Surat Ralan na'a Vaidida

<div class="version vid2178 iso6393frd" data-vid="2178" data-iso6393="frd">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Yesus notu ma tamata laklukut isa lolin ia</div><div class="r"> Markus 2:1-12; Lukas 5:17-26</div><div class="p"> 1Yesus ovu Ni tamata ovi rorang Ia rarata kumal isa ma retal danau Galilea, ma rti ahu i nleal a, naran Kapernaum. 2Ira raran inyai, na tamata ifira rovun tamata laklukut isa na&#42892;a ni dari a, rma verin Yesus. Yesus nsi&#42892;ik tamata avyai, na nka&#42892;a lahir ne, rira inorang a dawan, ba nfalak verin tamata laklukut yai ne, &#8220;Ralam deka kako&#42892;u ta baba! Ya&#42892;a a&#42892;i vatuk roak mu salasilan ra.&#8221;</div><div class="p"> 3Yahudi rira dawan ovi rair Musa ni inukun ra, boku rarenar vali afa ovi Yesus beti nfalak yai, ba ranovak na&#42892;a ralarira ne, &#8220;Tamata ini nfalak sian Ubu, tevek Ubu sa&#42892;i na&#42892;i vatuk salasilan ra!&#8221;</div><div class="p"> 4Na&#42892;uk Yesus nka&#42892;a lahir afa i ranovak na&#42892;a ralarira ra, ba nfalak verin ira ne, &#8220;Notu afakinimi minovak na&#42892;a afa sian i wean inyai? 5Inabira ma ufalak verin tamata laklukut yai ne, &#8216;A&#42892;i vatuk roak mu salasilan ra&#8217;, te ufalak ne, &#8216;Mdiri ma bwana kikyai!&#8217; Afaka maraan ma ufalak na&#42892;a afa irua ini? 6Ya&#42892;a Tamata Yanan Ya&#42892;a mane ufaturu verin mia, boma mkya&#42892;a ne, na&#42892;a lanit ivavan ini Ya&#42892;a Ning ngrebat ma a&#42892;i vatuk tamata rira salasilan ra.&#8221; Ba Yesus nfalak verin tamata laklukut yai ne, &#8220;Baba, mdiri ma mlulung mu dari a ma mewal oa muti mu rahan kikyai.&#8221;</div><div class="p"> 7Ba ndiri ma newal ia nti ni rahan. 8Ti ma tamata rivun avyai rsi&#42892;ik afa i Yesus notu yai, na rbobar ma raraning Ubu, tevek nala roak ngrebat i wean inyai verin tamata ra.</div><div class="s">Yesus nera Matius ma norang Ia</div><div class="r"> Markus 2:13-17; Lukas 5:27-32</div><div class="p"> 9Nata Yesus nban-talik wan yai, na nsi&#42892;ik tamata isa naran Matius ndoku rahan i ba&#42892;i rera babahir kulu na&#42892;a. Yesus nfalak verin ia ne, &#8220;Morang Ya&#42892;a!&#8221; Ba Matius ndir-talik lahir ni karya ma norang Ia.#9:9 Fareta Roma rkuasai roak Israel ma rkiwal tamata Yahudi ra ma rbahir kulu. Matius nkarya verin fareta Roma ma nera babahir kulu tali Yahudi ra, ba wol inar lahir ia.</div><div class="p"> 10Na&#42892;ut inyai, na Yesus ovu tamata ovi rorang Ia rafna&#42892;an na&#42892;a Matius ni rahan. Tamata rivun ovi ba&#42892;i rera babahir kulu tali tamata ra, ovu tamata ovi tamata liak rfalak ira ne, tamata salasilan, rma vali ma irmunuk rafna&#42892;an. 11Ti ma tamata ovi rtali sidovung Farisi rsi&#42892;ik afa yai, na rorat Yesus Ni tamata ra ne, &#8220;Afakinimi bira guru nafna&#42892;an ovu tamata ovi ba&#42892;i rera babahir kulu ovu tamata ovi rotu salasilan ra?&#8221;</div><div class="p"> 12Yesus nrenar afa ovi rfalak yai, ba nfalak verin ira ne, &#8220;Tamata ovi wol rira suhut ra wol rti dokter, na&#42892;uk ovi rira suhut ra ki rti dokter. 13Myair ma fyan-aran vaivatul ovi Ubu nfalak na&#42892;a Ni Surat Ralan ne, &#8216;Ya&#42892;a inak ma fwaturu mu silobang verin tamata ra, nlia tali myala bira korban ra verin Ya&#42892;a.&#8217; Tevek Ya&#42892;a wol uma ma era tamata ovi rira vava&#42892;at ra rmalola, na&#42892;uk uma ma era tamata salasilan ra ma rorang Ya&#42892;a.&#8221;#9:13 Hosea 6:6</div><div class="s">Yesus Ni tamata ra wol rtolat na&#42892;ut i novun ira obin</div><div class="r"> Markus 2:18-22; Lukas 5:33-39</div><div class="p"> 14Na&#42892;ut inyai, na tamata ovi rorang Yohanes i nbaptis tamata ra ti rtuan Yesus ma rorat Ia ne, &#8220;Baba, notu afakinimi ami ovu tamata Farisi ra amtolat, na&#42892;uk tamata ovi rorang Oa wol rtolat?&#8221;</div><div class="p"> 15Yesus nala vaivatul kamkuma ma nfalak verin ira ne, &#8220;Na&#42892;a snobsifa isa, na brana i mane nsifa yai ni kida ra ralarira ra wol lalau ovu wol rtolat, tevek irmunuk obin. Brana i mane nsifa yai ni amar a veka nma ma rala ia, ma wol nana&#42892;a roak ini. Na&#42892;ut inyai beti rtolat.&#8221;</div><div class="s">Yesus nair afa ngorva&#42892;an ovi naling ia tali Yahudi rira fikiran mnanat ra</div><div class="p"> 16Yesus nala vaivatul kamkuma irua ewal ma nfalak ne, &#8220;Wol tamata isa nlavan ni kadaravit mnanat ovu maloli ngorva&#42892;an, tevek maloli ngorva&#42892;an yai wol naslura obin, ba veka notu watan ma kadaravit yai ntafal ma namsat. 17Wean vali inyai ma wol tamata isa vali nli&#42892;i anggur#9:17 Anggur i rotu tali anggur vuan ra ni alkohol dawan, na&#42892;uk ni alkohol wol veran tuat na&#42892;a dida. ngorva&#42892;an na&#42892;a sadawan mnanat i rotu tali karba ulin. Wean i tamata isa notu wean inyai, na sadawan veka naksat ma anggur yai nvoat, ovu sadawan yai veka sian lahir. Ba tli&#42892;i anggur ngorva&#42892;an na&#42892;a sadawan ovi ngorva&#42892;an ra watan, boma irua rmela ma wer isa.