Kuman - 2008 Edition (NT) Drama

<div class="version vid1334 iso6393kue" data-vid="1334" data-iso6393="kue">
 <div class="book bkMRK">
 <div class="chapter ch1" data-usfm="MRK.1">
 <div class="label">1</div><div class="s">Jon Baptais kamambuno dungwa</div><div class="r">(Matyu 3:1-12; Luk 3:1-9, 15-17; Jon 1:19-28)</div><div class="p"> 1God Wam Yesus Krais pre, kamambuno wakai i mambuno boglkwa.#1:1 Yesus plau dungwa enge, ye God kamo wakai di yomba tongwa. Ka wakai iwe, God taragl wakai ere yomba tenagle dungwa kamo. Mak 1:15 mina kano.</div><div class="p"> 2Propet Aisaia ka muno yegl boglkwa:</div><div class="q1">&#8220;God dungwa, Na kanna</div><div class="q1">kep yomba diendimbo</div><div class="q1">ene okuna yeite, ene</div><div class="q1">konbaunan akekun eretenambuka.&#8221;#Malakai 3:1</div><div class="q1"> 3&#8220;Makan waule suna</div><div class="q1">yomba ta wiyau endungwa,</div><div class="q1">&#8216;Yaglkande pre konbaunamo</div><div class="q1">akekun eriyo. Ye unambuka</div><div class="q1">pre konbo si-ake du endiyo.&#8217;&#8221;#Aisaia 40:3</div><div class="m"> 4Ana yeglpre, Jon Baptais makan waule unongugl pi ye yomba dipene ende tongwa, &#8220;Ene nomano yake tendre baptais erimbi, God ene tandaglmeno koko ende tenambuka.&#8221; 5Ana Judia kamun yomba mundu-yene yeingo te Jerusalem dumo kande yomba prapra Jon kamo piramnedi kikesi ende moglmara pindre, ye yene tandaglmeno dipeglko ana ye Jodan Nigle yomba baptais eretongwa. 6Jon bugla-kamel yungo mina gaglsuna erikwa i ende-ende orkwa. Te bugla-kau nangiye kumagl ta dane mina suna engenge de wanmoglkwa. Te kaiya moknamo i mongondo ya te brume are nuglo ne-ne orkwa.#1:6 Ka Matyu 3:4 mina pangwa i kano. 7Ye ka yegl dipene ende yomba tongwa, &#8220;Ba okuwo yomba ta unambuka i yombuglomo pai mitna ende na yombura i engrukwa. Na yagl wakai ta moglmbo kade goinge ere ye kagle towo mina kan-tonguma pangwa i na ta pirka sinaglka kuno erekrukwa. 8Na nigl mina ene baptais ereteinga, ba ye ene Holi Spirit mina baptais eretenambuka.&#8221;</div><div class="s">Jon eremogl Yesus baptais eretongwa</div><div class="r">(Matyu 3:13-17; Luk 3:21-22)</div><div class="p"> 9Ana enge igle Yesus Nasaret kamun Galili dumo kindekondo ende ungo ana Jon eremogl Jodan Nigle suna ye baptais eretongwa. 10Ana Yesus oglandi nigle kondo ende menda undre, ye kango heven audungo ana Holi Spirit kua yumugl mereyegl ende atne ye moglmara ungwa. 11Ana heven imbo ka ta yegl dungwa, &#8220;Ene na Wana, na ene wakai kandre nomana wakai ene teinga.&#8221;</div><div class="s">Yesus moglmara Satan bagl nusungwa</div><div class="r">(Matyu 4:1-11; Luk 4:1-13)</div><div class="p"> 12Ana oglandi Holi Spirit diendungo Yesus ende dumo waule suna ongwa. 13Ye igle wanmoglko ande enge 40 orkwa. Satan wu bagl nusinagledi ka kra merkinde poglkwa. Ye dua-kambu ya agl-bugla are bogl meglko ana angelo wu Yesus akeple dingwa.</div><div class="s">Yesus Galili kamun kongun mambuno boglkwa</div><div class="r">(Matyu 4:12-17; Luk 4:14-15)</div><div class="p"> 14Jon sikane yungu suna endigo, okuwo Yesus Galili kamun suna pi ana God kamo wakai dipene endungwa. 15Ye dungwa, &#8220;Enge kaima plau dungo ana God kingdomo ene mina mangigl ungwa, ene nomano yakete kamambuno wakai pirngi diyo!&#8221;</div><div class="s">Yesus eremogl fis singwa yomba 4 komnaiye diyungwa</div><div class="r">(Matyu 4:18-22; Luk 5:1-11)</div><div class="p"> 16Yesus ende Galili Niglmong bina pindre, ye kango Saimon ya angigle Andru bogl fis gagl piyasi niglmong atne ende miurka. Sraglpre, ye fis ere simbrika yaglmo. 17Yesus yegl ditongwa, &#8220;Ene na mokonamugl wiro, na beke teimbo ene yomba ere-inambrika.&#8221; 18Ana ye oglandi fis ere simbrika gatno kindekondo ana omara embrika.</div><div class="p"> 19Ye kurita ende inda pindre kango, ana Sebedi wam Jems angigle Jon bogl, botno mina suna mogltre ye fis ere simbrika gatno simbogl akekun ere miurka. 20Ana ye kandre tambre kana agle dungo, yagl suwo neno Sebedi ya kongun di imbriko erikwa yomba bot mina suna akiye meglko kondo pandigl ana ye Yesus omara mokomugl ende embrika.</div><div class="s">Spirit kinde yagl ta mina moglko Yesus simenda endungwa</div><div class="r">(Luk 4:31-37)</div><div class="p"> 21Ye ende Kaperneam kamun eingo ana Sabat enge yongwa, Yesus ende makai yungu yungugl pindre ana mambuno bogl ka beke tongwa. 