13-17</span><span class="heading">; </span><span class="heading">Lc 20.20-26</span><span class="heading">)</span></div><div class="p"><span class="verse v14" data-usfm="MAT.22.14"><span class="content">  </span></span><span class="verse v15" data-usfm="MAT.22.15"><span class="label">15</span><span class="content">Xalla neqh&#347;tan ni fariseo &#378;o&#241;inakaki palt'i oqhchi&#263;ha, Jesusa ch&#239;qat&#378;ku taqu jesan&#347;xapa, neqh&#347;tan ujchi&#347; jesxapa. </span></span><span class="verse v16" data-usfm="MAT.22.16"><span class="label">16</span><span class="content">Neqh&#347;tan ninak&#378; t'aqki&#347;tan ni&#378;a&#347;a Herodes t'aqki&#347;tan Jesusi&#378;kin kuchan&#378;kichi&#263;ha, tu&#378; khikan:</span></span></div><div class="p"><span class="verse v16" data-usfm="MAT.22.16"><span class="content">&#8211;Thaxi&#241;i, werhnakki cheqpacha ch&#239;&#241;i am &#347;i&#347;u&#263;ha, ni&#378;a&#347;a Y&#246;&#347; jikh&#347; cheqpacha thaxi&#241;am&#263;ha, ni&#378;a&#347;a ana &#378;o&#241;inaka&#378; ch&#239;ta non&#347;&#241;am&#263;ha ni&#378;a&#347;a amki ana &#378;o&#241;i phal&#347;&#241;am&#263;ha. </span></span><span class="verse v17" data-usfm="MAT.22.17"><span class="label">17</span><span class="content">&#191;Walix khesaya ni Romano chawkh jilir&#378;ki&#347; ta&#347;a th&#228;&#347;, u&#347;h ana&#378; th&#228;saxa? Werhnakki n&#239;l &#347;i&#347; peku&#263;ha.</span></span></div><div class="p"><span class="verse v17" data-usfm="MAT.22.17"><span class="content">  </span></span><span class="verse v18" data-usfm="MAT.22.18"><span class="label">18</span><span class="content">Jesusaki ninaka millk'u qu&#347;&#347;i&#347; nay&#378;ku, neqh&#347;tan ninak&#378;ki&#347; khichi&#263;ha:</span></span></div><div class="p"><span class="verse v18" data-usfm="MAT.22.18"><span class="content">&#8211;Toskar &#378;o&#241;inaka, &#191;qha&#378;tiki&#347;tan wethki&#347; tshi chala&#378;taqa&#347; aqacha p&#228;xo? </span></span><span class="verse v19" data-usfm="MAT.22.19"><span class="label">19</span><span class="content">Ni ta&#347;a th&#228;&#347; p&#228;&#347; th&#235;&#378;nalla.</span></span></div><div class="p"><span class="verse v19" data-usfm="MAT.22.19"><span class="content">Ninakaki tshi denario khita p&#228;&#347; &#347;hik&#378;kichi&#263;ha, </span></span><span class="verse v20" data-usfm="MAT.22.20"><span class="label">20</span><span class="content">neqh&#347;tan Jesusaki ninak&#378;ki&#347; pewk&#347;i&#263;ha:</span></span></div><div class="p"><span class="verse v20" data-usfm="MAT.22.20"><span class="content">&#8211;&#191;J&#235;kh&#378; yukht t&#239;xo ni&#378;a&#347;a J&#235;kh&#378; th&#252;t teqh&#347; khjirtaxo?</span></span></div><div class="p"><span class="verse v20" data-usfm="MAT.22.20"><span class="content">  </span></span><span class="verse v21" data-usfm="MAT.22.21"><span class="label">21</span><span class="content">Ninakaki qh&#228;&#347;i&#263;ha:</span></span></div><div class="p"><span class="verse v21" data-usfm="MAT.22.21"><span class="content">&#8211;Cesar&#378;ta&#263;ha.</span></span></div><div class="p"><span class="verse v21" data-usfm="MAT.22.21"><span class="content">Neqh&#347;tan Jesusaki ninak&#378;ki&#347; khichi&#263;ha:</span></span></div><div class="p"><span class="verse v21" data-usfm="MAT.22.21"><span class="content">&#8211;Ni&#378;a&#347;a ni Cesar&#378;ta&#378;lax n&#239;ki Cesar&#378;ki&#347; th&#228;, ni&#378;a&#347;a Y&#246;&#347;ta&#378;lax n&#239;ki Y&#246;&#347;ki&#347; th&#228;.