&#8221;#9:17 Tamata Yahudi rotu afwatan ulin na&#42892;a sadawan (semacam botal) ma rli&#42892;i rira anggur na&#42892;a. Anggur ngorva&#42892;an notu ma sadawan nmela. Wean i sadawan i rotu tali afwatan ulin mnanat roak, na wol nmela nala roak. Ba wol rfadoku anggur ngorva&#42892;an na&#42892;a sadawan i mnanat roak. Vaivatul kamkuma ini ihin a ne, Yesus nair Ni tamata ra ma deka rsileti rira adat te fikiran mnanat ovu Ni afa ngorva&#42892;an ovi nair verin ira.</div><div class="s">Yesus notu ma Yahudi rira dawan isa yanan vata nva&#42892;at ewal</div><div class="r"> Markus 5:21-43; Lukas 8:40-56</div><div class="p"> 18Yesus nangrihi nulu Yohanes ni tamata avyai obin, na Yahudi rira dawan i nban-ulu na&#42892;a rira rahan falurut a nma ma nsangatur ma nsoak wahan a na&#42892;a Yesus wahan ralan a ma nfalak ne, &#8220;Baba, yanak vata beti nmata i. Fara mlobang ma ti fwadoku watan limam na&#42892;a tenan a ma nva&#42892;at ewal!&#8221;</div><div class="p"> 19Ba Yesus ovu Ni tamata ra, irmunuk Yahudi rira dawan yai, rbana mane rti ni rahan a.</div><div class="p"> 20-21Ira rbana obin, na vata isa, laran nvoat ma dawan da&#42892;in ti naran varat vutu rahin irua roak, nma ma nfaseri Yesus. Ia nanovak na&#42892;a ralan a ne, &#8220;Fara ukena watan Ni ravit blawat a, na lolin lahir ya&#42892;a!&#8221; Ba ia nahu Yesus murin a ma nkena Ni ravit wahan a. 22Yesus nfulak Ia ma nsi&#42892;ik vata yai ma nfalak ne, &#8220;Titi, ralam a dawan a&#42892;uk! Oa morang Ya&#42892;a, ba lolin roak oa.&#8221; Na&#42892;ut inyai, na lolin lahir ia.</div><div class="p"> 23Nata Yesus nban-ewal nti Yahudi rira dawan yai ni rahan a. Ti naran inyai, na nsi&#42892;ik tamata ra rafraik flo&#42892;its ovu rvakar ma rfaktanit ma vairira dawan ila&#42892;a. 24Yesus nfalak verin ira ne, &#8220;Miti kikyai, tevek kasiko&#42892;u vata yai wol nmata, na&#42892;uk ntub-lufa watan.&#8221; Ira rmalit waweang Ia, tevek rarenar afa i nfalak yai.</div><div class="p"> 25Ba Yesus nsinir ira ma rti murin, beti nti wan i kasiko&#42892;u yai ntuba ma ntaha liman a, na nva&#42892;at ewal ma nbatar lahir. 26Ivar yai ti nsoru munuk propinsi Galilea.</div><div class="s">Yesus notu ma tamata kibu irua rsirea ewal</div><div class="p"> 27Yesus nban-talik wan yai, na tamata kibu irua rorang Ia ma rafwak ne, &#8220;Oa ubum a nusim verin Raja Daud, fara fwaturu Mu silobang a verin ami!&#8221;</div><div class="p"> 28Ti ma Yesus nti rahan isa ralan a, na tamata kibu irua yai rorang Ia rti inyai vali. Ia norat ira ne, &#8220;Mia myorang ne, Ya&#42892;a bis ot-nala ma msyirea ewal?&#8221;</div><div class="p">Ira rvalat Yesus ma rfalak ne, &#8220;Duila&#42892;a, ami amorang Oa!&#8221;</div><div class="p"> 29Ba Yesus nkena matarira ra ma nfalak ne, &#8220;Mia veka msyirea ewal, tevek bira inorang a dawan.&#8221; 30Na&#42892;ut inyai, na rsirea lahir. Nata Yesus nsurak ira ne, &#8220;Deka fyamalik verin tamata ra na&#42892;a afa i beti otu yai!&#8221; 31Na&#42892;uk ira rti ma rfamalik watan afa yai na&#42892;a ahu ra munuk na&#42892;a propinsi Galilea.</div><div class="s">Yesus notu ma tamata manu isa lolin ewal ia</div><div class="p"> 32Ira rti murin roak, na tamata ifira rovun tamata manu isa rti verin Yesus. Tamata manu yai nait sian a nleal ia. 33Ti ma Yesus naling vatuk nait sian yai tali tamata manu yai, na nangrihi nala lahir. Tamata rivun ovi rna&#42892;a inyai rtalkaka munuk lahir ma rfalak ne, &#8220;Ya&#42892;i yo! Wol trea afa i wean ini na&#42892;a Israel obin!&#8221;</div><div class="p"> 34Na&#42892;uk tamata ovi rtali sidovung Farisi rfalak ne, &#8220;Ia naling vatuk nait sian ra, tevek nitdawan a nala ngrebat verin Ia.&#8221;</div><div class="s">Tamata rivun inar ma rarenar na&#42892;a Ubu Ni Fareta a</div><div class="p"> 35Yesus nban-lilit ahu ra munuk, ko&#42892;u ovu dawan, ma nsiair na&#42892;a Yahudi rira rahan falurut ra. Ia nfamalik Ubu Ni Ivar Lolin ne, Ubu nfareta tamata ra wean lahir Raja. Ia notu ma tamata ovi rira suhut afaka watan lolin ira, ovu notu ma lolin vali tamata ovi tenarira ra rmafun. 36Ia nsi&#42892;ik tamata rivun avyai, na nlobang urun ira ma nfaturu Ni silobang verin ira, tevek rira susa rivun ovu wol tamata ma rlobang ira, wean domba ovi wol duarira ra. 37Nata Yesus nala vaivatul kamkuma ma nfalak verin Ni tamata ra ne, &#8220;Tamata rivun avyai wearira wanat ovi rwavar ma rivun ila&#42892;a roak, na&#42892;uk tamata ifira watan ti ma rafdiar. 38Ba wean inyai, na myera verin va&#42892;i duan a ma nala tamata ma ti rafdiar. Wean inyai vali, na myera verin Ubu ma ntafal tamata ma rfaivar Ni vaivatul ra verin tamata ovi wol rarenar obin.&#8221;</div>
 </div>
 </div>
</div>

