Southern Balochi: Hodáay Pákén Ketáb Portions

Hodáay Pákén Ketáb

<div class="version vid1500 iso6393bcc" data-vid="1500" data-iso6393="bcc">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Iss&#225;ay j&#225;h janag</div><div class="r">(Matt&#225; 28:1&#8211;8; Mark&#225;s 16:1&#8211;8; Yuhann&#225; 20:1&#8211;8)</div><div class="p"> 1Haptagay awali r&#243;ch&#225;, bez&#225;n Yakshambehay gwarb&#225;m&#225;,#24:1 Gwarb&#225;m, bez&#225;n r&#243;thekk, r&#243;chay dar &#225;yagay wahd. jan&#233;n&#225;n ham&#225; washb&#243;&#233;n r&#243;gen o atr ke tay&#225;r kortagatant, zortant o kabray sar&#225; shotant, 2bale distesh ham&#225; dh&#243;k ke kabray dap&#225; at l&#233;th geptag o cha wati j&#225;gah&#225; thagaletag. 3Wahd&#233; kabray tah&#225; shotant, Hod&#225;wand&#233;n Iss&#225;ay j&#243;nesh nadist. 4Hayr&#225;n atant o naz&#225;ntesh ch&#233; bekanant ke an&#225;gat do mard, g&#243;n drapsh&#243;k&#233;n god o pocch&#225;n &#225;y&#225;ni kash&#225; &#243;sht&#225;t. 5Jan&#233;n&#225;n, cha tors&#225; wati sar jahl kort, bale &#225; do&#233;n&#225;n gwasht: &#8220;Shom&#225; ch&#233;&#225; &#225; zendag&#233;n&#225;, mordag&#225;ni ny&#225;m&#225; sh&#243;h&#225;za kan&#233;t? 6&#193;, ed&#225; naent, &#225;i&#225; j&#225;h jatag. Y&#225;t kan&#233;t, &#225; wahdi ke angat g&#243;n shom&#225; Jalil&#225; at, ch&#233; gwashti? 7Shom&#225;r&#225; nagwashti ke &#8216;Ens&#225;nay Chokk b&#225;yad ent gonahk&#225;r&#225;ni dast&#225; dayag bebit, b&#225;yad ent salib kasshag bebit o sayomi r&#243;ch&#225; pad&#225; zendag bebit o j&#225;h bejant&#8217;?&#8221; 8Gorh&#225;, &#225; jan&#233;n Iss&#225;ay &#233; habaray y&#225;t&#225; kaptant.</div><div class="p"> 9Cha kabray sar&#225; ke per tarretant, &#233; sajjah&#233;n h&#225;l o habaresh g&#243;n y&#225;zdah&#233;n k&#225;sed o &#225; degar&#225;n gwashtant. 10&#193; ke &#233; habaresh pa k&#225;sed&#225;n ras&#233;nt, Maryam Majdaliah, Yu&#225;nn&#225;, &#193;kubay m&#225;t Maryam o &#225;y&#225;ni &#225; dega hamr&#225;h&#233;n jan&#233;n atant. 11K&#225;sed&#225;n, jan&#233;n&#225;ni habar b&#233; sar o bon&#233;n habar z&#225;nt o b&#225;waresh nakortant. 12Bale Petros p&#225;d &#225;tk o pa drekk&#233; kabray n&#233;mag&#225; shot, sari jahl kort o kabray tah&#225; ch&#225;reti, bale cha lilom&#233;n god&#225;n o ab&#233;d, dega hecchi nadist. Gorh&#225; cha wati distag&#233;n&#225;n, hayr&#225;n o habakkah but o l&#243;g&#225; per tarret.</div><div class="s">Em&#225;usay rahsar&#225;</div><div class="r">(Mark&#225;s 16:12&#8211;13)</div><div class="p"> 13Ham&#225; r&#243;ch&#225;, cha &#225;y&#225;n do morid, d&#233;m pa Em&#225;us n&#225;m&#233;n m&#233;tag&#233;&#225; rawag&#225; at ke cha Urshalim&#225; kes&#225;s y&#225;zdah kilumitar dur at.