</span></span></div><div class="p"><span class="verse v21" data-usfm="MAT.22.21"><span class="content">  </span></span><span class="verse v22" data-usfm="MAT.22.22"><span class="label">22</span><span class="content">Xalla ti non&#378;ku ni &#378;o&#241;inakaki i&#347;pantichi khissi&#263;ha; neqh&#347;tan Jesusa ekku oqhchi&#263;ha.</span></span></div><div class="s1"><span class="heading">Jakatat&#347;ki&#347;tan pewk&#378;ta</span></div><div class="r"><span class="heading">(</span><span class="heading">Mc 12.18-27</span><span class="heading">; </span><span class="heading">Lc 20.27-40</span><span class="heading">)</span></div><div class="p"><span class="verse v22" data-usfm="MAT.22.22"><span class="content">  </span></span><span class="verse v23" data-usfm="MAT.22.23"><span class="label">23</span><span class="content">Ni n&#246;x pacha tshi qha&#378; saduceo &#378;o&#241;inaka Jesusa cher&#347;&#241;i oqhchi&#263;ha. Ni saduceo &#378;o&#241;inakaki tikh&#347;ki&#347;tan ana jakatat&#347; &#378;elh&#263;ha khi&#241;ita&#263;ha, xalla neqh&#347;tan ti pewk&#347;i&#263;ha:</span></span></div><div class="p"><span class="verse v23" data-usfm="MAT.22.23"><span class="content">  </span></span><span class="verse v24" data-usfm="MAT.22.24"><span class="label">24</span><span class="content">&#8211;Thaxi&#241;i, Moisesaki khichi&#263;ha xaqhsiltami&#378; tikh&#378;nasa&#378; n&#239;ki ana mati ekku, ni tikh&#347;i&#378; laqhki &#347;al&#378;nasa&#263;ha na &#378;ewatan, xalla neqh&#347;tan okhalchi&#347; khesa&#263;ha n&#228;tan n&#239;&#378; tikh&#347;i jil&#378;ta. </span></span><span class="verse v25" data-usfm="MAT.22.25"><span class="label">25</span><span class="content">Tshi pacha, wethnakaki&#347;tan &#378;elat&#263;ha towqu jila&#347;ullka. Ni jilir jilaki &#347;al&#347;i&#263;ha, neqh&#347;tan tikh&#347;i&#263;ha. Ana machhchi&#347; khen n&#239;&#378; thun n&#239;&#378; laqh&#378;ki&#347; ekchi&#263;ha. </span></span><span class="verse v26" data-usfm="MAT.22.26"><span class="label">26</span><span class="content">Ni&#378;a&#347;aqa&#347; n&#239;&#378; laqh&#378;tan watchi&#263;ha, neqh&#347;tan n&#239;&#378; xaru khi&#241;i&#378;tanami, ni&#378;a&#347;a thappacha ni towqu laqhnak&#378;tan watchi&#263;ha. </span></span><span class="verse v27" data-usfm="MAT.22.27"><span class="label">27</span><span class="content">Ninaka&#378; thappacha tikh&#378;tan, na &#378;onki tikh&#347;in&#347;aqa&#347;&#347;a. </span></span><span class="verse v28" data-usfm="MAT.22.28"><span class="label">28</span><span class="content">Xalla ni jakatat&#347; thu&#241;ki&#347;iki, &#191;ninak&#378;ki&#347;tan xaqhsilti&#378; thun na &#378;on khekixo ni&#378;a&#347;a ni towqu jila&#347;ullka pachal na &#378;onatan &#347;al&#347;iki?</span></span></div><div class="p"><span class="verse v28" data-usfm="MAT.22.28"><span class="content">  </span></span><span class="verse v29" data-usfm="MAT.22.29"><span class="label">29</span><span class="content">Jesusaki ninak&#378;ki&#347; qh&#228;&#347;i&#263;ha:</span></span></div><div class="p"><span class="verse v29" data-usfm="MAT.22.29"><span class="content">&#8211;&#161;An&#263;hukki tshi qhut&#241;i pan&#263;ha, ana&#378; an&#263;huk Y&#246;&#347; &#347;uma kintu khjirta &#347;i&#347;&#347;a, ni&#378;a&#347;a ana&#378; Y&#246;&#347; a&#347;imi pax&#263;ha! </span></span><span class="verse v30" data-usfm="MAT.22.30"><span class="label">30</span><span class="content">Ni jakatat&#347;ki&#347;iki, ni