Maung

<div class="version vid1376 iso6393mph" data-vid="1376" data-iso6393="mph">
 <div class="book bkMRK">
 <div class="chapter ch5" data-usfm="MRK.5">
 <div class="label">5</div><div class="s1">Jesus iningulikiny ja arrarrkpi ja innyatpang yaliwi</div><div class="r">(Matthew 8:28-34; Luke 8:26-39)</div><div class="p"> 1Kayirrk la Jesus la pata awarrangung rtil wiyu nuyu angkuwuning pirl warak amalkpany wurrkaraga tuka kunak ngaw Gerasenes. 2-5Wakapa iwaning ja arrarrkpi innyatpang yaliwi. La yanat inimany kalajarr. Nukapa ja arrarrkpi iwaning tuka kunak tuka awunpuyurlkangung. Yarran wularrut mira warntatarr la wupurrk, yarrangung juju tuka yurk la murrgu ilajantung la iwuning yanat piyu waryat. La marrik nganti innyanartpikpa ta algaj iwutakangung ja wirlmurr. La yanat iwutpan nuyu ja wirlmurr la innyartpirrrakantung ja wirlmurr la innyukpukpuning tuka winti nuyu la innyukpukpung kirrk.</div><div class="p">Malany ja Jesus ilurrangkenyka tuka kapala ilarrajpany 6la ja arrarrkpi innyayawng ilangalingka warakapa la ingurrinyka mawarlkenyiny tuka Jesus ilangaling.</div><div class="p"> 7-8La Jesus iminy nuyu ja yaliwi, &#8220;Anmalkpanyiga korutpanyi ja arrarrkpi, nuyi ta nuwaliwi.&#8221;</div><div class="p">Yanat ja yaliwi ilajantiny la iyirrurlkeny, &#8220;Kunuka nuyu annguranka? Ngapi kunpurrun. Nuyipa Jesus. Nuyi ta kunimalkpany God. Yanatapa ja kiwken kirrk ngarrurru. Aralpa anpanamin ngartu la yunyi nganpun!&#8221;</div><div class="p"> 9Kayirrk la Jesus inilakajpung, &#8220;Nuyi nganti nukurlaj?&#8221;</div><div class="p">Ja yaliwi iminyka, &#8220;Ngapi ngangurlaj Ngatpurra mira, la ngatpurra mira ngarrulgeny tuka arrarrkpi imarrk.&#8221; 10Pata weliwiyut awurlkpungkang angkat aminang nuyu, &#8220;Yunyi ngarruntangaka warak ta kunak.&#8221;</div><div class="p"> 11La wakapa awulangaling 2000 pikipiki, awulangaling apulantangung tuka wanyji murrgu. 12La aminy nuyu pata weliwiyut, &#8220;Ngarruntangakanyi ngatpanurlgen tuka pikipiki.&#8221;</div><div class="p"> 13Jesus iminy pu, &#8220;Ee.&#8221; Kayirrk la pata weliwiyut amalkpanyka tuka arrarrkpi imarrk awurlgeny tuka wimurra pata pikipiki awulangaling tuka murrgu. Wakapa awungurriny parak angparlukpan jirrjirr tuka wurl ta karrkpin la angkuwany marnngalk.</div><div class="p"> 14Pata arrarrkpi pata awunpayatayantung pata pikipiki amurtpiny awungurriny parak kunak angpunman pu amparrkpamparrk. Wenatapa aminy pu pata arrarrkpi pata awaning kunak la kunak la kapa karrapey. Amparrkamparrk iwakatakan parak wu wiyu angpayawng. 15Kayirrk la wenatapa awungurriny parak tuka kunak wakapa tuka Jesus ilangaling. Wenatapa iwayawng ja arrarrkpi iwaning malakpuj la iyarning manpurrwa. Kayirrk yanatapa marrik muj inimanyi kalajarr la muj. Kayirrkapa pata arrarrkpi amurtpinang. 16Pata arrarrkpi awunpatpang pata pikipiki angpunman pu pata wera ta wurluj tuka nukapa arrarrkpi la pikipiki. 17Warrwakapa pata arrarrkpi aminang nuyu Jesus, &#8220;Anyanyji ngarrunarutpanyi ngatpalangali palat.&#8221;</div><div class="p"> 18Jesus yalyungan pu la ilurrangkeny tuka kapala. Kayirrk la ja arrarrkpi ja innyatpang yaliwi inilakajpung Jesus iminy nuyu, &#8220;Arrkpanarra rtil nuyi.