Bible Society of Papua New Guinea, 2011 ℗ 2014 Hosanna

Kiriwina - 2011 Edition (Drama - NT)

<div class="version vid2062 iso6393kij" data-vid="2062" data-iso6393="kij">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Yesu deli Sakiusa</div><div class="p"> 1Yesu iviloubusi Yeriko,#Kugisi Lk 10.30 kala katumiki. e isisaitaula. 2E isisu baisa taitala tau yagala Sakiusa; matauna tokougugula pokala#Kugisi makasana Biga Kala Katumiki. kasi tokugwa, e bidubadu la guguwa. 3Saina magila bigisi ammatauna Yesu; mitaga gala igagabila paila tobobawa, paila saina tokukupi matauna. 4E isakaula ilobogwa, imwena kaitala riga kidamwa bigisi matauna, paila Yesu eimaima wa keda makadana. 5Tutala Yesu ima baisa, ikounakaila, iluki matauna, kawala, &#8220;Sakiusa, nani kubusi kuma; paila lagaila ibodaigu basisu om bwala.&#8221; </div><div class="p"> 6E inanakwa ibusi, ibodi matauna deli kala mwamwasila nanola. 7Tutala igisaisi baisa, komwaidosi itakumdaisi, ikaibigasi, kawasi, &#8220;Ilokaia, isikaili taitala tomitugaga.&#8221;</div><div class="p"> 8E Sakiusa itom, iluki Tomoya, kawala, &#8220;Tomoya, ka! Kabulotala ulo guguwa basaiki tonamakava; e kidamwa lakaugagi kwaitala vavagi metoya baisa availa, kwaivasi bakaimili.&#8221;#Mina Yudia kasi karaiwaga deli goli mina Roum kasi karaiwaga makawala wala, kidamwa availa bisasopa e bikau kwaitala mani e magila bikiduwosisia, ibodi bikaimili kwaivasi.</div><div class="p"> 9Yesu iluki matauna, kawala, &#8220;Lagaila katumova bogwa leima wa bwala makwaina, paila yoku tuvaila Eberaam dalela.#Sakiusa bogwa eikiduwosisia mauula la bubunela makawala taitala Eberaam dalela tatoula. #Md 18.10 10Paila yeigu Latula Tomota#Kugisi makasana Biga Kala Katumiki. lama banevi bakatumovi matausina itamwausi.&#8221;</div><div class="s">Makwaisina mani kala bigavisaiki</div><div class="r">(Md 25.14-30)</div><div class="p"> 11Tutala tomota ilagaisi vavagi makwaisina, tuvaila iluki bigavisaiki. Uula isisu katitaikina Yerusalem, e idokaisi Yaubada la Karaiwaga makateki biyoumatila. #Md 25.14-30 12Mapaila ikaibiga, kawala, &#8220;Taitala guyau makateki bila valu kaduwonaku, biyosi la guyau e bikaimilavau. 13Idou la towotetila tailuwotala, isaiki matausina taitala taitala kwaitala kina, iluki matausina, kawala, &#8216;Kugigimwalasi metoya makwaisina igau bama.&#8217; 14Mitaga la tomota ipakaisi matauna, iwitalaisi tosikwawa iiyeikulaisi matauna, ikaibigasi, kawasi, &#8216;Gala magidasi tau matauna bitokwaraiwaga baisa yakidasi.&#8217;</div><div class="p"> 15&#8220;E bogwa iyosi la guyau, ikaimilavau. E matausina towotetila, baisa availa isakaibogwi mani, ikaraiwaga bimakaiasi matauna; paila magila binikoli avaka leibanaisi paila si gigimwala. 16Matauna imaibogwa ikamituli, kawala, &#8216;Tomoya, m mani ibani kala katumkovila iboda kweluwotala kina tuvaila.