Bible Society of Papua New Guinea, 2011 ℗ 2014 Hosanna

Kiriwina - 2011 Edition (Drama - NT)

<div class="version vid2062 iso6393kij" data-vid="2062" data-iso6393="kij">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Veivai mapilana Kena</div><div class="p"> 1E igau bugitolu ivagaisi veivai pakala mapilana Kena#Mapilana valu katitaikina Nasaredi opiliyavata kala kaduwonaku Losuia bitala Yalaka (6 km). olumoulela mapilana Galili;#Mina Yudia si valu pilamwaidona eidokaisi katupotolu, e Galili katupotala wala, isisu opiliyavata valu. e Yesu inala tatoula isisu baisa. 2E leidouwaisi Yesu toyo la toligalega bilosi wa paka makwaina. 3E tutala waini iwokuva, Yesu inala iluki matauna, kawala, &#8220;Gala kasi waini.&#8221;</div><div class="p"> 4E Yesu iluki minana, kawala, &#8220;Ve! Taga bukulukwaigu kudoki avaka ibodi bavagi. Ulo tuta#Biga makwaina ikibuboti tuta matutona uulela Yesu la vavagi baisa ovalu watanawa bikaloubusi, e tomota bivitusaisi matauna kidamwa Yaubada Latula. Kugisi Yn 12.23. igau wala bima.&#8221;</div><div class="p"> 5Inala iluki towotetila, kawala, &#8220;Bukuvagaisi avaka bilukwaimi.&#8221;</div><div class="p"> 6E isisuaisi baisa yalima yatala lukwava dakuna yavakaveka leisailisi, makawala mina Yudia kasi gulogula paila kikila; kidamwa bitavisaikolaisi, kaina biboda yalakatutala sopi kala mokaila yatala yatala. 7Yesu iluki matausina, kawala, &#8220;Kuvigogwaisi sopi olukwava.&#8221; E ivakasauwaisi miyasina. 8E iluki matausina, kawala, &#8220;E baisa tuta kutavilaisi, e kukwauwaisi baisa tolipaka.&#8221; E ikauwaisi. 9E tutala tolipaka imomkoli waini, gala inikoli ammetoya leimaiyaisi, mitaga towotetila matausina kala tovagogu sopi inikolaisi. E tolipaka idou matauna tovaivau, 10e iluki matauna, kawala, &#8220;Tomota taitala taitala isaibogwi waini bwaina; e igau tomota bogwa eimomsi kwaiveka, oluvi bisaili waini sitana bwaina. Yokula kuyusi waini bwaina igau tuta makwaina.&#8221; </div><div class="p"> 11Baisa kabovitouula la kabutuvatusi#Yoni ivigaki kaboyowalula bikibuboti Yesu kidamwa matauna Yaubada Latula. Kugisi tuvaila Yn 4.54. Yesu ivagi mapilana Kena olumoulela mapilana Galili, e iyomitali kala yakaula; e la toligalega idubumaisi matauna.</div><div class="p"> 12E oluvi Yesu ila Kapaneum,#Mapilana valu isisu milaveta Galili olumata opilikwaibwagayouya. sola inala, toyo budala toyo la toligalega; e isisuaisi baisa kwaivila yam. #Md 4.13</div><div class="s">Yesu ikatumigileu Bwala Kwebumaboma</div><div class="r">(Md 21.12-13; Mk 11.15-17; Lk 19.45-46)</div><div class="p"> 13E mina Yudia kasi paka Luvapela#Kugisi makasana Biga Kala Katumiki. bogwa ivakatitaikina, e Yesu ilaguva Yerusalem. #Sun 12.1-27 14E ibani matausina igigimwalasi#Togimwala mwada bipilasaisi totapwaroru, paila uula bidubadu leimaisi metoya saina kaduwonaku, e binainevisi igimolaisi avai mauna bibudoki bilulasi wa Bwala Kwebumaboma. bulumakau toyo sipi toyo bubuna wa Bwala Kwebumaboma; toyo matausina tokwatumapu mani#Bidubadu totapwaroru metoya wa boda ituwoli ituwoli e si mani migila kala gigisa ituwoli ituwoli. E kidamwa magisi bisemakavisi kaina bigimolaisi mauna paila lula, ibodi biyosisi oyumasi manila Bwala Kwebumaboma. E baisa uula mabudona tokwatumapu mani isisuaisi baisa. eisisuaisi baisa. 15E deli yuwoyoula ivigaki lewa e iyobutubutu tomota komwaidosi toyo sipi deli bulumakau metoya wa Bwala Kwebumaboma; e ikatusou si mani tokwatumapu e si kabosakaila ikatukovi. 16E iluki matausina togimwala bubuna, kawala, &#8220;Kulauwaisi minasina; taga kuvigakaisi la bwala Tamagu kwaitala baku.&#8221; 17La toligalega iluluwaisi Buki Pilabumaboma kala ginigini isisu, &#8220;Bayomadi ulo peula paila m bwala kala pwaitukula.&#8221; #Sam 69.9</div><div class="p"> 18Mapaila mina Yudia ilukwaisi matauna, kawasi, &#8220;Avai kabutuvatusi bukuvagi bivitulokaimasi m kwaraiwaga paila bukuvagi vavagi makwaina?&#8221;</div><div class="p"> 19Yesu ivitakauloki matausina, kawala, &#8220;Kidamwa kukodidaimisi Bwala Kwebumaboma makwaina, yam kwaitolu bakaliivau makwaina.&#8221; #Md 26.61; 27.40; Mk 14.58; 15.29</div><div class="p"> 20Mapaila mina Yudia ikaibigasi, kawasi, &#8220;Kweluwovasi kwailima kwaitala taitu ikaliaiisi bwala#Makwaina Bwala Kwebumaboma Erodi Toveka eivitouula kaliai wa taitu 19 kaina 20 BC, e taitu makwaiwena ikikaliaiisi wala. E baisa uula tanikoli taitu makwaina Yesu ililivala 28 AD. makwaina; ki bukukwalatolu bukukwaliivau makwaina?&#8221;</div><div class="p"> 21Mitaga Yesu ililivala paila wowola, makawala makwaina bwala kwebumaboma. 22Mapaila tutala itokaia imovavau, la toligalega iluluwaisi leilivala makawala; e idubumaisi Buki Pilabumaboma, toyo mabigana avaka Yesu leilivala.</div><div class="s">Yesu inikoli tomota komwaidosi</div><div class="p"> 23Tutala Yesu isisu Yerusalem paila Luvapela pakala, bidubadu idubumaisi matauna paila igisaisi la kabutuvatusi#Kugisi mailela 11 kala katumiki. avaka leiuvagi. 24Mitaga Yesu gala itugulimakavi titoulela baisa matausina, paila goli inikoli tomota komwaidosi; 25e gala bibodi availa biluki Yesu paila tomota. Paila Yesu inikoli avaka isisu oninasi tomota.</div>
 </div>
 </div>
</div>