&#8221;</div><div class="p"> 19Parang la Jesus iminy nuyu, &#8220;Makiny, anpana anpamurnangani tuka pata nuwutpalanparlarrut. La kungpanunma wu anpanamin pu ja God iyamany nuwu.&#8221;</div><div class="p"> 20Malany ja arrarrrkpi yarran parak ta nungpanpal kunak ta wungurlaj Wurrkamaj Yurnu la Wurrkamaj Yurnu ta Kunak anyunmangung pu amparrkamparrk ta wurluj. Kayirrk yanatapa annyunman pu ta iningulakantiny ja Jesus. Wakapa amparrkamparrk pata arrarrkpi awurlkpalangeny.</div><div class="s1">Jesus inyingulikiny jita warramumpik</div><div class="r">(Matthew 9:18-26; Luke 8:40-56)</div><div class="p"> 21Kayirrk la Jesus la pata awarrangung rtil wiyu nuyu angkuwung pirl warak wurrkaraga tuka wurl. Malany wakapa iwumirlajuning pata napulurrumpi pata arrarrkpi tuka ajput.</div><div class="p"> 22Malany ja arrarrkpi ingurlaj Jairus yuranka imalkpany pu. Yanatapa ja yukenang pu Jew arrarrkpi wakapa tuka awaning ngarlakarlak ta iwarruj kurrampalk. Kayirrk la innyayawng Jesus la yarran parak wanyjikap la inyukpung ngarlwak tuka yanat. 23Kayirrk la iminy nuyu ja Jesus &#8220;Kinymaju mira jita ngapi nginymalkpany la ngungpurrun inypamaju. Ngungmiyarma kunypanatpi jita ngapi nginymalkpany nuyu inypangulikin.&#8221;</div><div class="p"> 24Kayirrk la Jesus awuran rtil warak ja Jairus la pata napulurrumpi pata arrarrakpi iwulirrngkakantung parak ja Jesus.</div><div class="p"> 25Wakapa tuka angkumarrajpuning warak la juka jita warramumpik inyjangaling inyjalkenang. Malany wularrut mira ta ingamany rtalk innyarrangung ja maningul marrik ilakujpina. 26Inyanat inyuran awunngeyawng wimurra pata marrgijpu pata inypatpung, awunmeny arlarrarr. La akalulkanyang pu ja rrupiya la marrik inyngulikina. Inyarranapa ja kuyak iwinpilminy. Malany 12 ja jungkarra angkat innyarrangung ja maningul. 27-28Inyanat inyalyungan nuyu Jesus ta awunnyatpang, angawurrungapa inyminy, &#8220;Ta ngetping nuyu ja kiyarni nakapa nganangulikin.&#8221; Kayirrk la inyanat tuka kirrwara nuyu inyarran parak ingatpung nuyu ja iyarning. 29Malany ta ingatpung ja manpurrwa nakapa inyngulikiny la mata maningul nakapa malakujpiny. La angawurruning, &#8220;Aralpa nganingulikiny.&#8221;</div><div class="p"> 30Malany Jesus yalyungan ta wutkut nuyu anguran. Kayirrk la imilkpungeny awunilakajpung pata napulurrumpi awulangaling, &#8220;Nganti innyatpung ngartu ja manpurrwa?&#8221;</div><div class="p"> 31Kayirrk la pata awarrangung rtil wiyu nuyu aminy nuyu, &#8220;Pata napulurrumpi kunpulirrngkakantiny la kunuka nuyu ngarruntakajpun, &#8216;Nganti ngannyatpung?&#8217;. Wimurra pata arrarrkpi kunpulirrngkakantiny!&#8221;</div><div class="p"> 32Parang angkat yukekenang ja Jesus, &#8220;Nganti ja naka ngannyatpung animany ta wutkut ngartu?&#8221; 33Kayirrk la inymurtpiny jita warramumpik angawurruning mira ta karrkpin mira ta algaj inyngulikiny mawarlkanyiny tuka wanyji yurnu nuyu la angunman nuyu tuka kiki angminy parak ngaw. Kayirrk la inyminy nuyu Jesus, &#8220;Ngapi pa kunatpung.&#8221;</div><div class="p"> 34Kayirrk la Jesus iminy ngaw, &#8220;Wirlupirlu, parang la anmartukpung ngartu la anngulikinganapa nungmalal. Anpanuraka tuka nuyi nuwu ta kunak. Marrik kunuka muj kunilang. Kayirrk marrik anmajung akut!