&#8217; 17Iluki matauna &#8216;Saina bwaina yoku; lokuvigibau m wotetila, paila kuyamati bwaina vavagi pikekita. Bukuyosi karaiwaga paila kweluwotala valu.&#8217; 18E taiyuwela ima ikamituli, kawala, &#8216;Tomoya, m mani ibani kala katumkovila iboda kwailima kina tuvaila.&#8217; 19Iluki matauna tuvaila, kawala, &#8216;E yoku bukuyosi karaiwaga paila kwailima valu.&#8217;</div><div class="p"> 20&#8220;E taitolula ima ikamituli, kawala, &#8216;Tomoya, ka, kugisi m mani, makwaina lasisii lasaili wa kwaipa. 21Akukolaim paila yoku giyougaga. Avaka avaka lokukwau baisa gala m vavagi, e avaka avaka lokutaiyau, baisa gala m kwalidaima.&#8217; 22Iluki matauna, kawala, &#8216;Saina gaga yoku! Owodom titoulem bakamogaim. Ki, kunikoli giyougaga yeigu? Avaka avaka lakau baisa gala ulo vavagi, e avaka avaka lataiyau baisa gala ulo kalidaima kadai? 23Mapaila avaka paila gala kusaila ulo mani wa banika, e tutala bama bakau ulo mani deli kala katumkovila.&#8217;</div><div class="p"> 24&#8220;Iluki matausina itotusi katitaikina, kawala, &#8216;Kukwauwaisi mani oyamala matauna, kusakaisi matauwena iyosi kina kweluwotala.&#8217; 25Ilukwaisi#Ilukwaisi. Mimilisi buki pilabubogwa gala wala iginisi mailela 25. matauna, kawasi, &#8216;Tomoya, bogwa eiyosi kina kweluwotala.&#8217; 26Kawala, &#8216;Alukwaimi, baisa availa iyosi avaka, bakatumkulovi; mitaga baisa availa gala iyosi avaka, bakaimili metoya baisa matauna avaka iyosi. #Md 13.12; Mk 4.25; Lk 8.18 27Mitaga matausina agu tilaula gala magisi batokwaraiwaga, kumaiyaisi baisa kukwatumataisi omatagu.&#8217;&#8221;</div><div class="s">Yesu isila wa ase iviloubusi Yerusalem</div><div class="r">(Md 21.1-11; Mk 11.1-11; Yn 12.12-19)</div><div class="p"> 28Bogwa ilivala makawala, ikugwai matausina iloula bila Yerusalem. 29Tutala ima katitaikinela Bedipeigi#Mapilana valu katitaikinela Koya Umilela Olibe. toyo Bedani#Mapilana valu katitaikina Yerusalem opilibomatu, kala kaduwonaku Oyabia bitala Gumilababa (3 km). wa Koya Umilela Olibe,#Koya makwaina katitaikinela mapilana Yerusalem opilibomatu, sakala Kidironi mapilana ewaiwa. iwitali taiyu toligalega, 30ikaibiga, kawala, &#8220;Kuviloubusisi valu makwaina omitami. E tutala bukuyoulapulasi ovalu, bukubanaisi natana ase nagwadi isikolaisi; gala kwaitala tuta availa bisila minana. Kutanekwaisi minana, kumiakaigusi baisa. 31Kidamwa availa bikatupoiyaimi, kawasi, &#8216;Avaka paila kutanekwaisi minana?&#8217; bukukwaibigasi baisa, kawami, &#8216;Tomoya#Tomoya. Gagabila bitagini &#8220;Tolimauna&#8221;. magila minana.&#8217;&#8221;</div><div class="p"> 32Matausina kasitaiyu ilosi, ibanaisi makawala bogwa leiluki matausina. 33Tutala itanekwaisi minana ase nagwadi, tolimauna ikatupoiyaisi matausina, kawasi, &#8220;Avaka paila kutanekwaisi ase nagwadi?