Kiriwina Bible (Buki Pilabumaboma) © Bible Society of Papua New Guinea, 2011.

E igau bugitolu ivagaisi veivai pakala mapilana Kena olumoulela mapilana Galili; e Yesu inala tatoula isisu baisa. E leidouwaisi Yesu toyo la toligalega bilosi wa paka makwaina. E tutala waini iwokuva, Yesu inala iluki matauna, kawala, “Gala kasi waini.”
E Yesu iluki minana, kawala, “Ve! Taga bukulukwaigu kudoki avaka ibodi bavagi. Ulo tuta igau wala bima.”
Inala iluki towotetila, kawala, “Bukuvagaisi avaka bilukwaimi.”
E isisuaisi baisa yalima yatala lukwava dakuna yavakaveka leisailisi, makawala mina Yudia kasi gulogula paila kikila; kidamwa bitavisaikolaisi, kaina biboda yalakatutala sopi kala mokaila yatala yatala. Yesu iluki matausina, kawala, “Kuvigogwaisi sopi olukwava.” E ivakasauwaisi miyasina. E iluki matausina, kawala, “E baisa tuta kutavilaisi, e kukwauwaisi baisa tolipaka.” E ikauwaisi. E tutala tolipaka imomkoli waini, gala inikoli ammetoya leimaiyaisi, mitaga towotetila matausina kala tovagogu sopi inikolaisi. E tolipaka idou matauna tovaivau, e iluki matauna, kawala, “Tomota taitala taitala isaibogwi waini bwaina; e igau tomota bogwa eimomsi kwaiveka, oluvi bisaili waini sitana bwaina. Yokula kuyusi waini bwaina igau tuta makwaina.”
Baisa kabovitouula la kabutuvatusi Yesu ivagi mapilana Kena olumoulela mapilana Galili, e iyomitali kala yakaula; e la toligalega idubumaisi matauna.
E oluvi Yesu ila Kapaneum, sola inala, toyo budala toyo la toligalega; e isisuaisi baisa kwaivila yam.


E mina Yudia kasi paka Luvapela bogwa ivakatitaikina, e Yesu ilaguva Yerusalem. E ibani matausina igigimwalasi bulumakau toyo sipi toyo bubuna wa Bwala Kwebumaboma; toyo matausina tokwatumapu mani eisisuaisi baisa. E deli yuwoyoula ivigaki lewa e iyobutubutu tomota komwaidosi toyo sipi deli bulumakau metoya wa Bwala Kwebumaboma; e ikatusou si mani tokwatumapu e si kabosakaila ikatukovi. E iluki matausina togimwala bubuna, kawala, “Kulauwaisi minasina; taga kuvigakaisi la bwala Tamagu kwaitala baku.” La toligalega iluluwaisi Buki Pilabumaboma kala ginigini isisu, “Bayomadi ulo peula paila m bwala kala pwaitukula.”
Mapaila mina Yudia ilukwaisi matauna, kawasi, “Avai kabutuvatusi bukuvagi bivitulokaimasi m kwaraiwaga paila bukuvagi vavagi makwaina?”
Yesu ivitakauloki matausina, kawala, “Kidamwa kukodidaimisi Bwala Kwebumaboma makwaina, yam kwaitolu bakaliivau makwaina.”
Mapaila mina Yudia ikaibigasi, kawasi, “Kweluwovasi kwailima kwaitala taitu ikaliaiisi bwala makwaina; ki bukukwalatolu bukukwaliivau makwaina?”
Mitaga Yesu ililivala paila wowola, makawala makwaina bwala kwebumaboma. Mapaila tutala itokaia imovavau, la toligalega iluluwaisi leilivala makawala; e idubumaisi Buki Pilabumaboma, toyo mabigana avaka Yesu leilivala.

Tutala Yesu isisu Yerusalem paila Luvapela pakala, bidubadu idubumaisi matauna paila igisaisi la kabutuvatusi avaka leiuvagi. Mitaga Yesu gala itugulimakavi titoulela baisa matausina, paila goli inikoli tomota komwaidosi; e gala bibodi availa biluki Yesu paila tomota. Paila Yesu inikoli avaka isisu oninasi tomota.

Phulaphula i YONI 2