&#8221;</div><div class="s1">Jesus inyimajpungkuny warrawurnji jita inymajungan</div><div class="p"> 35Wakapa Jesus inyilakajpuning jita warramumpik, la nganti yirrik ilinganka tuka Jairus nuyu kurrampalk la iminy, &#8220;Juka jita nuyi kunymalkpany inymajungan. Yunyi kungpurrun muj Jesus.&#8221;</div><div class="p"> 36Malany ja Jesus awunimarrkinyang la iminy nuyu ja Jairus, &#8220;Yunyi kanmurtpin! La anmartukpuni ngartu!&#8221; 37Kayirrk la Jesus iminy pu, &#8220;Yunyi kurrurlgen tuka kurrampalk!&#8221; Yanat awunimany werawungut pata arrarrkpi awarran parak ilij nuyu ja inyimalkpany la jita nigi, la ngarrkarrk la werakap pata awarrangung rtil wiyu nuyu pata Peter, James la John wenat ju parang awuran rtil.</div><div class="p"> 38Malany tuka amalkpany tuka kurrampalk Jesus yalyungan wera pata arrarrkpi wukej angpulakantung. Wenatapa awararrkenang la awaning wanalaya ngaw jita inymajungan 39La Jesus yarran parak yurlgeny wukej la iminy pu pata arrarrkpi, &#8220;Kunuka nuyu kutpararrken? Jita warrawurnji marrik inymajunyi juka ninyarnankat la inyanat inyurnparrang.&#8221;</div><div class="p"> 40Wenat angkuwurruning inyanatapa jita warrawurnji inymajungan la wenatapa iwuwuning parr yanat, parang la iminy pu, &#8220;Kutpalkpanyi yalayala!&#8221; Kayirrk la Jesus awunimany pata mayakpu la jita nigi ngaw jita warrawurnji la pata ngarrkarrk la werakap pata awarrangung rtil wiyu nuyu iminy pu, &#8220;Arrkpanurlgen ilij ngartu.&#8221; Kayirrk la awurlgeny tuka kurrampalk tuka jita warrawurnji inyung.</div><div class="p"> 41Kayirrk la atimany ngaw yurnu ja Jesus pa iminy ngaw tuka wenat pu ta ngaralk, &#8220;Talitha Koum!&#8221; (La ta kanyu ta wulatpiyi &#8220;Anmajpungkinaga warrawurnji!&#8221;)</div><div class="p"> 42Wakapa ta inymajpungkiny jita warrawurnji la inyjarrajpany la inyarrangung juju wukej tuka kurrampalk! Malany pata nigi la mayapu awurlkpalangkeny ta inypayawng murnin jita warrawurnji inymajpungkinyapa! Malany ja walmat ngaw 12.</div><div class="p"> 43La Jesus iminy pu, &#8220;Yunyi kutpin pu ta juka jita warrawurnji ngapi nginymajpungkuny.&#8221; Kayirrk la yanat iminy pu, &#8220;Ma! Kurrinypanawn apangala ta walij.&#8221;</div>
 </div>
 </div>
</div>

Kayirrk la Jesus la pata awarrangung rtil wiyu nuyu angkuwuning pirl warak amalkpany wurrkaraga tuka kunak ngaw Gerasenes. Wakapa iwaning ja arrarrkpi innyatpang yaliwi. La yanat inimany kalajarr. Nukapa ja arrarrkpi iwaning tuka kunak tuka awunpuyurlkangung. Yarran wularrut mira warntatarr la wupurrk, yarrangung juju tuka yurk la murrgu ilajantung la iwuning yanat piyu waryat. La marrik nganti innyanartpikpa ta algaj iwutakangung ja wirlmurr. La yanat iwutpan nuyu ja wirlmurr la innyartpirrrakantung ja wirlmurr la innyukpukpuning tuka winti nuyu la innyukpukpung kirrk.
Malany ja Jesus ilurrangkenyka tuka kapala ilarrajpany la ja arrarrkpi innyayawng ilangalingka warakapa la ingurrinyka mawarlkenyiny tuka Jesus ilangaling.
La Jesus iminy nuyu ja yaliwi, “Anmalkpanyiga korutpanyi ja arrarrkpi, nuyi ta nuwaliwi.”