&#8221;</div><div class="p"> 34Ikaibigasi, kawasi, &#8220;Tomoya#Kugisi mailela 31 kala katumiki. magila minana.&#8221; 35Imiakaisi minana baisa Yesu. Iyavaisi kasi kwama otapwala minana, ilupaisi Yesu isila baisa otapwala minana. 36Ililoula, e iyavaisi kasi kwama wa keda.#Baisa makawala mina Yudia bikibubotaisi kala kamaiaba taitala toveka. </div><div class="p"> 37Tutala ima katitaikina Yerusalem, ambaisa keda isilisalili metoya wa Koya Umilela Olibe, toligalega saina tobobawa ivitouulasi iyakawolaisi Yaubada deli si mwamwasila, ikikawausi paila komwaidona vavagi isiligaga avaka bogwa igisaisi, 38ikaibigasi, kawasi, &#8220;Yaubada biyomwasali matauna Kini imaima ikavitagi yagala Guyau! Vakota wa labuma, deli butula kala kavisi saina walakaiwa sainela!&#8221; #Sam 118.26</div><div class="p"> 39Mimilisi Parisi metoyasi baisa tobobawa ilukwaisi matauna, kawasi, &#8220;Tovituloki, kubuyoyu m toligalega.&#8221;</div><div class="p"> 40Ivitakauloki, kawala, &#8220;Alukwaimi, kidamwa matausina bikapatusi, dakuna makwaisina bidousi goli.&#8221;</div><div class="s">Yesu ivalam paila Yerusalem</div><div class="p"> 41Yesu ima katitaikina Yerusalem. E tutala igisi valu, ivalam paila makwaina, 42ikaibiga, kawala, &#8220;Mwada yoku wa yam makwaiwena goli bukunikoli avai keda ivakouli bilokaia vakota. Mitaga wa tuta baisa ikanupwepuni metoya omatam. 43Paila igau tuta bima bukubani kam tilaula bipilibodaim wa kali, bivaulaim bivabodaim, 44e bilavaim opwaipwaia, yoku deli tomotam oluwalaim, e gala bitagwalasi kwaitala dakuna oluwalaim bikanukwenu odabala kwaiyuwela. Paila gala lokunikoli avai tuta Yaubada leimakaiam.&#8221;#Mina Yudia itulotulasi itutulaisi yam makwaina Yaubada bima bikatumovi matausina metoya oyumasi kasi tilaula, mitaga avai tuta leima Yesu bidubadu ipakaisi e gala wala ikabikaulasi matauna.</div><div class="s">Yesu ikatumigileu Bwala Kwebumaboma</div><div class="r">(Md 21.12-17; Mk 11.15-19; Yn 2.13-22)</div><div class="p"> 45Isuvi Bwala Kwebumaboma, ivitouula biyobutubutu matausina igigimwalasi,#Togimwala mwada bipilasaisi totapwaroru, paila uula bidubadu leimaisi metoya saina kaduwonaku, e binainevisi igimolaisi avai mauna bibudoki bilulasi wa Bwala Kwebumaboma. 46iluki matausina, kawala, &#8220;Buki Pilabumaboma kala ginigini isisu, &#8216;Yaubada kawala, Ulo bwala bisisu bolela nigada.&#8217; Mitaga yokomi lokuvigakaisi si kabosisu tolibulebu.&#8221; #Ais 56.7; Yer 7.11</div><div class="p"> 47E yam yam iuvituloki wa Bwala Kwebumaboma. Tolula kasi tokugwa toyo toninitalapula paila Karaiwaga toyo tomota kasi tokugwa mwada bikatumataisi matauna; #Lk 21.37 48mitaga gala ibanaisi avaka bivigakaisi; paila tomota komwaidosi gala isisomatasi ligalega la biga matauna.</div>
 </div>
 </div>
</div>