luktaqanakami ni&#378;a&#347;a m&#228;taqanakami ana&#378; &#347;al&#378;naki&#263;ha, xalla ni tsewkta yoqkin &#378;elh&#241;i Y&#246;&#347; anjilanaka&#378;taqa&#347; kheki&#263;ha. </span></span><span class="verse v31" data-usfm="MAT.22.31"><span class="label">31</span><span class="content">Xalla ni tikh&#347;i jakatat&#347;ki&#347;tanaki, &#191;an&#263;hukki ana l&#239;chin&#263;huk qha&#378;tataxo, Y&#246;&#347; pacha&#263;ha tu&#378; khichiki: </span></span><span class="verse v32" data-usfm="MAT.22.32"><span class="label">32</span><span class="content">&#8216;Werhki ni Abraham&#378; Y&#246;&#347;t&#263;ha, ni&#378;a&#347;a Isaac&#378; Y&#246;&#347;t&#263;ha, ni&#378;a&#347;a Jacob&#378; Y&#246;&#347;t&#263;ha&#8217;? &#161;Y&#246;&#347;ki ana&#263;ha tikh&#347;inak&#378; Y&#246;&#347;ki, ans &#378;eth&#241;i Y&#246;&#347;&#347;a!</span></span></div><div class="p"><span class="verse v32" data-usfm="MAT.22.32"><span class="content">  </span></span><span class="verse v33" data-usfm="MAT.22.33"><span class="label">33</span><span class="content">Xalla ti non&#378;ku ni &#378;o&#241;inakaki Jesusi&#378; thaxintiki&#347;tan i&#347;pantichi khissi&#263;ha.</span></span></div><div class="s1"><span class="heading">Xaqhsilta Y&#246;&#347; l&#239;t cheqanaki</span></div><div class="r"><span class="heading">(</span><span class="heading">Mc 12.28-34</span><span class="heading">)</span></div><div class="p"><span class="verse v33" data-usfm="MAT.22.33"><span class="content">  </span></span><span class="verse v34" data-usfm="MAT.22.34"><span class="label">34</span><span class="content">Ni fariseo &#378;o&#241;inakaki, Jesusa ni saduceo &#378;o&#241;inaka ch'ujtay&#241;i &#347;i&#347;ku akhsi&#263;ha, </span></span><span class="verse v35" data-usfm="MAT.22.35"><span class="label">35</span><span class="content">neqh&#347;tan ninak&#378;ki&#347;tan tshi l&#239; utt'ay&#241;iki Jesusa chalki&#347; thxotsxapa pewk&#347;i&#263;ha, tu&#378; khikan:</span></span></div><div class="p"><span class="verse v35" data-usfm="MAT.22.35"><span class="content">  </span></span><span class="verse v36" data-usfm="MAT.22.36"><span class="label">36</span><span class="content">&#8211;Thaxi&#241;i, &#191;xaqhsilta l&#239;t ni l&#239;nak&#378;ki&#347;tan tshan cheqanxo?</span></span></div><div class="p"><span class="verse v36" data-usfm="MAT.22.36"><span class="content">  </span></span><span class="verse v37" data-usfm="MAT.22.37"><span class="label">37</span><span class="content">Jesusaki n&#239;&#378;ki&#347; khichi&#263;ha:</span></span></div><div class="p"><span class="verse v37" data-usfm="MAT.22.37"><span class="content">&#8211;&#8216;Am Y&#246;&#347; tata thapa qu&#347;tan peka, ni&#378;a&#347;a thapa am animu&#378;tan ni&#378;a&#347;a thapa am &#347;i&#347;tan.&#8217; </span></span><span class="verse v38" data-usfm="MAT.22.38"><span class="label">38</span><span class="content">T&#239;&#263;ha tukkin ni l&#239;nak&#378;ki&#347;tan tshan cheqanaki. </span></span><span class="verse v39" data-usfm="MAT.22.39"><span class="label">39</span><span class="content">N&#239;&#378; xaruki ni&#378;ta&#347;aqa&#347; &#378;elh&#263;ha ni irata, n&#239;ki tu&#378; khi&#263;ha: &#8216;Xaqhnu&#378; per&#347;unpachki&#347; oq&#347;&#241;am&#378;laxa, xalla ni&#378;ta &#347;aqa&#347; thapa &#378;o&#241;inaka oq&#347;tan&#263;ha.&#8217; </span></span><span class="verse v40" data-usfm="MAT.22.40"><span class="label">40</span><span class="content">Xalla ti pi&#347;k l&#239;&#263;ha thappacha ni l&#239;nak&#378;ki&#347;tan ni&#378;a&#347;a Y&#246;&#347;ki&#347;tan ch&#239;&#241;inak&#378;ki&#347;tan cheqanaki.