If you have would like a copy of this version please contact info@davarpartners.org

The Taita Old Testament

<div class="version vid2138 iso6393dav" data-vid="2138" data-iso6393="dav">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s">Kivalwa chimu cha Abrahamu</div><div class="r">(1 Mal. 1.32-33)</div><div class="p"> 1Abrahamu ukalowua muka mzima uwangwaghwa Ketura. 2Nao ukamvaia Zimrani, Jokshani, Medani, Midiani, Ishbaki, na Shua. 3Jokshani orewivaeghe Sheba na Dedani. Wana wa Dedani niwo Waashuru, Waletushi, na Waleumi. 4Wana wa Midiani werekoghe Efa, Eferi, Hanoku, Abida, na Elidaa. Awa wose werekoghe wana wa Ketura. 5Ela Abrahamu ukamneka Isaaka ivo vose orekoghe navo; 6na wana orewivaeghe kwa waka wazima ukawineka manosi, na sena imbiri ya kufwa kwake ukawitanya na mwana wake Isaaka, ukawighenja noko chia ra isanga ja mashariki.</div><div class="s">Kifwa na kurikwa kwa Abrahamu</div><div class="p"> 7Matuku Abrahamu orekaieghe ni miaka ighana na mirongo mfungade na misanu. 8Abrahamu ukafwa kwa wughosi ghuboie, mghosi na ndighi uchue matuku, nao ukarangana andwamweri na wakwawo wiidie. 9Na wana wake Isaaka na Ishmaeli wikamrika andenyi ya ija mbanga ya Makpela, iko mbuwenyi kwa Efroni mwana wa Sohari Mhiti, 10Mashariki ya Mamre, iyo mbuwa Abrahamu oreighueghe kufuma kwa Wahiti. Aho niko Abrahamu orerikiloghe andwamweri na mkake Sara.#Kuz. 23.3-16 11Nyuma ya kifwa cha Abrahamu, Mlungu ukamrasimia mwana wake Isaaka orekoghe ukikaia Beer-lahai-roi.</div><div class="s">Kivalwa cha Ishmaeli</div><div class="r">(1 Mal. 1.28-31)</div><div class="p"> 12Ichi nicho kivalwa cha Ishmaeli mwana wa Abrahamu uo orevaloghe ni Hagari Mmisri, mwai wa kazi wa Sara. 13Na marina ghawo nigho agha ghipangilo kunughana na kuvalwa kwawo: Nebaiothi mwana wa imbiri wa Ishmaeli, Kedari, Adbeeli, Mibsamu, 14Mishma, Duma, Masa, Hadadi, Tema, 15Jeturi, Nafishi, na Kedema. 16Awo niwo wana wa Ishmaeli na agho nigho marina ghawo, kwa mizi yawo na kambi rawo, wabaa ikumi na wawi, kunughana na mbari rawo. 17Matuku ghose Ishmaeli orekaieghe ndoenyi ni miaka ighana na mirongo idadu na mfungade, nao ukafwa, ukarangana andwamweri na wakwawo wiidie. 18Na kivalwa chake chikakaia masanga gha kufuma Hawila hata Shuri, kulangaya cha Misri chia eghenda Ashuru. Ela wikakaia kula na kivalwa kizima cha Abrahamu.</div><div class="s">Kuvalwa kwa Esau na Jakobo</div><div class="p"> 19Kivalwa cha Isaaka mwana wa Abrahamu cherekoghe huwu: Abrahamu oremvaeghe Isaaka. 20Isaaka orekoghe mundu wa miaka mirongo ina iji oremlowuagha Rebeka, mwai wa Bethueli (Muarami wa Padan-aramu,) mruna Labani Muarami. 21Isaaka ukamlombia muka wake kwa BWANA angu orekoghe kolowi, nao BWANA ukaghisikira malombi ghake, na mkake Rebeka ukapata kifu. 22Ela wana wikasimana andenyi kifunyi kwake, hata ukaghamba, &#8220;Ikakaia ni huwu, baa nifo.&#8221; Ukaghenda kumkotia BWANA.</div><div class="q"> 23BWANA ukamtumbulia ukaghamba,</div><div class="q">&#8220;Mbari iwi reko kifunyi kwako,</div><div class="q">na vichuku viwi kuvivagha vichawaghika;</div><div class="q">chimu chichakaia na ndighi kuchumba mmbao, na</div><div class="q">uo m'baa uchamdumikia uhu mtini.&#8221;#War. 9.12</div><div class="p"> 24Matuku ghake gheva ghiendakatia, ukava masa. 25Wa imbiri ukafuma, utinikie sena uko na mafuri mengi sa nguwo ndacha ya mafuri, nao wikammbanga Esau. 26Konyuma mruna ukafuma, na mkonu ghwake ghorekoghe ghwawadia ghimbe ya Esau, nao wikammbanga irina jake Jakobo. Isaaka orekoghe mundu wa miaka mirongo irandadu iji werevaloghe.</div><div class="s">Esau kuuza hachi yake</div><div class="p"> 27Nao iji awo wana wazoghua, Esau ukakaia ing'oni jediwa nyamandu, mundu ukunde maisha gha kireti, ela Jakobo orekoghe mundu wa kima okaia hemenyi. 28Isaaka ukamkunda Esau, angu orekoghe ukija nyama ra madiwo ghake, ela Rebeka ukamkunda Jakobo.</div><div class="p"> 29Ituku jimu, iji Jakobo orekoghe ukideka dengu, Esau ukangia kufuma kudiwenyi kwake, wazughwa na ndighi. 30Ukamzera Jakobo, &#8220;Nineke dengu rako rimu angu nazughwa na ndighi!&#8221; Kwa huwo wikammbanga irina jake Edomu. 31Jakobo ukaghamba, &#8220;Niuzire hachi yako ya kuvalwa kwa imbiri kande.&#8221; 32Esau ukatumbulia, &#8220;Niamba nifo, iyo hachi yapo ya kuvalwa kwa imbiri initesia kii?&#8221; 33Jakobo ukamzera, &#8220;Nibonyere ighemi kande.&#8221; Nao Esau ukam'bonyera Jakobo ighemi ukamuuzira hachi yake ya kuvalwa kwa imbiri.#Waeb. 12.16 34Jakobo ukamneka Esau mkate na mbogha ra dengu, ukaja, ukanywa ukawuka na kughenda chia yake. Huwo Esau ukaimenya ija hachi yake ya kuvalwa kwa imbiri.</div>
 </div>
 </div>
</div>