22Yomba ka beke tongwa i pirtre sipuglo dingwa. Sraglpre, ye lo beke teingwa yomba dimere yegl manga. Ye yomba ta yombuglo gigledi kande pangwa mereyegl ta ka wakegagl ditongwa. 23Enge igle ye makaino yungu mina yagl ta spirit kinde moglkwa yungugl mogl ana kaglkane binan bogl yungwa. 24&#8220;Yesus Nasaret nem, ene sragl taragl ere noragledi une? Ene no erekinde ere nora pre un kana? Na ene pirpogl siga. Ene God Holi Yombamo!&#8221;</div><div class="p"> 25Yesus ka giglendi di spirit kinde tongwa, &#8220;Ene dran simundo ana yagl i mina kindekondo ende menda wo!&#8221; 26Spirit kinde yombuglo ere yagl i ake pur-dindre ana kaglkane kande ta dindre ye mina ende menda ungwa.</div><div class="p"> 27Yomba kindaginde yene sipuglodi kundugl dindre ye yene krapogl dipirkwa, &#8220;I sragl taragl? I ka kor ta beke dungwa. Yagl i yombuglo gigledi kande pangwa ipre ka dungo spirit kinde dumere pir kamo sika singwa.&#8221; 28Ye kamo boglo i tambre kana waidi Galili dumo mundu kuno orkwa.</div><div class="s">Pita ambu imakiye kinde sungwa Yesus erewakai ere tongwa</div><div class="r">(Matyu 8:14-15; Luk 4:38-39)</div><div class="p"> 29Ye makai yungu kondo ende menda wingo, ye Jems ya Jon bogl akiye du yene endpi Saimon ya Andru yungunomugl eingwa. 30Saimon ambu imakiye kinde si nangiye ninga dungo bogl mina ugl pai moglkwa. Ana Yesus ende yungugl ongo, ye tambre kana ambu kinde sungwa ipre diteingwa. 31Ana Yesus ambumo pamara pi ye ongo ake ana ake bonduglkwa. Ambu nangiye ninga dungwa i dundungo ana ye mambuno bogl kaiya mokna yomba pre akekun ere tongwa.</div><div class="s">Yomba kinde singwa Yesus erewakai orkwa</div><div class="r">(Matyu 8:16-17; Luk 4:40-41)</div><div class="p"> 32Ande bei kamun pokndungo, yomba kinde singwa prapra ya spirit kinde bogl meglkwa yomba auro yu Yesus moglmara wingwa. 33Taun yomba mundu wu yungu dramugl makai singwa. 34Ana ye yomba kinde imbo kanekane sungwa erewakai ere tendre, spirit kinde merkinde simenda endungwa. Ba ye spirit kinde ka ta di dinaglmedi pre, angai tekrukwa. Sraglpre ye Yesus pirkan erikwa.#1:34 Yesus God wam moglkwa ana ye, God yombama ikine endinambuka pre pinde i-pere endungwa. Grik yomba kanno mina ye Krais we dingwa. Te Hibru yomba kanno Mesaia we dingwa. Ka Mak 1:1 mina pangwa i kano. Juda yomba yegl pirkwa. Yagl i God diendinan, unambuka ana ye king mereyegl undre ana Rom yomba si endinan ana Israel yomba wakai moraglmedi pirkwa. Ba Yesus kongun yegl era pre ukrukwa, yeglpre ye ira moglkwa i spirit kinde wagle dipene endimbi ana yomba pir dinaglmedi prukwa.</div><div class="s">Yesus Galili kamun kamambuno dungwa</div><div class="r">(Luk 4:42-44)</div><div class="p"> 35Kamun kor tange akemim ere pango, Yesus andigl yungu i kondo ende menda pi ana dumo wau yomara igle ye kamange orkwa. 36Saimon ya angiglma tau ye akiye wan eingwa, Yesus pre ende menda pi dokingwa. 37Ye kan indre yegl diteingwa, &#8220;Yomba prapra ene pre dokingwa!&#8221;</div><div class="p"> 38Ba Yesus di ikine endungwa, &#8220;Nono kamun tau yungu epigl mangigl yomara i endeinamga. Yungu ombuno igle ombugl na kamambuno dipene ende tenaglka. Na taragl ipre winga.&#8221; 39Yeglpre ye Galili kamun prapra wan wu ikine ikine pi, makai yungu yei-omara prapra kamambuno dipene ende te spirit simenda endungwa.</div><div class="s">Yagl ta kaglande sungwa Yesus ake winge dungwa</div><div class="r">(Matyu 8:1-4; Luk 5:12-16)</div><div class="p"> 40Yagl ta kaglande sungwa, Yesus moglmara undre goglko bondugl ana akeple dinarambedi pre anduwa yei dungwa, &#8220;Ene na erewakai ere naraglendi pitn kade, ene erewakai ere naro.&#8221;#1:40 Ka Matyu 8:2 mina pangwa i kano.</div><div class="p"> 41Ana Yesus miriye kinde gogl ana ongo duglosi yaglmo akindre dungwa, &#8220;Na pirka, ene kinden pra wakai erambiwo.&#8221; 42Erme keme kaglande sungwa ikra dundungo ana ye nangiye winge dungwa.</div><div class="p"> 43Yesus ka giglendi kaima ditendre ana tambre-yene diendungwa. 44Ana Yesus ye ditongwa, &#8220;Ene yomba suwarata ditekratnga, ba ene du ende pris moglmara pindre ana nangin ombuno dimin. Ye ene kanan, yomba prapra ene kaglande singa winge dungwa i kanaglkwa, Moses dumere ere ana ofa garatnga.&#8221; 45Ba yaglmo ende pindre boglo kuglko ana kamo andemagle-wai dungwa. Yegl orko Yesus taun prapra suna enambuka mere mango ye pi kamun bina dangine yomba moglkrimara wanmoglkwa. Ana igle yomba koglkoglo kikesi ye moglmara wu meglkwa.</div>
 </div>
 </div>
</div>