Yanat ja yaliwi ilajantiny la iyirrurlkeny, “Kunuka nuyu annguranka? Ngapi kunpurrun. Nuyipa Jesus. Nuyi ta kunimalkpany God. Yanatapa ja kiwken kirrk ngarrurru. Aralpa anpanamin ngartu la yunyi nganpun!”
Kayirrk la Jesus inilakajpung, “Nuyi nganti nukurlaj?”
Ja yaliwi iminyka, “Ngapi ngangurlaj Ngatpurra mira, la ngatpurra mira ngarrulgeny tuka arrarrkpi imarrk.” Pata weliwiyut awurlkpungkang angkat aminang nuyu, “Yunyi ngarruntangaka warak ta kunak.”
La wakapa awulangaling 2000 pikipiki, awulangaling apulantangung tuka wanyji murrgu. La aminy nuyu pata weliwiyut, “Ngarruntangakanyi ngatpanurlgen tuka pikipiki.”
Jesus iminy pu, “Ee.” Kayirrk la pata weliwiyut amalkpanyka tuka arrarrkpi imarrk awurlgeny tuka wimurra pata pikipiki awulangaling tuka murrgu. Wakapa awungurriny parak angparlukpan jirrjirr tuka wurl ta karrkpin la angkuwany marnngalk.
Pata arrarrkpi pata awunpayatayantung pata pikipiki amurtpiny awungurriny parak kunak angpunman pu amparrkpamparrk. Wenatapa aminy pu pata arrarrkpi pata awaning kunak la kunak la kapa karrapey. Amparrkamparrk iwakatakan parak wu wiyu angpayawng. Kayirrk la wenatapa awungurriny parak tuka kunak wakapa tuka Jesus ilangaling. Wenatapa iwayawng ja arrarrkpi iwaning malakpuj la iyarning manpurrwa. Kayirrk yanatapa marrik muj inimanyi kalajarr la muj. Kayirrkapa pata arrarrkpi amurtpinang. Pata arrarrkpi awunpatpang pata pikipiki angpunman pu pata wera ta wurluj tuka nukapa arrarrkpi la pikipiki. Warrwakapa pata arrarrkpi aminang nuyu Jesus, “Anyanyji ngarrunarutpanyi ngatpalangali palat.”
Jesus yalyungan pu la ilurrangkeny tuka kapala. Kayirrk la ja arrarrkpi ja innyatpang yaliwi inilakajpung Jesus iminy nuyu, “Arrkpanarra rtil nuyi.”
Parang la Jesus iminy nuyu, “Makiny, anpana anpamurnangani tuka pata nuwutpalanparlarrut. La kungpanunma wu anpanamin pu ja God iyamany nuwu.”
Malany ja arrarrrkpi yarran parak ta nungpanpal kunak ta wungurlaj Wurrkamaj Yurnu la Wurrkamaj Yurnu ta Kunak anyunmangung pu amparrkamparrk ta wurluj. Kayirrk yanatapa annyunman pu ta iningulakantiny ja Jesus. Wakapa amparrkamparrk pata arrarrkpi awurlkpalangeny.


Kayirrk la Jesus la pata awarrangung rtil wiyu nuyu angkuwung pirl warak wurrkaraga tuka wurl. Malany wakapa iwumirlajuning pata napulurrumpi pata arrarrkpi tuka ajput.
Malany ja arrarrkpi ingurlaj Jairus yuranka imalkpany pu. Yanatapa ja yukenang pu Jew arrarrkpi wakapa tuka awaning ngarlakarlak ta iwarruj kurrampalk. Kayirrk la innyayawng Jesus la yarran parak wanyjikap la inyukpung ngarlwak tuka yanat. Kayirrk la iminy nuyu ja Jesus “Kinymaju mira jita ngapi nginymalkpany la ngungpurrun inypamaju. Ngungmiyarma kunypanatpi jita ngapi nginymalkpany nuyu inypangulikin.”
Kayirrk la Jesus awuran rtil warak ja Jairus la pata napulurrumpi pata arrarrakpi iwulirrngkakantung parak ja Jesus.