</span></span></div><div class="s1"><span class="heading">&#191;Ni Mes&#237;as J&#235;kh&#378; Matitaxo?</span></div><div class="r"><span class="heading">(</span><span class="heading">Mc 12.35-37</span><span class="heading">; </span><span class="heading">Lc 20.41-44</span><span class="heading">)</span></div><div class="p"><span class="verse v40" data-usfm="MAT.22.40"><span class="content">  </span></span><span class="verse v41" data-usfm="MAT.22.41"><span class="label">41</span><span class="content">Ni fariseo &#378;o&#241;inaka&#378; tira akhsi &#378;elan, </span></span><span class="verse v42" data-usfm="MAT.22.42"><span class="label">42</span><span class="content">Jesusaki ninak&#378;ki&#347; pewk&#347;i&#263;ha:</span></span></div><div class="p"><span class="verse v42" data-usfm="MAT.22.42"><span class="content">&#8211;&#191;Xaqnu&#378;u&#378; an&#263;huk ni Mesiaski&#347;tan khexo? &#191;Ni&#378;a&#347;a j&#235;kh&#378; Mati taxo?</span></span></div><div class="p"><span class="verse v42" data-usfm="MAT.22.42"><span class="content">Ninakaki qh&#228;&#347;i&#263;ha:</span></span></div><div class="p"><span class="verse v42" data-usfm="MAT.22.42"><span class="content">&#8211;David&#378; machhki&#347;tan oqh&#241;i&#263;ha.</span></span></div><div class="p"><span class="verse v42" data-usfm="MAT.22.42"><span class="content">  </span></span><span class="verse v43" data-usfm="MAT.22.43"><span class="label">43</span><span class="content">Neqh&#347;tan Jesusaki ninak&#378;ki&#347; khichi&#263;ha:</span></span></div><div class="p"><span class="verse v43" data-usfm="MAT.22.43"><span class="content">&#8211;David pacha&#263;ha ni Espiritu&#378; yanapta, Y&#246;&#347; tata khi&#241;iki, Davidki tu&#378; khichi&#263;ha:</span></span></div><div class="b"></div><div class="q1"><span class="verse v43" data-usfm="MAT.22.43"><span class="content">  </span></span><span class="verse v44" data-usfm="MAT.22.44"><span class="label">44</span><span class="content">&#8216;Y&#246;&#347; Ephki weth Y&#246;&#347;ki&#347; khichi&#263;ha:</span></span></div><div class="q1"><span class="verse v44" data-usfm="MAT.22.44"><span class="content">Weth &#378;ewqhuttan jul&#378;na,</span></span></div><div class="q1"><span class="verse v44" data-usfm="MAT.22.44"><span class="content">werhki amtan moq'u&#347;&#241;i &#378;o&#241;inaka</span></span></div><div class="q1"><span class="verse v44" data-usfm="MAT.22.44"><span class="content">am qhxoch qostan khisqata&#263;ha.&#8217;</span></span></div><div class="b"></div><div class="m"><span class="verse v44" data-usfm="MAT.22.44"><span class="content">  </span></span><span class="verse v45" data-usfm="MAT.22.45"><span class="label">45</span><span class="content">David pacha&#263;ha Y&#246;&#347; tata khichiki, &#191;qha&#378;t Mes&#237;as David&#378;ki&#347;tan oqh&#241;i khesaxo?</span></span></div><div class="p"><span class="verse v45" data-usfm="MAT.22.45"><span class="content">  </span></span><span class="verse v46" data-usfm="MAT.22.46"><span class="label">46</span><span class="content">Neqh&#347;tan ana j&#235;khmi qh&#228;&#347;&#241;i atchi&#263;ha ana tshi taqullami, ni&#378;a&#347;a ni thu&#241;ki&#347;tanpacha ana iya j&#235;khmi n&#239;&#378;ki&#347; pewk&#347;&#241;i atchi&#263;ha.</span></span></div>
      </div>
   </div>
</div>

Nuevo Testamento Chipaya © Sociedad Bíblica Boliviana, 2004.