Yesus ovu Ni tamata ovi rorang Ia rarata kumal isa ma retal danau Galilea, ma rti ahu i nleal a, naran Kapernaum. Ira raran inyai, na tamata ifira rovun tamata laklukut isa naꞌa ni dari a, rma verin Yesus. Yesus nsiꞌik tamata avyai, na nkaꞌa lahir ne, rira inorang a dawan, ba nfalak verin tamata laklukut yai ne, “Ralam deka kakoꞌu ta baba! Yaꞌa aꞌi vatuk roak mu salasilan ra.”
Yahudi rira dawan ovi rair Musa ni inukun ra, boku rarenar vali afa ovi Yesus beti nfalak yai, ba ranovak naꞌa ralarira ne, “Tamata ini nfalak sian Ubu, tevek Ubu saꞌi naꞌi vatuk salasilan ra!”
Naꞌuk Yesus nkaꞌa lahir afa i ranovak naꞌa ralarira ra, ba nfalak verin ira ne, “Notu afakinimi minovak naꞌa afa sian i wean inyai? Inabira ma ufalak verin tamata laklukut yai ne, ‘Aꞌi vatuk roak mu salasilan ra’, te ufalak ne, ‘Mdiri ma bwana kikyai!’ Afaka maraan ma ufalak naꞌa afa irua ini? Yaꞌa Tamata Yanan Yaꞌa mane ufaturu verin mia, boma mkyaꞌa ne, naꞌa lanit ivavan ini Yaꞌa Ning ngrebat ma aꞌi vatuk tamata rira salasilan ra.” Ba Yesus nfalak verin tamata laklukut yai ne, “Baba, mdiri ma mlulung mu dari a ma mewal oa muti mu rahan kikyai.”
Ba ndiri ma newal ia nti ni rahan. Ti ma tamata rivun avyai rsiꞌik afa i Yesus notu yai, na rbobar ma raraning Ubu, tevek nala roak ngrebat i wean inyai verin tamata ra.