Wakapa tuka angkumarrajpuning warak la juka jita warramumpik inyjangaling inyjalkenang. Malany wularrut mira ta ingamany rtalk innyarrangung ja maningul marrik ilakujpina. Inyanat inyuran awunngeyawng wimurra pata marrgijpu pata inypatpung, awunmeny arlarrarr. La akalulkanyang pu ja rrupiya la marrik inyngulikina. Inyarranapa ja kuyak iwinpilminy. Malany 12 ja jungkarra angkat innyarrangung ja maningul. Inyanat inyalyungan nuyu Jesus ta awunnyatpang, angawurrungapa inyminy, “Ta ngetping nuyu ja kiyarni nakapa nganangulikin.” Kayirrk la inyanat tuka kirrwara nuyu inyarran parak ingatpung nuyu ja iyarning. Malany ta ingatpung ja manpurrwa nakapa inyngulikiny la mata maningul nakapa malakujpiny. La angawurruning, “Aralpa nganingulikiny.”
Malany Jesus yalyungan ta wutkut nuyu anguran. Kayirrk la imilkpungeny awunilakajpung pata napulurrumpi awulangaling, “Nganti innyatpung ngartu ja manpurrwa?”
Kayirrk la pata awarrangung rtil wiyu nuyu aminy nuyu, “Pata napulurrumpi kunpulirrngkakantiny la kunuka nuyu ngarruntakajpun, ‘Nganti ngannyatpung?’. Wimurra pata arrarrkpi kunpulirrngkakantiny!”
Parang angkat yukekenang ja Jesus, “Nganti ja naka ngannyatpung animany ta wutkut ngartu?” Kayirrk la inymurtpiny jita warramumpik angawurruning mira ta karrkpin mira ta algaj inyngulikiny mawarlkanyiny tuka wanyji yurnu nuyu la angunman nuyu tuka kiki angminy parak ngaw. Kayirrk la inyminy nuyu Jesus, “Ngapi pa kunatpung.”
Kayirrk la Jesus iminy ngaw, “Wirlupirlu, parang la anmartukpung ngartu la anngulikinganapa nungmalal. Anpanuraka tuka nuyi nuwu ta kunak. Marrik kunuka muj kunilang. Kayirrk marrik anmajung akut!”

Wakapa Jesus inyilakajpuning jita warramumpik, la nganti yirrik ilinganka tuka Jairus nuyu kurrampalk la iminy, “Juka jita nuyi kunymalkpany inymajungan. Yunyi kungpurrun muj Jesus.”
Malany ja Jesus awunimarrkinyang la iminy nuyu ja Jairus, “Yunyi kanmurtpin! La anmartukpuni ngartu!” Kayirrk la Jesus iminy pu, “Yunyi kurrurlgen tuka kurrampalk!” Yanat awunimany werawungut pata arrarrkpi awarran parak ilij nuyu ja inyimalkpany la jita nigi, la ngarrkarrk la werakap pata awarrangung rtil wiyu nuyu pata Peter, James la John wenat ju parang awuran rtil.
Malany tuka amalkpany tuka kurrampalk Jesus yalyungan wera pata arrarrkpi wukej angpulakantung. Wenatapa awararrkenang la awaning wanalaya ngaw jita inymajungan La Jesus yarran parak yurlgeny wukej la iminy pu pata arrarrkpi, “Kunuka nuyu kutpararrken? Jita warrawurnji marrik inymajunyi juka ninyarnankat la inyanat inyurnparrang.”
Wenat angkuwurruning inyanatapa jita warrawurnji inymajungan la wenatapa iwuwuning parr yanat, parang la iminy pu, “Kutpalkpanyi yalayala!” Kayirrk la Jesus awunimany pata mayakpu la jita nigi ngaw jita warrawurnji la pata ngarrkarrk la werakap pata awarrangung rtil wiyu nuyu iminy pu, “Arrkpanurlgen ilij ngartu.” Kayirrk la awurlgeny tuka kurrampalk tuka jita warrawurnji inyung.
Kayirrk la atimany ngaw yurnu ja Jesus pa iminy ngaw tuka wenat pu ta ngaralk, “Talitha Koum!” (La ta kanyu ta wulatpiyi “Anmajpungkinaga warrawurnji!”)
Wakapa ta inymajpungkiny jita warrawurnji la inyjarrajpany la inyarrangung juju wukej tuka kurrampalk! Malany pata nigi la mayapu awurlkpalangkeny ta inypayawng murnin jita warrawurnji inymajpungkinyapa! Malany ja walmat ngaw 12.
La Jesus iminy pu, “Yunyi kutpin pu ta juka jita warrawurnji ngapi nginymajpungkuny.” Kayirrk la yanat iminy pu, “Ma! Kurrinypanawn apangala ta walij.”

Phulaphula i Mark 5