#24:13 Aslig&#233;n Yun&#225;ni nebesht&#225;nka gwashit: &#8220;shast est&#225;di&#8221;. Yakk est&#225;di&#233; kes&#225;s 180 mitar butag. 14&#193;, r&#225;h&#225; g&#243;n yakdegar&#225; ham&#233; butag&#233;n habar o h&#225;l&#225;ni b&#225;raw&#225; gapp o tr&#225;n kanag&#225; atant. 15Ham&#233; wahd&#225; ke gapp o habar&#225; atant, an&#225;gat Iss&#225; wat &#225;y&#225;ni kerr&#225; &#225;tk o g&#243;n &#225;y&#225;n h&#243;r o hamr&#225;h but. 16Bale pajj&#225;hesh nay&#225;wort, ch&#233;&#225; ke &#225;y&#225;ni chamm pardah&#233;&#225; p&#243;shetagatant.</div><div class="p"> 17Iss&#225;y&#225; jost kort: &#8220;Shom&#225; wati r&#225;h&#225;, ch&#243;n&#233;n sarh&#225;l&#225;ni b&#225;raw&#225; gapp o tr&#225;n kanag&#225; &#233;t.&#8221; &#193; g&#243;n gamn&#225;k&#233;n chehrag&#233; &#243;sht&#225;tant. 18Gorh&#225; cha &#225;y&#225;n yakk&#233;&#225; ke n&#225;mi Kliup&#225;s at, passaw d&#225;t: &#8220;Urshalim&#225; dar&#225;mad&#233;n mardom yakk&#233;n taw ay, cha &#233; sarh&#225;l&#225;n ke ham&#233; r&#243;ch&#225;n &#243;d&#225; butagant sahig naay?&#8221; 19Josti kort: &#8220;Cha koj&#225;m sarh&#225;l&#225;n?&#8221; Gwashtesh: &#8220;Ham&#225; ke Iss&#225; N&#225;seriay sar&#225; &#225;tkant. &#193;, paygambar&#233; at ke &#225;iay k&#225;r o habar&#225;n, Hod&#225;ay b&#225;rg&#225;h o mardom&#225;ni gwar&#225;, b&#225;z&#233;n z&#243;r o kodrat&#233; m&#225;n at. 20Bale may mazan&#233;n dini p&#233;shw&#225; o kawmay sar&#243;k&#225;n darkawm&#225;ni dast&#225; d&#225;t ke pa &#225;i&#225; k&#243;shay hokm&#225; bedayant o rand&#225; &#225;y&#225;n salib kasshet. 21M&#225;r&#225; om&#233;t at, &#225; ham&#225; bit ke Esr&#225;il&#225; rakk&#233;nit. Nun gapp esh ent ke &#233; habar&#225;n say r&#243;ch gwastag. 22Cha may hamr&#225;h&#233;n jan&#233;n&#225;n, laht&#233;n&#225;ni habar&#225;n ham m&#225;r&#225; hayrat&#233;&#225; perr&#233;ntag. &#193; mar&#243;chi b&#225;mgw&#225;h&#225; kabray sar&#225; shotagant, 23bale &#225;iay j&#243;nesh nadistag. Gorh&#225; &#225;tkant o m&#225;r&#225; h&#225;lesh d&#225;t ke &#225;y&#225;n pa elh&#225;m o shob&#233;n pr&#233;shtag distagant ke gwashtagesh: &#8216;Iss&#225; zendag ent.&#8217; 24Cha may mardom&#225;n ham laht&#233;n kabray sar&#225; shotag o &#225;y&#225;n ham anchosh ke jan&#233;n&#225;n gwashtag ham&#225; dhawl&#225; distag, bale &#225;y&#225;ni chamm pa w&#225;jahay jend&#225; nakaptag.