Nata Yesus nban-talik wan yai, na nsiꞌik tamata isa naran Matius ndoku rahan i baꞌi rera babahir kulu naꞌa. Yesus nfalak verin ia ne, “Morang Yaꞌa!” Ba Matius ndir-talik lahir ni karya ma norang Ia.
Naꞌut inyai, na Yesus ovu tamata ovi rorang Ia rafnaꞌan naꞌa Matius ni rahan. Tamata rivun ovi baꞌi rera babahir kulu tali tamata ra, ovu tamata ovi tamata liak rfalak ira ne, tamata salasilan, rma vali ma irmunuk rafnaꞌan. Ti ma tamata ovi rtali sidovung Farisi rsiꞌik afa yai, na rorat Yesus Ni tamata ra ne, “Afakinimi bira guru nafnaꞌan ovu tamata ovi baꞌi rera babahir kulu ovu tamata ovi rotu salasilan ra?”
Yesus nrenar afa ovi rfalak yai, ba nfalak verin ira ne, “Tamata ovi wol rira suhut ra wol rti dokter, naꞌuk ovi rira suhut ra ki rti dokter. Myair ma fyan-aran vaivatul ovi Ubu nfalak naꞌa Ni Surat Ralan ne, ‘Yaꞌa inak ma fwaturu mu silobang verin tamata ra, nlia tali myala bira korban ra verin Yaꞌa.’ Tevek Yaꞌa wol uma ma era tamata ovi rira vavaꞌat ra rmalola, naꞌuk uma ma era tamata salasilan ra ma rorang Yaꞌa.”


Naꞌut inyai, na tamata ovi rorang Yohanes i nbaptis tamata ra ti rtuan Yesus ma rorat Ia ne, “Baba, notu afakinimi ami ovu tamata Farisi ra amtolat, naꞌuk tamata ovi rorang Oa wol rtolat?”
Yesus nala vaivatul kamkuma ma nfalak verin ira ne, “Naꞌa snobsifa isa, na brana i mane nsifa yai ni kida ra ralarira ra wol lalau ovu wol rtolat, tevek irmunuk obin. Brana i mane nsifa yai ni amar a veka nma ma rala ia, ma wol nanaꞌa roak ini. Naꞌut inyai beti rtolat.”

Yesus nala vaivatul kamkuma irua ewal ma nfalak ne, “Wol tamata isa nlavan ni kadaravit mnanat ovu maloli ngorvaꞌan, tevek maloli ngorvaꞌan yai wol naslura obin, ba veka notu watan ma kadaravit yai ntafal ma namsat. Wean vali inyai ma wol tamata isa vali nliꞌi anggur ngorvaꞌan naꞌa sadawan mnanat i rotu tali karba ulin. Wean i tamata isa notu wean inyai, na sadawan veka naksat ma anggur yai nvoat, ovu sadawan yai veka sian lahir. Ba tliꞌi anggur ngorvaꞌan naꞌa sadawan ovi ngorvaꞌan ra watan, boma irua rmela ma wer isa.”