God Wam Yesus Krais pre, kamambuno wakai i mambuno boglkwa.
Propet Aisaia ka muno yegl boglkwa:
“God dungwa, Na kanna
kep yomba diendimbo
ene okuna yeite, ene
konbaunan akekun eretenambuka.”
“Makan waule suna
yomba ta wiyau endungwa,
‘Yaglkande pre konbaunamo
akekun eriyo. Ye unambuka
pre konbo si-ake du endiyo.’”
Ana yeglpre, Jon Baptais makan waule unongugl pi ye yomba dipene ende tongwa, “Ene nomano yake tendre baptais erimbi, God ene tandaglmeno koko ende tenambuka.” Ana Judia kamun yomba mundu-yene yeingo te Jerusalem dumo kande yomba prapra Jon kamo piramnedi kikesi ende moglmara pindre, ye yene tandaglmeno dipeglko ana ye Jodan Nigle yomba baptais eretongwa. Jon bugla-kamel yungo mina gaglsuna erikwa i ende-ende orkwa. Te bugla-kau nangiye kumagl ta dane mina suna engenge de wanmoglkwa. Te kaiya moknamo i mongondo ya te brume are nuglo ne-ne orkwa. Ye ka yegl dipene ende yomba tongwa, “Ba okuwo yomba ta unambuka i yombuglomo pai mitna ende na yombura i engrukwa. Na yagl wakai ta moglmbo kade goinge ere ye kagle towo mina kan-tonguma pangwa i na ta pirka sinaglka kuno erekrukwa. Na nigl mina ene baptais ereteinga, ba ye ene Holi Spirit mina baptais eretenambuka.”