&#8221;</div><div class="p"> 25Iss&#225;y&#225; g&#243;n &#225;y&#225;n gwasht: &#8220;Oo n&#225;sarpad&#225;n! Pa nabi&#225;ni sajjah&#233;n habar&#225;ni b&#225;war kanag&#225; shomay del k&#243;r ent. 26Masih&#225; pa wati sh&#225;n o shawkatay rasag&#225;, &#233; sakki o s&#243;ri saggagi naatant?&#8221; 27Rand&#225; Iss&#225;y&#225; wati b&#225;raw&#225;, Muss&#225; o sajjah&#233;n nabi&#225;ni P&#225;k&#233;n Ket&#225;b&#225;ni tah&#225;, harch&#233; ke nebisag butagat, &#225; sarpad kortant.</div><div class="p"> 28Anchosh ke ham&#225; m&#233;tagay nazzikk&#225; &#225;tk o rasetant ke &#243;d&#225; rawagi atant, Iss&#225;y&#225; &#233; d&#225;b&#225; p&#233;sh d&#225;sht ke &#225;i&#225; durter rawagi ent. 29&#193;y&#225;n dazbandi kort: &#8220;Shap&#225; g&#243;n m&#225; bejall ch&#233;&#225; ke r&#243;ch shotag o shap &#225;yagi ent.&#8221; Gorh&#225;, Iss&#225; ham shot t&#225;n g&#243;n &#225;y&#225;n bem&#225;nit.</div><div class="p"> 30Ham&#225; wahd&#225; ke Iss&#225; g&#243;n &#225;y&#225;n pa warag&#225; nesht, n&#225;ni zort, Hod&#225;ay shogri gept, n&#225;ni chondh chondh kort o &#225;y&#225;ni dast&#225; d&#225;t. 31Nun &#225;y&#225;ni chamm pach butant o Iss&#225;esh pajj&#225;h &#225;wort bale ham&#225; dam&#225;n&#225; cha &#225;y&#225;ni chamm&#225; ch&#233;r o and&#233;m but. 32Gorh&#225; cha yakdomi&#225; jostesh kort: &#8220;R&#225;h&#225; wahd&#233; &#225; g&#243;n m&#225; tr&#225;n kanag&#225; at o m&#225;r&#225; P&#225;k&#233;n Ket&#225;b&#225;ni habar&#225;n sarpad kanag&#225; at, may del janag o drik drik kanag&#225; naat?&#8221;</div><div class="p"> 33Gorh&#225;, ham&#225; dam&#225;n&#225; p&#225;d &#225;tk o Urshalim&#225; per tarretant. &#211;d&#225;, &#225;y&#225;n y&#225;zdah&#233;n k&#225;sed o &#225; dega morid yakj&#225;h distant, 34ke gwashag&#225; atant: &#8220;&#201; r&#225;st ent ke Hod&#225;wand&#225; j&#225;h jatag o pa Shamun&#225; z&#225;her butag!&#8221; 35Gorh&#225; &#233; do&#233;n&#225;n wati r&#225;hay sargwast g&#243;n &#225;y&#225;n gwasht ke Iss&#225;esh che paym&#225; n&#225;nay chondh kanagay wahd&#225; pajj&#225;h &#225;wortag.</div><div class="s">Iss&#225; pa morid&#225;n paddara bit</div><div class="r">(Mark&#225;s 16:14; Yuhann&#225; 20:19&#8211;23)</div><div class="p"> 36Taningah &#225; ham&#233; habar&#225;n atant ke Iss&#225; wat &#225;tk o &#225;y&#225;ni ny&#225;m&#225; &#243;sht&#225;t o gwashti: &#8220;Sal&#225;m o dr&#243;t pa shom&#225;!&#8221; 37&#193;y&#225;n torset o hayr&#225;n o habakkah butant o gom&#225;nesh kort balk&#233;n ruh&#233; gendag&#225; ant. 38Bale Iss&#225;y&#225; gwasht: &#8220;Pa ch&#233; shom&#225;r&#225; inchoka torsit o hayr&#225;n o habakkah mantag&#233;t o ch&#233;&#225; shomay del&#225; shakk p&#225;d &#225;tkag? 39Dast o p&#225;d&#225;non begend&#233;t, &#233; mani jend ent. Man&#225; dast jan&#233;t o bech&#225;r&#233;t, arw&#225;h&#225; haddh o g&#243;sht pera nabit, bale shom&#225; gendag&#225; &#233;t ke man&#225; haddh o g&#243;sht per ent.