Yesus nangrihi nulu Yohanes ni tamata avyai obin, na Yahudi rira dawan i nban-ulu naꞌa rira rahan falurut a nma ma nsangatur ma nsoak wahan a naꞌa Yesus wahan ralan a ma nfalak ne, “Baba, yanak vata beti nmata i. Fara mlobang ma ti fwadoku watan limam naꞌa tenan a ma nvaꞌat ewal!”
Ba Yesus ovu Ni tamata ra, irmunuk Yahudi rira dawan yai, rbana mane rti ni rahan a.
Ira rbana obin, na vata isa, laran nvoat ma dawan daꞌin ti naran varat vutu rahin irua roak, nma ma nfaseri Yesus. Ia nanovak naꞌa ralan a ne, “Fara ukena watan Ni ravit blawat a, na lolin lahir yaꞌa!” Ba ia nahu Yesus murin a ma nkena Ni ravit wahan a. Yesus nfulak Ia ma nsiꞌik vata yai ma nfalak ne, “Titi, ralam a dawan aꞌuk! Oa morang Yaꞌa, ba lolin roak oa.” Naꞌut inyai, na lolin lahir ia.
Nata Yesus nban-ewal nti Yahudi rira dawan yai ni rahan a. Ti naran inyai, na nsiꞌik tamata ra rafraik floꞌits ovu rvakar ma rfaktanit ma vairira dawan ilaꞌa. Yesus nfalak verin ira ne, “Miti kikyai, tevek kasikoꞌu vata yai wol nmata, naꞌuk ntub-lufa watan.” Ira rmalit waweang Ia, tevek rarenar afa i nfalak yai.
Ba Yesus nsinir ira ma rti murin, beti nti wan i kasikoꞌu yai ntuba ma ntaha liman a, na nvaꞌat ewal ma nbatar lahir. Ivar yai ti nsoru munuk propinsi Galilea.

Yesus nban-talik wan yai, na tamata kibu irua rorang Ia ma rafwak ne, “Oa ubum a nusim verin Raja Daud, fara fwaturu Mu silobang a verin ami!”
Ti ma Yesus nti rahan isa ralan a, na tamata kibu irua yai rorang Ia rti inyai vali. Ia norat ira ne, “Mia myorang ne, Yaꞌa bis ot-nala ma msyirea ewal?”
Ira rvalat Yesus ma rfalak ne, “Duilaꞌa, ami amorang Oa!”
Ba Yesus nkena matarira ra ma nfalak ne, “Mia veka msyirea ewal, tevek bira inorang a dawan.” Naꞌut inyai, na rsirea lahir. Nata Yesus nsurak ira ne, “Deka fyamalik verin tamata ra naꞌa afa i beti otu yai!” Naꞌuk ira rti ma rfamalik watan afa yai naꞌa ahu ra munuk naꞌa propinsi Galilea.

Ira rti murin roak, na tamata ifira rovun tamata manu isa rti verin Yesus. Tamata manu yai nait sian a nleal ia. Ti ma Yesus naling vatuk nait sian yai tali tamata manu yai, na nangrihi nala lahir. Tamata rivun ovi rnaꞌa inyai rtalkaka munuk lahir ma rfalak ne, “Yaꞌi yo! Wol trea afa i wean ini naꞌa Israel obin!”
Naꞌuk tamata ovi rtali sidovung Farisi rfalak ne, “Ia naling vatuk nait sian ra, tevek nitdawan a nala ngrebat verin Ia.”

Yesus nban-lilit ahu ra munuk, koꞌu ovu dawan, ma nsiair naꞌa Yahudi rira rahan falurut ra. Ia nfamalik Ubu Ni Ivar Lolin ne, Ubu nfareta tamata ra wean lahir Raja. Ia notu ma tamata ovi rira suhut afaka watan lolin ira, ovu notu ma lolin vali tamata ovi tenarira ra rmafun. Ia nsiꞌik tamata rivun avyai, na nlobang urun ira ma nfaturu Ni silobang verin ira, tevek rira susa rivun ovu wol tamata ma rlobang ira, wean domba ovi wol duarira ra. Nata Yesus nala vaivatul kamkuma ma nfalak verin Ni tamata ra ne, “Tamata rivun avyai wearira wanat ovi rwavar ma rivun ilaꞌa roak, naꞌuk tamata ifira watan ti ma rafdiar. Ba wean inyai, na myera verin vaꞌi duan a ma nala tamata ma ti rafdiar. Wean inyai vali, na myera verin Ubu ma ntafal tamata ma rfaivar Ni vaivatul ra verin tamata ovi wol rarenar obin.”

Phulaphula i Matius 9