Jesusaki wilta ti kintukiśtan palxayi qallantichićha tuź khikan:
“Ni tsewkta irpiś wathaki, tshi rey nïź machh kaśarś phiśtikiś ćhheri lulhś päñi irataćha. Neqhśtan nïź uywitanaka kuchanchićha ni maśinta źoñinaka qhawźkaxu, xalla ni źoñinakaki ana thonśpekchićha. Niźaśa tshïźtan yaqha uywitanaka kuchanchićha iwxt'iźku: ‘Anćhukki ni maśinta źoñinakźkiś khekićha ćhheri lulhśxapaki thakśtaćha. Werhki weth waka niźaśa khew uywanaka konqatchinćha niźaśa thappacha thakśtaćha; niźaśa thappacha ćhheri lulix thonla.’ Xalla ni maśinta źoñinakaki ana kaśkichićha. Ninakźkiśtan tshïsuñaki nïź yoqa oqhchićha, niźaśa tshïsuñaki nïź tuyśnakźkin oqhchićha, niźaśa yaqhap maśintanakaki ni reyź uywita źoñinaka śhoxritchićha konañkama. Neqhśtan ni reyki śmali źaxwchićha, niźaśa nïź śultatunaka kuchanchićha ni źoñi konñinaka konźkaxu niźaśa ninakź watha ujźtan täśinaxu. Neqhśtan nïź uywitanakźkiś khichićha: ‘Ni ćhheri lulhśki thakśtaćha, xalla ni maśinta źoñinakaki anaź wakiśatćha thonś. Niźaśa anćhukki cheqan wath moraź ulna, niźaśa thapa śaltanakźkiś ćhheri lulhśxapa maśinźka.’ Neqhśtan ni uywitanakaki wath mora ulanchićha, niźaśa thappacha ni śaltakama akhsqatchićha śuma khiñi niźaśa ñexu khiñi; xalla nuź ni paqh qhuykiś źoñinakaki śhipsićha.
“Neqhśtan ni reyki ni maśintanaka cherśñi luśhśićha, xalla neqhśi tshi źoñi ana kaśarś śkiti kuthchi cherchićha. Neqhśtan nïźkiś khichićha: ‘Jila, ¿ana ni kaśarś śkiti kuthchi, xaqhnuź teqhś luśhkichamtaxo?’ Xalla ni źoñiki ana tawqchićha. Neqhśtan ni reyki ni miśkiś liwarpayñinakźkiś khichićha: ‘Ni źoñź qharami qhxochami ćhelhźina niźaśa ni śawkta sumchi laqhkin thxota. Xalla nikhuź nïź qäyi niźaśa iźqi qhxoś khekićha.’ Xalla ni qhawźta źoñinakaki tamaćha, niźaśa ni illśta źoñinakaki qolukullaćha.”


Xalla neqhśtan ni fariseo źoñinakaki palt'i oqhchićha, Jesusa chïqatźku taqu jesanśxapa, neqhśtan ujchiś jesxapa. Neqhśtan ninakź t'aqkiśtan niźaśa Herodes t'aqkiśtan Jesusiźkin kuchanźkichićha, tuź khikan:
–Thaxiñi, werhnakki cheqpacha chïñi am śiśućha, niźaśa Yöś jikhś cheqpacha thaxiñamćha, niźaśa ana źoñinakaź chïta nonśñamćha niźaśa amki ana źoñi phalśñamćha. ¿Walix khesaya ni Romano chawkh jilirźkiś taśa thäś, uśh anaź thäsaxa? Werhnakki nïl śiś pekućha.
Jesusaki ninaka millk'u quśśiś nayźku, neqhśtan ninakźkiś khichićha:
–Toskar źoñinaka, ¿qhaźtikiśtan wethkiś tshi chalaźtaqaś aqacha päxo? Ni taśa thäś päś thëźnalla.
Ninakaki tshi denario khita päś śhikźkichićha, neqhśtan Jesusaki ninakźkiś pewkśićha:
–¿Jëkhź yukht tïxo niźaśa Jëkhź thüt teqhś khjirtaxo?
Ninakaki qhäśićha:
–Cesarźtaćha.
Neqhśtan Jesusaki ninakźkiś khichićha:
–Niźaśa ni Cesarźtaźlax nïki Cesarźkiś thä, niźaśa Yöśtaźlax nïki Yöśkiś thä.