&#8221;</div><div class="p"> 40&#201; habaray gwashag&#225; rand, wati dast o p&#225;di p&#233;sh d&#225;shtant. 41&#193;, cha sh&#225;dm&#225;ni&#225; hayr&#225;n o habakkah butant o b&#225;waresh nakort. Gorh&#225;, josti kort: &#8220;G&#243;n shom&#225; pa warag&#225; ed&#225; chizz&#233; hast?&#8221; 42Chondh&#233; patkag&#233;n m&#225;higesh d&#225;t, 43Iss&#225;y&#225; zort o &#225;y&#225;ni d&#233;m pa d&#233;m&#225; w&#225;rt. 44Gorh&#225; gwashti: &#8220;&#201; mani ham&#225; habar ant ke man g&#243;n shom&#225; &#225; wahd&#225; kortagant ke angat g&#243;n shom&#225; butag&#225;n. Mani b&#225;raw&#225;, har habar&#233; ke Muss&#225;ay Sharyat, Zabur o Nabi&#225;ni Ket&#225;b&#225;n nebeshtah ent, &#225; zalur b&#225;yad ent ham&#225; dhawl&#225; sarjam bebant.&#8221;</div><div class="p"> 45Rand&#225;, &#225;y&#225;ni z&#225;nt o z&#225;nagi rozhn&#225;g kort t&#225;nke P&#225;k&#233;n Ket&#225;b&#225;ni m&#225;n&#225; o maksad&#225; sarpad bebant. 46Gwashti: &#8220;Nebisag butag ke Masih b&#225;yad ent sakki besaggit, s&#225;h bedant o sayomi r&#243;ch&#225;, cha mordag&#225;ni ny&#225;m&#225; j&#225;h bejant o 47&#225;iay n&#225;may sar&#225;, tawbah o gon&#225;h&#225;ni pahelli b&#225;yad pa sajjah&#233;n kawm&#225;n j&#225;r janag bebit. &#201; k&#225;ray bong&#233;j cha Urshalim&#225; bit. 48Shom&#225; &#233; k&#225;r o habar&#225;ni gw&#225;h o sh&#225;hed &#233;t. 49Man wati Petay w&#225;dah d&#225;tag&#233;n P&#225;k&#233;n Ruh&#225; pa shom&#225; raw&#225;na day&#225;n, nun shom&#225; shahr&#225; bem&#225;n&#233;t, t&#225;n ham&#225; wahd&#225; ke cha borz&#225; shom&#225;r&#225; w&#225;k o kodrat berasit.&#8221;</div><div class="s">Iss&#225; &#225;sm&#225;n&#225; rawt</div><div class="r">(Mark&#225;s 16:19; K&#225;sed&#225;ni K&#225;r 1:9)</div><div class="p"> 50Rand&#225;, Iss&#225;y&#225; morid t&#225;n Bayt-Any&#225;ay nazzikk&#225; bortant o dast borz kort o pa &#225;y&#225;n n&#233;k&#233;n dw&#225;i l&#243;thet o barkat d&#225;tant. 51Ham&#225; wahd&#225; ke dw&#225; kanag o barkat dayag&#225; at, cha &#225;y&#225;n gisshet o &#225;sm&#225;n&#225; barag but. 52Morid&#225;n Iss&#225; parastesh kort o g&#243;n b&#225;z&#233;n gal o wasshi&#233; Urshalim&#225; per tarretant. 53Mod&#225;m mazan&#233;n parasteshg&#225;h&#225; mantant o Hod&#225;y&#225; sat&#225; kan&#225;n atant.</div>
 </div>
 </div>
</div>