Abrahamu ukalowua muka mzima uwangwaghwa Ketura. Nao ukamvaia Zimrani, Jokshani, Medani, Midiani, Ishbaki, na Shua. Jokshani orewivaeghe Sheba na Dedani. Wana wa Dedani niwo Waashuru, Waletushi, na Waleumi. Wana wa Midiani werekoghe Efa, Eferi, Hanoku, Abida, na Elidaa. Awa wose werekoghe wana wa Ketura. Ela Abrahamu ukamneka Isaaka ivo vose orekoghe navo; na wana orewivaeghe kwa waka wazima ukawineka manosi, na sena imbiri ya kufwa kwake ukawitanya na mwana wake Isaaka, ukawighenja noko chia ra isanga ja mashariki.

Matuku Abrahamu orekaieghe ni miaka ighana na mirongo mfungade na misanu. Abrahamu ukafwa kwa wughosi ghuboie, mghosi na ndighi uchue matuku, nao ukarangana andwamweri na wakwawo wiidie. Na wana wake Isaaka na Ishmaeli wikamrika andenyi ya ija mbanga ya Makpela, iko mbuwenyi kwa Efroni mwana wa Sohari Mhiti, Mashariki ya Mamre, iyo mbuwa Abrahamu oreighueghe kufuma kwa Wahiti. Aho niko Abrahamu orerikiloghe andwamweri na mkake Sara. Nyuma ya kifwa cha Abrahamu, Mlungu ukamrasimia mwana wake Isaaka orekoghe ukikaia Beer-lahai-roi.