Kiriwina Bible (Buki Pilabumaboma) © Bible Society of Papua New Guinea, 2011.

Yesu iviloubusi Yeriko, e isisaitaula. E isisu baisa taitala tau yagala Sakiusa; matauna tokougugula pokala kasi tokugwa, e bidubadu la guguwa. Saina magila bigisi ammatauna Yesu; mitaga gala igagabila paila tobobawa, paila saina tokukupi matauna. E isakaula ilobogwa, imwena kaitala riga kidamwa bigisi matauna, paila Yesu eimaima wa keda makadana. Tutala Yesu ima baisa, ikounakaila, iluki matauna, kawala, “Sakiusa, nani kubusi kuma; paila lagaila ibodaigu basisu om bwala.”
E inanakwa ibusi, ibodi matauna deli kala mwamwasila nanola. Tutala igisaisi baisa, komwaidosi itakumdaisi, ikaibigasi, kawasi, “Ilokaia, isikaili taitala tomitugaga.”
E Sakiusa itom, iluki Tomoya, kawala, “Tomoya, ka! Kabulotala ulo guguwa basaiki tonamakava; e kidamwa lakaugagi kwaitala vavagi metoya baisa availa, kwaivasi bakaimili.”
Yesu iluki matauna, kawala, “Lagaila katumova bogwa leima wa bwala makwaina, paila yoku tuvaila Eberaam dalela. Paila yeigu Latula Tomota lama banevi bakatumovi matausina itamwausi.”


Tutala tomota ilagaisi vavagi makwaisina, tuvaila iluki bigavisaiki. Uula isisu katitaikina Yerusalem, e idokaisi Yaubada la Karaiwaga makateki biyoumatila. Mapaila ikaibiga, kawala, “Taitala guyau makateki bila valu kaduwonaku, biyosi la guyau e bikaimilavau. Idou la towotetila tailuwotala, isaiki matausina taitala taitala kwaitala kina, iluki matausina, kawala, ‘Kugigimwalasi metoya makwaisina igau bama.’ Mitaga la tomota ipakaisi matauna, iwitalaisi tosikwawa iiyeikulaisi matauna, ikaibigasi, kawasi, ‘Gala magidasi tau matauna bitokwaraiwaga baisa yakidasi.’
“E bogwa iyosi la guyau, ikaimilavau. E matausina towotetila, baisa availa isakaibogwi mani, ikaraiwaga bimakaiasi matauna; paila magila binikoli avaka leibanaisi paila si gigimwala. Matauna imaibogwa ikamituli, kawala, ‘Tomoya, m mani ibani kala katumkovila iboda kweluwotala kina tuvaila.’ Iluki matauna ‘Saina bwaina yoku; lokuvigibau m wotetila, paila kuyamati bwaina vavagi pikekita. Bukuyosi karaiwaga paila kweluwotala valu.’ E taiyuwela ima ikamituli, kawala, ‘Tomoya, m mani ibani kala katumkovila iboda kwailima kina tuvaila.’ Iluki matauna tuvaila, kawala, ‘E yoku bukuyosi karaiwaga paila kwailima valu.’
“E taitolula ima ikamituli, kawala, ‘Tomoya, ka, kugisi m mani, makwaina lasisii lasaili wa kwaipa. Akukolaim paila yoku giyougaga. Avaka avaka lokukwau baisa gala m vavagi, e avaka avaka lokutaiyau, baisa gala m kwalidaima.’ Iluki matauna, kawala, ‘Saina gaga yoku! Owodom titoulem bakamogaim. Ki, kunikoli giyougaga yeigu? Avaka avaka lakau baisa gala ulo vavagi, e avaka avaka lataiyau baisa gala ulo kalidaima kadai? Mapaila avaka paila gala kusaila ulo mani wa banika, e tutala bama bakau ulo mani deli kala katumkovila.’
“Iluki matausina itotusi katitaikina, kawala, ‘Kukwauwaisi mani oyamala matauna, kusakaisi matauwena iyosi kina kweluwotala.’ Ilukwaisi matauna, kawasi, ‘Tomoya, bogwa eiyosi kina kweluwotala.’ Kawala, ‘Alukwaimi, baisa availa iyosi avaka, bakatumkulovi; mitaga baisa availa gala iyosi avaka, bakaimili metoya baisa matauna avaka iyosi. Mitaga matausina agu tilaula gala magisi batokwaraiwaga, kumaiyaisi baisa kukwatumataisi omatagu.’”