Haptagay awali róchá, bezán Yakshambehay gwarbámá, janénán hamá washbóén rógen o atr ke tayár kortagatant, zortant o kabray sará shotant, bale distesh hamá dhók ke kabray dapá at léth geptag o cha wati jágahá thagaletag. Wahdé kabray tahá shotant, Hodáwandén Issáay jónesh nadist. Hayrán atant o nazántesh ché bekanant ke anágat do mard, gón drapshókén god o pocchán áyáni kashá óshtát. Janénán, cha torsá wati sar jahl kort, bale á doénán gwasht: “Shomá chéá á zendagéná, mordagáni nyámá shóháza kanét? Á, edá naent, áiá jáh jatag. Yát kanét, á wahdi ke angat gón shomá Jalilá at, ché gwashti? Shomárá nagwashti ke ‘Ensánay Chokk báyad ent gonahkáráni dastá dayag bebit, báyad ent salib kasshag bebit o sayomi róchá padá zendag bebit o jáh bejant’?” Gorhá, á janén Issáay é habaray yátá kaptant.
Cha kabray sará ke per tarretant, é sajjahén hál o habaresh gón yázdahén kásed o á degarán gwashtant. Á ke é habaresh pa kásedán rasént, Maryam Majdaliah, Yuánná, Ákubay mát Maryam o áyáni á dega hamráhén janén atant. Kásedán, janénáni habar bé sar o bonén habar zánt o báwaresh nakortant. Bale Petros pád átk o pa drekké kabray némagá shot, sari jahl kort o kabray tahá cháreti, bale cha lilomén godán o abéd, dega hecchi nadist. Gorhá cha wati distagénán, hayrán o habakkah but o lógá per tarret.


Hamá róchá, cha áyán do morid, dém pa Emáus námén métagéá rawagá at ke cha Urshalimá kesás yázdah kilumitar dur at. Á, ráhá gón yakdegará hamé butagén habar o háláni bárawá gapp o trán kanagá atant. Hamé wahdá ke gapp o habará atant, anágat Issá wat áyáni kerrá átk o gón áyán hór o hamráh but. Bale pajjáhesh nayáwort, chéá ke áyáni chamm pardahéá póshetagatant.
Issáyá jost kort: “Shomá wati ráhá, chónén sarháláni bárawá gapp o trán kanagá ét.” Á gón gamnákén chehragé óshtátant. Gorhá cha áyán yakkéá ke námi Kliupás at, passaw dát: “Urshalimá darámadén mardom yakkén taw ay, cha é sarhálán ke hamé róchán ódá butagant sahig naay?” Josti kort: “Cha kojám sarhálán?” Gwashtesh: “Hamá ke Issá Náseriay sará átkant. Á, paygambaré at ke áiay kár o habarán, Hodáay bárgáh o mardománi gwará, bázén zór o kodraté mán at. Bale may mazanén dini péshwá o kawmay sarókán darkawmáni dastá dát ke pa áiá kóshay hokmá bedayant o randá áyán salib kasshet. Márá omét at, á hamá bit ke Esráilá rakkénit. Nun gapp esh ent ke é habarán say róch gwastag. Cha may hamráhén janénán, lahténáni habarán ham márá hayratéá perréntag. Á maróchi bámgwáhá kabray sará shotagant, bale áiay jónesh nadistag. Gorhá átkant o márá hálesh dát ke áyán pa elhám o shobén préshtag distagant ke gwashtagesh: ‘Issá zendag ent.’ Cha may mardomán ham lahtén kabray sará shotag o áyán ham anchosh ke janénán gwashtag hamá dhawlá distag, bale áyáni chamm pa wájahay jendá nakaptag.”