Ana enge igle Yesus Nasaret kamun Galili dumo kindekondo ende ungo ana Jon eremogl Jodan Nigle suna ye baptais eretongwa. Ana Yesus oglandi nigle kondo ende menda undre, ye kango heven audungo ana Holi Spirit kua yumugl mereyegl ende atne ye moglmara ungwa. Ana heven imbo ka ta yegl dungwa, “Ene na Wana, na ene wakai kandre nomana wakai ene teinga.”


Ana oglandi Holi Spirit diendungo Yesus ende dumo waule suna ongwa. Ye igle wanmoglko ande enge 40 orkwa. Satan wu bagl nusinagledi ka kra merkinde poglkwa. Ye dua-kambu ya agl-bugla are bogl meglko ana angelo wu Yesus akeple dingwa.


Jon sikane yungu suna endigo, okuwo Yesus Galili kamun suna pi ana God kamo wakai dipene endungwa. Ye dungwa, “Enge kaima plau dungo ana God kingdomo ene mina mangigl ungwa, ene nomano yakete kamambuno wakai pirngi diyo!”


Yesus ende Galili Niglmong bina pindre, ye kango Saimon ya angigle Andru bogl fis gagl piyasi niglmong atne ende miurka. Sraglpre, ye fis ere simbrika yaglmo. Yesus yegl ditongwa, “Ene na mokonamugl wiro, na beke teimbo ene yomba ere-inambrika.” Ana ye oglandi fis ere simbrika gatno kindekondo ana omara embrika.
Ye kurita ende inda pindre kango, ana Sebedi wam Jems angigle Jon bogl, botno mina suna mogltre ye fis ere simbrika gatno simbogl akekun ere miurka. Ana ye kandre tambre kana agle dungo, yagl suwo neno Sebedi ya kongun di imbriko erikwa yomba bot mina suna akiye meglko kondo pandigl ana ye Yesus omara mokomugl ende embrika.