Xalla ti nonźku ni źoñinakaki iśpantichi khissićha; neqhśtan Jesusa ekku oqhchićha.


Ni nöx pacha tshi qhaź saduceo źoñinaka Jesusa cherśñi oqhchićha. Ni saduceo źoñinakaki tikhśkiśtan ana jakatatś źelhćha khiñitaćha, xalla neqhśtan ti pewkśićha:
–Thaxiñi, Moisesaki khichićha xaqhsiltamiź tikhźnasaź nïki ana mati ekku, ni tikhśiź laqhki śalźnasaćha na źewatan, xalla neqhśtan okhalchiś khesaćha nätan nïź tikhśi jilźta. Tshi pacha, wethnakakiśtan źelatćha towqu jilaśullka. Ni jilir jilaki śalśićha, neqhśtan tikhśićha. Ana machhchiś khen nïź thun nïź laqhźkiś ekchićha. Niźaśaqaś nïź laqhźtan watchićha, neqhśtan nïź xaru khiñiźtanami, niźaśa thappacha ni towqu laqhnakźtan watchićha. Ninakaź thappacha tikhźtan, na źonki tikhśinśaqaśśa. Xalla ni jakatatś thuñkiśiki, ¿ninakźkiśtan xaqhsiltiź thun na źon khekixo niźaśa ni towqu jilaśullka pachal na źonatan śalśiki?
Jesusaki ninakźkiś qhäśićha:
–¡Anćhukki tshi qhutñi panćha, anaź anćhuk Yöś śuma kintu khjirta śiśśa, niźaśa anaź Yöś aśimi paxćha! Ni jakatatśkiśiki, ni luktaqanakami niźaśa mätaqanakami anaź śalźnakićha, xalla ni tsewkta yoqkin źelhñi Yöś anjilanakaźtaqaś khekićha. Xalla ni tikhśi jakatatśkiśtanaki, ¿anćhukki ana lïchinćhuk qhaźtataxo, Yöś pachaćha tuź khichiki: ‘Werhki ni Abrahamź Yöśtćha, niźaśa Isaacź Yöśtćha, niźaśa Jacobź Yöśtćha’? ¡Yöśki anaćha tikhśinakź Yöśki, ans źethñi Yöśśa!
Xalla ti nonźku ni źoñinakaki Jesusiź thaxintikiśtan iśpantichi khissićha.


Ni fariseo źoñinakaki, Jesusa ni saduceo źoñinaka ch'ujtayñi śiśku akhsićha, neqhśtan ninakźkiśtan tshi lï utt'ayñiki Jesusa chalkiś thxotsxapa pewkśićha, tuź khikan:
–Thaxiñi, ¿xaqhsilta lït ni lïnakźkiśtan tshan cheqanxo?
Jesusaki nïźkiś khichićha:
–‘Am Yöś tata thapa quśtan peka, niźaśa thapa am animuźtan niźaśa thapa am śiśtan.’ Tïćha tukkin ni lïnakźkiśtan tshan cheqanaki. Nïź xaruki niźtaśaqaś źelhćha ni irata, nïki tuź khićha: ‘Xaqhnuź perśunpachkiś oqśñamźlaxa, xalla niźta śaqaś thapa źoñinaka oqśtanćha.’ Xalla ti piśk lïćha thappacha ni lïnakźkiśtan niźaśa Yöśkiśtan chïñinakźkiśtan cheqanaki.


Ni fariseo źoñinakaź tira akhsi źelan, Jesusaki ninakźkiś pewkśićha:
–¿Xaqnuźuź anćhuk ni Mesiaskiśtan khexo? ¿Niźaśa jëkhź Mati taxo?
Ninakaki qhäśićha:
–Davidź machhkiśtan oqhñićha.
Neqhśtan Jesusaki ninakźkiś khichićha:
–David pachaćha ni Espirituź yanapta, Yöś tata khiñiki, Davidki tuź khichićha:

‘Yöś Ephki weth Yöśkiś khichićha:
Weth źewqhuttan julźna,
werhki amtan moq'uśñi źoñinaka
am qhxoch qostan khisqataćha.’

David pachaćha Yöś tata khichiki, ¿qhaźt Mesías Davidźkiśtan oqhñi khesaxo?
Neqhśtan ana jëkhmi qhäśñi atchićha ana tshi taqullami, niźaśa ni thuñkiśtanpacha ana iya jëkhmi nïźkiś pewkśñi atchićha.

Phulaphula i MATEO 22