Issáyá gón áyán gwasht: “Oo násarpadán! Pa nabiáni sajjahén habaráni báwar kanagá shomay del kór ent. Masihá pa wati shán o shawkatay rasagá, é sakki o sóri saggagi naatant?” Randá Issáyá wati bárawá, Mussá o sajjahén nabiáni Pákén Ketábáni tahá, harché ke nebisag butagat, á sarpad kortant.
Anchosh ke hamá métagay nazzikká átk o rasetant ke ódá rawagi atant, Issáyá é dábá pésh dásht ke áiá durter rawagi ent. Áyán dazbandi kort: “Shapá gón má bejall chéá ke róch shotag o shap áyagi ent.” Gorhá, Issá ham shot tán gón áyán bemánit.
Hamá wahdá ke Issá gón áyán pa waragá nesht, náni zort, Hodáay shogri gept, náni chondh chondh kort o áyáni dastá dát. Nun áyáni chamm pach butant o Issáesh pajjáh áwort bale hamá damáná cha áyáni chammá chér o andém but. Gorhá cha yakdomiá jostesh kort: “Ráhá wahdé á gón má trán kanagá at o márá Pákén Ketábáni habarán sarpad kanagá at, may del janag o drik drik kanagá naat?”
Gorhá, hamá damáná pád átk o Urshalimá per tarretant. Ódá, áyán yázdahén kásed o á dega morid yakjáh distant, ke gwashagá atant: “É rást ent ke Hodáwandá jáh jatag o pa Shamuná záher butag!” Gorhá é doénán wati ráhay sargwast gón áyán gwasht ke Issáesh che paymá nánay chondh kanagay wahdá pajjáh áwortag.


Taningah á hamé habarán atant ke Issá wat átk o áyáni nyámá óshtát o gwashti: “Salám o drót pa shomá!” Áyán torset o hayrán o habakkah butant o gománesh kort balkén ruhé gendagá ant. Bale Issáyá gwasht: “Pa ché shomárá inchoka torsit o hayrán o habakkah mantagét o chéá shomay delá shakk pád átkag? Dast o pádánon begendét, é mani jend ent. Maná dast janét o bechárét, arwáhá haddh o gósht pera nabit, bale shomá gendagá ét ke maná haddh o gósht per ent.”
É habaray gwashagá rand, wati dast o pádi pésh dáshtant. Á, cha shádmániá hayrán o habakkah butant o báwaresh nakort. Gorhá, josti kort: “Gón shomá pa waragá edá chizzé hast?” Chondhé patkagén máhigesh dát, Issáyá zort o áyáni dém pa démá wárt. Gorhá gwashti: “É mani hamá habar ant ke man gón shomá á wahdá kortagant ke angat gón shomá butagán. Mani bárawá, har habaré ke Mussáay Sharyat, Zabur o Nabiáni Ketábán nebeshtah ent, á zalur báyad ent hamá dhawlá sarjam bebant.”
Randá, áyáni zánt o zánagi rozhnág kort tánke Pákén Ketábáni máná o maksadá sarpad bebant. Gwashti: “Nebisag butag ke Masih báyad ent sakki besaggit, sáh bedant o sayomi róchá, cha mordagáni nyámá jáh bejant o áiay námay sará, tawbah o gonáháni pahelli báyad pa sajjahén kawmán jár janag bebit. É káray bongéj cha Urshalimá bit. Shomá é kár o habaráni gwáh o sháhed ét. Man wati Petay wádah dátagén Pákén Ruhá pa shomá rawána dayán, nun shomá shahrá bemánét, tán hamá wahdá ke cha borzá shomárá wák o kodrat berasit.”


Randá, Issáyá morid tán Bayt-Anyáay nazzikká bortant o dast borz kort o pa áyán nékén dwái lóthet o barkat dátant. Hamá wahdá ke dwá kanag o barkat dayagá at, cha áyán gisshet o ásmáná barag but. Moridán Issá parastesh kort o gón bázén gal o wasshié Urshalimá per tarretant. Modám mazanén parasteshgáhá mantant o Hodáyá satá kanán atant.

Phulaphula i Luká 24