Bogwa ilivala makawala, ikugwai matausina iloula bila Yerusalem. Tutala ima katitaikinela Bedipeigi toyo Bedani wa Koya Umilela Olibe, iwitali taiyu toligalega, ikaibiga, kawala, “Kuviloubusisi valu makwaina omitami. E tutala bukuyoulapulasi ovalu, bukubanaisi natana ase nagwadi isikolaisi; gala kwaitala tuta availa bisila minana. Kutanekwaisi minana, kumiakaigusi baisa. Kidamwa availa bikatupoiyaimi, kawasi, ‘Avaka paila kutanekwaisi minana?’ bukukwaibigasi baisa, kawami, ‘Tomoya magila minana.’”
Matausina kasitaiyu ilosi, ibanaisi makawala bogwa leiluki matausina. Tutala itanekwaisi minana ase nagwadi, tolimauna ikatupoiyaisi matausina, kawasi, “Avaka paila kutanekwaisi ase nagwadi?”
Ikaibigasi, kawasi, “Tomoya magila minana.” Imiakaisi minana baisa Yesu. Iyavaisi kasi kwama otapwala minana, ilupaisi Yesu isila baisa otapwala minana. Ililoula, e iyavaisi kasi kwama wa keda.
Tutala ima katitaikina Yerusalem, ambaisa keda isilisalili metoya wa Koya Umilela Olibe, toligalega saina tobobawa ivitouulasi iyakawolaisi Yaubada deli si mwamwasila, ikikawausi paila komwaidona vavagi isiligaga avaka bogwa igisaisi, ikaibigasi, kawasi, “Yaubada biyomwasali matauna Kini imaima ikavitagi yagala Guyau! Vakota wa labuma, deli butula kala kavisi saina walakaiwa sainela!”
Mimilisi Parisi metoyasi baisa tobobawa ilukwaisi matauna, kawasi, “Tovituloki, kubuyoyu m toligalega.”
Ivitakauloki, kawala, “Alukwaimi, kidamwa matausina bikapatusi, dakuna makwaisina bidousi goli.”

Yesu ima katitaikina Yerusalem. E tutala igisi valu, ivalam paila makwaina, ikaibiga, kawala, “Mwada yoku wa yam makwaiwena goli bukunikoli avai keda ivakouli bilokaia vakota. Mitaga wa tuta baisa ikanupwepuni metoya omatam. Paila igau tuta bima bukubani kam tilaula bipilibodaim wa kali, bivaulaim bivabodaim, e bilavaim opwaipwaia, yoku deli tomotam oluwalaim, e gala bitagwalasi kwaitala dakuna oluwalaim bikanukwenu odabala kwaiyuwela. Paila gala lokunikoli avai tuta Yaubada leimakaiam.”


Isuvi Bwala Kwebumaboma, ivitouula biyobutubutu matausina igigimwalasi, iluki matausina, kawala, “Buki Pilabumaboma kala ginigini isisu, ‘Yaubada kawala, Ulo bwala bisisu bolela nigada.’ Mitaga yokomi lokuvigakaisi si kabosisu tolibulebu.”
E yam yam iuvituloki wa Bwala Kwebumaboma. Tolula kasi tokugwa toyo toninitalapula paila Karaiwaga toyo tomota kasi tokugwa mwada bikatumataisi matauna; mitaga gala ibanaisi avaka bivigakaisi; paila tomota komwaidosi gala isisomatasi ligalega la biga matauna.

Phulaphula i LUKA 19