Ye ende Kaperneam kamun eingo ana Sabat enge yongwa, Yesus ende makai yungu yungugl pindre ana mambuno bogl ka beke tongwa. Yomba ka beke tongwa i pirtre sipuglo dingwa. Sraglpre, ye lo beke teingwa yomba dimere yegl manga. Ye yomba ta yombuglo gigledi kande pangwa mereyegl ta ka wakegagl ditongwa. Enge igle ye makaino yungu mina yagl ta spirit kinde moglkwa yungugl mogl ana kaglkane binan bogl yungwa. “Yesus Nasaret nem, ene sragl taragl ere noragledi une? Ene no erekinde ere nora pre un kana? Na ene pirpogl siga. Ene God Holi Yombamo!”
Yesus ka giglendi di spirit kinde tongwa, “Ene dran simundo ana yagl i mina kindekondo ende menda wo!” Spirit kinde yombuglo ere yagl i ake pur-dindre ana kaglkane kande ta dindre ye mina ende menda ungwa.
Yomba kindaginde yene sipuglodi kundugl dindre ye yene krapogl dipirkwa, “I sragl taragl? I ka kor ta beke dungwa. Yagl i yombuglo gigledi kande pangwa ipre ka dungo spirit kinde dumere pir kamo sika singwa.” Ye kamo boglo i tambre kana waidi Galili dumo mundu kuno orkwa.


Ye makai yungu kondo ende menda wingo, ye Jems ya Jon bogl akiye du yene endpi Saimon ya Andru yungunomugl eingwa. Saimon ambu imakiye kinde si nangiye ninga dungo bogl mina ugl pai moglkwa. Ana Yesus ende yungugl ongo, ye tambre kana ambu kinde sungwa ipre diteingwa. Ana Yesus ambumo pamara pi ye ongo ake ana ake bonduglkwa. Ambu nangiye ninga dungwa i dundungo ana ye mambuno bogl kaiya mokna yomba pre akekun ere tongwa.


Ande bei kamun pokndungo, yomba kinde singwa prapra ya spirit kinde bogl meglkwa yomba auro yu Yesus moglmara wingwa. Taun yomba mundu wu yungu dramugl makai singwa. Ana ye yomba kinde imbo kanekane sungwa erewakai ere tendre, spirit kinde merkinde simenda endungwa. Ba ye spirit kinde ka ta di dinaglmedi pre, angai tekrukwa. Sraglpre ye Yesus pirkan erikwa.


Kamun kor tange akemim ere pango, Yesus andigl yungu i kondo ende menda pi ana dumo wau yomara igle ye kamange orkwa. Saimon ya angiglma tau ye akiye wan eingwa, Yesus pre ende menda pi dokingwa. Ye kan indre yegl diteingwa, “Yomba prapra ene pre dokingwa!”
Ba Yesus di ikine endungwa, “Nono kamun tau yungu epigl mangigl yomara i endeinamga. Yungu ombuno igle ombugl na kamambuno dipene ende tenaglka. Na taragl ipre winga.” Yeglpre ye Galili kamun prapra wan wu ikine ikine pi, makai yungu yei-omara prapra kamambuno dipene ende te spirit simenda endungwa.


Yagl ta kaglande sungwa, Yesus moglmara undre goglko bondugl ana akeple dinarambedi pre anduwa yei dungwa, “Ene na erewakai ere naraglendi pitn kade, ene erewakai ere naro.”
Ana Yesus miriye kinde gogl ana ongo duglosi yaglmo akindre dungwa, “Na pirka, ene kinden pra wakai erambiwo.” Erme keme kaglande sungwa ikra dundungo ana ye nangiye winge dungwa.
Yesus ka giglendi kaima ditendre ana tambre-yene diendungwa. Ana Yesus ye ditongwa, “Ene yomba suwarata ditekratnga, ba ene du ende pris moglmara pindre ana nangin ombuno dimin. Ye ene kanan, yomba prapra ene kaglande singa winge dungwa i kanaglkwa, Moses dumere ere ana ofa garatnga.” Ba yaglmo ende pindre boglo kuglko ana kamo andemagle-wai dungwa. Yegl orko Yesus taun prapra suna enambuka mere mango ye pi kamun bina dangine yomba moglkrimara wanmoglkwa. Ana igle yomba koglkoglo kikesi ye moglmara wu meglkwa.

Phulaphula i Mak 1