Ichi nicho kivalwa cha Ishmaeli mwana wa Abrahamu uo orevaloghe ni Hagari Mmisri, mwai wa kazi wa Sara. Na marina ghawo nigho agha ghipangilo kunughana na kuvalwa kwawo: Nebaiothi mwana wa imbiri wa Ishmaeli, Kedari, Adbeeli, Mibsamu, Mishma, Duma, Masa, Hadadi, Tema, Jeturi, Nafishi, na Kedema. Awo niwo wana wa Ishmaeli na agho nigho marina ghawo, kwa mizi yawo na kambi rawo, wabaa ikumi na wawi, kunughana na mbari rawo. Matuku ghose Ishmaeli orekaieghe ndoenyi ni miaka ighana na mirongo idadu na mfungade, nao ukafwa, ukarangana andwamweri na wakwawo wiidie. Na kivalwa chake chikakaia masanga gha kufuma Hawila hata Shuri, kulangaya cha Misri chia eghenda Ashuru. Ela wikakaia kula na kivalwa kizima cha Abrahamu.

Kivalwa cha Isaaka mwana wa Abrahamu cherekoghe huwu: Abrahamu oremvaeghe Isaaka. Isaaka orekoghe mundu wa miaka mirongo ina iji oremlowuagha Rebeka, mwai wa Bethueli (Muarami wa Padan-aramu,) mruna Labani Muarami. Isaaka ukamlombia muka wake kwa BWANA angu orekoghe kolowi, nao BWANA ukaghisikira malombi ghake, na mkake Rebeka ukapata kifu. Ela wana wikasimana andenyi kifunyi kwake, hata ukaghamba, “Ikakaia ni huwu, baa nifo.” Ukaghenda kumkotia BWANA.
BWANA ukamtumbulia ukaghamba,
“Mbari iwi reko kifunyi kwako,
na vichuku viwi kuvivagha vichawaghika;
chimu chichakaia na ndighi kuchumba mmbao, na
uo m'baa uchamdumikia uhu mtini.”
Matuku ghake gheva ghiendakatia, ukava masa. Wa imbiri ukafuma, utinikie sena uko na mafuri mengi sa nguwo ndacha ya mafuri, nao wikammbanga Esau. Konyuma mruna ukafuma, na mkonu ghwake ghorekoghe ghwawadia ghimbe ya Esau, nao wikammbanga irina jake Jakobo. Isaaka orekoghe mundu wa miaka mirongo irandadu iji werevaloghe.

Nao iji awo wana wazoghua, Esau ukakaia ing'oni jediwa nyamandu, mundu ukunde maisha gha kireti, ela Jakobo orekoghe mundu wa kima okaia hemenyi. Isaaka ukamkunda Esau, angu orekoghe ukija nyama ra madiwo ghake, ela Rebeka ukamkunda Jakobo.
Ituku jimu, iji Jakobo orekoghe ukideka dengu, Esau ukangia kufuma kudiwenyi kwake, wazughwa na ndighi. Ukamzera Jakobo, “Nineke dengu rako rimu angu nazughwa na ndighi!” Kwa huwo wikammbanga irina jake Edomu. Jakobo ukaghamba, “Niuzire hachi yako ya kuvalwa kwa imbiri kande.” Esau ukatumbulia, “Niamba nifo, iyo hachi yapo ya kuvalwa kwa imbiri initesia kii?” Jakobo ukamzera, “Nibonyere ighemi kande.” Nao Esau ukam'bonyera Jakobo ighemi ukamuuzira hachi yake ya kuvalwa kwa imbiri. Jakobo ukamneka Esau mkate na mbogha ra dengu, ukaja, ukanywa ukawuka na kughenda chia yake. Huwo Esau ukaimenya ija hachi yake ya kuvalwa kwa imbiri.

Phulaphula i KUZOYA 25